JA̰A̰ 1:29 - Bibəl ta Sar̄

²⁹ Teē kə ndɔ̄ kə́ noō anī, Ja̰a̰ a̰a̰ Jeju a reē kə̄ rɔ̄n tə́, anī əda na: Á̰a̰ī Ngōn̄ batə̄ yā Nə́ɓā, nge kɔr̄ majaĺ yā de kə́ dɔ nang tə́ gə̄.

Bible sar

²⁹ Teē kə ndɔ̄ kə́ noō anī, Ja̰a̰ a̰a̰ Jeju a reē kə̄ rɔ̄n tə́, anī əda na: Á̰a̰ī Ngōn̄ batə̄ yā Nə́ɓā, nge kɔr̄ majaĺ yā de kə́ dɔ nang tə́ gə̄.

JA̰A̰ 1:29 Referans Kwoze

IJAI 53:7

Rāānən̄ yá̰á̰ kə́ tōr̄, banī ni ndigə yá̰á̰ ń rāān̄ seneé ní. Ni-əda yá̰a̰ alé. Əda yá̰a̰ alé, tītə̄ ngōn̄ batə̄ kə́ aw̄n̄ seneé kə̄ loo tɔ̄lən tə́ beē, tītə̄ batə̄ kə́ əjan̄ bḭḭ̄n anī nōō aĺ beē.

1 JA̰A̰ 2:2

Ni-tun̄ yá̰a̰ i tām̄ majaĺ yājí gə̄ tə́. Ba tun̄ yá̰a̰ yān ní i tām̄ majaĺ yājí jḭḭ̄ gə̄ tə́ ngóy alé, ba i tām̄ majaĺ yā de gə̄ malang kə́ dɔ nang tə́ ō.

1 JA̰A̰ 3:5

Ī-gerī kadə̄ Jeju Kərist teē i yā kɔr̄ majaĺ kɔ̄ɔ́, ba ni tá majaĺ gətóo kemən tə́.

1 PIYER 1:19

I kə yá̰a̰ gə̄ ń noō alé, ba i kə mósə Kərist kə́ gātə̄n i ngá̰ý. Ni-to i tītə̄ ngōn̄ batə̄ kə́ loon kógə̄ḿ nujə aĺ ō, kə́ yá̰á̰ kə́ majaĺ tákə̄n aĺ ō, kə́ tɔ̄lə̄n̄ ba tun̄ adə̄n̄ Nə́ɓā beé.

2 KORḚNTƏ 5:21

Kété ní Kərist i kanjə̄ yá̰á̰ kə́ majaĺ dɔn tə́, ba Nə́ɓā əndā yá̰á̰ kə́ majaĺ yājí dɔn tə́. I yā kadə̄ kə ta kūl̄ Kərist ɓáa, j-əngeīneé yá̰á̰ kə́ majə kə́ teē tū kəla ń Nə́ɓā rāā tə́ ní. Jə-téliī de kə́ gōtə́ gə̄ ta kum Nə́ɓā tə́, i kə ta kūl̄ kəla rāān ngeé ń toō.

1 PIYER 2:24

Kərist nəkɔ́ ɔy majaĺ yājí gə̄ dɔn tə́ rań tū kāgə̄ kə́ dēsə́ tə́. Loo ń noō tə́ ní jḭḭ̄ i de kə́ koy kɔ̄ɔ́ gə̄, adə̄ j-asiī rāā majaĺ alé, banī jə-ndiī kə kumjí i tām̄ yā yá̰á̰ kə́ gōtə́ tə́. I do ń ni-ənge ní n rāā adə̄ rɔ̄sí ngáā ní.

HEBƏRO 1:3

Ngōn̄ Nə́ɓā ní i kɔsə gɔn yā Bɔbə̄n kə́ ndə́lē i ndə́lē yā Nə́ɓā ō, i ngarān̄g kum Nə́ɓā Bɔbə̄n nəkɔ́ kə́ ɔjə rɔ̄n kə̄ ndágá ō. Ni-rāā adə̄ yá̰a̰ gə̄ malang ndin̄ ngan̄g kə ta kūl̄ tɔ́gə najə̄ yānneé. Dan ń ni-ɔr̄ majaĺ kə́ kem de gə̄ tə́ kɔ̄ɔ́ ní, ni-ndi dɔ jī ko̰ Nə́ɓā tə́ dɔ rā̰ tə́. Nə́ɓā i tɔ́gə́ kə́ dɔ tɔ́gə gə̄ tə́ malang.

