JA̰A̰ 1:51 - Bibəl ta Sar̄

⁵¹ Jeju əda ɓáý to̰ na: Ādə̄ m-ə́dásí najə̄ kə́ bo ngá̰ý, ā á̰a̰ī ta dɔ rā̰ kə́ teē ō, de kə́ dɔ rā̰ tə́ gə̄ yā Nə́ɓā kə́ a alə̄n̄ kə̄ dɔɔ́ ō, a risən̄ ō, dɔ Ngōn̄ Deē tə́.

Bible sar

⁵¹ Jeju əda ɓáý to̰ na: Ādə̄ m-ə́dásí najə̄ kə́ bo ngá̰ý, ā á̰a̰ī ta dɔ rā̰ kə́ teē ō, *de kə́ dɔ rā̰ tə́ gə̄ yā Nə́ɓā kə́ a alə̄n̄ kə̄ dɔɔ́ ō, a risən̄ ō, dɔ Ngōn̄ Deē tə́.

JA̰A̰ 1:51 Referans Kwoze

TA KƏLA 28:12

Nī kógə̄ḿ rāān: Udən̄ rígə́ kógə̄ḿ nang tə́, ba dɔn tá ɔdə no rā̰, anī de kə́ dɔ rā̰ tə́ gə̄ alə̄n̄ dɔ tə́ ō, a risən̄ ō.

KƏLA RĀĀ 7:56

Ni-əda na: Á̰a̰ī, m-á̰a̰ dɔ rā̰ teē tan ō, Ngōn̄ Deē ra kə njan kə́ dɔɔ́ dɔ jī ko̰ Nə́ɓā tə́ ō.

Najə̄ kə́ Majə yā Jeju ń Luk ndang ní 22:43

Anī de kə́ dɔ rā̰ tə́ kógə̄ḿ teē hɔy kə̄ rɔ̄n tə́ adə̄n tɔ́gə.

Najə̄ kə́ Majə yā Jeju ń Luk ndang ní 2:13

Kə̄ ta jī tə́ noō kósə de kə́ dɔ rā̰ tə́ kə́ ngá̰ý gə̄ reē ɓoon̄ rɔ̄də́ tū yā de kə́ dɔ rā̰ ní tə́, ba unən̄ pā tɔ̄ȳn̄neé Nə́ɓā, ədan̄ na:

MARK 14:62

Jeju tél ədan na: Mā i ni, ba sḭḭ̄ ā á̰a̰ī Ngōn̄ Deē a ndi dɔ jī ko̰ Nə́ɓā kə́ bo kə́ tɔ́gən i ngá̰ý tə́ ō, a reē kə kil̄ man̄ kə́ no rā̰ tə́ ō.

MARK 1:10

Ni a teē kum man̄ tə́ kə̄ ndágá anī, kə̄ tajī tə́ noō ni-a̰a̰ dɔ rā̰ njar ō, Ndíĺ kə́ Táĺ jə̄ngā kə̄ dɔn tə́ tītə̄ dér ndaa ō.

MATIYE 3:16

Dan ń rāān̄ Jeju batém oy anī, ni-teē kum man̄ tə́. Ta dɔ rā̰ teē, anī ni-a̰a̰ Ndíĺ Nə́ɓā ḭḭ dɔ rā̰ tə́ jə̄ngā tītə̄ dér ndaa ba reē ndi dɔn tə́.

EJEKIEL 1:1

Kem ɓāl̄ ń ɓālə̄ḿ i kutə mətá ní, kə ndɔ̄ kə́ nge ko̰ mí yā nāā kə́ nge ko̰ sɔ́ anī, mā Ejekiel ngōn̄ Buji kə́ nge tun̄ yá̰a̰, m̄-ra i dan Jipə gə̄ ń ɔyən̄də́ dɔ gúú tə́ aw̄n̄ sedə́ kadə man̄ Kebar tə́ ní. Anī m-á̰a̰ ta dɔ rā̰ teē ra wōyōó ō, Nə́ɓā rāā adə̄ m-á̰á̰ yá̰a̰ gə̄ ō. I kem ɓāl̄ ɓəlo yā mban̄g Joakin kə́ nge ko̰ mí tə́. m̄-ra i kem ɓē yā Babilon gə̄ tə́ kadə man̄ Kebar tə́. Kɔ́ɔ̄ɓē ɔr̄ najə̄ seḿ i loo ń noō tə́ ō, tɔ́gən əhɔm̄ i loo ń noō tə́ ō.

