JA̰A̰ 1:49 - Bibəl ta Sar̄

⁴⁹ Anī Natanayel tél ədan na: Ngoljí, ḭ̄ i Ngōn̄ Nə́ɓā, ḭ̄ i mban̄g yā ngáń Israel gə̄!

Bible sar

⁴⁹ Anī Natanayel tél ədan na: Ngoljí, ḭ̄ i Ngōn̄ Nə́ɓā, ḭ̄ i mban̄g yā ngáń Israel gə̄!

JA̰A̰ 1:49 Referans Kwoze

JA̰A̰ 1:34

Mā m-á̰a̰ ō, m-ə́da i yá̰á̰ kə́ m-á̰a̰ kə kumḿ ō, kadə̄ ni i Ngōn̄ Nə́ɓā.

JAKARI 9:9

Ɓē kə́ Siyo̰, ī-ndām̄ kə tɔ́gí gēé malang! A̰á̰ā̰, ɓē kə́ Jerusalem, ə́ga kɔŕ rɔ̄nel̄! Á̰a̰ā̰, mban̄g yāí a reē kə́ rɔ̄í tə́. Ni i de kə́ nge rāā yá̰á̰ kə́ gōtə́ ō, nge tetə rɔ̄ɔ̄ ō, ni i de kə́ najə̄n gətóo ō. Ni-ndi i gidə kərō kógə̄ḿ tə́, adə̄ i gidə ngōn̄ kərōó kógə̄ḿ kə́ kó̰o̰n i noó tə́.

SOPONI 3:15

Najə̄ ń əndān̄ dɔsí tə́ á ɔȳsí ní, Kɔ́ɔ̄ɓē un kɔ̄ɔ́. Ni-rāā adə̄ madə̄ ba̰ā̰sí gə̄ aw̄n̄ kɔ̄ɔ́. Kɔ́ɔ̄ɓē ń i mban̄g kə́ Israel tə́ ní, ni i dansí tə́. Adə̄ majə kadə̄ ī-ɓōlíī yá̰á̰ kə́ to kum kaȳ aĺ to̰ alé.

Najə̄ kə́ Majə yā Jeju ń Luk ndang ní 19:38

ba ədan̄ na: Tɔ́r̄ ta i dɔ nge ń reē tə́ ní, dɔ mban̄g ń reē kə rī Kɔ́ɔ̄ɓēé tə́ ní. Kem sɔl̄ lɔm i dɔ rā̰ tə́ ō, kɔsə gɔn i yā Nə́ɓā dɔɔ́ nú ō.

MATIYE 27:42

Ni ajə de kə́ rang gə̄, ba asə kajə rɔ̄n nəkɔ́ aĺ wa! Ni i mban̄g kə́ Israel tə́ aĺ a? Ādə̄ risə kɔ̄ɔ́ dɔ kāgə̄ kə́ dēsə́ tə́ ngɔr ń toō tə́ ādə̄ jə-taāī kemən.

MATIYE 21:5

Ədaī ngōmandə kə́ Siyo̰ na: Á̰a̰ mban̄g yāí a reē kə̄ rɔ̄í tə́. Ni i de kə́ najə̄n gətóo. Ndi i gidə kərō kə́ dəyá̰ tə́, gidə ngōn̄ kərō tə́.

MATIYE 2:2

ba dəjen̄ na: Mban̄g yā Jipə gə̄ ń ojənən̄ ngɔr ɓáý ní ni i rá? Tɔdɔ̄ j-a̰a̰ tə́yō̰ yān gír ɓē tə́, adə̄ jə-reē i kɔsə nojí nang tə́ non tə́ tə́.

JA̰A̰ 1:38

Jeju tél tūr̄ kumən anī a̰a̰də́ a unən̄ gōn, anī ni-ədadə́ na: Ā ī-sāāī i rí? Nin̄-tél ədanən̄ na: Rabi, ī-ndi i rá? Rabi, kə ta ɓē yādə́ ní kumən na i ngoljí.

MATIYE 27:11

Aw̄n̄ kə Jeju no nge ko̰o̰ ɓē tə́. Anī nge ko̰o̰ ɓē dəjen na ké ni i mban̄g yā Jipə gə̄ wa. Anī Jeju tél ədan na i īkɔ́ n ə́dá ní.

MATIYE 14:33

De gə̄ ń ndin̄ kem toó ní ɔsən̄ nodə́ nang tə́ no Jeju tə́, ba ədanən̄ na: Ḭ̄ i Ngōn̄ Nə́ɓā rɔ̄kum!

JA̰A̰ 18:37

Loo ń noō tə́ Pilatə ədan na: Adə̄ ḭ̄ i mban̄g a? Jeju tél ədan na: Īkɔ́ ə́da kadə̄ mā i mban̄g. Ojəmə̄n̄ ō, m̄-reē dɔ nang tə́ ō, i yā kɔr̄ najə̄ yā najə̄ kə́ rɔ̄kum. Deē ń i yā najə̄ kə́ rɔ̄kum ní, a oō yá̰á̰ ń m-ə́dá ní.

JA̰A̰ 1:18

Deē kógə̄ḿ kə́ a̰a̰ Nə́ɓā gətóó bátə́. Ba Ngōn̄ Nə́ɓā kə́ kal kógə̄ḿ beē ń ndi naā tə́ ngándáńg kə Bɔbə̄ Ngōnōó ní, ni a rāā kadə̄ a ger̄nən̄.

