JA̰A̰ 1:42 - Bibəl ta Sar̄

⁴² Ni-aw̄ kə Simo̰ rɔ̄ Jeju tə́. Jeju a̰a̰ Simo̰ anī əda na: Ḭ̄ i Simo̰ ngōn̄ Ja̰a̰, ba a ɓāríīn̄ na i Kepas, kumən na i Mbal̄.

Bible sar

⁴² Ni-aw̄ kə Simo̰ rɔ̄ Jeju tə́. Jeju a̰a̰ Simo̰ anī əda na: Ḭ̄ i Simo̰ ngōn̄ Ja̰a̰, ba a ɓāríīn̄ na i Kepas, kumən na i Mbal̄.

JA̰A̰ 1:42 Referans Kwoze

1 KORḚNTƏ 15:5

Ni-teē hɔy kə̄ rɔ̄ Piyer tə́ ō, gō tə́ anī teē hɔy kə̄ rɔ̄ ngámbang kəla gə̄ kə́ kutə gidə i jōó tə́ ō.

1 KORḚNTƏ 3:22

Ká i Pol, aké i Apolos, aké i Kepas, aké i yá̰á̰ kə́ dɔ nang tə́, aké i ndi kə kumuú, aké i koy, aké i yá̰á̰ kə́ ngɔlaā ń toō, aké i yá̰á̰ ń a reē ɓáý ní, yá̰a̰ malang i yāsí,

1 KORḚNTƏ 1:12

Yá̰á̰ ń m̄-gḛy kədasí ní n toó: Sḭḭ̄ kógə̄ḿ kógə̄ḿ ní, najə̄ kɔr̄sí gə̄ i tayā tayā. Ngé kə́rēý gə̄ ədan̄ na: Mā i yā Pol. Kə́ madə̄ gə̄ ədan̄ na: Mā i yā Apolos. Kə́ rang gə̄ ədan̄ na: Mā i yā Kepas. Tá ngé kə́rēý gə̄ ədan̄ na: Mā i yā Kərist.

GALATƏ 2:9

Kəla kə́ tayā ń Nə́ɓā adə̄m̄ ní, Jakə ō Piyer ō Ja̰a̰ ō ń de gə̄ əndān̄ tɔ́gə́də́ i dɔdə́ nin̄ tə́ ní, nin̄-a̰a̰ gerə̄n̄. Adə̄ nin̄-əhɔn̄ jījí, mā ō Barnabas ō ɔjən̄neé kadə̄ kemdə́ i gō yājí tə́. I tītə̄ ń noō n j-oōń naā kadə̄ jḭḭ j-a jə-rāā kəla i dan de gə̄ kə́ nin̄ i Jipə aĺ gə̄ tə́, ba nin̄ a rāān̄ kəla i dan Jipə gə̄ tə́ ní.

1 KORḚNTƏ 9:5

Ni-adə̄jí ta róbə kun dəyá̰ kə́ taā kem Kərist kadə̄ aw̄ sejí tītə̄ ń ngámbang kəla kə́rēý gə̄ ō, ngákó̰ó̰ Kɔ́ɔ̄ɓē gə̄ ō, Kepas ō rāān̄neé ní aĺ a?

MATIYE 10:2

Rī ngámbang kəla yān kə́ kutə gidə i jōó gə̄ ní n toó: Nge kə́ kété bang i Simo̰ ń a ɓāŕnən̄ na i Piyer ní nin̄ kə ngōkó̰o̰n Andəre ō, tá Jakə kə́ ngōn̄ Jebede nin̄ kə ngōkó̰o̰n Ja̰a̰ ō,

Najə̄ kə́ Majə yā Jeju ń Luk ndang ní 5:8

Dan ń Simo̰ Piyer a̰ā̰ tītə̄ ń noō anī əsō nang tə́ nja Jeju tə́ ba ədan na: Kɔ́ɔ̄ɓē, ī-tél kə̄ gogə́ na mā i nge rāā majaĺ.

JA̰A̰ 21:2

Simo̰ Piyer ō, Toma ń a ɓāŕnən̄ na i ndəngā ní ō, Natanayel kə́ Kana gō nang kə́ Galile tə́ ō, ngán Jebede gə̄ ō, ngé ndóō yá̰á̰ kə́rēý gə̄ jōó ō, ndin̄ naā tə́ loo kógə̄ḿ.

MARK 3:16

Jeju əndā ngé kə́ kutə gidə i jōó gə̄, adə̄ i Simo̰ ń əndā rīn na i Piyer ní ō,

JA̰A̰ 13:18

M-ɔ̄r̄ i najə̄ yāsí sḭḭ̄ malang alé, m̄-ger̄ ngé gə̄ ń m̄-gə̄rādə́ ní. Banī i gáŕ kadə̄ najə̄ ń toō ń ndangən̄ kem makətūbə̄ tə́ ní udə gírí: Deē ń əsa yá̰a̰ seḿ ní, ɔr̄ gándən əɓamə̄ń.

Najə̄ kə́ Majə yā Jeju ń Luk ndang ní 6:14

De gə̄ ní i Simo̰ ń ni a tūr̄ rīn na i Piyer ní ō, ngōkó̰o̰n Andəre ō, Jakə ō, Ja̰a̰ ō, Pilipə ō, Bartelemi ō,

GALATƏ 1:18

Ɓāl̄ mətá gō tə́ anī m-āw̄ Jerusalem kadə̄ m̄-ger̄ Kepas, ba m̄-ndi seneé ndɔ̄ kutə gidə i mí.

GALATƏ 2:11

Ba dan ń Piyer reē kem ɓē kə́ A̰tiyos tə́ anī, m̄-mbātə́ najə̄ gōn tə́ ta kumən tə́, tɔdɔ̄ yá̰a̰ rāān i gō tə́ alé.

2 MBAN̄G 5:4

Najə̄ ń ngōn̄ kə́ dəyá̰ kə́ Israel tə́ əda ní, Naaman téləń aw̄ əda mban̄g.

JA̰A̰ 4:16

Jeju ədan na kə aw̄ kə ɓāŕ ngaan ba kə reē.