JA̰A̰ 1:34 - Bibəl ta Sar̄

³⁴ Mā m-á̰a̰ ō, m-ə́da i yá̰á̰ kə́ m-á̰a̰ kə kumḿ ō, kadə̄ ni i Ngōn̄ Nə́ɓā.

Bible sar

³⁴ Mā m-á̰a̰ ō, m-ə́da i yá̰á̰ kə́ m-á̰a̰ kə kumḿ ō, kadə̄ ni i Ngōn̄ Nə́ɓā.

JA̰A̰ 1:34 Referans Kwoze

PĀ GƏ̄ 2:7

Yá̰á̰ ń Kɔ́ɔ̄ɓē ndang kadə̄ yā rāā ní m-ā m-ə̄nī mbērən, ni ədam̄ na: Ḭ̄ i ngōnə̄ḿ, ɓōólaā ní, mā i Bɔbí.

JA̰A̰ 1:49

Anī Natanayel tél ədan na: Ngoljí, ḭ̄ i Ngōn̄ Nə́ɓā, ḭ̄ i mban̄g yā ngáń Israel gə̄!

MATIYE 4:3

Loo ń noō tə́ diabəl reē rɔ̄n tə́ ngɔr ba ədan na: Ré ḭ̄ i Ngōn̄ Nə́ɓā anī, ə́da kūbə̄rū mbal̄ gə̄ ń toō ādə̄ télən̄ mápa.

1 JA̰A̰ 5:20

Jə-gerī kadə̄ Ngōn̄ Nə́ɓā reē ō, ni-adə̄jí kur̄ dɔ kə́ kadə jə-gerīneé De kə́ Rɔ̄kum ō. Banī jḭḭ̄ i kem De kə́ Rɔ̄kum tə́ i kə ta kūl̄ Ngōnən Jeju Kərist. Ni i De kə́ Rɔ̄kum ō, ni i Nə́ɓā ō, ni i ndi kə kumuú kə́ ngándáńg ō.

JEJU TEĒ KUM JA̰A̰ 2:18

Ī-ndang najə̄ ń toō ādə̄ de kə́ dɔ rā̰ tə́ yā Egəlijə kə́ Tiyatir. Najə̄ ń ngōn̄ Nə́ɓā ń kumən to tītə̄ ta ndo̰ hor ō, njan to tītə̄ gində̄ nə̄ngá kasə ō, əda ní n toó:

Makətūbə̄ ń Pol ndang adə̄ Rom gə̄ ní 1:4

Ta yā Nə́ɓā tə́ ɓáa, Nə́ɓā ɔjə kadə̄ ni i Ngōnən i dan ń ni-ndólən dan de kə́ koy gə̄ tə́ kə tɔ́gə yā Ndíĺ kə́ Tálá ní.

JA̰A̰ 20:31

Banī ndangən̄ ngé gə̄ ń toō i yā kadə̄ ī-taāī kem kadə̄ Jeju i Kərist, ni i Ngōn̄ Nə́ɓā. Ba ré sḭḭ̄ ī-taāī kemən anī, ā ə́ngeī ndi kə kumuú kə ta kūl̄neé.

1 JA̰A̰ 4:9

Á̰a̰ī loo kɔjə ń Nə́ɓā ɔjə tár yān dɔ dáńjí tə́ ní. Ni-əla Ngōnən kə́ kal kógə̄ḿ beē dɔ nang tə́ laā yā kadə̄ jə-ndiī kə kumjí i kə ta kūl̄neé.

1 JA̰A̰ 3:8

De kə́ nge rāā majaĺ i deē yā diabəl, tɔdɔ̄ diabəl rāā majaĺ i ta kəla gíŕ tə́ beē.

1 JA̰A̰ 2:23

Tɔdɔ̄ deē ń mbātə́ Bɔbə̄ Ngōn̄ ní, mbātə́ i Ngōn̄. Ba deē ń əda najə̄ yā Ngōn̄ tan tə́ anī, Bɔbə̄ Ngōn̄ i seneé.

