JA̰A̰ 1:50 - Bibəl ta Sar̄

⁵⁰ Jeju tél ədan na: I tām̄ kəda ń m-ə́daī na m-á̰a̰ī gíŕ kótōó ní n ī-taā kem ní a? Ā á̰á̰ yá̰á̰ kə́ bo tɔȳ nge ń noō gə̄ ɓáý.

Bible sar

⁵⁰ Jeju tél ədan na: I tām̄ kəda ń m-ə́daī na m-á̰a̰ī gíŕ kótōó ní n ī-taā kem ní a? Ā á̰á̰ yá̰á̰ kə́ bo tɔȳ nge ń noō gə̄ ɓáý.

JA̰A̰ 1:50 Referans Kwoze

JA̰A̰ 11:40

Jeju tél ədan na: Ré ī-taā kem anī, ā á̰a̰ kɔsə gɔn yā Nə́ɓā ní m-ə́daī aĺ a?

JA̰A̰ 20:29

Jeju ədan na: I tām̄ ka̰a̰ ń á̰a̰m̄ ní n ī-taāń kem ní a? Ngé gə̄ ń a̰a̰mə̄n̄ aĺ ba taān̄ kem ní, rɔ̄də́ nel̄də́.

Najə̄ kə́ Majə yā Jeju ń Luk ndang ní 1:45

Rɔ̄nel̄ i kə dəyá̰ ń taā kem ní. Tɔdɔ̄ yá̰á̰ ń Kɔ́ɔ̄ɓē əla ədan najə̄n ní a rāā yá̰a̰ rɔ̄kum.

MATIYE 25:29

Tɔdɔ̄ deē ń ənge yá̰á̰ ní, a adə̄nən̄ madə̄ dɔ tə́ kadə̄ yá̰a̰ yān al̄ loo. Banī deē ń yá̰a̰ kəngen gətóo ní, ni kə́ sḛ́ý beē ń i jīn tə́ ní gə̄gē a taān̄ kɔ̄ɔ́.

Najə̄ kə́ Majə yā Jeju ń Luk ndang ní 7:9

Dan ń Jeju oō najə̄ gə̄ ń noō anī ɔr kumən kə ngol áskar gə̄ ní ngá̰ý ō, nelə̄n seneé ō. Adə̄ ni-tél tūr̄ tan əda kósə de gə̄ ń unən̄ gōn ní na: Ādə̄ m-ə́dásí, dan ngán Israel gə̄ tə́ gə̄gē ní, m-á̰a̰ taā kem kə́ ngá̰ý beē aĺ ɓáý.

MATIYE 13:12

Tɔdɔ̄ deē ń ənge yá̰á̰ ní, Nə́ɓā a adə̄n dɔ tə́ kadə̄ yá̰a̰ kənge yān i ngá̰ý, banī deē ń ənge yá̰a̰ aĺ ní kə́ jīn tə́ gə̄gē Nə́ɓā a taā kɔ̄ɔ́.

MATIYE 21:19

Ni-a̰a̰ kāgə̄ kótə̄ kógə̄ḿ bɔ̄gə̄ róbə́ tə́ anī aw̄ gírí, banī yá̰á̰ ń ni-ənge tū tə́ ní i mbīn gə̄ ngóy. Anī əda kāgə̄ kótə̄ ní na: Ḭ̄ ā ān̄ to̰ aĺ bátə́! Anī kāgə̄ kótə̄ ní tutə njarara kə̄ ta jī tə́ noō kɔ̄ɔ́.

JA̰A̰ 1:49

Anī Natanayel tél ədan na: Ngoljí, ḭ̄ i Ngōn̄ Nə́ɓā, ḭ̄ i mban̄g yā ngáń Israel gə̄!

JA̰A̰ 1:51

Jeju əda ɓáý to̰ na: Ādə̄ m-ə́dásí najə̄ kə́ bo ngá̰ý, ā á̰a̰ī ta dɔ rā̰ kə́ teē ō, de kə́ dɔ rā̰ tə́ gə̄ yā Nə́ɓā kə́ a alə̄n̄ kə̄ dɔɔ́ ō, a risən̄ ō, dɔ Ngōn̄ Deē tə́.