IJAI 53:11

Ni a a̰a̰ loo kə́ unjə̄ kow najə̄ yā yá̰á̰ kə́ tōr̄ ń ni tə́gā tan danaá ní tə́, rɔ̄n a nelə̄n ngá̰ý. Nge kəla yāḿ ń i de kə́ gōtə́ kə́ rɔ̄kum ní, a rāā kadə̄ de kə́ ngá̰ý gə̄ télən̄ de kə́ gōtə́ gə̄, tām̄ ni un majaĺ yādə́ gə̄ dɔn tə́.

JEJU TEĒ KUM JA̰A̰ 6:1

Anī m-á̰a̰ Ngōn̄ batə̄ ɔsə mbō̰ kə́ ta kəga dɔ kə́ dan kə́ sīrí gə̄ tə́ ɔr̄. Anī dan yá̰á̰ kə́ kə kumuú kə́ sɔ́ gə̄ tə́ ní, m-ōō nge kə́ kógə̄ḿ dandə́ tə́ əda kə ndūn kə́ ɓār̄ tītə̄ ndán̄g man̄ beé na: Ī-reē.

JEJU TEĒ KUM JA̰A̰ 12:11

Ba nin̄-tetənən̄ rɔ̄ɔ̄ i kə ta kūl̄ mósə Ngōn̄ batə̄ ō, i kə ta kūl̄ najə̄ kə́ kum tə́ yādə́ ń nin̄-ədan̄ tām̄ yān tə́ ní ō. Nin̄-tárən̄ rɔ̄də́ alé, adə̄ ɓōlə́n̄ yo alé bátə́ oynə̄ń.

GALATƏ 3:13

Dan ń Kərist tél de kə́ ndɔ̄ĺ i dɔn tə́ kum gotəjí ní, ni-ɔr̄jí kɔ̄ɔ́ gír ndɔ̄ĺ yā ndū najə̄ tə́. Tɔdɔ̄ i kə́ ndang na: Deē ń naānən̄ dɔɔ́ tū kāgə̄ tə́ ní, ndɔ̄ĺ i dɔn tə́.

JA̰A̰ 1:36

Dan ń ni-a̰a̰ Jeju a mān̄ anī əda na: Á̰a̰ī Ngōn̄ batə̄ yā Nə́ɓā.

JEJU TEĒ KUM JA̰A̰ 7:17

Tɔdɔ̄ Ngōn̄ batə̄ ń ndi dɔ kōr̄ kāgə̄ mbang tə́ danaá bang ní, a ul̄də́ ō, a aw̄ sedə́ ta kəɓa man̄ kə́ a rāā kadə̄ deē ndi kə kumneé tə́ ō. Nə́ɓā a ɔl̄ man̄ nōō kə́ kumdə́ tə́ kɔ̄ɔ́ ō.

KƏLA RĀĀ 8:32

Ba najə̄ ń ndi a tə́dá ní n toó: Ni to i tītə̄ batə̄ kə́ aw̄n̄ seneé kə̄ loo tɔ̄lən tə́ beē, tītə̄ ngōn̄ batə̄ kə́ ra tan mbóo no nge dəsā bḭḭ̄n tə́ beē, ni-tḛḛ̄ tan mḛḛ alé.

JEJU TEĒ KUM JA̰A̰ 17:14

Nin̄ a rɔ̄ɔ̄n̄ Ngōn̄ Batə̄, ba Ngōn̄ Batə̄ a tetədə́ rɔ̄ɔ̄, tɔdɔ̄ ni i Kɔ́ɔ̄ɓē kə́ dɔ Kɔ́ɔ̄ɓē gə̄ tə́ ō, mban̄g kə́ dɔ mban̄g gə̄ tə́ ō. Ngé gə̄ ń ni-ɓāŕdə́ ō, ngé gə̄ ń ni gə̄rādə́ ō, ngé gə̄ ń ran̄ dɔ ndūdə́ tə́ ō ní, a tetən̄ rɔ̄ɔ̄ seneé ō.

