JA̰A̰ 10:5 - Bibəl ta Sar̄

⁵ A unən̄ gō de kə́ rang alé, a a̰ȳn̄ kɔ̄ɔ́, tām̄ gerə̄n̄ ndū de kə́ rang alé.

Bible sar

⁵ A unən̄ gō de kə́ rang alé, a a̰ȳn̄ kɔ̄ɔ́, tām̄ gerə̄n̄ ndū de kə́ rang alé.

JA̰A̰ 10:5 Referans Kwoze

JEJU TEĒ KUM JA̰A̰ 2:2

m̄-ger̄ yá̰a̰ rāāí gə̄ ō, kəla kə́ ngan̄g gə̄ ń ī-rāā ní ō, kəhɔ rɔ̄ tɔgə yāí ō, m̄-ger̄ kadə̄ ásə́ tə́gā taí dɔ ngé kem ndul gə̄ tə́ aĺ ō, ngé gə̄ ń ədan̄ na nin̄ na i ngámbang kəla gə̄ ba nin̄ i ngámbang kəla gə̄ aĺ ní, ḭ̄ ī-nāādə́ ba á̰a̰ā̰ kadə̄ nin̄ i ngé sor̄ gə̄ ō.

MARK 4:24

Ni ədadə́ ɓáý to̰ na: Ə̄ndāī ma̰ȳ yá̰á̰ ń ā oōī ní. A mbɔ̄jə́n̄ yá̰a̰ adə̄n̄sí i kem kār̄ tɔ̄jə̄ yá̰á̰ ń sḭḭ̄ ī-mbɔ̄jíīneé yá̰a̰ ādī tə́ ní ō, tá a adə̄n̄sí dɔ tə́ ɓáý to̰ ō.

Gōsə̄ najə̄ gə̄ 19:27

Ngōnə̄ḿ ré ī-lōō gír rāā yá̰á̰ ń yá̰á̰ ndóō ɔjə ní tə́ anī, ā ī-dáȳ sa̰y kadə najə̄ yā yá̰a̰ ger̄ tə́.

1 JA̰A̰ 2:21

Ré m̄-ndang makətūbə̄ m-ādə̄sí anī, i tām̄ ger̄ kə́ sḭḭ̄ ī-gerī najə̄ kə́ rɔ̄kum aĺ alé, banī i yā kədańsí na ī-gerī najə̄ kə́ rɔ̄kum ō, najə̄ kə́ sor̄ kógə̄ḿ kə́ teē dan najə̄ kə́ rɔ̄kum tə́ gətóo ō.

1 MBAN̄G GƏ̄ 22:7

Banī Josapat dəje na ké nge koō ta kə́ rang kə́ kadə̄ n-oōn̄ najə̄ kə́ ta Kɔ́ɔ̄ɓē tə́ tan tə́ ké gətóo wa.

1 JA̰A̰ 2:19

Nin̄-teēn̄ i danjí tə́, banī nin̄ i deē yājí gə̄ alé. Tām̄ ré nin̄ i deē yājí gə̄ anī, a ndin̄ sejí. Ba nge ń noō ɔjə kə̄ ndágá kadə̄ nin̄ i deē yājí gə̄ alé.

2 TIMOTE 4:3

Tɔdɔ̄ ndɔ̄ gə̄ a reēn̄ noó kadə̄ de gə̄ a ndigən̄ yá̰á̰ ndóō kə́ rɔ̄kum to̰ alé, ba a rāān̄ i yá̰á̰ ń kemdə́ gḛy ní. Adə̄ a ɔyn̄ ngé ndóōdə́ yá̰a̰ gə̄ kə́ kadə̄ a ndóōn̄də́ i yá̰á̰ ń nel̄də́ koō ní.

Najə̄ kə́ Majə yā Jeju ń Luk ndang ní 8:18

I beé ní á̰a̰ī loo koō ń ōōī loo ní majə. Tɔdɔ̄ deē ń i kə yá̰á̰ ní Nə́ɓā adə̄n madə̄ dɔ tə́. Ba deē ń i kə yá̰á̰ aĺ ní, yá̰á̰ ń ni-ɔjəń na i yá̰a̰ yān ní gə̄gē, Nə́ɓā a taā jīn tə́ kɔ̄ɔ́.

JA̰A̰ 10:4

Ni a rāā kadə̄ batə̄ yān gə̄ malang teēn̄ ndágá pá tá a njə̄rā kété nodə́ tə́ ō, batə̄ yān gə̄ a unən̄ gōn ō, tɔdɔ̄ nin̄-gerə̄n̄ ndūn.

JA̰A̰ 10:16

Batə̄ yāḿ kə́ rang gə̄ i noó ɓáý, ba nin̄ i kem gɔng ń toō tə́ alé, i gáŕ kadə̄ m̄-teē sedə́ ō. Nin̄ a oōn̄ ndūḿ, adə̄ a télən̄ ɓūtə̄ yá̰a̰ kul̄ kə́ kógə̄ḿ beē ō, nge kul̄də́ i kógə̄ḿ beē ō.