JA̰A̰ 10:36 - Bibəl ta Sar̄

³⁶ Ba mā ń Bɔbə́ḿ ɔrə̄m̄ tayā tām̄ yān tə́ ba əlam̄ dɔ nang tə́ ní, i ba̰ý n sḭḭ̄ ə́daī na m̄-tájə̄ Nə́ɓā kə najə̄ kɔrə̄ḿ tām̄ kəda kə́ m-ə́da na mā na i Ngōn̄ Nə́ɓā ní?

Bible sar

³⁶ Ba mā ń Bɔbə́ḿ ɔrə̄m̄ tayā tām̄ yān tə́ ba əlam̄ dɔ nang tə́ ní, i ba̰ý n sḭḭ̄ ə́daī na m̄-tájə̄ Nə́ɓā kə najə̄ kɔrə̄ḿ tām̄ kəda kə́ m-ə́da na mā na i Ngōn̄ Nə́ɓā ní?

JA̰A̰ 10:36 Referans Kwoze

JA̰A̰ 3:17

Tɔdɔ̄ Nə́ɓā əla kə Ngōn̄neé dɔ nang tə́ i yā gān̄g sarya dɔ de kə́ dɔ nang tə́ gə̄ tə́ alé, banī i yā kadə̄ de kə́ dɔ nang tə́ gə̄ ajən̄ kə ta kūl̄neé.

JEREMI 1:5

Pá tá kadə̄ m-ə̄ɓāī kem kó̰ó̰í tə́ ní, m̄-gerī kɔ̄ɔ́ ɓá. M-ɔ̄r̄ kamīí m-ə̄ndāī tayā kadə̄ ī-tél nge koō ta tām̄ yā nápar de gə̄ tə́.

JA̰A̰ 20:31

Banī ndangən̄ ngé gə̄ ń toō i yā kadə̄ ī-taāī kem kadə̄ Jeju i Kərist, ni i Ngōn̄ Nə́ɓā. Ba ré sḭḭ̄ ī-taāī kemən anī, ā ə́ngeī ndi kə kumuú kə ta kūl̄neé.

JA̰A̰ 6:27

Ī-lōōī rāā kəla tām̄ yā yá̰a̰ kəsa kə́ a nujə kɔ̄ɔ́ tə́, banī ī-rāāī kəla tām̄ yā yá̰a̰ kəsa kə́ a to tām̄ yā ndi kə kumuú kə́ ngándáńg tə́. Yá̰a̰ kəsa nge ń noō ní Ngōn̄ Deē a adə̄sí, tɔdɔ̄ i ni n Bɔbə̄n Nə́ɓā ɔjə kə̄ ndágá kadə̄ n-əla seneé rɔ̄kum ní.

Makətūbə̄ ń Pol ndang adə̄ Rom gə̄ ní 9:5

I nin̄ ɓáý to̰ n i ngán kaa ngé taā kem kə́ jóo gə̄ ní. Kə́ ta yā deē ndul gə̄ tə́ ɓáa Kərist i deē yādə́. Ni i dɔ yá̰a̰ gə̄ tə́ malang ō, i Nə́ɓā kə́ de gə̄ a tɔ̄ȳnən̄ ngándáńg ō. Adə̄ i tītə̄ ń noō.

Makətūbə̄ ń Pol ndang adə̄ Rom gə̄ ní 1:4

Ta yā Nə́ɓā tə́ ɓáa, Nə́ɓā ɔjə kadə̄ ni i Ngōnən i dan ń ni-ndólən dan de kə́ koy gə̄ tə́ kə tɔ́gə yā Ndíĺ kə́ Tálá ní.

JA̰A̰ 20:28

Toma tél ədan na: Kɔ́ɔ̄ɓē yāḿ ō, Nə́ɓā yāḿ ō.

JA̰A̰ 19:7

Jipə gə̄ tél ədanən̄ na: Jḭḭ j-aw̄ kə ndū najə̄ kógə̄ḿ, ba kə gō ndū najə̄ yājí ngeé ń toō ní sɔɔ̄ kadə̄ ni-oy, tɔdɔ̄ ni-rāā rɔ̄n i Ngōn̄ Nə́ɓā tə́.

JA̰A̰ 17:21

Ādə̄ nin̄ malang i de kə́ kógə̄ḿ beē. Tītə̄ ń ḭ̄ Bɔbə́ḿ, ḭ̄ i kemḿ mā tə́ ō, mā i kemií ḭ̄ tə́ ō ní, ādə̄ nin̄ i kemjí tə́ ō, yā kadə̄ de kə́ dɔ nang tə́ gə̄ taānəń kem kadə̄ i ḭ̄ n ə́lam̄ ní.

JA̰A̰ 17:18

Tītə̄ ń ə́lam̄ dɔ nang tə́ ní, m-ə́ládə́ dɔ nang tə́ ō.

JA̰A̰ 17:8

tɔdɔ̄ najə̄ ń ɔ̄r̄ seḿ ní, m-ɔ̄r̄ sedə́ ō, nin̄-taān̄ najə̄ ní ō. Nin̄-gerə̄n̄ kadə̄ rɔ̄kum m-ḭ́ḭ i rɔ̄í tə́ n m̄-reē ō, nin̄-taān̄ kem kadə̄ ə́lam̄ ō.

JA̰A̰ 6:69

Ba jḭḭ jə-taā kem ō, jə-ger̄ ō, kadə̄ ḭ̄ i nge kə́ táĺ yā Nə́ɓā.

JA̰A̰ 6:57

Ba tītə̄ ń Bɔbə́ḿ ń əlam̄ ní ndi kə kumneé ō, mā m̄-ndi kə kumḿ i kə ta kūl̄ Bɔbə́ḿ ō ní, deē ń əsam̄ ní a ndi kə kumneé kə kūlə̄ḿ mā ō.

