JA̰A̰ 10:11 - Bibəl ta Sar̄

¹¹ Mā i nge kul̄ kə́ majə. Nge kul̄ kə́ majə adə̄ rɔ̄n yo tām̄ yā batə̄ yān gə̄ tə́.

Bible sar

¹¹ Mā i nge kul̄ kə́ majə. Nge kul̄ kə́ majə adə̄ rɔ̄n yo tām̄ yā batə̄ yān gə̄ tə́.

JA̰A̰ 10:11 Referans Kwoze

JA̰A̰ 15:13

Táŕ kə́ bo tɔȳ kadə̄ deē adə̄ rɔ̄n yo tām̄ yā madə̄ kə́ran gə̄ tə́ ní gətóo.

PĀ GƏ̄ 23:1

Pā yā Dabid. Kɔ́ɔ̄ɓē i nge kulə̄ḿ, adə̄ m-ā m̄-nal̄ yá̰a̰ alé.

JEJU TEĒ KUM JA̰A̰ 7:17

Tɔdɔ̄ Ngōn̄ batə̄ ń ndi dɔ kōr̄ kāgə̄ mbang tə́ danaá bang ní, a ul̄də́ ō, a aw̄ sedə́ ta kəɓa man̄ kə́ a rāā kadə̄ deē ndi kə kumneé tə́ ō. Nə́ɓā a ɔl̄ man̄ nōō kə́ kumdə́ tə́ kɔ̄ɔ́ ō.

IJAI 40:11

Ni ngɔ̄m̄ ɓūtə̄ yá̰a̰ kul̄ yān gə̄ tītə̄ nge ngɔ̄m̄ yá̰a̰ kul̄ gə̄ beé. Ni wél̄ jīn anī ɓūtə̄ yá̰a̰ kul̄ yān gə̄ kánə̄n̄ naā. Ni ətō ngán batə̄ gə̄ kem jīn tə́. Kó̰o̰ batə̄ gə̄ ń ngáńdə́ a ilən̄ mba ní, ni-njə̄rā sedə́ jəke jəke ɔrəńdə́ ta róbə.

1 JA̰A̰ 3:16

Jḭḭ̄ jə-gerī tár i kə ta kūl̄ yá̰á̰ ń toō: Jeju Kərist oy i tām̄ yājí tə́. Ní, majə kadə̄ jḭḭ̄ j-oyiī tām̄ yā ngákó̰ó̰jí gə̄ tə́ ō.

2 SAMUEL 24:17

Dan ń Dabid a̰a̰ de kə́ dɔ rā̰ tə́ loo tɔ̄l̄ de gə̄ tə́ anī, əda Kɔ́ɔ̄ɓē na i ni Dabid n n-mān̄ dɔ ndū najə̄ yā Nə́ɓā ō, n-rāā yá̰á̰ kə́ gōtə́ aĺ ō ní, ba ké batə̄ gə̄ ń noō ké rāān̄ yādə́ i rí wa. Ní kadə̄ kə Kɔ́ɔ̄ɓē kə rāān nəkɔ́ ō, gír kojə yān ō, yá̰á̰ kə́ tōr̄.

HEBƏRO 13:20

I kə ta kūl̄ mósə yā madə̄ naā kə́ a to ngándáńg n Kɔ́ɔ̄ɓē yājí Jeju Kərist i nge kul̄ kə́ bo yā batə̄ gə̄ ní. Nə́ɓā kə́ nge kadə̄ kem sɔl̄ lɔm ndólə̄n dan de kə́ koy gə̄ tə́ kɔ̄ɔ́.

EJEKIEL 34:23

I nge ngɔ̄m̄ yá̰a̰ kul̄ gə̄ kə́ kal kógə̄ḿ beē ngóy n m-ā m-ə̄ndān dɔ yá̰a̰ kul̄ yāḿ gə̄ tə́ kadə̄ a̰a̰ gōdə́ ní. Ndɔ̄ ń tə́ ni i mban̄g kə́ tītə̄ nge kəla yāḿ Dabid. Ni a a̰a̰ gō dā̰ gə̄ kə́ dan yá̰a̰ kul̄ gə̄ tə́ ō, ni i nge kul̄də́ ō.

EJEKIEL 37:24

Ā ə́ngeī mban̄g kə́ tītə̄ nge kəla yāḿ Dabid beē. I ni kógə̄ḿ beē n i nge kul̄sí malang ní. Ā ī-ɓōlíī gidə ndū najə̄ yāḿ gə̄ ō, ā ī-ngɔ̄mī jī bēl̄ loo rāā yá̰a̰ yāḿ gə̄ ō, ā ī-rāāī yá̰a̰ i kə jī bēl̄ loo rāān yāḿ gə̄ ō.