MISE 5:2

Kɔ́ɔ̄ɓē a əya̰ gír deē yān gə̄ kɔ̄ɔ́ dan kə́rēý tə́. Gō tə́ anī, ndɔ̄ a reē noó kadə̄ dəyá̰ ń sɔɔ̄ kadə̄ ojə ngōn̄ ní, ojə ngōn̄ kə́ dəngam. Ngé gə̄ ń a ndin̄ kə kumdə́ ɓáý gō kɔydə́ kaw̄ sedə́ dɔ ɓē kə́ rang tə́ dɔ gúú tə́ ní, a reēn̄ yā kənge gotə́ Israel gə̄ kadə̄ a ɓoon̄ naā.

OJEE 3:5

Gō tə́ anī, nin̄ a télən̄ yā reē rɔ̄ Kɔ́ɔ̄ɓē Nə́ɓā yādə́ tə́. Nin̄ a tūrə̄n̄ rɔ̄də́ kə̄ rɔ̄n tə́ ō, kə̄ rɔ̄ mban̄g yādə́ ń ojənən̄ i gír yā Dabid tə́ ní ō. Ndɔ̄ ń tə́ anī ɓōĺ a rāādə́ kadə̄ a ndewn̄ loo reē tə́ sāā Kɔ́ɔ̄ɓē tə́, kadə̄ ni-rāā majə sedə́.

IJAI 9:7

Kɔ́ɔ̄ɓē ɔr̄ najə̄ rɔ̄ɔń kə de gə̄ yā Jakob. A̰á̰ā̰, najə̄ ní əsō dɔ ɓē ko̰o̰ kə́ Israel tə́.

PĀ GƏ̄ 110:1

Pā yā Dabid. Najə̄ ń Kɔ́ɔ̄ɓē əda Kɔ́ɔ̄ɓē yāḿ ní n toó: Ī-ndi dɔ jī kó̰ḿ tə́ ādə̄ m̄-rāā adə̄ madə̄ ba̰ā̰í gə̄ télən̄ yá̰a̰ kəndā nja yāí.

DANIEL 9:25

Yá̰á̰ ń kadə̄ ī-ger̄ ní n toó: Əla gír kum mbang ń ədan̄neé najə̄ tél rāā ɓē kə́ Jerusalem gogə́ rang tə́ bátə́ ugə̄ń dɔ ngār ń urən̄ yibə̄ dɔn tə́ tə́ ní, ɓāl̄ sīrí i nja sīrí. Gō tə́ anī kem ɓāl̄ kə́ sīrí nja kutə mehḛ́ g idə i jōó tə́ ní, a télən̄ yā rāā ɓē gogə́ rang ō, yā kəndā ndogə̄ mbal̄ gidə ɓē tə́ gogə́ rang ō, banī i dan wur kɔl tə́.

PĀ GƏ̄ 2:6

Ni-əda na: Mban̄g ń m̄-gə̄rān ní m-ə̄ndān mban̄g i Siyo̰, dɔ mbal̄ yāḿ kə́ táĺ tə́.

MATIYE 4:3

Loo ń noō tə́ diabəl reē rɔ̄n tə́ ngɔr ba ədan na: Ré ḭ̄ i Ngōn̄ Nə́ɓā anī, ə́da kūbə̄rū mbal̄ gə̄ ń toō ādə̄ télən̄ mápa.

MATIYE 23:7

Nel̄də́ kadə̄ de gə̄ rāān̄də́ lápə́ya rɔȳn̄neédə́ ndágə loo kə́ bo gə̄ tə́ ō, kadə̄ de gə̄ ɓārə́n̄də́ na i ngoldə́ gə̄ ō.

MATIYE 23:8

Ba sḭḭ̄, ī-lōōī kadə̄ de gə̄ ɓārə́n̄sí ngoldə́ gə̄, tɔdɔ̄ sḭḭ̄ malang i ngákó̰o̰ naā gə̄ ō, ngolsí i kógə̄ḿ beē ō.

MARK 15:32

Ādə̄ Kərist ń i mban̄g kə́ Israel tə́ ní risə kɔ̄ɔ́ dɔ kāgə̄ kə́ dēsə́ tə́ ngɔr ń toō tə́ ādə̄ j-a̰a̰ī ba jə-taāī kemən. Ngé gə̄ ń əndan̄də́ kə máyá̰ tū kāgə̄ kə́ dēsə́ tə́ naā tə́ seneé ní, tájə̄nən̄ ō.

Najə̄ kə́ Majə yā Jeju ń Luk ndang ní 1:35

De kə́ dɔ rā̰ tə́ ní tél ədan na: Ndíĺ kə́ Táĺ a reē dɔí tə́ ō, tɔ́gə yā Nə́ɓā kə́ dɔɔ́ a il̄ dɔí tə́ nding ō. I tām̄ najə̄ ń noō tə́ n ngōn̄ ń ā ójən ní i de kə́ táĺ ō, a ɓāŕnən̄ na i Ngōn̄ Nə́ɓā ō ní.

JA̰A̰ 1:50

Jeju tél ədan na: I tām̄ kəda ń m-ə́daī na m-á̰a̰ī gíŕ kótōó ní n ī-taā kem ní a? Ā á̰á̰ yá̰á̰ kə́ bo tɔȳ nge ń noō gə̄ ɓáý.

JA̰A̰ 4:31

Dan ngeé noō tə́ ní, ngé ndóō yá̰a̰ yā Jeju gə̄ ɔsən̄ seneé ədan̄ na: Ngoljí, ə́sá yá̰a̰.