JA̰A̰ 1:45 - Bibəl ta Sar̄

⁴⁵ Pilipə ənge Natanayel anī ədan na: J-ənge nge ń ɔrə̄n̄ najə̄ yān kem makətūbə̄ ndū najə̄ yā Moijə tə́ ō, kem makətūbə̄ yā ngé koō ta gə̄ tə́ ō ní: I Jeju ngōn̄ Jəjep kə́ Najaret.

Bible sar

⁴⁵ Pilipə ənge Natanayel anī ədan na: J-ənge nge ń ɔrə̄n̄ najə̄ yān kem makətūbə̄ *ndū najə̄ yā Moijə tə́ ō, kem makətūbə̄ yā *ngé koō ta gə̄ tə́ ō ní: I Jeju ngōn̄ Jəjep kə́ *Najaret.

JA̰A̰ 1:45 Referans Kwoze

Najə̄ kə́ Majə yā Jeju ń Luk ndang ní 24:27

Loo ń noō tə́ anī, ni-əla gír dɔ najə̄ yā Moijə tə́ bátə́ gāngəń dɔ najə̄ yā ngé koō ta gə̄ malang tə́, a ɔrə̄ńdə́ kum yá̰a̰ malang kə́ ɔjə dɔn ń ndangən̄ kem makətūbə̄ tə́ ní.

MISE 5:2

Kɔ́ɔ̄ɓē a əya̰ gír deē yān gə̄ kɔ̄ɔ́ dan kə́rēý tə́. Gō tə́ anī, ndɔ̄ a reē noó kadə̄ dəyá̰ ń sɔɔ̄ kadə̄ ojə ngōn̄ ní, ojə ngōn̄ kə́ dəngam. Ngé gə̄ ń a ndin̄ kə kumdə́ ɓáý gō kɔydə́ kaw̄ sedə́ dɔ ɓē kə́ rang tə́ dɔ gúú tə́ ní, a reēn̄ yā kənge gotə́ Israel gə̄ kadə̄ a ɓoon̄ naā.

MATIYE 2:23

Ni-aw̄ ndi kem ɓē kógə̄ḿ kə́ a ɓārə́n̄ na i Najaret tə́, adə̄ najə̄ ń ngé koō ta gə̄ ədan̄ ní reē udə gírí. Ədan̄ na a ɓāŕnən̄ na i de kə́ Najaret.

Najə̄ kə́ Majə yā Jeju ń Luk ndang ní 24:44

Gō tə́ anī, ni-ədadə́ na: Najə̄ gə̄ ń m-ə́dásí dan ń mā i sesí ní n toó: I gáŕ kadə̄ m̄-tɔ̄l̄ ta yá̰a̰ malang ń i kə́ ɔjə dɔḿ mā kem makətūbə̄ ndū najə̄ yā Moijə tə́ ō, yā ngé koō ta gə̄ tə́ ō, kem makətūbə̄ Pā gə̄ tə́ ō ní.

IJAI 7:14

I beé ɓá ní, Kɔ́ɔ̄ɓē nəkɔ́ a adə̄sí yá̰a̰ kɔjə kógə̄ḿ: Ngōmandə a ndān̄ ngōn̄, ba a ojə ngōn̄ kə́ dəngam. A ɓārə́n na i Emanuel, kumən na i Nə́ɓā i sejí.

Najə̄ kə́ Majə yā Jeju ń Luk ndang ní 4:22

De gə̄ malang a ədan̄ i najə̄ kə́ majə yā Jeju. Najə̄ kɔrə̄n kə́ majə ngá̰ý gə̄ ní ɔr kumdə́ ngá̰ý adə̄ ədan̄ na: I ngōn̄ Jəjep ní n noó aĺ a?

