JA̰A̰ 10:14 - Bibəl ta Sar̄

¹⁴ Mā i nge kul̄ kə́ majə, adə̄ m̄-ger̄ batə̄ yāḿ gə̄ ō, nin̄-ger̄mə̄n̄ ō,

Bible sar

¹⁴ Mā i nge kul̄ kə́ majə, adə̄ m̄-ger̄ batə̄ yāḿ gə̄ ō, nin̄-ger̄mə̄n̄ ō,

JA̰A̰ 10:14 Referans Kwoze

JA̰A̰ 10:27

Batə̄ yāḿ gə̄ oōn̄ ndūḿ, ba mā m̄-ger̄də́ ō, nin̄-unən̄ gōḿ ō.

2 TIMOTE 2:19

Ba gíŕ kújə́ ń Nə́ɓā əndā adə̄ ndi ngan̄g ní, to gotoó. Ndangən̄ najə̄ gə̄ ń toō tū tə́ ədan̄ na: Kɔ́ɔ̄ɓē ger̄ ngé gə̄ ń nin̄ i yān gə̄ ní ō, ādə̄ náā nəkɔ́ ń ɓāŕ rī Kɔ́ɔ̄ɓē ní, əya̰ yá̰á̰ kə́ gō tə́ aĺ gə̄ kɔ̄ɔ́ ō.

JA̰A̰ 10:11

Mā i nge kul̄ kə́ majə. Nge kul̄ kə́ majə adə̄ rɔ̄n yo tām̄ yā batə̄ yān gə̄ tə́.

1 JA̰A̰ 5:20

Jə-gerī kadə̄ Ngōn̄ Nə́ɓā reē ō, ni-adə̄jí kur̄ dɔ kə́ kadə jə-gerīneé De kə́ Rɔ̄kum ō. Banī jḭḭ̄ i kem De kə́ Rɔ̄kum tə́ i kə ta kūl̄ Ngōnən Jeju Kərist. Ni i De kə́ Rɔ̄kum ō, ni i Nə́ɓā ō, ni i ndi kə kumuú kə́ ngándáńg ō.

EPEJƏ 1:17

Kadə̄ ni ń i Bɔbə̄ Kɔ́ɔ̄ɓē yājí Jeju Kərist ní, ni ń i Bɔbə̄jí kə́ kɔsə gɔn i yān ní, adə̄sí Ndíĺ kə́ nge kadə̄ deē kum kedə̄ ō, kə́ nge teē kum deē dɔn tə́ ō, kadə̄ ī-gerīin̄neé.

JA̰A̰ 17:3

Ndi kə kumuú kə́ ngándáńg ní n toó: I kadə̄ nin̄-gerīn̄ ḭ̄ Nə́ɓā kə́ rɔ̄kum kə́ kal kógə̄ḿ beē ō, i kadə̄ nin̄-gerə̄n̄ Jeju Kərist ń ə́la seneé ní ō.

PĀ GƏ̄ 1:6

Tɔdɔ̄ Kɔ́ɔ̄ɓē ger̄ róbə yā de kə́ súmūú gə̄. Banī róbə yā ngé kem ndul gə̄ i róbə́ kə́ ta to siriri.

JEJU TEĒ KUM JA̰A̰ 2:2

m̄-ger̄ yá̰a̰ rāāí gə̄ ō, kəla kə́ ngan̄g gə̄ ń ī-rāā ní ō, kəhɔ rɔ̄ tɔgə yāí ō, m̄-ger̄ kadə̄ ásə́ tə́gā taí dɔ ngé kem ndul gə̄ tə́ aĺ ō, ngé gə̄ ń ədan̄ na nin̄ na i ngámbang kəla gə̄ ba nin̄ i ngámbang kəla gə̄ aĺ ní, ḭ̄ ī-nāādə́ ba á̰a̰ā̰ kadə̄ nin̄ i ngé sor̄ gə̄ ō.

2 TIMOTE 1:12

I tām̄ najə̄ ń noō tə́ n yá̰á̰ kə́ tōr̄ gə̄ ń toō a rāāmə̄n̄neé ní, Banī rɔ̄ḿ sɔlə̄m̄ najə̄n tə́ alé. Tɔdɔ̄ m̄-ger̄ deē ń m̄-taā kemən ní ō, m̄-ger̄ majə kadə̄ ni-asə ngɔ̄m̄ yá̰á̰ ń ɓɔ̄ɔ̄mə̄n̄ ní bátə́ ndɔ̄ ngeé ń noō tə́ ō.

PILIPƏ 3:8

Rɔ̄kum, m̄-rāā yá̰a̰ malang i yá̰á̰ kə́ m̄-tḭ̄ḭ̄ ta kɔ̄ɔ́ tə́ sɔɔ̄ń ger̄ kə́ m̄-ger̄ Jeju Kərist Kɔ́ɔ̄ɓē yāḿ tə́. Ger̄ Jeju Kərist i yá̰á̰ kə́ majə tɔȳ yá̰a̰ gə̄ malang. m̄-tḭ̄ḭ̄ ta yá̰a̰ malang najə̄ yān tə́ ō, yá̰a̰ gə̄ ń noō malang ní, m-á̰á̰də́ i tītə̄ yedə̄ beé ta kumḿ tə́ ō. I Kərist ngóy n i yá̰a̰ tām̄ yāḿ tə́ ní.

EPEJƏ 3:19

Ā ī-gerī tár yā Kərist kə́ tɔȳ yá̰a̰ gə̄ malang, loo ń noō tə́ Nə́ɓā a ndi kemsí tə́ kə taá kə ta kūl̄ Ndílneé.