JEJU TEĒ KUM JA̰A̰ 15:3

Nin̄-ənīn̄ pā yā Moijə nge kəla yā Nə́ɓā ō, pā yā Ngōn̄ batə̄ ō, ədan̄ na: Kɔ́ɔ̄ɓē Nə́ɓā kə́ bo kə́ tɔ́gən i ngá̰ý, kəla rāāí i kəla kə́ bo gə̄ ō, kə́ to kɔr kum gə̄ ō. Mban̄g kə́ dɔ nápar de gə̄ tə́, gō róbə yāí gə̄ i gō róbə́ kə́ gō tə́ gə̄ ō, kə́ rɔ̄kum gə̄ ō.

JEJU TEĒ KUM JA̰A̰ 14:1

Anī m-á̰a̰ Ngōn̄ batə̄ ra dɔ mbal̄ Siyo̰ tə́, ba de gə̄ 144 000 kə́ ndangən̄ rīn ō, rī Bɔbə̄n ō, nodə́ tə́ i seneé.

JEJU TEĒ KUM JA̰A̰ 7:14

Anī m̄-téĺ m-ə́dan na: Kɔ́ɔ̄ḿ, īkɔ́ ī-ger̄ mbak aĺ a. Loo ń noō tə́ ni ədam̄ na: I de gə̄ ń teēn̄ kum yá̰a̰ nāā kə́ bo ngá̰ý tə́ ní. Nin̄-tə́gon̄ kūbə̄ ngāl̄ yādə́ gə̄ adə̄ unjə̄ i kum mósə Ngōn̄ batə̄ tə́.

1 PIYER 3:18

Tām̄ Kərist nəkɔ́ oy ɓá najə̄ yā yá̰á̰ kə́ majaĺ gə̄ ń de gə̄ rāān̄ tə́ ní. Ni a oy yo kə́ rang to̰ alé. Ni ń i de kə́ súmūú ní, oy tām̄ yā de kə́ súmūú aĺ gə̄ tə́, yā kaw̄ń sesí rɔ̄ Nə́ɓā tə́. Tɔ̄l̄nən̄, banī Ndíl Nə́ɓā rāā adə̄ ni-tél ndi kə kumneé gogə́.

JEJU TEĒ KUM JA̰A̰ 19:9

Anī de kə́ dɔ rā̰ tə́ kógə̄ḿ ədam̄ na kə m̄-ndang najə̄ ń toō: Ngé gə̄ ń ɓārə́n̄də́ tū yá̰a̰ kūjə́ kaw̄ kújú yā nə̄yá̰ Ngōn̄ Batə̄ tə́ ní, rɔ̄də́ nel̄də́. Gō tə́ anī ni-ədam̄ na najə̄ ń toō na i najə̄ kə́ rɔ̄kum yā Nə́ɓā.

JEJU TEĒ KUM JA̰A̰ 14:10

kɔ́ɔ̄ a a̰ȳ kasə nduú wōn̄g yā Nə́ɓā ō. Ɓōkə́n̄ kasə nduú ní kem kópə wōn̄g yā Nə́ɓā tə́ i kanjə̄ yá̰á̰ kə́ rang kum tə́. Adə̄ yá̰á̰ kə́ tōr̄ a rāā kɔ́ɔ̄ kum hor tə́ ō, kum bursu tə́ ō, ta kum de kə́ dɔ rā̰ tə́ kə́ táĺ gə̄ tə́ ō, ta kum Ngōn̄ batə̄ tə́ ō.

JEJU TEĒ KUM JA̰A̰ 13:8

Ngōn̄ batə̄ ń əjan̄ míndən ní, de kə́ dɔ nang tə́ gə̄ malang ń kété ta kəla gír kəndā dɔ rā̰ ō dɔ nang ō tə́ ɓáa rīdə́ i kə́ ndang kem makətūbə̄ ndi kə kumuú yān tə́ aĺ ní, a rɔȳnən̄.

