JA̰A̰ 10:33 - Bibəl ta Sar̄

³³ Jipə gə̄ tél ədanən̄ na: J-a jə-tə́nāī kə mbalá yā tɔ̄lī i tām̄ kəla kə́ majə kógə̄ḿ tə́ alé, banī i tām̄ tájə̄ kə́ ī-tájə̄ Nə́ɓā tə́. Tɔdɔ̄ ḭ̄ ń i deē ndul ní, ī-rāā rɔ̄í Nə́ɓā tə́.

Bible sar

³³ *Jipə gə̄ tél ədanən̄ na: J-a jə-tə́nāī kə mbalá yā tɔ̄lī i tām̄ kəla kə́ majə kógə̄ḿ tə́ alé, banī i tām̄ tájə̄ kə́ ī-tájə̄ Nə́ɓā tə́. Tɔdɔ̄ ḭ̄ ń i deē ndul ní, ī-rāā rɔ̄í Nə́ɓā tə́.

JA̰A̰ 10:33 Referans Kwoze

JA̰A̰ 5:18

I tām̄ najə̄ ń noō tə́ n Jipə gə̄ sāān̄ tɔ̄lə̄n tɔȳ kə́ kété ɓáý ní. I tām̄ mān̄ ń ni-mān̄ dɔ ndū najə̄ yā ndɔ̄ sabat tə́ ní ngóy alé, banī i tām̄ kəda ń ni-əda na Nə́ɓā i Bɔbə̄n nəkɔ́ mámák ní ō, rāā ń ni-rāā rɔ̄n i de kə́ asən̄ naā kə Nə́ɓāá tə́ ní ō.

LEBI GƏ̄ 24:16

Deē ń a ndájə̄ najə̄ dɔ rī Kɔ́ɔ̄ɓē tə́ ní, a tɔ̄l̄nən̄ kɔ̄ɔ́. Ngán Israel gə̄ malang a tə́nīnən̄ kə mbalá yā tɔ̄l̄ən. Ká deē ní i tə̄rā, aké ni i de kə́ Israel tə́ gə̄gē anī, a tɔ̄l̄nən̄ kɔ̄ɔ́, tām̄ ni ndájə̄ najə̄ dɔ rī Kɔ́ɔ̄ɓē tə́.

JA̰A̰ 10:30

Mā ō Bɔbə̄ Ngōn̄ ō ní, jḭḭ i kógə̄ḿ beē.

PILIPƏ 2:6

Ni ō Nə́ɓā ō i de kə́ kógə̄ḿ beē gə̄. Banī kasə ń nin̄-asən̄ naā kə Nə́ɓāá ní, ni-aw̄ gírí alé.

Makətūbə̄ ń Pol ndang adə̄ Rom gə̄ ní 13:1

Ādə̄ de gə̄ kógə̄ḿ kógə̄ḿ sɔlə̄n̄ dɔdə́ kə̄ no ngé ko̰o̰ ɓē gə̄ tə́. Tɔdɔ̄ ko̰o̰ ɓē i jīdə́ tə́. Tɔdɔ̄ ngār, i Nə́ɓā n əndā ō, ngé gə̄ ń ndin̄ ngār ní, i Nə́ɓā n əndādə́ dɔ madə̄də́ gə̄ tə́ ō ní. Tām̄ ko̰o̰ ɓē malang ḭḭ i rɔ̄ Nə́ɓā tə́ ō, ngé gə̄ ń ko̰o̰ ɓē i jīdə́ tə́ ní, i Nə́ɓā n əndādə́ kem kəla ko̰o̰ ɓē ní tə́ ō.

PĀ GƏ̄ 82:6

M-ə́dá wáńg na sḭ́ḭ̄ i nə́ɓā gə̄, sḭḭ̄ malang i ngáń kem Nə́ɓā kə́ dɔɔ́ sa̰y ngá̰ý,

1 MBAN̄G GƏ̄ 21:10

Əndāī de kə́ ngé rāā yá̰a̰ gōtə́ aĺ gə̄ jōó non tə́ ādə̄ ədan̄ najə̄ ń toō dɔn tə́: ni na ndɔ̄ĺ Nə́ɓā ō, na ndɔ̄ĺ mban̄g ō. Gō tə́ anī ī-teēī seneé gidə ɓē tə́ ndágá ba ī-tə́nāin̄ kə mbalá ādə̄ oy.

LEBI GƏ̄ 24:14

Ī-teē kə nge tájə̄ ndū ní gidə ɓē tə́ ndágá, ba de gə̄ malang ń oōn̄ najə̄ kɔrən̄ ní a əndān̄ jīdə́ dɔn tə́ ō, ngán Israel gə̄ malang a tə́nīnən̄ kə mbalá yā tɔ̄lən ō.

JA̰A̰ 10:24

Anī Jipə gə̄ reē gīrə̄n̄ gidən ba ədanən̄ na: Ā ī-rāājí adə̄ kemjí a tɔ́sə̄jí beē i bátə́ ta kə́ rá? Ré ḭ̄ i Kərist anī ə́dájí wáńg.

JA̰A̰ 10:32

Banī Jeju ədadə́ na: m̄-rāā kəla kə́ majə gə̄ i ngá̰ý ta kumsí tə́, kə ta kūl̄ tɔ́gə yā Bɔbə̄ Ngōnōó. Dan kəla gə̄ ngeé ń noō tə́ ní, i nge kə́ rá n ī-sāāī tə́nīm̄ kə mbalá yā tɔ̄lə̄m̄ najə̄n tə́ ní?

JA̰A̰ 19:7

Jipə gə̄ tél ədanən̄ na: Jḭḭ j-aw̄ kə ndū najə̄ kógə̄ḿ, ba kə gō ndū najə̄ yājí ngeé ń toō ní sɔɔ̄ kadə̄ ni-oy, tɔdɔ̄ ni-rāā rɔ̄n i Ngōn̄ Nə́ɓā tə́.