JA̰A̰ 1:18 - Bibəl ta Sar̄

¹⁸ Deē kógə̄ḿ kə́ a̰a̰ Nə́ɓā gətóó bátə́. Ba Ngōn̄ Nə́ɓā kə́ kal kógə̄ḿ beē ń ndi naā tə́ ngándáńg kə Bɔbə̄ Ngōnōó ní, ni a rāā kadə̄ a ger̄nən̄.

Bible sar

¹⁸ Deē kógə̄ḿ kə́ a̰a̰ Nə́ɓā gətóó bátə́. Ba Ngōn̄ Nə́ɓā kə́ kal kógə̄ḿ beē ń ndi naā tə́ ngándáńg kə Bɔbə̄ Ngōnōó ní, ni a rāā kadə̄ a ger̄nən̄.

JA̰A̰ 1:18 Referans Kwoze

KOLOSƏ 1:15

Ngōn̄ ní i kum gotə Nə́ɓā ń j-a̰a̰in̄ kə kumjí aĺ ní. I ni n i hágə́ yá̰a̰ malang ń Nə́ɓā rāā ní.

JA̰A̰ 6:46

Deē kógə̄ḿ kə́ a̰a̰ Bɔbə̄ Ngōn̄ gətóo, banī i nge ń ḭḭ rɔ̄ Nə́ɓā tə́ ní tá ngóy, i ni ngóy n a̰a̰ Bɔbə̄ Ngōn̄ ní.

MATIYE 11:27

Bɔbə́ḿ əla yá̰a̰ malang gír jīḿ tə́. Deē kógə̄ḿ kə́ gerə̄m̄ mā Ngōnən gətóo, ba i Bɔbə́ḿ nəkɔ́ tá ngóy ō, deē kógə̄ḿ kə́ ger̄ Bɔbə́ḿ gətóo, ba i mā Ngōnən nəkɔ́ tá ngóy ō, deē ń mə̄kɔ́ ngōn̄ m̄-ndigə teē kumən dɔn tə́ ní tá ngóy ō.

Najə̄ kə́ Majə yā Jeju ń Luk ndang ní 10:22

Bɔbə́ḿ tél kə yá̰a̰ malang adə̄m̄. Deē kógə̄ḿ kə́ ger̄ Ngōn̄ gətóo ba i Bɔbə́ḿ nəkɔ́ tá ngóy ō, deē kógə̄ḿ kə́ ger̄ Bɔbə́ḿ gətóo ba i mā Ngōnən nəkɔ́ tá ngóy ō, i ngé gə̄ ń m̄-ndigə kɔjədə́ kə Bɔbə́ḿ ní tá ngóy ō.

1 JA̰A̰ 4:12

Deē kógə̄ḿ kə́ a̰a̰ Nə́ɓā gətóo. Ré jə-táriī naā anī, Nə́ɓā ndi kemjí tə́ ō, tár yān kə́ kemjí tə́ i kə́ majə ɔtə̄ kə taá mámák ō.

1 TIMOTE 6:16

I ni ngóy n i de kə́ a oy alé ní. Ni-ndi i dan loo kə́ unjə̄ kow tə́, kə́ de kə́ asə kaw̄ rɔ̄ tə́ gətóo. Kɔsə gɔn i yān ō, tɔ́gə́ kə́ to ngándáńg i yān ō. Adə̄ i tītə̄ ń noō.

1 JA̰A̰ 4:9

Á̰a̰ī loo kɔjə ń Nə́ɓā ɔjə tár yān dɔ dáńjí tə́ ní. Ni-əla Ngōnən kə́ kal kógə̄ḿ beē dɔ nang tə́ laā yā kadə̄ jə-ndiī kə kumjí i kə ta kūl̄neé.

1 JA̰A̰ 5:20

Jə-gerī kadə̄ Ngōn̄ Nə́ɓā reē ō, ni-adə̄jí kur̄ dɔ kə́ kadə jə-gerīneé De kə́ Rɔ̄kum ō. Banī jḭḭ̄ i kem De kə́ Rɔ̄kum tə́ i kə ta kūl̄ Ngōnən Jeju Kərist. Ni i De kə́ Rɔ̄kum ō, ni i Nə́ɓā ō, ni i ndi kə kumuú kə́ ngándáńg ō.