KƏLA RĀĀ 10:11

Ni-a̰a̰ dɔ rā̰ teē tan ba yá̰á̰ kógə̄ḿ teē kemeé a reē kum kə̄ nang tə́. Yá̰á̰ ní to tītə̄ kūbə̄ kə́ bo ngá̰ý kə́ əhɔn̄ kílən kə́ sɔ́ gə̄ beé.

Najə̄ kə́ Majə yā Jeju ń Luk ndang ní 3:21

Dan ń rāān̄ de gə̄ malang batém anī, rāān̄ Jeju batém ō. Dan ń Jeju ndi a ndɔ̄ȳ anī, ta dɔ rā̰ teē,

MATIYE 4:11

Anī diabəl əya̰n. Loo ń noō tə́ de kə́ dɔ rā̰ tə́ gə̄ reēn̄ rɔ̄ Jeju tə́ ba adə̄nən̄ yá̰a̰ kəsa.

JEJU TEĒ KUM JA̰A̰ 19:11

Gō tə́ anī m-á̰a̰ dɔ rā̰ ra kə wōyōó, anī sə́ndá kə́ ndaa teē. Ba deē ń ndi gidən tə́ ní, rīn na i nge ra dɔ ndūn tə́ ō, kə́ rɔ̄kum ō. Ni a gān̄g sarya ō, a rɔ̄ɔ̄ ō, i kə gō róbə́ kə́ gōtə́.

JEJU TEĒ KUM JA̰A̰ 4:1

Gō yá̰a̰ gə̄ ń noō tə́ anī, yá̰á̰ ń m-á̰a̰ā̰ ní n toó: Teēn̄ ta róbə́ kógə̄ḿ dɔ rā̰ tə́, anī deē ń ɔr̄ najə̄ seḿ ta kəga dɔ á ndūn ɓār̄ tītə̄ kōō bərúnjə adə̄ m-ōō ní, əda na: Āl̄ kə̄ laā ādə̄ m-ɔ́jiī yá̰á̰ ń a rāā yā rāā yá̰a̰ gō tə́ ní.

2 TESALONIK 1:7

Ba kadə̄ sḭḭ̄ ń rāān̄sí yá̰á̰ kə́ tōr̄ ní, ni-rāā adə̄ ɔ̄rī koō naā tə́ sejí, ndɔ̄ téĺ Kɔ́ɔ̄ɓē Jeju tə́, kə deē yān gə̄ kə́ dɔ rā̰ tə́ kə́ tɔ́gə́də́ i ngá̰ý.

Najə̄ kə́ Majə yā Jeju ń Luk ndang ní 2:9

De kə́ dɔ rā̰ tə́ kógə̄ḿ yā Kɔ́ɔ̄ɓē teē ra nodə́ tə́ ō, kɔsə gɔn yā Kɔ́ɔ̄ɓē unjə̄ kow gīr̄ gidədə́ ō. Anī ɓōĺ rāādə́ ngá̰ý.

HEBƏRO 1:14

De kə́ dɔ rā̰ tə́ gə̄ malang i ndíl gə̄ kə́ ngé rāā kəla yā Nə́ɓā ō, Nə́ɓā əladə́ kadə̄ rāān̄ kə ngé gə̄ ń majə kadə̄ ajən̄də́ ní ō.

