JA̰A̰ 10:8 - Bibəl ta Sar̄

⁸ De gə̄ ń reēn̄ kété noḿ tə́ malang ní, nin̄ i ngé ɓogə gə̄ ō, ngé gān̄g róbə gə̄ ō, adə̄ batə̄ gə̄ oōn̄ najə̄ yādə́ alé.

Bible sar

⁸ De gə̄ ń reēn̄ kété noḿ tə́ malang ní, nin̄ i ngé ɓogə gə̄ ō, ngé gān̄g róbə gə̄ ō, adə̄ batə̄ gə̄ oōn̄ najə̄ yādə́ alé.

JA̰A̰ 10:8 Referans Kwoze

EJEKIEL 34:2

Ḭ̄ ngōn̄ deē, ə́da ngār kə́ Israel tə́ gə̄ najə̄ ń m-ə̄ndā taí tə́ ní. Ə́dádə́ na: Najə̄ ń Kɔ́ɔ̄ɓē Nə́ɓā ɔr̄ ní n toó: Sḭḭ̄ ngé kul̄ Israel gə̄, i yá̰á̰ kə́ to kum tō ndoō kə́ ba̰ý beē n i tām̄ yāsí tə́ ní! Sḭḭ̄ ā ə̄ndāī kumsí i gír rɔ̄sí sḭḭ̄ kɔ́ gə̄ tə́ ngóy! Majə kadə̄ ngé ngɔ̄m̄ yá̰a̰ kul̄ gə̄ əndān̄ kumdə́ gír batə̄ gə̄ tə́ alé a?

JA̰A̰ 10:1

Ādə̄ m-ə́dásí najə̄ kə́ bo ngá̰ý, nge ń udə kə ta róbə gɔng batə̄ gēé alé, ba al̄ i dɔ gɔng tə́ n jə̄ngā kemeé ní, i nge ɓogə ō, nge gān̄g róbə ō.

JEREMI 23:1

Yá̰á̰ kə́ to kum kaȳ aĺ a teē dɔ ngé kul̄ yá̰a̰ gə̄ ń əya̰n̄ yá̰a̰ kul̄ yāḿ gə̄ adə̄ ongə̄n̄ ō, tadə́ tḭ̄ḭ̄ ō ní. Najə̄ ń Kɔ́ɔ̄ɓē əda ní n noó.

KƏLA RĀĀ 5:36

Tɔdɔ̄ Tedas ń teē yān ní dan i ngá̰ý aĺ ɓáý. Ni ɔjə kadə̄ ni na i deē kógə̄ḿ kə́ bo, adə̄ de gə̄ kə́ asən̄ ɓú sɔ́ ń noō unən̄ gōn. Dan ń tɔ̄l̄nən̄ kɔ̄ɔ́ anī de gə̄ ń unən̄ gōn ní tə̄ndān̄ naā tḭ̄ḭ̄n̄ malang kɔ̄ɔ́, adə̄ gotədə́ to i karī.

JA̰A̰ 10:27

Batə̄ yāḿ gə̄ oōn̄ ndūḿ, ba mā m̄-ger̄də́ ō, nin̄-unən̄ gōḿ ō.

JA̰A̰ 10:5

A unən̄ gō de kə́ rang alé, a a̰ȳn̄ kɔ̄ɔ́, tām̄ gerə̄n̄ ndū de kə́ rang alé.

JAKARI 11:16

Tɔdɔ̄ m-ā m-ə́la kə nge kul̄ yá̰á̰ kə́ kijə kadə̄ reē kem ɓēé: Batə̄ gə̄ ń gətóon̄ kɔ̄ɔ́ ní, ni a əndā kumən gōdə́ tə́ aĺ ō, ngé gə̄ ń tadə́ tḭ̄ḭ̄ kɔ̄ɔ́ ní, ni a aw̄ ndəledə́ tə́ aĺ ō, ngé gə̄ ń əngen̄ do ní, ni a ndem̄ ta dodə́ aĺ ō, ngé gə̄ ń rɔ̄də́ ngan̄g ní, ni a adə̄də́ yá̰a̰ kəsa aĺ ō. Banī ni a əsa dā̰ ngé kə́ bo gə̄ ō, a ró̰ȳ hēl̄ njadə́ kɔ̄ɔ́ ō.

SOPONI 3:3

De kə́ bo yān gə̄ ton̄ i tītə̄ ɓɔl gə̄ kə́ a nōōn̄ beé ō, ngé sarya yān gə̄ ton̄ i tītə̄ soó gə̄ kə́ aw̄n̄ ndo̰ó̰ ta loo tíbə́ tə́, ba dəloí anī, yá̰a̰ kəsa yādə́ gətóo kɔ̄ɔ́ beē ō.