JA̰A̰ 10:16 - Bibəl ta Sar̄

¹⁶ Batə̄ yāḿ kə́ rang gə̄ i noó ɓáý, ba nin̄ i kem gɔng ń toō tə́ alé, i gáŕ kadə̄ m̄-teē sedə́ ō. Nin̄ a oōn̄ ndūḿ, adə̄ a télən̄ ɓūtə̄ yá̰a̰ kul̄ kə́ kógə̄ḿ beē ō, nge kul̄də́ i kógə̄ḿ beē ō.

Bible sar

¹⁶ Batə̄ yāḿ kə́ rang gə̄ i noó ɓáý, ba nin̄ i kem gɔng ń toō tə́ alé, i gáŕ kadə̄ m̄-teē sedə́ ō. Nin̄ a oōn̄ ndūḿ, adə̄ a télən̄ ɓūtə̄ yá̰a̰ kul̄ kə́ kógə̄ḿ beē ō, nge kul̄də́ i kógə̄ḿ beē ō.

JA̰A̰ 10:16 Referans Kwoze

IJAI 56:8

Kɔ́ɔ̄ɓē Nə́ɓā, ni ń ɔsə nja ngán Israel gə̄ kə́ aw̄n̄ sedə́ dɔ ɓē kə́ rang tə́ dɔ gúú tə́ kə̄ naā tə́ ní, əda kə̄ ndágá wáńg na: M-ɔ́sə njadə́ kə̄ naā tə́ kɔ̄ɔ́ ɓá ō, m-ā m-ɔ́sə nja kə́ rang gə̄ kə̄ naā tə́ ɓáý to̰ ō.

1 PIYER 2:25

Tām̄ kété ní ī-toī i tītə̄ batə̄ kə́ ta tḭ̄ḭ̄ gə̄ beé. Ba ngɔlaā ní, sḭḭ̄ ī-tūrī rɔ̄sí kə̄ rɔ̄ nge kul̄sí tə́ ō, nge ngɔ̄m̄sí tə́ ō.

JA̰A̰ 11:52

I tām̄ yā Jipə gə̄ tə́ ngóy alé, i tām̄ yā kánə̄ń nja ngáń Nə́ɓā gə̄ ń tḭ̄ḭ̄n̄ naā kə̄ loo gə̄ tə́ ní, kadə̄ télən̄ de kə́ kógə̄ḿ beē.

EJEKIEL 34:23

I nge ngɔ̄m̄ yá̰a̰ kul̄ gə̄ kə́ kal kógə̄ḿ beē ngóy n m-ā m-ə̄ndān dɔ yá̰a̰ kul̄ yāḿ gə̄ tə́ kadə̄ a̰a̰ gōdə́ ní. Ndɔ̄ ń tə́ ni i mban̄g kə́ tītə̄ nge kəla yāḿ Dabid. Ni a a̰a̰ gō dā̰ gə̄ kə́ dan yá̰a̰ kul̄ gə̄ tə́ ō, ni i nge kul̄də́ ō.

EJEKIEL 37:24

Ā ə́ngeī mban̄g kə́ tītə̄ nge kəla yāḿ Dabid beē. I ni kógə̄ḿ beē n i nge kul̄sí malang ní. Ā ī-ɓōlíī gidə ndū najə̄ yāḿ gə̄ ō, ā ī-ngɔ̄mī jī bēl̄ loo rāā yá̰a̰ yāḿ gə̄ ō, ā ī-rāāī yá̰a̰ i kə jī bēl̄ loo rāān yāḿ gə̄ ō.

JA̰A̰ 6:37

De gə̄ malang ń Bɔbə́ḿ adə̄m̄ sedə́ ní, a reēn̄ rɔ̄ḿ tə́, ba deē ń reē rɔ̄ḿ tə́ ní, m-ā m̄-tə̄ɓān ndágá alé.

JA̰A̰ 10:27

Batə̄ yāḿ gə̄ oōn̄ ndūḿ, ba mā m̄-ger̄də́ ō, nin̄-unən̄ gōḿ ō.

