JA̰A̰ 10:2 - Bibəl ta Sar̄

² Ba deē ń udə kem gɔng batə̄ gə̄ tə́ i kə ta róbə́ kə́ yā kudəń kem gɔngɔɔ́ ní, ní i nge kul̄ batə̄ gə̄.

Bible sar

² Ba deē ń udə kem gɔng batə̄ gə̄ tə́ i kə ta róbə́ kə́ yā kudəń kem gɔngɔɔ́ ní, ní i nge kul̄ batə̄ gə̄.

JA̰A̰ 10:2 Referans Kwoze

JA̰A̰ 10:14

Mā i nge kul̄ kə́ majə, adə̄ m̄-ger̄ batə̄ yāḿ gə̄ ō, nin̄-ger̄mə̄n̄ ō,

KƏLA RĀĀ 20:28

Ī-ndiī dɔ rɔ̄sí tə́ majə ī-ngɔ̄mīneé rɔ̄sí sḭḭ̄ kɔ́ gə̄ ō, ī-ngɔ̄mīneé yá̰a̰ kul̄ gə̄ malang ń Ndíĺ kə́ Táĺ adə̄sí kadə̄ ī-ngɔ̄mī ní ō. Á̰a̰ī gō ngé kán̄ naā gə̄ yā Kɔ́ɔ̄ɓē ń nəkɔ́ mangdə́ kə mósəneé ní.

1 PIYER 5:4

Dan ń ngār kə́ bo yā ngé kul̄ yá̰a̰ gə̄ a teē hɔy anī, sḭḭ̄ ā ə́ngeī jākā mbang kə́ to kɔsə gɔn ń gíŕ ndə́lēn a gān̄g aĺ bátə́ ní.

PĀ GƏ̄ 23:1

Pā yā Dabid. Kɔ́ɔ̄ɓē i nge kulə̄ḿ, adə̄ m-ā m̄-nal̄ yá̰a̰ alé.

IJAI 40:11

Ni ngɔ̄m̄ ɓūtə̄ yá̰a̰ kul̄ yān gə̄ tītə̄ nge ngɔ̄m̄ yá̰a̰ kul̄ gə̄ beé. Ni wél̄ jīn anī ɓūtə̄ yá̰a̰ kul̄ yān gə̄ kánə̄n̄ naā. Ni ətō ngán batə̄ gə̄ kem jīn tə́. Kó̰o̰ batə̄ gə̄ ń ngáńdə́ a ilən̄ mba ní, ni-njə̄rā sedə́ jəke jəke ɔrəńdə́ ta róbə.

KOHELET 12:11

Najə̄ kɔr̄ ngé kum kedə̄ gə̄ to i tītə̄ kāgə̄ kə́ ta katə gə̄ ō. Gosə̄ najə̄ kə́ kɔsə nja naā tə́ gə̄ ton̄ i tītə̄ máyá̰ gə̄ kə́ udən̄ majə ō. Yá̰á̰ ń nge kul̄ kə́ kógə̄ḿ beē adə̄ karī ní n noó.

HEBƏRO 13:20

I kə ta kūl̄ mósə yā madə̄ naā kə́ a to ngándáńg n Kɔ́ɔ̄ɓē yājí Jeju Kərist i nge kul̄ kə́ bo yā batə̄ gə̄ ní. Nə́ɓā kə́ nge kadə̄ kem sɔl̄ lɔm ndólə̄n dan de kə́ koy gə̄ tə́ kɔ̄ɔ́.

1 TIMOTE 4:14

Yá̰á̰ ń Nə́ɓā adī karī, kə ta kūl̄ najə̄ kə́ ni-əndā ta ngé koō ta yān gə̄ tə́ adə̄ ədan̄ tām̄ yāí tə́ ní ō, kə ta kūl̄ kəndā kə́ kum kɔ̄ɔ́ gə̄ əndān̄ jīdə́ dɔí tə́ ō ní, ī-lōō kídə̄ yá̰á̰ ní.

JA̰A̰ 10:9

Mā i ta gɔng. Ré deē udə kem gɔngɔɔ́ kə ta kūlə̄ḿ anī, a ajə. Ni a udə ō, a teē ō, a ənge yá̰a̰ kəsa ō.

JA̰A̰ 10:7

Jeju ədadə́ ɓáý to̰ na: Ādə̄ m-ə́dásí najə̄ kə́ bo ngá̰ý, mā i ta gɔng batə̄ gə̄.

JAKARI 11:8

Kem nāā kógə̄ḿ ní, m-ɔ̄r̄ ngé kul̄də́ gə̄ mətá kem kəlaá kɔ̄ɔ́. Gō tə́ anī, m̄-tə́gā taḿ sétə́ dɔ batə̄ gə̄ tə́ ō, nin̄ batə̄ gə̄ asən̄ tə́gā tadə́ dɔḿ mā tə́ to̰ aĺ ō.

JAKARI 11:5

Ngé mangdə́ gə̄ tɔ̄lə̄n̄də́, ba ɔjənə̄ń na n rāān̄ yá̰á̰ kógə̄ḿ kə́ majaĺ aĺ ō, ngé gātə̄ sedə́ gə̄ ədan̄ na ādə̄ jə-rāāī Nə́ɓā kə́ra, tām̄ jə-téliī ngé kənge yá̰a̰ gə̄ kɔ̄ɔ́ ō! Ngé kul̄də́ gə̄gē a kumdə́ o̰o̰də́ tām̄ yādə́ tə́ aĺ ō.