JAKARI 9:9

Ɓē kə́ Siyo̰, ī-ndām̄ kə tɔ́gí gēé malang! A̰á̰ā̰, ɓē kə́ Jerusalem, ə́ga kɔŕ rɔ̄nel̄! Á̰a̰ā̰, mban̄g yāí a reē kə́ rɔ̄í tə́. Ni i de kə́ nge rāā yá̰á̰ kə́ gōtə́ ō, nge tetə rɔ̄ɔ̄ ō, ni i de kə́ najə̄n gətóo ō. Ni-ndi i gidə kərō kógə̄ḿ tə́, adə̄ i gidə ngōn̄ kərōó kógə̄ḿ kə́ kó̰o̰n i noó tə́.

IJAI 9:6

Ni a teē kem ko̰o̰ ɓē yān kə̄ gogə́ ō, a rāā kadə̄ lɔm kə́ dan gān̄g aĺ to ngándáńg ō. Ni a ndi dɔ kōr̄ kāgə̄ mbang yā Dabid tə́ ō, a ɔr no de gə̄ kə́ kem ɓē ko̰o̰ yān tə́ ō. Ni a əndā ɓē ko̰o̰ yān ní ō, a mbūsə̄ gírən kadə̄ ra gan̄g ō, i kə ta kūl̄ rāā kadə̄ de gə̄ ɓōlə́n̄ gidə yá̰á̰ kə́ súmūú ō, yá̰a̰ rāā kə́ gōtə́ ō, a əla gír i ngɔr ń toō tə́ ō, i kə́ njɔ́ḿ gə̄ tə́ ō. Yá̰á̰ ń Kɔ́ɔ̄ɓē kə́ bo kə́ tɔ́gən i ngá̰ý a rāā tām̄ tár yān kə́ təngā piling tə́ ní n noō.

JAKARI 6:12

Ā ə́dan na: Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n toó: De kógə̄ḿ i laā, rīn na i Nge ń sɔɔ̄ kadə̄ əɓa ní. Ndi kə kumuú a əɓa loo ń ni i tū tə́ ní tə́ ō, i ni n a tél yā rāā kújə yāḿ gogə́ ní ō.

IJAI 53:2

Nge kəla tɔgə ta kum Kɔ́ɔ̄ɓē tə́ tītə̄ ngōn̄ kāgə̄ kə́ dūú beē, tītə̄ ngəra yá̰á̰ kə́ teē loo kə́ mángá tə́ beē. Majə deē ō rī ɓār̄ ō ń kum de gə̄ i dɔ tə́ ngá̰ý ní, ni aw̄ń alé, yá̰á̰ kə́ ta kumən tə́ kə́ nel̄jí gətóo.

JA̰A̰ 18:7

Ni dəjedə́ ɓáý to̰ na ké a sāān̄ i náā wa. Anī nin̄-ədan̄ na: I Jeju kə́ Najaret.

IJAI 4:2

Ndɔ̄ kógə̄ḿ tə́ Kɔ́ɔ̄ɓē a rāā kadə̄ yá̰á̰ kógə̄ḿ kə́ majə ngá̰ý ō, kə́ to kɔsə gɔn ngá̰ý ō, əɓa kem ɓēé. De kə́ Israel tə́ gə̄ ń a teēn̄ ta yo tə́ ní, a əndan̄ kadədə́ ō, de gə̄ a rɔȳn̄də́ ō, najə̄ yá̰á̰ ń a teē kem ɓēé tə́ ní.

TA KƏLA 22:18

M-ā m̄-rāā majə kə nápar de gə̄ kə́ dɔ nang tə́ gə̄ malang sɔɔ̄ń ngán kaaí gə̄, tɔdɔ̄ ḭ̄ ōō taḿ.

MARK 6:3

Ké ni i nge kəja kāgə̄ aĺ wa, ké ni i ngōn̄ Mari ō, ni i ngōkó̰o̰ Jakə ō, Jose ō, Jud ō, Simo̰ ō aĺ wa, tá ké i ngákó̰o̰n kə́ dəyá̰ gə̄ n ndin̄ danjí tə́ laā toó aĺ wa. Jeju i tītə̄ bə̄dē kə́ əgadə́ beé.