JA̰A̰ 10:11

Mā i nge kul̄ kə́ majə. Nge kul̄ kə́ majə adə̄ rɔ̄n yo tām̄ yā batə̄ yān gə̄ tə́.

JEJU TEĒ KUM JA̰A̰ 3:20

Á̰a̰ā̰, m̄-ra ta róbə́ kújə́ tə́ ba m̄-gógə̄ ta kújə. Ré deē kógə̄ḿ oō ndūḿ ba teē ta kújə́ anī, m-ā m-údə gōn tə́ ō, m-ā m-ə́sá yá̰a̰ seneé ō, ni a əsa yá̰a̰ seḿ ō.

1 PIYER 2:10

Kété ní sḭḭ̄ i gír de gə̄ yā Nə́ɓā alé, banī ngɔlaā sḭḭ̄ i gír deē yān gə̄. Kété ní Nə́ɓā a̰a̰ kum tō ndoō yāsí alé, ba ngɔlaā ní ni-a̰a̰ kum tō ndoō yāsí.

2 TESALONIK 2:13

Banī jḭḭ ní, majə kadə̄ jə-ndadə̄ Nə́ɓā ngándáńg tām̄ yāsí sḭḭ̄ ngákó̰ó̰jí gə̄ ń Kɔ́ɔ̄ɓē táŕsí ngá̰ý ní tə́. Tɔdɔ̄ Nə́ɓā gə̄rāsí ta kəla gíŕ tə́, i yā kadə̄ ajən̄sí kə ta kūl̄ Ndíĺ ń i nge kɔr̄ kam̄ de gə̄ tayā ní ō, kə ta kūl̄ taā kem najə̄ kə́ rɔ̄kum ō.

MATIYE 17:5

Dan ń a ɔr̄ najə̄ kə̄ tan tə́ ɓáý anī, kil̄ man̄ kógə̄ḿ kə́ ndə́lē reē utə̄ dɔdə́ kɔ̄ɔ́. Anī ndū deē kógə̄ḿ ɔr̄ najə̄ dan kil̄ man̄ ní tə́, əda na: Nge ń toō i Ngōn̄ kó tár yāḿ ń rɔ̄nel̄ yāḿ malang i dɔn tə́ ní. Ōōī najə̄ yān.

PĀ GƏ̄ 86:9

Kɔ́ɔ̄ɓē, gíŕ nápar de gə̄ malang ń ī-rāādə́ ní, a reēn̄ yā kɔsə nodə́ nang tə́ noí tə́ ō, yā tɔ̄ȳ rīí ō.

KƏLA RĀĀ 22:14

Ni-əda ɓáý to̰ na: Nə́ɓā yā kaají gə̄ gə̄rā əndāī dɔ jīn kadə̄ ī-ger̄ yá̰á̰ ń kemən ndigə ní ō, kadə̄ á̰a̰ nge kə́ kal kógə̄ḿ beē ń ni i de kə́ sew ní ō, kadə̄ ōō najə̄ kə́ tan tə́ ō.

KƏLA RĀĀ 18:10

tɔdɔ̄ mā i seí. De kə́ asə kəhɔī yā rāāī yá̰á̰ kə́ majaĺ gətóo, tɔdɔ̄ deē yāḿ gə̄ i ngá̰ý kem ɓē ń toō tə́.

KƏLA RĀĀ 15:14

Simo̰ ter̄ kemjí dɔ kəndā ń Nə́ɓā əndā kumən gír de gə̄ ń i Jipə aĺ gə̄ tə́ ní. Ni gə̄rā de gə̄ dandə́ tə́ ta kəla gíŕ tə́ kadə̄ nin̄ i gír deē yān gə̄.

JAKARI 2:11

De kə́ Jerusalem gə̄, āwī! Sḭḭ̄ ń ī-ndiī Babilon ní, āwī láẃ!

EJEKIEL 37:22

M-ā m̄-rāāsí kadə̄ ā ī-téliī nápar de gə̄ kə́ kógə̄ḿ beē gə̄ dɔ mbal̄ gə̄ kə́ Israel tə́ tə́. Sḭḭ̄ malang ní, mban̄g yāsí i kógə̄ḿ beē. Ā ī-rāāī ɓē gír jōó to̰ aĺ ō, ā ī-kēgī naā kem ɓē ko̰o̰ gə̄ kə́ gír jōó tə́ to̰ aĺ ō.