1 JA̰A̰ 4:20

Ré deē kógə̄ḿ əda na n-táŕ Nə́ɓā, banī ni-im̄ ngōkó̰o̰n anī, ni i nge sor̄. Tɔdɔ̄ ré deē tár ngōkó̰o̰n ń a̰a̰n kə kumneé ní aĺ anī, Nə́ɓā ń ni-a̰a̰n kə kumneé aĺ ní, loo kadə̄ a tárən i ba̰ý?

JA̰A̰ 17:26

M-ɔ́jə́də́ rīí, ba m-ā m-ɔ́jə́də́ ɓáý to̰, yā kadə̄ táŕ ń ī-tárəm̄ ní i kemdə́ tə́ ō, mā i kemdə́ tə́ ō.

JA̰A̰ 17:6

De gə̄ ń ḭ̄ ɔ̄r̄də́ dan de kə́ dɔ nang tə́ gə̄ tə́ ādə̄m̄ ní, mā m̄-rāā adə̄ nin̄-gerə̄n̄ rīí. Kété nin̄ i yāí gə̄, ba ḭ̄ ādə̄m̄ sedə́ ō, nin̄-rāān̄ yá̰á̰ ń ə́dá ní ō.

JA̰A̰ 14:9

Jeju ədan na: Pilipə, m̄-ndi sesí dan i ngá̰ý, ba ī-gerə̄m̄ aĺ a? Deē ń a̰a̰m̄ ní, a̰a̰ i Bɔbə́ḿ. I ba̰ý á ə́da na kə m-ɔ́jə́sí kə Bɔbə́ḿ ní?

JA̰A̰ 1:14

Najə̄ ní tél deē ō, ndi danjí tə́ ō. J-a̰a̰ kɔsə gɔn yān. I kɔsə gɔn yā Ngōn̄ kə́ kal kógə̄ḿ beē kə́ ḭḭ rɔ̄ Bɔbə̄n tə́. Ngōn̄ ní kemən majə ngá̰ý ō, najə̄ kə́ rɔ̄kum i ngá̰ý kemən tə́ ō.

NDŪ NAJƏ̄ 4:12

Kɔ́ɔ̄ɓē ra kum hor tə́ ɔrə̄ń najə̄ sesí. Sḭḭ̄ ōōī i ndūn loo kɔr̄ najə̄ tə́, banī á̰a̰ī kumən alé. I ndūn ngóy n ōōī ní.

TƏ́DA 12:8

M-ɔ̄r̄ najə̄ seneé kadə̄ unjə̄ aĺ alé. Tají sɔɔ̄ ta naā ō, m̄-rāā kadə̄ ni a̰a̰m̄ ō, adə̄ ni-a̰a̰ yá̰á̰ ń i Kɔ́ɔ̄ɓē ní. Ba i tām̄ rí tə́ á sḭḭ̄ ī-ɓōlíī alé ba ī-tāmī kə nge kəla yāḿ Moijə ní?

JA̰A̰ 12:41

Ijai ɔr̄ najə̄ beé i tām̄ ni-a̰a̰ kɔsə gɔn yā Jeju, adə̄ ni-ɔr̄ i najə̄ yān.

1 TIMOTE 1:17

Mban̄g kə́ nge ndi kə dɔ ɓāl̄ gə̄ ɓāl̄ gə̄ ń i Nə́ɓā kə́ a oy aĺ ō, kum deē a̰a̰n aĺ ō, ni i kal kógə̄ḿ beē ō ní, ādə̄ de gə̄ rɔȳnən̄ ō, ɔsən̄ gɔnən ō, kə dɔ ɓāl̄ gə̄ ɓāl̄ gə̄. Adə̄ i tītə̄ ń noō!

Teē Ngán Israel gə̄ 23:21

Ī-raī dɔ rɔ̄sí tə́ tām̄ yān tə́, ōōī tan ba ī-lōōī mbātə́ najə̄ tan tə́, na a tə́gā tan gír dum̄ naā yāsí gə̄ tə́ alé, tɔdɔ̄ a rāā yá̰a̰ i kə rīḿ.

TA KƏLA 16:13

Agar gír̄ najə̄ əda na: Ni ń a̰a̰m̄ ní, m-á̰a̰n rɔ̄kum a? Gō tə́ anī əndā rī dɔ Kɔ́ɔ̄ɓē ń ɔr̄ najə̄ seneé tə́ ní na i El Roi, kumən na i Nə́ɓā kə́ nge ka̰a̰m̄.