MATIYE 21:11

Anī kósə de gə̄ tūr̄ ədan̄də́ na: I Jeju nge koō ta kə́ ḭḭ Najaret, gō nang kə́ Galile tə́.

TA KƏLA 49:10

Kāgə̄ mban̄g a teē jī Juda tə́ aĺ ō, kāgə̄ ngār a ɔr̄ gír njan tə́ aĺ ō, bátə́ kadə̄ deē ń i kɔ́ɔ̄n, kə́ gír de kə́ dɔ nang tə́ gə̄ malang a oōn tan ní reē ugə̄ń.

TA KƏLA 3:15

M-ā m-ə̄nī madə̄ ba̰ā̰ naā dɔ dáńsí tə́ kə dəyá̰ ō, dɔ dáń gír kaa yāí tə́ kə gír kaa yānneé ō. Ni a rējə̄ dɔí, ba ḭ̄ ā ī-tə́gā gíŕ gándən.

KƏLA RĀĀ 22:8

m̄-tél m-ə́dan na: I ḭ̄ náā, Kɔ́ɔ̄ɓē? Ndū deē ní tél ədam̄ na: I mā Jeju kə́ Najaret ń ā ī-rāām̄ ndoō tə́ ní.

KƏLA RĀĀ 10:38

Kadə̄ ń Nə́ɓā adə̄ Jeju kə́ Najaret Ndíĺ kə́ Táĺ ō, tɔ́gə ō ní sḭḭ̄ ī-gerī ō, njə̄rā ń Jeju njə̄rā kə gō loo gə̄ a rāań majə kə de gēé ō, rāā adə̄ de gə̄ malang ń ndin̄ gíŕ tɔ́gə yā diabəl tə́ ní rɔ̄də́ ngáā ō tɔdɔ̄ Nə́ɓā i seneé ní, sḭḭ̄ ī-gerī ō.

JA̰A̰ 21:2

Simo̰ Piyer ō, Toma ń a ɓāŕnən̄ na i ndəngā ní ō, Natanayel kə́ Kana gō nang kə́ Galile tə́ ō, ngán Jebede gə̄ ō, ngé ndóō yá̰á̰ kə́rēý gə̄ jōó ō, ndin̄ naā tə́ loo kógə̄ḿ.

Najə̄ kə́ Majə yā Jeju ń Luk ndang ní 2:4

Jəjep aw̄ ō. Ni-ḭḭ Najaret, ɓē kə́ gō nang kə́ Galile tə́, aw̄ Betlehem ɓē kojə mban̄g Dabid tə́ gō nang kə́ Jude tə́, tɔdɔ̄ ni i de kə́ gír kaa Dabid tə́.

MARK 14:67

Ni-a̰a̰ Piyer ndi a ndíbə̄ hor anī, əndā kumən dɔn tə́ ba əda na: Ḭ̄ i kə Jeju kə́ Najaret ō!

MATIYE 13:55

Ké i ni n i ngōn̄ nge kəja kāgə̄ ní aĺ wa. Ké i kó̰o̰n n rīn na i Mari ní aĺ wa. Ké i Jakə ō Jəjep ō Simo̰ ō Jud ō n i ngákó̰o̰n kə́ dəngam gə̄ ní aĺ wa.

KƏLA RĀĀ 26:9

Mā nəkɔ́ ń toō ní, kété m̄-gír̄ kemḿ tə́ m-ə́da na majə kadə̄ m̄-rāā yá̰a̰ malang ń tɔ́gə́ḿ asə ní kadə̄ m̄-nujəń rī Jeju kə́ Najaret kɔ̄ɔ́.

KƏLA RĀĀ 3:6

Loo ń noō tə́ Piyer ədan na: M-ə́nge gində̄ arjā̰a̰ aĺ ō, lɔ́r aĺ ō, banī yá̰á̰ ń m-ə́ngé ní ādə̄ m-ādī: Ḭ́ḭ dɔɔ́ ī-njə̄rā kə rī Jeju Kərist kə́ Najaret!