JA̰A̰ 3:16

Rɔ̄kum, Nə́ɓā tár de kə́ dɔ nang tə́ gə̄ ngá̰ý, adə̄ un Ngōnən kə́ kal kógə̄ḿ beē adə̄, yā kadə̄ náā nəkɔ́ ń taā kemən anī, kɔ́ɔ̄ udə kɔ̄ɔ́ alé, banī ndi kə kumneé ngándáńg.

JEJU TEĒ KUM JA̰A̰ 19:7

Ādə̄ jə-rāāī rɔ̄nel̄ ō, jə-tḭ́ḭ̄ bal walya ō, j-ɔsiī gɔnən ō. Tɔdɔ̄ kum mbang kaw̄ kújú yā nə̄yá̰ Ngōn̄ Batə̄ asə kɔ̄ɔ́ ō, nə̄yá̰n rāā rɔ̄n kɔ̄ɔ́ ō.

JEJU TEĒ KUM JA̰A̰ 14:4

Nin̄ i ngé gə̄ ń yḛrən̄ rɔ̄də́ kə dəyá̰ gēé aĺ ní, tɔdɔ̄ nin̄-unjə̄n̄ njáý njáý. Nin̄-unən̄ gō Ngōn̄ batə̄ loo malang ń ni-aw̄ tū tə́ ní tə́. I nin̄ n gāngə̄n̄ dɔdə́ dan de gə̄ tə́ tām̄ yā Nə́ɓā tə́ ō, Ngōn̄ batə̄ tə́ ō ní.

JEJU TEĒ KUM JA̰A̰ 5:8

Ba dan ń ni-taā makətūbə̄ ní oy anī, yá̰á̰ kə́ kə kumuú kə́ sɔ́ gə̄ ní ō, kum kɔɔ̄ kə́ kutə jōó gidə i sɔ́ gə̄ ní ō, əsōn̄ kə̄ nang tə́ non tə́. Kənde i jīdə́ gə̄ tə́ kógə̄ḿ kógə̄ḿ ō, kópə gə̄ kə́ rāā kə lɔ́rɔ́ kə́ ítər rosə kem gə̄ i jīdə́ gə̄ tə́ ō. Yá̰a̰ gə̄ ń noō i ndɔ̄ȳ yā de gə̄ kə́ ɔrə̄n̄ kam̄də́ tām̄ yā Nə́ɓā tə́.

JEJU TEĒ KUM JA̰A̰ 21:9

Anī de kə́ dɔ rā̰ tə́ kógə̄ḿ, kə́ dan ngé kə́ sīrí gə̄ ń kópə kə́ sīrí gə̄ kə́ yá̰á̰ kə́ tōr̄ kə́ ta tɔ̄l̄ ta tə́ gə̄ rosən̄ kem i jīdə́ tə́ ní, reē rɔ̄ḿ tə́ ba ədam̄ na: Ī-reē na m-ā m-ɔ́jiī kə dəyá̰ nong yā Ngōn̄ batāá.

JEJU TEĒ KUM JA̰A̰ 6:16

Nin̄-ədan̄ mbal̄ bo gə̄ ō, ngán mbal̄ gə̄ ō na kə tə́sōn̄ dɔdə́ tə́ ba kə ɓɔ̄ɔ̄n̄də́ kɔ̄ɔ́ sa̰y ta kum nge ń ndi dɔ kōr̄ kāgə̄ mbang tə́ ní ō, ta wōn̄g yā Ngōn̄ batə̄ tə́ ō.

TITƏ 2:14

Ni-əya̰ rɔ̄n adə̄ de gə̄ əhɔ tɔ̄lə̄n̄ kum gotəjí, yā gāngəń dɔjí tām̄ yá̰á̰ kə́ majaĺ gə̄ ń jə-rāāī tə́ ní ō, yā rāań kadə̄ jḭḭ̄ i gír deē yān gə̄ kə́ unən̄ majaĺ dɔjí tə́ kɔ̄ɔ́ adə̄ j-unjī njáý njáý ō, kadə̄ jḭḭ̄ i gír de gə̄ kə́ jə-təngāī loo rāā kəla kə́ majə gə̄ tə́ ō.