JOJUE 5:13

Ndɔ̄ kə́rēý tə́ Jojue i kadə ɓē kə́ Jeriko tə́ ngɔr ni-ɔr̄ dɔn dɔɔ́ anī, a̰a̰ deē kógə̄ḿ ra non tə́ kə kaskar kə́ kɔr̄ kɔ̄ɔ́ kem kɔ̄pən tə́ jīn tə́. Jojue aw̄ rɔ̄n tə́ ba dəjen najə̄ əda na: Ḭ̄ i de kə́ dām̄ yājí tə́ aké ḭ̄ i de kə́ dām̄ yā madə̄ ba̰ā̰jí gə̄ tə́?

NŌŌ RƆ̄ 2:12

Nin̄ dəjen̄ kó̰ó̰də́ gə̄ na: Kōō gémē ō, kasə nduú ō i rá? Nin̄ ton̄ kə́ yo tə́ tītə̄ ngé kənge do gə̄ kə́ ton̄ ndágə loo gə̄ kə́ kem ɓēé tə́ beé ō, koōdə́ teē kɔ̄ɔ́ kə̄ jī kó̰ó̰də́ gə̄ tə́ ō.

IJAI 40:11

Ni ngɔ̄m̄ ɓūtə̄ yá̰a̰ kul̄ yān gə̄ tītə̄ nge ngɔ̄m̄ yá̰a̰ kul̄ gə̄ beé. Ni wél̄ jīn anī ɓūtə̄ yá̰a̰ kul̄ yān gə̄ kánə̄n̄ naā. Ni ətō ngán batə̄ gə̄ kem jīn tə́. Kó̰o̰ batə̄ gə̄ ń ngáńdə́ a ilən̄ mba ní, ni-njə̄rā sedə́ jəke jəke ɔrəńdə́ ta róbə.

Gōsə̄ najə̄ gə̄ 8:30

Dan ngeé ń noō tə́ ní mā i nge rāā kəla kadə̄n tə́. Kə dɔ ndɔ̄ gə̄ mā i yá̰a̰ rɔ̄nel̄ yān, m-ágə naā ta kumən tə́ kə kum mbang gə̄ malang,

TA KƏLA 18:33

Dan ń Kɔ́ɔ̄ɓē ɔr̄ najə̄ kə Abəraham oy anī, ɔtə aw̄. Ba Abəraham tá tél aw̄ gogə́ ɓēé.

JA̰A̰ 13:23

Nge ndóō yá̰a̰ yān kógə̄ḿ adə̄ i nge ń Jeju tárən ní, ndi kadə Jeju tə́ ngɔr.

Teē Ngán Israel gə̄ 24:10

Nin̄-a̰a̰n̄ Nə́ɓā yā Israel. Yá̰á̰ kə́rēý kə́ to tītə̄ mbal̄ sapir kə́ kɔsə̄ kə ta naá i gír njan tə́. Yá̰á̰ ní unjə̄ njáý njáý, ɓálən to tītə̄ ɓál dɔ rā̰ kə́ a̰a̰ rá ráńg beē.

JA̰A̰ 3:11

Ādə̄ m-ə́daī najə̄ kə́ bo ngá̰ý, jḭḭ j-ɔr̄ i najə̄ kə́ dɔ yá̰a̰ gə̄ ń jə-ger̄ tə́ ní ō, j-əda i yá̰a̰ gə̄ ń jḭḭ i kum tə́ á j-a̰ā̰ kə kumjí ní ō, ba sḭḭ̄ ɔ́diī koō yá̰a̰ gə̄ ń jḭḭ i kum tə́ á j-əda ní alé.

2 KORḚNTƏ 4:4

Nin̄-taān̄ kem aĺ, i tɔdɔ̄ nə́ɓā kə́ dɔ nang tə́ laā utə̄ kumdə́ kɔ̄ɔ́. Adə̄ nin̄-asən̄ ger̄ kum Najə̄ kə́ Majə alé. I beé n nin̄-asənə̄ń ka̰a̰ kɔsə gɔn yā Kərist ń ɔsə kum gotə Nə́ɓā nəkɔ́ ní alé ní.