1 TIMOTE 3:16

Rɔ̄kum, yá̰á̰ kə́ to loo mundə̄ tə́ ń taā kem adə̄jí ní, i yá̰á̰ kə́ bo ngá̰ý. Kərist tél deē, ɔjəń rɔ̄n kə̄ ndágá adə̄ de gə̄ a̰a̰nən̄, Ndíl kə́ Táĺ teē kum de gə̄ dɔ tə́ kadə̄ ni i de kə́ gōtə́ ō, de kə́ dɔ rā̰ tə́ gə̄ a̰a̰nən̄ ō, de gə̄ ənīn̄ mbēr̄ najə̄ yān dan gíŕ nápar de gə̄ tə́ ō, de gə̄ taān̄ kemən dɔ nang tə́ laā ō, ɔsənən̄ kə̄ dɔɔ́ ɔsən̄neé gɔnən ō.

JA̰A̰ 10:1

Ādə̄ m-ə́dásí najə̄ kə́ bo ngá̰ý, nge ń udə kə ta róbə gɔng batə̄ gēé alé, ba al̄ i dɔ gɔng tə́ n jə̄ngā kemeé ní, i nge ɓogə ō, nge gān̄g róbə ō.

Najə̄ kə́ Majə yā Jeju ń Luk ndang ní 22:69

Ba əla gír ɓōólaā ń toō tə́ ní, Ngōn̄ Deē a ndi dɔ jī ko̰ Nə́ɓā kə́ tɔ́gən i ngá̰ý tə́.

MATIYE 25:31

Dan ń Ngōn̄ Deē a reē dan kɔsə gɔn yān tə́ naā tə́ kə de kə́ dɔ rā̰ tə́ gə̄ malang anī, ni a ndi dɔ kɔ̄r̄ kāgə̄ mbang yān tə́.

Makətūbə̄ ń Jud ndang ní 1:14

Henok ń i de kə́ gír kojə yā Adam tə́ kə́ nge ko̰ sīrí ní, i ni n əda najə̄ kə́ Nə́ɓā əndā tan tə́ tām̄ yā de gə̄ ngeé ń toō tə́ ní. Ni-əda kété jóo na: Ōōī a, Kɔ́ɔ̄ɓē a reē kə deē yān kə́ táĺ gə̄ kə́ dɔ rā̰ tə́ kə́ dūbūúdə́ i nja kutə,

2 TESALONIK 1:9

Yá̰á̰ kə́ tōr̄ ń a rāādə́ tām̄ majaĺ yādə́ tə́ ní, i nujə kə́ ta ngóyn gətóó kə́ nin̄ a nujən̄ sák sák kɔ̄ɔ́, sa̰y rɔ̄ Kɔ́ɔ̄ɓē tə́ ō, sa̰y rɔ̄ tɔ́gən kə́ to kɔsə gɔn tə́ ō.

JA̰A̰ 14:12

Ādə̄ m-ə́dásí najə̄ kə́ bo ngá̰ý, deē ń taā kemḿ anī a rāā kəla gə̄ ń m̄-rāā ní ō, ba a rāā ngé kə́ bo tɔȳ ngé gə̄ ń toō ɓáý, tɔdɔ̄ m-ā m-āw̄ i kə̄ rɔ̄ Bɔbə́ḿ tə́.

JA̰A̰ 6:47

Ādə̄ m-ə́dásí najə̄ kə́ bo ngá̰ý, nge ń taā kem ní, aw̄ kə ndi kə kumneé kə́ ngándáńg.

Najə̄ kə́ Majə yā Jeju ń Luk ndang ní 24:4

Nin̄-nda sitə̄n̄ sata, gerə̄n̄ yá̰á̰ kə́ yā gír̄ kəndā dɔ tə́ alé, anī de gə̄ jōó kə́ o̰o̰n̄ kūbə̄ kə́ ndə́lē pir pir gə̄ teē ran̄ nodə́ tə́.