JAKARI 11:3

Ōōī ndū ngé kul̄ gír de gə̄ loo nōō tə́, tɔdɔ̄ tɔ́gə́də́ gətóo kɔ̄ɔ́. Ōōī ndū balsáa ɓɔl gə̄ loo nōō tə́, tɔdɔ̄ túpə́ kámbə yādə́ kə́ majə ngá̰ý gə̄ ń ran̄ kə gō kadə ba Jurdḛ ní, nujənə̄ń kɔ̄ɔ́.

EJEKIEL 34:23

I nge ngɔ̄m̄ yá̰a̰ kul̄ gə̄ kə́ kal kógə̄ḿ beē ngóy n m-ā m-ə̄ndān dɔ yá̰a̰ kul̄ yāḿ gə̄ tə́ kadə̄ a̰a̰ gōdə́ ní. Ndɔ̄ ń tə́ ni i mban̄g kə́ tītə̄ nge kəla yāḿ Dabid. Ni a a̰a̰ gō dā̰ gə̄ kə́ dan yá̰a̰ kul̄ gə̄ tə́ ō, ni i nge kul̄də́ ō.

PĀ GƏ̄ 80:1

Pā kə́ kem makətūbə̄ yā ngār yā gōsə̄ pā gə̄ tə́. A dānə̄n̄ gō i kə kəndeé. I pā kə́ kadə̄ əgań kem deē dɔ yá̰á̰ kə́ rāā yá̰á̰ tə́. I pā yā Asap.

JEJU TEĒ KUM JA̰A̰ 1:20

Ba tə́yō̰ kə́ sīrí gə̄ ń á̰á̰də́ jī ko̰ḿ tə́ ō, ɗəra hor kə́ sīrí gə̄ kə́ rāā kə lɔ́rɔ́ ō ń i yá̰a̰ gə̄ kə́ ton̄ loo mundə̄ tə́ ní, kumdə́ n toó: Tə́yō̰ kə́ sīrí gə̄ ní i de kə́ dɔ rā̰ tə́ gə̄ yā Egəlijə kə́ sīrí gə̄ ō, ɗəra hor kə́ sīrí gə̄ ní, i Egəlijə kə́ sīrí gə̄ ō.

1 PIYER 2:25

Tām̄ kété ní ī-toī i tītə̄ batə̄ kə́ ta tḭ̄ḭ̄ gə̄ beé. Ba ngɔlaā ní, sḭḭ̄ ī-tūrī rɔ̄sí kə̄ rɔ̄ nge kul̄sí tə́ ō, nge ngɔ̄m̄sí tə́ ō.

TITƏ 1:5

M-ə́ya̰ī gō nang kə́ Kəretə tə́ i yā kadə̄ ə̄ndā dɔ yá̰a̰ gə̄ ń na̰yn̄ ɓáý ní danaá kə gōó ō, kadə̄ ə̄ndā kum kɔɔ̄ gə̄ kə dɔ ɓē gə̄ kógə̄ḿ kógə̄ḿ tītə̄ ń m-ə́daīń ní ō.

JAKARI 13:7

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda wáńg ní n toó: Kaskar, ī-ndól̄ dɔ ɓīī tə́, ba ī-rɔ̄ɔ̄ nge kul̄ yá̰a̰ yāḿ, ī-rɔ̄ɔ̄ madə̄ taḿ ń əhɔ rɔ̄n tɔgə ngá̰ý ní. Ī-tɔ̄l̄ nge kul̄ yá̰a̰, loo ń noō tə́ batə̄ gə̄ a aw̄n̄ kə̄ loo gə̄ tə́ ō, yá̰a̰ kul̄ kə́ dūú gə̄ kə́ dan ɓūtə̄ yá̰a̰ kul̄ tə́ ní, m-ā m-ə̄nīdə́ rɔ̄ɔ̄ ō.

MISE 5:5

Nin̄ a taān̄ dɔ nang kə́ Asiri ń i dɔ nang yā Nemrod ní, kə ta kūl̄ yá̰a̰ rɔ̄ɔ̄ yādə́ gēé ō, a ndin̄ dɔ tə́ ō. Ngār ń ənīn̄ ndūdə́ najə̄ yān tə́ ní, a taājí jī Asiri gə̄ tə́ yā kəya̰jí dɔɔ́, loo ń nin̄ a mānə̄n̄ dɔ nin̄ dɔ nang yājí gə̄ ō, a udən̄ dɔ nang yājí tə́ ō ní.

IJAI 63:11

Loo ń noō tə́ əga kem gír deē yān gə̄ dɔ yá̰á̰ kə́ mān̄ kɔ̄ɔ́ tə́, dɔ ɓāl̄ gə̄ ń Moijə i sedə́ tə́ ní: Nge ń teē kə gír deē yān gēé kum bā bo tə́ ní, kə ɓūtə̄ yá̰a̰ kul̄ yān gēé naā tə́ kə ngé ngɔ̄m̄ yá̰á̰ kul̄ yān gēé ní, ni i rá? Nge ń əndā ndílən dɔ dáńdə́ tə́ ní ni i rá?

MATIYE 15:11

I yá̰á̰ ń udə ta deē tə́ ní n a rāā deē kadə̄ tél de kə́ yḛr ní alé, ba i yá̰á̰ ń a teē tan tə́ kə̄ ndágá ní n a rāān kadə̄ ni-tél de kə́ majaĺ tákə̄n ní.