JA̰A̰ 1:19 - Bibəl ta Sar̄

¹⁹ Najə̄ ń Ja̰a̰ əda dɔ rɔ̄n tə́ dan ń Jipə kə́ Jerusalem gə̄ əlan̄ ngé tun̄ yá̰a̰ gə̄ ō, ngán Lebi gə̄ ō, kadə̄ reē dəjenən̄ na ké ni i náā wa ní n toó.

Bible sar

¹⁹ Najə̄ ń Ja̰a̰ əda dɔ rɔ̄n tə́ dan ń *Jipə kə́ *Jerusalem gə̄ əlan̄ *ngé tun̄ yá̰a̰ gə̄ ō, *ngán Lebi gə̄ ō, kadə̄ reē dəjenən̄ na ké ni i náā wa ní n toó.

JA̰A̰ 1:19 Referans Kwoze

JA̰A̰ 10:24

Anī Jipə gə̄ reē gīrə̄n̄ gidən ba ədanən̄ na: Ā ī-rāājí adə̄ kemjí a tɔ́sə̄jí beē i bátə́ ta kə́ rá? Ré ḭ̄ i Kərist anī ə́dájí wáńg.

KƏLA RĀĀ 19:4

Anī Pol ədadə́ na: Batém ń Ja̰a̰ rāā de gə̄ ní i batém tūr̄ háĺ ō, ni-əda ngán Israel gə̄ na kə taān̄ kem deē ń a rāā yā reē gōn tə́ ní ō, kumən na kə taān̄ na i kem Jeju.

KƏLA RĀĀ 13:25

Ba dan ń Ja̰a̰ a rāā yā tɔ̄l̄ ta ndɔ̄ yān gə̄ ngɔr anī əda na: Ɔ́jiīń na mā i náā? Mā i deē ń ā ī-ngóōī tan ní alé. Banī ōōī, deē kógə̄ḿ a reē gōḿ tə́ noō, kə́ kəla sākə̄rā kə́ njan tə́ gə̄gē ngóý ní, m-ásə́ tútə alé.

JA̰A̰ 2:18

Anī Jipə gə̄ dəjenən̄ na: Yá̰a̰ kə́ yáā ń ā ī-rāā yā kɔjəńjí tɔ́gə yāí ā ī-rāań yá̰a̰ tītə̄ ń noō ní i rí?

JA̰A̰ 5:10

Anī Jipə gə̄ ədan̄ deē ń rɔ̄n ngáā ní na: Ɓōólaā i ndɔ̄ sabat, adə̄ adīn̄ ta róbə kun waá yāí alé.

JA̰A̰ 6:52

Tām̄ najə̄ ń toō tə́ ní Jipə gə̄ nējə̄n̄ naā najə̄ ngá̰ý dɔ tə́ dɔ dáńdə́ tə́, ədan̄ na ké i ba̰ý tā á deē ń toō a adə̄də́ dā̰ rɔ̄n kadə̄ n-əsan̄ wa.

JA̰A̰ 6:41

Loo ń noō tə́ Jipə gə̄ yṵ́rə̄n̄ najə̄ dɔ Jeju tə́, tām̄ kəda ń əda na ni na i mápá kə́ ḭḭ dɔ rā̰ tə́ reē dɔ nang tə́ ní.

NDŪ NAJƏ̄ 24:8

Ə̄ndā kumií dɔ rɔ̄í tə́ najə̄ yā mo̰y bānjə̄ tə́. Yá̰a̰ malang ń m-ɔ́jə́ ngán Lebi kə́ ngé tun̄ yá̰a̰ gə̄ á nin̄ ndóōn̄sí ní, ə̄ndāī kumsí gírí majə ī-rāāī.

JA̰A̰ 1:7

Ni-reē tām̄ ni i kə́ de kə́ kum tə́, yā kɔr̄ najə̄ dɔ loo kə́ unjə̄ kow ní tə́, kadə̄ de gə̄ malang taān̄ kem kə kūl̄neé.