MATIYE 26:24

Ngōn̄ Deē a oy yā kaw̄ tītə̄ ń ndangən̄neé dɔn tə́ kem makətūbə̄ tə́ ní. Banī deē ń a əlan jī de gə̄ tə́ ní, yá̰á̰ kə́ majaĺ ngá̰ý a teē dɔn tə́! Kojə deē ń noō aĺ i só tə́.

JA̰A̰ 21:18

Ādə̄ m-ə́daī najə̄ kə́ bo ngá̰ý, dan ń ī-na̰y balsáá ɓáý ní, i īkɔ́ n ə́hɔ ɓōdīí kə ndāŕ ō, āw̄ loo ń kemií ndigə ní tə́ ō. Banī loo ń ā ī-tɔgə ɓə́ga anī, ā ī-sə́ra jīí, ba i de kə́ rang n a əhɔ ɓōdīí kə ndāŕ ō, a aw̄ seí loo ń kemií ndigə aĺ tə́ ní ō.

JA̰A̰ 8:51

Ādə̄ m-ə́dásí najə̄ kə́ bo ngá̰ý, deē ń rāā yá̰a̰ gə̄ ń m-ə́dá ní anī, a oy aĺ bátə́.

JA̰A̰ 6:32

Ādə̄ m-ə́dásí najə̄ kə́ bo ngá̰ý, i Moijə n adə̄sí mápá kə́ ḭḭ dɔ rā̰ tə́ ní alé, banī i Bɔbə́ḿ n adə̄sí mápá kə́ ḭḭ dɔ rā̰ tə́ kə́ rɔ̄kum ní.

JA̰A̰ 3:5

Anī Jeju tél ədan na: Ādə̄ m-ə́daī najə̄ kə́ bo ngá̰ý, ré ojən̄ deē kə maná aĺ ō, kə Ndílí aĺ ō anī, kɔ́ɔ̄ asə kudə kem Ɓē ko̰o̰ yā Nə́ɓā tə́ alé.

JA̰A̰ 16:20

Ādə̄ m-ə́dásí najə̄ kə́ bo ngá̰ý, ā ī-nōōī ō, ā ī-sō̰míī ō, ba de kə́ dɔ nang tə́ gə̄ a rāān̄ rɔ̄nel̄. Rɔ̄sí a nel̄sí alé, banī rɔ̄nelāĺ yāsí ní a tél rɔ̄nel̄.

JA̰A̰ 13:16

Ādə̄ m-ə́dásí najə̄ kə́ bo ngá̰ý, nge kəla bo tɔȳ kɔ́ɔ̄n aĺ ō, ngōmbang kəla bo tɔȳ deē ń əlan ní aĺ ō.

JA̰A̰ 10:7

Jeju ədadə́ ɓáý to̰ na: Ādə̄ m-ə́dásí najə̄ kə́ bo ngá̰ý, mā i ta gɔng batə̄ gə̄.

JA̰A̰ 6:53

Jeju ədadə́ na: Ādə̄ m-ə́dásí najə̄ kə́ bo ngá̰ý, ré ə́saī dā̰ Ngōn̄ Deē aĺ ō, ā̰yī mósən aĺ ō anī, ā āwī kə ndi kə kumuú kemsí tə́ alé.

JA̰A̰ 5:27

Ba ni-adə̄n tɔ́gə kadə̄ gāngə̄ń sarya tām̄ ni i Ngōn̄ Deē.

JA̰A̰ 5:19

Anī Jeju tél ədadə́ na: Ādə̄ m-ə́dásí najə̄ kə́ bo ngá̰ý, Ngōn̄ asə rāā yá̰á̰ kógə̄ḿ kə deē dɔneé alé. Ni a rāā i yá̰á̰ ń a̰a̰ Bɔbə̄n loo rāā tə́ ní ngóy. Tām̄ yá̰a̰ malang ń Bɔbə̄ Ngōn̄ rāā ní, Ngōn̄ a rāā i mbée ō.