IJAI 52:10

Ni ɔjə tɔ́gən kə́ táĺ ta kum nápar de gə̄ tə́ malang ō, de gə̄ a̰a̰n̄ loo kajə ń Nə́ɓā yājí a ajəjí ní bátə́ ta ngóy dɔ nang tə́ ō.

IJAI 49:6

Ni ədam̄ na: Ḭ̄ ī-rāā kəla yāḿ, i yā kunəń gír ɓē gə̄ yā Israel dɔɔ́ ō, i yā tél reēń kə ngé gə̄ ń teēn̄ ta yo tə́ ní dan gír de gə̄ yā Jakob tə́ ō. Ba nge ń noō asə aĺ ɓáý. M-ā m̄-rāāī loo kə́ unjə̄ kow yā gotə nápar de gə̄ tə́, yā kadə̄ kajə kə́ mā m-ájə deē aw̄ bátə́ ugə̄ ta ngóy dɔ nang tə́.

IJAI 43:6

M-ə́dá mbɔ́r ɓē kə́ ko̰ó̰ na ī-tél ādə̄m̄ sedə́ ō, m-ə́dá mbɔ́r ɓē kə́ geleé na ī-lōō kəhɔdə́ gotoó ō. Ngánə́ḿ kə́ dəngam gə̄ ń ndin̄ ɓē kə́ sa̰y gə̄ ń toō tə́ ní, ī-tél ī-reēī sedə́ ādə̄mī ō, ngánə́ḿ kə́ dəyá̰ gə̄ ń ndin̄ ta ngóy dɔ nang tə́ ní, ī-tél ī-reēī sedə́ ādə̄mī ō.

KOHELET 12:11

Najə̄ kɔr̄ ngé kum kedə̄ gə̄ to i tītə̄ kāgə̄ kə́ ta katə gə̄ ō. Gosə̄ najə̄ kə́ kɔsə nja naā tə́ gə̄ ton̄ i tītə̄ máyá̰ gə̄ kə́ udən̄ majə ō. Yá̰á̰ ń nge kul̄ kə́ kógə̄ḿ beē adə̄ karī ní n noó.

TA KƏLA 49:10

Kāgə̄ mban̄g a teē jī Juda tə́ aĺ ō, kāgə̄ ngār a ɔr̄ gír njan tə́ aĺ ō, bátə́ kadə̄ deē ń i kɔ́ɔ̄n, kə́ gír de kə́ dɔ nang tə́ gə̄ malang a oōn tan ní reē ugə̄ń.

HEBƏRO 13:20

I kə ta kūl̄ mósə yā madə̄ naā kə́ a to ngándáńg n Kɔ́ɔ̄ɓē yājí Jeju Kərist i nge kul̄ kə́ bo yā batə̄ gə̄ ní. Nə́ɓā kə́ nge kadə̄ kem sɔl̄ lɔm ndólə̄n dan de kə́ koy gə̄ tə́ kɔ̄ɔ́.

JA̰A̰ 10:2

Ba deē ń udə kem gɔng batə̄ gə̄ tə́ i kə ta róbə́ kə́ yā kudəń kem gɔngɔɔ́ ní, ní i nge kul̄ batə̄ gə̄.

IJAI 11:10

Ndɔ̄ ngeé ń noō tə́ ní, ngōn̄ kaa Jese a to tītə̄ dərapóo rɔ̄ɔ̄ yā gír de gə̄ kə́ dɔ nang tə́, kə́ a ɔjə kadə̄ yá̰á̰ kógə̄ḿ a rāā yá̰a̰. Nápar de gə̄ a reēn̄ yā dəjen kadə̄ adə̄də́ kɔjə ō, loo ń ni a ndi tū tə́ ní, kɔsə gɔn yā Nə́ɓā a ndə́lē tū tə́ ō.