2 KORḚNTƏ 1:19

Tɔdɔ̄ Kərist Jeju, ngōn̄ Nə́ɓā ń mā ō, Silas ō, Timote ō, j-ɔjəsí najə̄ yān ní, i a̰á̰ā̰ tá tél i hó̰ō̰ alé. Banī ni i a̰á̰ā̰ yā Nə́ɓā,

JA̰A̰ 19:7

Jipə gə̄ tél ədanən̄ na: Jḭḭ j-aw̄ kə ndū najə̄ kógə̄ḿ, ba kə gō ndū najə̄ yājí ngeé ń toō ní sɔɔ̄ kadə̄ ni-oy, tɔdɔ̄ ni-rāā rɔ̄n i Ngōn̄ Nə́ɓā tə́.

JA̰A̰ 11:27

Martə tél ədan na: A̰ýyē, Kɔ́ɔ̄ɓē, m̄-taā kem kadə̄ ḭ̄ i Kərist ō, Ngōn̄ Nə́ɓā ń kadə̄ reē dɔ nang tə́ ní ō.

JA̰A̰ 10:36

Ba mā ń Bɔbə́ḿ ɔrə̄m̄ tayā tām̄ yān tə́ ba əlam̄ dɔ nang tə́ ní, i ba̰ý n sḭḭ̄ ə́daī na m̄-tájə̄ Nə́ɓā kə najə̄ kɔrə̄ḿ tām̄ kəda kə́ m-ə́da na mā na i Ngōn̄ Nə́ɓā ní?

MARK 1:1

Ta kəla gír Najə̄ kə́ Majə yā Jeju Kərist Ngōn̄ Nə́ɓā.

MATIYE 27:54

Ngol áskar gə̄ ō, áskar gə̄ ń ngɔ̄mə̄n̄ Jeju seneé ní ō, a̰a̰n̄ dɔ nang ń ndebə ní ō, yá̰a̰ ń rāā yá̰á̰ ní ō anī, ɓōlə́n̄ ngá̰ý ba ədan̄ na: Deē ń toō i Ngōn̄ Nə́ɓā rɔ̄kum!

MATIYE 27:43

Ni-əndā kemən dɔ Nə́ɓā tə́ mámák adə̄ əda na ni na i Ngōn̄ Nə́ɓā ní, ré Nə́ɓā tárən anī, ādə̄ taān jī yo tə́ kə́ ngɔr ń toō tə́.

MATIYE 27:40

Ḭ̄ ń ī-sāā tɔ̄ɔ̄ kújə́ yā Kɔ́ɔ̄ɓē kɔ̄ɔ́ ba tél rāā rang kem ndɔ̄ mətá ní, īkɔ́ ájə rɔ̄í. Ré ḭ̄ i Ngōn̄ Nə́ɓā anī, ī-risə kɔ̄ɔ́ dɔ kāgə̄ kə́ dēsə́ tə́!

MATIYE 26:63

Banī Jeju ndi kə tan kə́ mbóó. Anī ngol ngé tun̄ yá̰a̰ gə̄ ədan na: m̄-dəjeī kə rī Nə́ɓā kə́ ndi kə kumneé, ré i ḭ̄ n i Kərist, adə̄ ḭ̄ i Ngōn̄ Nə́ɓā, anī ə́dájí.

MATIYE 17:5

Dan ń a ɔr̄ najə̄ kə̄ tan tə́ ɓáý anī, kil̄ man̄ kógə̄ḿ kə́ ndə́lē reē utə̄ dɔdə́ kɔ̄ɔ́. Anī ndū deē kógə̄ḿ ɔr̄ najə̄ dan kil̄ man̄ ní tə́, əda na: Nge ń toō i Ngōn̄ kó tár yāḿ ń rɔ̄nel̄ yāḿ malang i dɔn tə́ ní. Ōōī najə̄ yān.

2 JA̰A̰ 1:9

Náā nəkɔ́ ń ra dɔ yá̰á̰ ndóō yā Kərist tə́ alé banī mān̄ dɔ tə́ kum kə̄ kété ní, Nə́ɓā i seneé alé. Deē ń ra dɔ yá̰á̰ ndóō yā Kərist tə́ ní, Bɔbə̄ Ngōn̄ i seneé ō, Ngōn̄ nəkɔ́ i seneé ō.