JEJU TEĒ KUM JA̰A̰ 21:27

Yá̰á̰ kə́ yḛr a udə kem ɓē ní tə́ aĺ ō, de kə́ nge rāā yá̰á̰ kə́ majaĺ ngá̰ý ō, de kə́ nge sor̄ ō, a udən̄ kem ɓē ní tə́ aĺ ō. I ngé gə̄ ń ndangən̄ rīdə́ kem makətūbə̄ ndi kə kumuú yā Ngōn̄ Batə̄ tə́ ní ngóy n a udən̄ kem ɓē ní tə́ ní.

1 JA̰A̰ 4:10

Yá̰á̰ ń i táŕ ní n toó: I jḭḭ̄ n jə-táriī Nə́ɓā alé, ba i ni n táŕjí á əla Ngōnən adə̄ reē ní. Ngōnən ní əya̰ rɔ̄n adə̄ tɔ̄l̄nən̄ tām̄ yājí tə́. I tām̄ najə̄ ń noō tə́ n Nə́ɓā mā̰yń rɔ̄n dɔ majaĺ yājí gə̄ tə́ ní.

1 TIMOTE 2:6

Ni-adə̄ rɔ̄n yā gāngəń dɔ de gə̄ malang. Dan ń kum mbang asə ní, ni-əda najə̄ kə́ kum tə́ yān i tītə̄ ń noō, kadə̄ rɔ̄kum Nə́ɓā gḛy kadə̄ de gə̄ malang ajən̄.

1 KORḚNTƏ 15:3

Yá̰á̰ ń m-ɔ́jə́sí ta kəga dɔ no yá̰á̰ gə̄ tə́ malang ní, i yá̰á̰ ń ɔjəmə̄n̄ mā kə̄ kété ō ní. Ɔjəmə̄n̄ kadə̄ Kərist oy tām̄ majaĺ yājí tə́, i kə gō najə̄ ń ndangən̄ kem makətūbə̄ yā Nə́ɓā tə́ ní.

MATIYE 20:28

Yā Ngōn̄ Deē i tītə̄ n noō ō. Ni-reē yā kadə̄ i de gə̄ n rāān̄ kəla yān alé, ba i ni n kadə̄ rāā kəla tām̄ yādə́ tə́ ō, kadə̄ adə̄ rɔ̄n yá̰a̰ gān̄g dɔ tə́ tām̄ yā de kə́ ngá̰ý gə̄ tə́ ō ní.

JEJU TEĒ KUM JA̰A̰ 5:6

Ba m-á̰a̰ Ngōn̄ batə̄ kógə̄ḿ ra kə njan kə́ dɔɔ́ dɔ kōr̄ kāgə̄ mbang ní tə́ danaá bang ō, dan yá̰á̰ kə́ kə kumuú kə́ sɔ́ gə̄ ní tə́ ō, dan kum kɔɔ̄ gə̄ ní tə́ ō. To tītə̄ kə́ əjan̄ míndən beé ō, gajən gə̄ i sīrí ō, kumən gə̄ i sīrí ō. Kumən kə́ sīrí gə̄ ní, i Ndíĺ kə́ sīrí gə̄ yā Nə́ɓā ń əlan̄də́ adə̄ aw̄n̄ kə̄ loo gə̄ tə́ malang dɔ nang tə́ ní.

HEBƏRO 9:28

i tītə̄ ń noō n Kərist adə̄ rɔ̄n yá̰a̰ tun̄ tə́ nja kógə̄ḿ yā kunəń majaĺ yā de gə̄ ngá̰ý gə̄ kɔ̄ɔ́ ní. Ni a teē nja kə́ nge ko̰ jōó, i yā kun majaĺ kɔ̄ɔ́ to̰ alé, banī i yā kajə ngé gə̄ ń ndi ngóōnən̄ ní.