1 PIYER 5:4

Dan ń ngār kə́ bo yā ngé kul̄ yá̰a̰ gə̄ a teē hɔy anī, sḭḭ̄ ā ə́ngeī jākā mbang kə́ to kɔsə gɔn ń gíŕ ndə́lēn a gān̄g aĺ bátə́ ní.

EJEKIEL 34:6

Ɓūtə̄ yá̰a̰ kul̄ yāḿ gə̄ aw̄ tḭ̄ḭ̄n̄ ta rɔ̄də́ kə̄ dɔ mbal̄ gə̄ tə́ ō, kə̄ dɔ ngán mbal̄ gə̄ tə́ ō. Batə̄ yāḿ gə̄ tə̄ndān̄ naā tḭ̄ḭ̄n̄ kə̄ loo gə̄ tə́ kem ɓēé kə taá malang. Deē aw̄ sāādə́ aĺ ō, deē əndā kumən gíŕdə́ tə́ aĺ ō.

EJEKIEL 34:12

Loo ń ré nge ngɔ̄m̄ yá̰a̰ kul̄ gə̄ ra dan ɓūtə̄ yá̰a̰ kul̄ gə̄ kə́ tə̄ndān̄ naā tḭ̄ḭ̄n̄ kə̄ loo gə̄ tə́ anī, ni a̰a̰ gō batə̄ yān gə̄. M-ā m-á̰a̰ gō yá̰a̰ kul̄ yāḿ gə̄ i tītə̄ ń noō ō. M-ā m-āw̄ gō batə̄ gə̄ tə́, loo malang ń nin̄ aw̄n̄ tū tə́ ní tə́, yā kaw̄ gān̄g dɔdə́. M-ā m̄-njə̄rā kum kə́ tuú tū tə́ ō, kum loo kə́ risə til tə́ ō, yā kaw̄ń gōdə́ tə́.

JA̰A̰ 10:3

Nge ngɔ̄m̄ ta gɔng a teē ta yā kadə̄n ō, batə̄ gə̄ a oōn̄ ndūn ō. Ni a ɓāŕ batə̄ yān gə̄ kə rīdə́ gēé, ba aw̄ sedə́ ndágá.

JA̰A̰ 10:4

Ni a rāā kadə̄ batə̄ yān gə̄ malang teēn̄ ndágá pá tá a njə̄rā kété nodə́ tə́ ō, batə̄ yān gə̄ a unən̄ gōn ō, tɔdɔ̄ nin̄-gerə̄n̄ ndūn.

JA̰A̰ 10:5

A unən̄ gō de kə́ rang alé, a a̰ȳn̄ kɔ̄ɔ́, tām̄ gerə̄n̄ ndū de kə́ rang alé.

JA̰A̰ 17:20

m̄-ndɔ̄yī i tām̄ yādə́ nin̄ tə́ ngóy alé, banī i tām̄ yā ngé gə̄ ń a taān̄ kemḿ kə ta kūl̄ najə̄ yādə́ ní ō,

Makətūbə̄ ń Pol ndang adə̄ Rom gə̄ ní 11:25

Ngákó̰ó̰ḿ gə̄, m̄-gḛy kadə̄ ī-gerī yá̰á̰ kə́ to loo mundə̄ tə́ kem Nə́ɓā tə́ ɓáý ń toō, na sōgə́ ī-gírī kemsí tə́ na sḭḭ̄ i ngé kum kedə̄ ngá̰ý gə̄. Yá̰á̰ ní n toó: Kem ngan̄g ń Nə́ɓā adə̄ kem ngán Israel kə́rēý gə̄ ngan̄g ngóróró ní, a to bátə́ kadə̄ ré de gə̄ malang ń i Jipə aĺ gə̄ ní ajən̄ pá tá.

Najə̄ kə́ Majə yā Jeju ń Luk ndang ní 15:8

Aláa i dəyá̰ kə́ rá n, ré aw̄ kə sə́lē gində̄ arjā̰a̰ kutə ba tḭ̄ḭ̄ ta kə́ kógə̄ḿ anī, a əndā hor tū lámba tə́ ō, a ɔy kem kújə ō, yā sāāń mer mer bátə́ kadə̄ ənge tá aĺ ní?