JA̰A̰ 6:38

Tɔdɔ̄ m-ḭ́ḭ dɔ rā̰ tə́ m̄-reē dɔ nang tə́ i yā rāā yá̰a̰ kə gō kem ndigə yāḿ alé, banī i yā rāā yá̰a̰ kə gō kem ndigə yā Nge ń əlam̄ ní.

JA̰A̰ 5:30

Mā m-ásə rāā yá̰á̰ kógə̄ḿ kə dɔḿ alé, banī m̄-gān̄g sarya i kə gō koō ń m-ōō ní. Adə̄ sarya gāngə̄ḿ i gōtə́, tɔdɔ̄ m̄-sāā rāā yá̰a̰ kə gō kem ndigə yāḿ alé, banī i kə gō kem ndigə yā nge ń əlam̄ ní.

JA̰A̰ 3:34

Tɔdɔ̄ nge ń i Nə́ɓā n əlan ní, Nə́ɓā adə̄n Ndíl i kanjə̄ mbɔ̄jə́ ka̰ā̰, adə̄ a əda i najə̄ yā Nə́ɓā.

Najə̄ kə́ Majə yā Jeju ń Luk ndang ní 1:35

De kə́ dɔ rā̰ tə́ ní tél ədan na: Ndíĺ kə́ Táĺ a reē dɔí tə́ ō, tɔ́gə yā Nə́ɓā kə́ dɔɔ́ a il̄ dɔí tə́ nding ō. I tām̄ najə̄ ń noō tə́ n ngōn̄ ń ā ójən ní i de kə́ táĺ ō, a ɓāŕnən̄ na i Ngōn̄ Nə́ɓā ō ní.

MATIYE 27:43

Ni-əndā kemən dɔ Nə́ɓā tə́ mámák adə̄ əda na ni na i Ngōn̄ Nə́ɓā ní, ré Nə́ɓā tárən anī, ādə̄ taān jī yo tə́ kə́ ngɔr ń toō tə́.

PĀ GƏ̄ 2:2

Mban̄g gə̄ kə́ dɔ nang tə́ rāān̄ gō rɔ̄də́ yā rɔ̄ɔ̄. De kə́ bo gə̄ oōn̄ naā dɔ Kɔ́ɔ̄ɓē tə́ ō, dɔ mban̄g yān tə́ ō.

GALATƏ 4:4

Ba dan ń ndɔ̄ asə anī, Nə́ɓā əla Ngōnən adə̄ de kə́ dəyá̰ ojən. Ojənən̄ i dan ń ndū najə̄ i kɔ́ɔ̄ yá̰a̰ gə̄ tə́ ní,

Makətūbə̄ ń Pol ndang adə̄ Rom gə̄ ní 8:3

Tɔdɔ̄ yá̰á̰ ń ndū najə̄ asə rāā aĺ sɔɔ̄ń dā̰ rɔ̄ kə́ ɔr̄ tɔ́gən kɔ̄ɔ́ ní, Nə́ɓā rāā: Ni-əla Ngōnən kə dā̰ rɔ̄ kə́ tītə̄ yā ngé rāā majaĺ gə̄ ō, adə̄ Ngōnən ní kadə̄ tunə̄n̄ tām̄ yā majaĺ tə́ ō. I tītə̄ ń noō n ni-gāngəń sarya dɔ majaĺ ń to kem deē tə́ ní.

JA̰A̰ 8:42

Jeju tél ədadə́ na: Ré bɔbə̄sí i Nə́ɓā anī, ā ī-tármī, tām̄ m̄-teē i rɔ̄ Nə́ɓā tə́ n m̄-reē toó. m̄-reē i kə dɔḿ alé, banī i ni n əlam̄ ní.

MATIYE 27:54

Ngol áskar gə̄ ō, áskar gə̄ ń ngɔ̄mə̄n̄ Jeju seneé ní ō, a̰a̰n̄ dɔ nang ń ndebə ní ō, yá̰a̰ ń rāā yá̰á̰ ní ō anī, ɓōlə́n̄ ngá̰ý ba ədan̄ na: Deē ń toō i Ngōn̄ Nə́ɓā rɔ̄kum!

IJAI 55:4

Kété ní, m̄-rāā adə̄ ni i de kə́ kum tə́ yā tɔ́gə́ḿ tām̄ yā gír de gə̄ tə́, ni i ngār kə́ nge kəda kósə de kə́ kem ɓēé gə̄ yá̰á̰ kə́ yā rāā gə̄.

IJAI 42:3

Ni-tetə mu tə̄ɓā kə́ rugə alé. Ta ndo̰ hor kə́ tɔ́gən gətóó ń a o̰o̰ ɓáý ní, ni tɔ̄l̄ alé. Banī ni-rāā adə̄ de gə̄ gerə̄n̄ yá̰á̰ kə́ súmūú rɔ̄kum.

IJAI 42:1

Kɔ́ɔ̄ɓē əda na: Nge kəla yāḿ n toó, mā m-ə́hɔ ta jīn, i ni n m̄-gə̄rān kə rɔ̄nelēé ní. m̄-rāā adə̄ ndílə́ḿ reē dɔn tə́, yā kadə̄ ni rāań kadə̄ nápar de gə̄ gerə̄n̄ yá̰á̰ kə́ súmūú.

JA̰A̰ 10:35

Jə-ger̄ kadə̄ yá̰á̰ n makətūbə̄ yā Nə́ɓā əda ní, deē a ɔr̄ kɔ̄ɔ́ alé. De gə̄ ń Nə́ɓā ɔr̄ najə̄ sedə́ ní, ni-ɓāŕdə́ na i nə́ɓā gə̄.