JA̰A̰ 10:37 - Bibəl ta Sar̄

³⁷ Ré m̄-rāā kəla gə̄ yā Bɔbə́ḿ aĺ anī, ī-lōōī taā kemḿ.

Bible sar

³⁷ Ré m̄-rāā kəla gə̄ yā Bɔbə́ḿ aĺ anī, ī-lōōī taā kemḿ.

JA̰A̰ 10:37 Referans Kwoze

JA̰A̰ 15:24

Nə́ngētə́ m̄-rāā kəla kə́ de kə́ rang rāā aĺ ɓáý dandə́ tə́ aĺ anī, majaĺ yādə́ a gətóo. Banī ngɔlaā nin̄-a̰a̰n̄ kəla rāāḿ gə̄ ba imə̄n̄jí mbak kə Bɔbə́ḿ.

JA̰A̰ 10:25

Jeju tél ədadə́ na: M-ə́dásí kɔ̄ɔ́ ɓá, banī sḭḭ̄ ī-taāī kemḿ alé. Kəla gə̄ ń m̄-rāā kə rī Bɔbə́ḿ ní ədan̄ najə̄ kə́ kum tə́ yāḿ.

JA̰A̰ 14:10

Ī-taā kem kadə̄ mā i kem Bɔbə́ḿ tə́ ō, Bɔbə́ḿ i kemḿ mā tə́ ō aĺ a? Najə̄ gə̄ ń m-ə́dásí ní, m-ə́dásí i kə dɔḿ mə̄kɔ́ alé, banī i Bɔbə́ḿ ń ndi kemḿ tə́ ní n rāā kəla yān gə̄ ní.

JA̰A̰ 10:32

Banī Jeju ədadə́ na: m̄-rāā kəla kə́ majə gə̄ i ngá̰ý ta kumsí tə́, kə ta kūl̄ tɔ́gə yā Bɔbə̄ Ngōnōó. Dan kəla gə̄ ngeé ń noō tə́ ní, i nge kə́ rá n ī-sāāī tə́nīm̄ kə mbalá yā tɔ̄lə̄m̄ najə̄n tə́ ní?

JA̰A̰ 5:31

Ré i mə̄kɔ́ n m-ɔ̄r̄ najə̄ kə́ kum tə́ dɔ rɔ̄ḿ tə́ anī, najə̄ kə́ kum tə́ yāḿ i kə́ rɔ̄ alé.