JA̰A̰ 2:20

Anī Jipə gə̄ tél ədanən̄ na: Kújə yā Kɔ́ɔ̄ɓē ń toō ń rāān̄ ɓāl̄ kutə sɔ́ gidə i mehḛ́ tá oy ní, ə́da na ndɔ̄ mətá beē anī ā ún dɔɔ́ a?

JA̰A̰ 5:15

Deē ní əda Jipə gə̄ na i Jeju n na rāā adə̄ rɔ̄n ngáā ní.

JA̰A̰ 5:16

I tām̄ najə̄ ń noō tə́ n Jipə gə̄ rāān̄ Jeju kə najá ngá̰ý ní, tām̄ ni-rāā yá̰á̰ ní i ndɔ̄ sabat tə́.

JA̰A̰ 5:18

I tām̄ najə̄ ń noō tə́ n Jipə gə̄ sāān̄ tɔ̄lə̄n tɔȳ kə́ kété ɓáý ní. I tām̄ mān̄ ń ni-mān̄ dɔ ndū najə̄ yā ndɔ̄ sabat tə́ ní ngóy alé, banī i tām̄ kəda ń ni-əda na Nə́ɓā i Bɔbə̄n nəkɔ́ mámák ní ō, rāā ń ni-rāā rɔ̄n i de kə́ asən̄ naā kə Nə́ɓāá tə́ ní ō.

JA̰A̰ 7:1

Gō yá̰a̰ gə̄ ń toō tə́ anī, Jeju njə̄rā gō nang kə́ Galile tə́. Ni ndigə njə̄rā gō nang kə́ Jude tə́ alé, tām̄ Jipə gə̄ sāān̄ tɔ̄lə̄n.

JA̰A̰ 7:11

Kem ndɔ̄ gə̄ ń de gə̄ a rāān̄neé nāā tə́ ní, Jipə gə̄ sāānən̄ ba dəjen̄ na ké ni i rá wa.

JA̰A̰ 7:15

Anī ɔr kum Jipə gə̄ ngá̰ý, adə̄ ədan̄ na: Ni ndóō yá̰a̰ alé, ba ger̄ makətūbə̄ yā Nə́ɓā i ba̰ý?

JA̰A̰ 8:22

Loo ń noō tə́ Jipə gə̄ ədan̄ naā dɔ dáńdə́ tə́ na: Gír̄ i tɔ̄l̄ rɔ̄n a, tām̄ əda na loo ń m-ā m-aw̄ kə̄ tū tə́ ní, sḭḭ̄ ásiī kugə̄ tū tə́ alé.

JA̰A̰ 8:48

Jipə gə̄ tél ədanən̄ na: Dan ń j-əda na ḭ̄ i de kə́ Samari ō, ndíĺ kə́ majaĺ i kemií tə́ ō ní, i gōtə́ aĺ a?

JA̰A̰ 8:52

Jipə gə̄ ədanən̄ na: Ngɔlaā jə-ger̄ kadə̄ ndíĺ kə́ majaĺ i kemií tə́. Abəraham oy ō, ngé koō ta gə̄ oyn̄ ō, ba ḭ̄ ə́da na deē ń rāā yá̰a̰ gə̄ ń ə́dá ní anī, a oy aĺ bátə́.

JA̰A̰ 8:57

Anī Jipə gə̄ ədanən̄ na: Ɓālīí i kutə mí aĺ ɓáý anī, á̰a̰ Abəraham a?

JA̰A̰ 10:31

Anī Jipə gə̄ ɔyn̄ kūbə̄rū mbal̄ gə̄ ɓáý to̰ yā tə́nīnneé.

JA̰A̰ 11:19

adə̄ Jipə gə̄ ngá̰ý reēn̄ rɔ̄ Martə nin̄ kə Mari tə́ yā sɔl̄ kemdə́ tām̄ yā ngōkó̰ó̰də́ tə́.

1 JA̰A̰ 1:5

Ba najə̄ ń j-oō tan tə́ ō, j-ədasí kadə̄ sḭḭ̄ ī-gerī ō ní n toó: Nə́ɓā i loo kə́ unjə̄ kow, ba loo kə́ risə til gətóo kemən tə́.