GALATƏ 1:4

Jeju Kərist, i nge ń adə̄ rɔ̄n kə gō kem ndigə yā Bɔbə̄jí Nə́ɓāá tām̄ yā majaĺ yājí gə̄ tə́, yā kɔrə̄ńjí kɔ̄ɔ́ dan yá̰á̰ kə́ majaĺ kə́ dɔ nang tə́ laā tə́ ní.

MATIYE 1:21

Ni a ojə ngōn̄ kə́ dəngam, ba ḭ̄ ā ə̄ndā rīn na i Jeju, tɔdɔ̄ i ni n a ajə gír deē yān gə̄ kum majaĺ yādə́ gə̄ tə́ ní.

JEJU TEĒ KUM JA̰A̰ 21:14

Nja ndogə̄ mbal̄ ní i kutə gidə i jōó ba ndangən̄ rī ngámbang kəla kə́ kutə gidə i jōó gə̄ yā Ngōn̄ batə̄ tū njan gə̄ ní tə́.

HEBƏRO 2:17

I tām̄ najə̄ ń noō tə́ n i gáŕ kadə̄ ni-tél to tītə̄ ngákó̰o̰n gə̄ tū yá̰a̰ gə̄ tə́ malang ní, yā kadə̄ ni i ngol ngé tun̄ yá̰a̰ gə̄ kə́ nge ra dɔ ndūn tə́ ō, kə́ nge ka̰a̰ kum tō ndoō yā de gə̄ ō, loo rāā kəla yān tə́ ta kum Nə́ɓā tə́ ní, yā kadə̄ Nə́ɓā mā̰yń rɔ̄n dɔ majaĺ gə̄ yā gír de gə̄ tə́.

LEBI GƏ̄ 10:17

Dā̰ bal bə̄yā̰ kə́ táĺ ngá̰ý ní ké əsan̄ kem loo kə́ táĺ tə́ aĺ i najə̄ rí tə́ wa? Kɔ́ɔ̄ɓē na adə̄də́ i yā kɔrə̄ń majaĺ gə̄ ń ngán Israel gə̄ na rāān̄ ní ō, yā rāān̄ yá̰á̰ kə́ yā kutə̄ń dɔ majaĺ yādə́ gə̄ ō ta kumən tə́.

OJEE 14:2

Israel, ī-tél ī-reē rɔ̄ Kɔ́ɔ̄ɓē Nə́ɓā yāí tə́. I yá̰a̰ rāāī kə́ gōtə́ aĺ rāāī adə̄ ə̄sō ní.

Teē Ngán Israel gə̄ 28:38

Aaro̰ a do̰ō̰ yá̰á̰ súū rɔ̄ ní nɔtə non tə́ ngándáńg yā kaw̄ń ta kumḿ mā Kɔ́ɔ̄ɓē tə́. M-ā m̄-ndigə yá̰a̰ ndējə̄ gə̄ ń ngán Israel gə̄ a reēn̄neé kadə̄m̄ tə́ ní i kə ta kūl̄ yá̰á̰ súū rɔ̄ ń noō. Ká ré ngán Israel gə̄ rāān̄ yá̰á̰ kə́ gōtə́ aĺ gə̄ loo reē tə́ kə yá̰a̰ gə̄ ń ɔrə̄n̄ kam̄ tām̄ yāḿ tə́ ní gə̄gē anī, mā Kɔ́ɔ̄ɓē m-ā m̄-ndigə.

TƏ́DA 18:23

I ngán Lebi gə̄ ngóy n i ngé rāā kəla gə̄ kə́ kem kújə kənge naā tə́ ní. Yá̰á̰ kə́ gōtə́ aĺ gə̄ ń nin̄ a rāān̄ ní, najə̄n a əsō i dɔdə́ nin̄ kɔ́ gə̄ tə́. Ndū najə̄ ń toō a to ngándáńg tām̄ yā ngáńsí gə̄ tə́ ō, ngán kaasí gə̄ tə́ ō. Ngán Lebi gə̄ a əngen̄ dɔ nang tītə̄ yā gotə ngán Israel gə̄ alé.