1 PIYER 5:4

Dan ń ngār kə́ bo yā ngé kul̄ yá̰a̰ gə̄ a teē hɔy anī, sḭḭ̄ ā ə́ngeī jākā mbang kə́ to kɔsə gɔn ń gíŕ ndə́lēn a gān̄g aĺ bátə́ ní.

TITƏ 2:14

Ni-əya̰ rɔ̄n adə̄ de gə̄ əhɔ tɔ̄lə̄n̄ kum gotəjí, yā gāngəń dɔjí tām̄ yá̰á̰ kə́ majaĺ gə̄ ń jə-rāāī tə́ ní ō, yā rāań kadə̄ jḭḭ̄ i gír deē yān gə̄ kə́ unən̄ majaĺ dɔjí tə́ kɔ̄ɔ́ adə̄ j-unjī njáý njáý ō, kadə̄ jḭḭ̄ i gír de gə̄ kə́ jə-təngāī loo rāā kəla kə́ majə gə̄ tə́ ō.

MATIYE 20:28

Yā Ngōn̄ Deē i tītə̄ n noō ō. Ni-reē yā kadə̄ i de gə̄ n rāān̄ kəla yān alé, ba i ni n kadə̄ rāā kəla tām̄ yādə́ tə́ ō, kadə̄ adə̄ rɔ̄n yá̰a̰ gān̄g dɔ tə́ tām̄ yā de kə́ ngá̰ý gə̄ tə́ ō ní.

JAKARI 13:7

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda wáńg ní n toó: Kaskar, ī-ndól̄ dɔ ɓīī tə́, ba ī-rɔ̄ɔ̄ nge kul̄ yá̰a̰ yāḿ, ī-rɔ̄ɔ̄ madə̄ taḿ ń əhɔ rɔ̄n tɔgə ngá̰ý ní. Ī-tɔ̄l̄ nge kul̄ yá̰a̰, loo ń noō tə́ batə̄ gə̄ a aw̄n̄ kə̄ loo gə̄ tə́ ō, yá̰a̰ kul̄ kə́ dūú gə̄ kə́ dan ɓūtə̄ yá̰a̰ kul̄ tə́ ní, m-ā m-ə̄nīdə́ rɔ̄ɔ̄ ō.

IJAI 53:6

Kété ní jḭḭ̄ malang jə-toī i tītə̄ batə̄ gə̄ kə́ tadə́ tḭ̄ḭ̄ kɔ̄ɔ́ beē, náā nəkɔ́ ɓáa un i róbə yān nəkɔ́. Ba Kɔ́ɔ̄ɓē tél kə yá̰a̰ rāājí jḭḭ̄ malang kə́ gōtə́ aĺ gə̄ əndā i dɔn ni tə́.

PĀ GƏ̄ 80:1

Pā kə́ kem makətūbə̄ yā ngār yā gōsə̄ pā gə̄ tə́. A dānə̄n̄ gō i kə kəndeé. I pā kə́ kadə̄ əgań kem deē dɔ yá̰á̰ kə́ rāā yá̰á̰ tə́. I pā yā Asap.

MISE 5:4

I ni n i nge rāā kadə̄ lɔm to ní. Ré de kə́ Asiri gə̄ reē udən̄ dɔ nang yājí tə́ ō, túdə̄n̄ kə̄ kem kújə́ kə́ ngáā ngáā yājí gə̄ tə́ ō anī, j-a j-əlaī kə ngār gə̄ kə́ kutədə́ i ngá̰ý yā kadə̄ rɔ̄ɔ̄n̄də́.

EPEJƏ 5:2

Ī-táriī naā tītə̄ ń Kərist tárəńjí ba adə̄ń Nə́ɓā rɔ̄n tām̄ yājí tə́ tītə̄ yá̰a̰ ndējə̄ ō, yá̰a̰ tun̄ ō, kə́ sēēn nel̄ Nə́ɓā beé ní.

EJEKIEL 34:2

Ḭ̄ ngōn̄ deē, ə́da ngār kə́ Israel tə́ gə̄ najə̄ ń m-ə̄ndā taí tə́ ní. Ə́dádə́ na: Najə̄ ń Kɔ́ɔ̄ɓē Nə́ɓā ɔr̄ ní n toó: Sḭḭ̄ ngé kul̄ Israel gə̄, i yá̰á̰ kə́ to kum tō ndoō kə́ ba̰ý beē n i tām̄ yāsí tə́ ní! Sḭḭ̄ ā ə̄ndāī kumsí i gír rɔ̄sí sḭḭ̄ kɔ́ gə̄ tə́ ngóy! Majə kadə̄ ngé ngɔ̄m̄ yá̰a̰ kul̄ gə̄ əndān̄ kumdə́ gír batə̄ gə̄ tə́ alé a?

JA̰A̰ 10:2

Ba deē ń udə kem gɔng batə̄ gə̄ tə́ i kə ta róbə́ kə́ yā kudəń kem gɔngɔɔ́ ní, ní i nge kul̄ batə̄ gə̄.