HEBƏRO 7:3

Deē ger̄ bɔbə̄n aĺ ō, kó̰o̰n aĺ ō, kaan aĺ ō. Deē ɔr̄ najə̄ kə́ dɔ kojən tə́ aĺ ō, kə́ dɔ koyn tə́ aĺ ō. Ni to tītə̄ Ngōn̄ Nə́ɓā beé, adə̄ ni-ndi nge tun̄ yá̰á̰ ngándáńg.

Najə̄ kə́ Majə yā Jeju ń Luk ndang ní 3:22

adə̄ Ndíĺ kə́ Táĺ jə̄ngā dɔn tə́ kə́ dér ndaa tə́ ō, ndū deē kógə̄ḿ ɓār̄ kə̄ dɔ rā̰ tə́ ō, əda na: Ḭ̄ i ngōn̄ kó tár yāḿ, nelə̄m̄ seí ngá̰ý.

Najə̄ kə́ Majə yā Jeju ń Luk ndang ní 1:35

De kə́ dɔ rā̰ tə́ ní tél ədan na: Ndíĺ kə́ Táĺ a reē dɔí tə́ ō, tɔ́gə yā Nə́ɓā kə́ dɔɔ́ a il̄ dɔí tə́ nding ō. I tām̄ najə̄ ń noō tə́ n ngōn̄ ń ā ójən ní i de kə́ táĺ ō, a ɓāŕnən̄ na i Ngōn̄ Nə́ɓā ō ní.

MARK 1:11

Loo ń noō tə́, ndū deē kógə̄ḿ ɓār̄ dɔ rā̰ tə́, əda na: Ḭ̄ i Ngōn̄ kó tár yāḿ ń nelə̄m̄ seí ngá̰ý ní.

MATIYE 16:16

Simo̰ Piyer ə́dan na: Ḭ̄ i Kərist Ngōn̄ Nə́ɓā kə́ ndi kə kumneé.

MATIYE 11:27

Bɔbə́ḿ əla yá̰a̰ malang gír jīḿ tə́. Deē kógə̄ḿ kə́ gerə̄m̄ mā Ngōnən gətóo, ba i Bɔbə́ḿ nəkɔ́ tá ngóy ō, deē kógə̄ḿ kə́ ger̄ Bɔbə́ḿ gətóo, ba i mā Ngōnən nəkɔ́ tá ngóy ō, deē ń mə̄kɔ́ ngōn̄ m̄-ndigə teē kumən dɔn tə́ ní tá ngóy ō.

MATIYE 8:29

De gə̄ ní unən̄ ndūdə́ kə̄ dɔɔ́ ngá̰ý ədanə̄ń na: Ngōn̄ Nə́ɓā, yāí i rí sejí? Ī-reē laā i rāājí yá̰á̰ kə́ tōr̄ tə́ kété no ndɔ̄ tə́ a?

MATIYE 4:6

Ré ḭ̄ i Ngōn̄ Nə́ɓā anī, ḭ́ḭ bal ə̄sō nang tə́, tɔdɔ̄ ndangən̄ kem makətūbūú na: Nə́ɓā a əda deē yān kə́ dɔ rā̰ tə́ gə̄ kadə̄ ətōīn̄ ta jīdə́ tə́ dɔɔ́ na sōgə́ mbal̄ tə́gā njaí.

MATIYE 3:17

Ba ndū deē kógə̄ḿ ɓār̄ dɔ rā̰ tə́, əda na: Ni ń toō i Ngōn̄ kó tár yāḿ ń nelə̄m̄ seneé ngá̰ý ní.

JA̰A̰ 20:28

Toma tél ədan na: Kɔ́ɔ̄ɓē yāḿ ō, Nə́ɓā yāḿ ō.

JA̰A̰ 10:30

Mā ō Bɔbə̄ Ngōn̄ ō ní, jḭḭ i kógə̄ḿ beē.

JA̰A̰ 6:69

Ba jḭḭ jə-taā kem ō, jə-ger̄ ō, kadə̄ ḭ̄ i nge kə́ táĺ yā Nə́ɓā.

JA̰A̰ 1:18

Deē kógə̄ḿ kə́ a̰a̰ Nə́ɓā gətóó bátə́. Ba Ngōn̄ Nə́ɓā kə́ kal kógə̄ḿ beē ń ndi naā tə́ ngándáńg kə Bɔbə̄ Ngōnōó ní, ni a rāā kadə̄ a ger̄nən̄.