JA̰A̰ 3:3

Anī Jeju tél ədan na: Ādə̄ m-ə́daī najə̄ kə́ bo ngá̰ý, ré tél ojən̄ deē gogə́ rang aĺ anī, kɔ́ɔ̄ a asə ka̰a̰ Ɓē ko̰o̰ yā Nə́ɓā alé.

MATIYE 9:6

Ní, yā kadə̄ ī-gerīneé na Ngōn̄ Deē i kə tɔ́gə mā̰ȳ rɔ̄n dɔ yá̰á̰ kə́ majaĺ gə̄ tə́ dɔ nang tə́ ní, dan ń ni-əda beé anī tūr̄ tan əda nge lígə̄rī ní na: Ḭ́ḭ dɔɔ́, ún waá yāí ba aw̄ ɓēé.

MATIYE 8:20

Jeju ədan na: Njā̰ gə̄ aw̄n̄ kə bəlodə́ gə̄ ō, yel̄ kə́ dɔɔ́ gə̄ aw̄n̄ kə ɓēdə́ gə̄ ō, banī Ngōn̄ deē aw̄ kə loo kə́ yā kəlań dɔn ta tə́ alé.

JAKARI 13:7

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda wáńg ní n toó: Kaskar, ī-ndól̄ dɔ ɓīī tə́, ba ī-rɔ̄ɔ̄ nge kul̄ yá̰a̰ yāḿ, ī-rɔ̄ɔ̄ madə̄ taḿ ń əhɔ rɔ̄n tɔgə ngá̰ý ní. Ī-tɔ̄l̄ nge kul̄ yá̰a̰, loo ń noō tə́ batə̄ gə̄ a aw̄n̄ kə̄ loo gə̄ tə́ ō, yá̰a̰ kul̄ kə́ dūú gə̄ kə́ dan ɓūtə̄ yá̰a̰ kul̄ tə́ ní, m-ā m-ə̄nīdə́ rɔ̄ɔ̄ ō.

JA̰A̰ 16:23

Ndɔ̄ ń noō tə́ ní ā ī-dəjemī kum yá̰á̰ kógə̄ḿ to̰ alé. Ādə̄ m-ə́dásí najə̄ kə́ bo ngá̰ý, ré ī-dəjeī Bɔbə́ḿ yá̰á̰ kógə̄ḿ kə rīḿ anī, ni a adə̄sí.

JA̰A̰ 13:38

Jeju tél ədan na: Kə́ rɔ̄kum tə́ ə̄ndā dɔ rɔ̄í danaá kɔ̄ɔ́ ɓá yā kadə̄ óy tām̄ yāḿ tə́ a? Ādə̄ m-ə́daī najə̄ kə́ bo ngá̰ý, kété pá tá kadə̄ kə́ra kə̄njá nōō ní, ā ī-nējə̄ nja mətá ə́da na ī-gerə̄m̄ alé.

JA̰A̰ 8:58

Jeju tél ədadə́ na: Ādə̄ m-ə́dásí najə̄ kə́ bo ngá̰ý, kété tá kadə̄ ojən̄ Abəraham ní, Mā i Mā ń m̄-ndi noó ní kɔ̄ɔ́.

JA̰A̰ 8:34

Jeju tél ədadə́ na: Ādə̄ m-ə́dásí najə̄ kə́ bo ngá̰ý, deē ń rāā majaĺ ní i ɓəlo yā majaĺ.

JA̰A̰ 6:26

Jeju tél ədadə́ na: Ādə̄ m-ə́dásí najə̄ kə́ bo ngá̰ý, ā ī-sāāmī i tām̄ ka̰a̰ ń á̰a̰ī yá̰á̰ kə́ yáā ní alé, banī i tām̄ mápá ń ə́sa ī-ndānī ní tə́.

JA̰A̰ 1:50

Jeju tél ədan na: I tām̄ kəda ń m-ə́daī na m-á̰a̰ī gíŕ kótōó ní n ī-taā kem ní a? Ā á̰á̰ yá̰á̰ kə́ bo tɔȳ nge ń noō gə̄ ɓáý.