JA̰A̰ 17:8

tɔdɔ̄ najə̄ ń ɔ̄r̄ seḿ ní, m-ɔ̄r̄ sedə́ ō, nin̄-taān̄ najə̄ ní ō. Nin̄-gerə̄n̄ kadə̄ rɔ̄kum m-ḭ́ḭ i rɔ̄í tə́ n m̄-reē ō, nin̄-taān̄ kem kadə̄ ə́lam̄ ō.

JEJU TEĒ KUM JA̰A̰ 2:19

m̄-ger̄ kəla rāāí gə̄ ō, tár yāí ō, taā kem yāí ō, kəla yāí ō, kəhɔ rɔ̄ tɔgə yāí ō, m̄-ger̄ kadə̄ kəla rāāī kə́ gogə́ laā tɔȳ nge kə́ ta kəla gíŕ tə́ ō.

JEJU TEĒ KUM JA̰A̰ 2:13

Loo ń ī-ndi tū tə́ ní, m̄-ger̄, i loo ń kōr̄ kāgə̄ mbang yā Sətan i tū tə́ ní. Banī ḭ̄ ə́hɔ gō rīḿ mā adə̄ ngan̄g. Ī-nējə̄ ndūí alé, ə́da na ī-taā kemḿ mā aĺ alé. Ndɔ̄ ń tɔ̄l̄nəń A̰tipas ń i de kə́ kum tə́ yāḿ kə́ nge ra dɔ ndūn tə́ ní. Ba ndɔ̄ ń tɔ̄l̄nən̄neé tə́ ɓēé loosí, loo ń Sətan ndi tū tə́ ní gə̄gē, ḭ̄ ī-nējə̄ najə̄ ə́da na ī-taā kemḿ aĺ alé.

2 KORḚNTƏ 4:6

Nə́ɓā ń əda na kadə̄ loo kə unjə̄ kow kum til tə́ ní, i nəkɔ́ n unjə̄ kow ngarān̄g kemjí gə̄ tə́, yā kadə̄ jə-gerə̄ń kɔsə gɔn yān ń ndə́lē ta kum Kərist tə́ ní.

JEJU TEĒ KUM JA̰A̰ 3:15

m̄-ger̄ kəla rāāí gə̄, adə̄ ḭ̄ i de kə́ ī-sɔl̄ aĺ ō, ī-təngā aĺ ō. Ba majə kadə̄ ī-sɔl̄, aláa ī-təngā tá.

JEJU TEĒ KUM JA̰A̰ 3:8

m̄-ger̄ kəla rāāí gə̄. Á̰a̰ā̰, m-ə́ya̰ ta róbə́ kógə̄ḿ adə̄ ra kə wōyōó noí tə́, ba deē kógə̄ḿ kə́ asə kutə̄ gətóo, tɔdɔ̄ tɔ́gí i ngá̰ý alé, ba ī-ngɔ̄m̄ najə̄ yāḿ ō, ī-mbātə́ rīḿ aĺ ō.

JEJU TEĒ KUM JA̰A̰ 2:9

m̄-ger̄ yá̰a̰ nāā kə́ ngan̄g ń teē dɔí tə́ ní ō, m̄-ger̄ ndoō yāí ō, banī yá̰a̰ kənge yāí i ngá̰ý. Tá najə̄ kə́ majaĺ gə̄ ń de gə̄ ń ədan̄ na nin̄ na i Jipə gə̄ banī nin̄ i Jipə gə̄ alé ədan̄ dɔí tə́ ní, m̄-ger̄ ō. Nin̄ i kújə ndi Sətan.

IJAI 53:11

Ni a a̰a̰ loo kə́ unjə̄ kow najə̄ yā yá̰á̰ kə́ tōr̄ ń ni tə́gā tan danaá ní tə́, rɔ̄n a nelə̄n ngá̰ý. Nge kəla yāḿ ń i de kə́ gōtə́ kə́ rɔ̄kum ní, a rāā kadə̄ de kə́ ngá̰ý gə̄ télən̄ de kə́ gōtə́ gə̄, tām̄ ni un majaĺ yādə́ gə̄ dɔn tə́.

JEJU TEĒ KUM JA̰A̰ 3:1

Ī-ndang najə̄ ń toō ādə̄ de kə́ dɔ rā̰ tə́ yā Egəlijə kə́ Sardə. Najə̄ ń deē ń ndíĺ kə́ sīrí gə̄ yā Nə́ɓā ō, tə́yō̰ kə́ sīrí gə̄ ō i jīn tə́ əda ní n toó: m̄-ger̄ kəla rāāī gə̄, ḭ̄ i de kə́ rīí ɓār̄ kadə̄ na ī-ndi kə kumií, banī ḭ̄ i de kə́ koy kɔ̄ɔ́.

IJAI 40:11

Ni ngɔ̄m̄ ɓūtə̄ yá̰a̰ kul̄ yān gə̄ tītə̄ nge ngɔ̄m̄ yá̰a̰ kul̄ gə̄ beé. Ni wél̄ jīn anī ɓūtə̄ yá̰a̰ kul̄ yān gə̄ kánə̄n̄ naā. Ni ətō ngán batə̄ gə̄ kem jīn tə́. Kó̰o̰ batə̄ gə̄ ń ngáńdə́ a ilən̄ mba ní, ni-njə̄rā sedə́ jəke jəke ɔrəńdə́ ta róbə.

NAHUM 1:7

Kɔ́ɔ̄ɓē i de kə́ majə. Ni i dabə kə́ yā ndi gírí dan wur kɔl tə́. Ngé gə̄ ń əndān̄ kemdə́ dɔn tə́ ní, ni-a̰a̰ gōdə́

JA̰A̰ 10:13

Nge kəla a̰ȳ, i tɔdɔ̄ ni-rāā kəla i gír naraá ō, usən dɔ batə̄ gə̄ tə́ aĺ ō.