KƏLA RĀĀ 2:22

Israel gə̄, ōōī najə̄ ń m-ā m-ə́dásí toō: Sḭḭ̄ malang ī-gerī kadə̄ Jeju kə́ Najaret ní, Nə́ɓā ndigə najə̄ gōn tə́. Tām̄ ni-unən rāań yá̰á̰ kə́ yáā gə̄ ō, yá̰á̰ kə́ to kɔr kum gə̄ ō, yá̰á̰ kə́ yā kɔjəń yá̰a̰ gə̄ ō dɔ dáńsí tə́.

JA̰A̰ 19:19

Pilatə ndang najə̄ kə́ dɔ Jeju tə́ əndā tū kāgə̄ kə́ dēsə́ ní tə́. Najə̄ ń ndang ní n toó: I Jeju kə́ Najaret, mban̄g yā Jipə gə̄.

JA̰A̰ 18:5

Nin̄-tél ədanən̄ na: I Jeju kə́ Najaret. Ni ədadə́ na: Mā n toó. Ba Judas nge kəlan jī de gə̄ tə́ i sedə́.

JA̰A̰ 6:42

Nin̄-ədan̄ na: Deē ń toō i Jeju ngōn̄ Jəjep aĺ a? Jə-gerī bɔbə̄n ō kó̰o̰n ō aĺ a? I ba̰ý á əda na n-ḭḭ na i dɔ rā̰ tə́ n n-reē dɔ nang tə́ ní?

Najə̄ kə́ Majə yā Jeju ń Luk ndang ní 3:23

Dan ń Jeju əla gír kəla yān ní ɓālə̄n i kutə mətá. De gə̄ ɔjənə̄ń na ni na i ngōn̄ Jəjep kə́ ngōn̄ Heli,

MATIYE 10:3

Pilipə nin̄ kə Bartelemi ō, Toma nin̄ kə Matiye nge taā lambóo ō, Jakə kə́ ngōn̄ Alpe nin̄ kə Tade ō,

Najə̄ kə́ Majə yā Jeju ń Luk ndang ní 2:48

Dan ń ngé kojən gə̄ a̰a̰nən̄ ní ɔr kumdə́ ngá̰ý, adə̄ kó̰o̰n dəjen na: Ngōnə̄ḿ, ī-rāā yá̰á̰ kə́ beé sejí i tām̄ rí tə́? Á̰a̰ā̰, bɔbí ō, mā ō, jə-ndəleī kə sōlōó ngá̰ý.

JA̰A̰ 1:44

Pilipə i de kə́ Betsaida, ɓē yā Andəre nin̄ kə Piyer tə́.

JA̰A̰ 6:5

Jeju ɔr̄ dɔn dɔɔ́, a̰a̰ kósə de kə́ ngá̰ý gə̄ ń a reēn̄ kə̄ rɔ̄n tə́ ní anī, əda Pilipə na: J-a jə-mangiī mápa i rá n j-a j-adī de gə̄ ń toō kadə̄ əsan̄ ní?

JA̰A̰ 6:7

Pilipə tél ədan na: Mápá kə́ kum gúrsə dūbú kutə gə̄gē a tɔ́sə̄ dɔdə́ yā kadə̄ de gə̄ kógə̄ḿ kógə̄ḿ əngen̄neé bə̄dē mápa kə dɔdə́ gēé alé.

JA̰A̰ 12:21

Nin̄-aw̄ əngen̄ Pilipə ń i de kə́ Betsaida gō nang kə́ Galile tə́ ní, rāānən̄ ɓɔ́ ba ədanən̄ na: Kɔ́ɔ̄ɓē, jə-gḛy ka̰a̰ Jeju.

JA̰A̰ 14:8

Pilipə ədan na: Kɔ́ɔ̄ɓē, ɔ́jə́jí kə Bɔbí anī nge ń noō a asəjí.

Najə̄ kə́ Majə yā Jeju ń Luk ndang ní 18:37

Anī ədanən̄ na i Jeju kə́ Najaret n a mān̄ ní.