TƏ́DA 18:1

Anī Kɔ́ɔ̄ɓē əda Aaro̰ na: Yá̰á̰ kə́ rāā gōtə́ aĺ gə̄ kə́ kem loo kə́ táĺ yā Nə́ɓā tə́ ní, najə̄n a əsō i dɔí ḭ̄ tə́ ō, dɔ ngání gə̄ tə́ ō, dɔ ngán kaaí gə̄ tə́ ō, dɔ ngééí gə̄ tə́ ō. Ba yá̰á̰ kə́ gōtə́ aĺ gə̄ ń sḭḭ̄ kɔ́ gə̄ ī-rāāī kə ngání gə̄ loo kəla yāsí tə́ ní, najə̄n a əsō i dɔsí sḭḭ̄ kɔ́ gə̄ tə́.

IJAI 53:10

Banī nge kəla yā Kɔ́ɔ̄ɓē ń rējə̄nən̄ kɔ̄ɔ́ ní, Kɔ́ɔ̄ɓē əda na najə̄ i yān. Adə̄ Kɔ́ɔ̄ɓē tél əndā nge ń adə̄ rɔ̄n kum gotə madə̄n gə̄ ní gotən kə́ kété tə́. Nge kəla yān a ənge ngán gə̄ ō, a ndi kə kumneé ɓáý dan i ngá̰ý ō. Yá̰á̰ ń Kɔ́ɔ̄ɓē núm̄ ní, Kɔ́ɔ̄ɓē rāā kadə̄ udə gírí i kə ta kūl̄neé.

JAKARI 13:1

Kum mbang ngeé ń noō tə́ ní, man̄ kógə̄ḿ kə́ əɓa nang tə́, a nūgə́ yā tə́goń yá̰a̰ rāā kə́ gōtə́ aĺ gə̄ ō, yá̰á̰ kə́ yḛr gə̄ ō, yā de gə̄ kə́ kem kojə yā Dabid tə́ ō, yā de kə́ Jerusalem gə̄ ō.

JA̰A̰ 1:35

Teē kə ndɔ̄ kə́ noō anī, Ja̰a̰ ra loo kə́ kógə̄ḿ beē nəkɔ́ ń noō tə́ ɓáý kə ngé ndóō yá̰a̰ yān gə̄ jōó.

JA̰A̰ 1:43

Teē kə ndɔ̄ kə́ noō anī, Jeju gḛy kaw̄ Galile. Ni-ənge Pilipə róbó, anī ədan na kə un gōn.

JA̰A̰ 2:1

Teē kə ndɔ̄ kə́ nge ko̰ mətá anī, i kaw̄ kújú yā dəyá̰ kógə̄ḿ kem ɓē kə́ Kana tə́, gō nang kə́ Galile tə́. Kó̰o̰ Jeju i kum tə́.

JA̰A̰ 4:42

Ba nin̄-ədan̄ dəyá̰ ní na: I tām̄ najə̄ yāí tə́ n jə-taāń kem ngɔlaā toó to̰ aĺ tā, tɔdɔ̄ jḭḭ kɔ́ gə̄ j-oō najə̄ kə́ tan tə́, adə̄ jə-ger̄ kadə̄ ni i nge kajə de kə́ dɔ nang tə́ gə̄ rɔ̄kum.

JA̰A̰ 6:51

Mā i mápá kə́ kə kumuú kə́ ḭḭ dɔ rā̰ tə́ reē dɔ nang tə́. Ré deē əsa mápá ń toō anī, a ndi kə kumneé ngándáńg. Ba mápá ń m-ā m-ādə̄ ní, i dā̰ rɔ̄ḿ. M-ādə̄ i yā kadə̄ de kə́ dɔ nang tə́ gə̄ ndin̄neé kə kumdə́.

TƏ́DA 21:9

Moijə rāā lī gində̄ ní əla ta kāgə̄ kə́ ngāl̄ tə́. Anī de gə̄ malang ń lī do̰o̰də́ ba unən̄ kumdə́ kə̄ dɔɔ́ a̰a̰nə̄ń lī gində̄ ní, kɔ́ɔ̄ gə̄ ajən̄.