JA̰A̰ 10:30 - Bibəl ta Sar̄

³⁰ Mā ō Bɔbə̄ Ngōn̄ ō ní, jḭḭ i kógə̄ḿ beē.

Bible sar

³⁰ Mā ō Bɔbə̄ Ngōn̄ ō ní, jḭḭ i kógə̄ḿ beē.

JA̰A̰ 10:30 Referans Kwoze

JA̰A̰ 14:9

Jeju ədan na: Pilipə, m̄-ndi sesí dan i ngá̰ý, ba ī-gerə̄m̄ aĺ a? Deē ń a̰a̰m̄ ní, a̰a̰ i Bɔbə́ḿ. I ba̰ý á ə́da na kə m-ɔ́jə́sí kə Bɔbə́ḿ ní?

JA̰A̰ 5:23

yā kadə̄ de gə̄ malang rɔȳn̄ Ngōn̄ tītə̄ ń rɔȳn̄neé Bɔbə̄ Ngōn̄ ní. Nge ń rɔȳ Ngōn̄ aĺ ní, a rɔȳ Bɔbə̄ Ngōn̄ ń əla Ngōn̄ ní aĺ ō.

MATIYE 28:19

Ní, āwī kə̄ dan nápar de gə̄ tə́ malang, ī-rāāī ādə̄ de gə̄ télən̄ ngé ndóō yá̰a̰ yāḿ gə̄. Ī-rāāīdə́ batém kə rī Bɔbə̄ Ngōn̄ ō, Ngōn̄ ō, Ndíĺ kə́ Táĺ ō.

JA̰A̰ 14:23

Jeju tél ədan na: Ré deē kógə̄ḿ tárəm̄ anī, a rāā yá̰a̰ gə̄ ń najə̄ yāḿ əda ní. Adə̄ Bɔbə́ḿ a tárən ō, j-a jə-reē rɔ̄n tə́ ō, j-a jə-ndi looneé ō.

JA̰A̰ 8:58

Jeju tél ədadə́ na: Ādə̄ m-ə́dásí najə̄ kə́ bo ngá̰ý, kété tá kadə̄ ojən̄ Abəraham ní, Mā i Mā ń m̄-ndi noó ní kɔ̄ɔ́.

JA̰A̰ 5:17

Banī Jeju tél ədadə́ na: Bátə́ ngɔlaā ní Bɔbə́ḿ ndi i kə kəlaá jīn tə́, adə̄ mā m̄-ndi i kə kəlaá jīḿ tə́ ō.

MATIYE 11:27

Bɔbə́ḿ əla yá̰a̰ malang gír jīḿ tə́. Deē kógə̄ḿ kə́ gerə̄m̄ mā Ngōnən gətóo, ba i Bɔbə́ḿ nəkɔ́ tá ngóy ō, deē kógə̄ḿ kə́ ger̄ Bɔbə́ḿ gətóo, ba i mā Ngōnən nəkɔ́ tá ngóy ō, deē ń mə̄kɔ́ ngōn̄ m̄-ndigə teē kumən dɔn tə́ ní tá ngóy ō.

1 JA̰A̰ 5:20

Jə-gerī kadə̄ Ngōn̄ Nə́ɓā reē ō, ni-adə̄jí kur̄ dɔ kə́ kadə jə-gerīneé De kə́ Rɔ̄kum ō. Banī jḭḭ̄ i kem De kə́ Rɔ̄kum tə́ i kə ta kūl̄ Ngōnən Jeju Kərist. Ni i De kə́ Rɔ̄kum ō, ni i Nə́ɓā ō, ni i ndi kə kumuú kə́ ngándáńg ō.

TITƏ 2:13

Majə kadə̄ jə-ngóōī rɔ̄nel̄ ń j-əndāī kemjí dɔ tə́ ní i tītə̄ ń noō. Ndɔ̄ ngeé ń noō tə́ ní, kɔsə gɔn yā Nə́ɓā yājí kə́ bo ō, kə́ nge kajəjí ō ń i Jeju Kərist ní, a ɔjə rɔ̄n kə̄ ndágá.

JA̰A̰ 17:10

Ba yá̰a̰ malang ń i yāḿ ní i yāí ō, yá̰a̰ yāí malang i yāḿ ō, kɔsə gɔn yāḿ ɔjə rɔ̄n kə̄ ndágá rɔ̄də́ tə́ ō.

1 TIMOTE 3:16

Rɔ̄kum, yá̰á̰ kə́ to loo mundə̄ tə́ ń taā kem adə̄jí ní, i yá̰á̰ kə́ bo ngá̰ý. Kərist tél deē, ɔjəń rɔ̄n kə̄ ndágá adə̄ de gə̄ a̰a̰nən̄, Ndíl kə́ Táĺ teē kum de gə̄ dɔ tə́ kadə̄ ni i de kə́ gōtə́ ō, de kə́ dɔ rā̰ tə́ gə̄ a̰a̰nən̄ ō, de gə̄ ənīn̄ mbēr̄ najə̄ yān dan gíŕ nápar de gə̄ tə́ ō, de gə̄ taān̄ kemən dɔ nang tə́ laā ō, ɔsənən̄ kə̄ dɔɔ́ ɔsən̄neé gɔnən ō.

JA̰A̰ 16:15

Yá̰a̰ yā Bɔbə́ḿ malang i yāḿ. I tām̄ najə̄ ń noō tə́ n m-ə́da na ni a taā dām̄ yá̰á̰ yāḿ yā kədasí ní.

1 JA̰A̰ 5:7

Tɔdɔ̄ ngé kəda najə̄ kə́ kum tə́ gə̄ i mətá:

NDŪ NAJƏ̄ 6:4

Israel gə̄, ōōī majə: I Kɔ́ɔ̄ɓē kal kógə̄ḿ beē ngóy n i Nə́ɓā yājí ní.

JA̰A̰ 10:29

Bɔbə́ḿ ń adə̄m̄ sedə́ ní i kə́ bo tɔȳ yá̰a̰ malang, ba de kə́ asə taā yá̰a̰ jī Bɔbə̄ Ngōn̄ tə́ gətóo.

JA̰A̰ 10:36

Ba mā ń Bɔbə́ḿ ɔrə̄m̄ tayā tām̄ yān tə́ ba əlam̄ dɔ nang tə́ ní, i ba̰ý n sḭḭ̄ ə́daī na m̄-tájə̄ Nə́ɓā kə najə̄ kɔrə̄ḿ tām̄ kəda kə́ m-ə́da na mā na i Ngōn̄ Nə́ɓā ní?