JA̰A̰ 1:17 - Bibəl ta Sar̄

¹⁷ Tɔdɔ̄ adə̄n̄jí ndū najə̄ i kə ta kūl̄ Moijə, ba kem majə ō, najə̄ kə́ rɔ̄kum ō reēn̄ i kə ta kūl̄ Jeju Kərist.

Bible sar

¹⁷ Tɔdɔ̄ adə̄n̄jí *ndū najə̄ i kə ta kūl̄ Moijə, ba kem majə ō, najə̄ kə́ rɔ̄kum ō reēn̄ i kə ta kūl̄ Jeju Kərist.

JA̰A̰ 1:17 Referans Kwoze

Makətūbə̄ ń Pol ndang adə̄ Rom gə̄ ní 6:14

Tɔdɔ̄ yá̰á̰ kə́ majaĺ a o̰o̰ ɓē dɔsí tə́ to̰ alé, tām̄ i ndū najə̄ n i dɔsí tə́ ɓáý ní to̰ ní alé, ba i rajə yā Nə́ɓā.

JA̰A̰ 14:6

Jeju tél ədan na: Mā i róbə ō, najə̄ kə́ rɔ̄kum ō, ndi kə kumuú ō. Deē asə kaw̄ rɔ̄ Bɔbə́ḿ tə́ i kə ta kūlə̄ḿ māá ngóy.

JA̰A̰ 1:14

Najə̄ ní tél deē ō, ndi danjí tə́ ō. J-a̰a̰ kɔsə gɔn yān. I kɔsə gɔn yā Ngōn̄ kə́ kal kógə̄ḿ beē kə́ ḭḭ rɔ̄ Bɔbə̄n tə́. Ngōn̄ ní kemən majə ngá̰ý ō, najə̄ kə́ rɔ̄kum i ngá̰ý kemən tə́ ō.

HEBƏRO 9:22

Kə gō ndū najá ní, na̰y i sḛ́ý beē kadə̄ i mósə n rāā kadə̄ yá̰a̰ gə̄ malang unjə̄n̄ njáý njáý ní, ba ré mósə a̰ȳ nang tə́ aĺ anī, mā̰ȳ rɔ̄ a gətóo.

JA̰A̰ 8:32

Ā ī-gerī najə̄ kə́ rɔ̄kum ō, najə̄ kə́ rɔ̄kum a rāāsí kadə̄ sḭḭ̄ i de kə́ kɔ́ɔ̄ rɔ̄də́ gə̄ ō.

JA̰A̰ 7:19

I Moijə n adə̄sí ndū najə̄ ní aĺ a? Ba deē kógə̄ḿ kə́ dansí tə́ kə́ ngɔ̄m̄ ndū najə̄ gətóo. I tām̄ rí tə́ á ī-sāāī tɔ̄lə̄m̄ ní?

KƏLA RĀĀ 28:23

Nin̄-oōn̄ naā kə Poló dɔ ndɔ̄ kógə̄ḿ tə́, ba reēn̄ ngá̰ý tɔȳ kə́ kété əngenən̄ kem kújə yān tə́ ndɔ̄ ngeé ń noō tə́. Ni-ɔr̄ najə̄ sedə́ dəloí bátə́ loo sɔl̄ dɔn tə́, ɔjədə́ najə̄ kə́ dɔ Ɓē ko̰o̰ yā Nə́ɓā tə́ ō, sāā kəhɔdə́ kə najá kadə̄ taān̄ kem Jeju ō. Ni-əla gír sedə́ i dɔ ndū najə̄ yā Moijə tə́ bátə́ teēń dɔ ngé koō ta gə̄ tə́.

TA KƏLA 22:18

M-ā m̄-rāā majə kə nápar de gə̄ kə́ dɔ nang tə́ gə̄ malang sɔɔ̄ń ngán kaaí gə̄, tɔdɔ̄ ḭ̄ ōō taḿ.

GALATƏ 3:17

Najə̄ ń m-ə́dá ní n toó: Kété ní Nə́ɓā ənī míndən ba ɔjə yá̰a̰ gə̄ kə́ dɔ tə́ kə́ yā rāā. Ɓāl̄ ɓú sɔ́ kə kutə mə́ta gō tə́ anī, ndū najə̄ reē yān. Ba ndū najə̄ ní asə nujə ndū Nə́ɓā ń ənī ní alé. Ré i beé aĺ anī ndū Nə́ɓā ń ənī ní i yá̰á̰ kə́ kanjə̄ kumən.

NDŪ NAJƏ̄ 5:1

Moijə ɓāŕ ngán Israel gə̄ malang ba ədadə́ na: Israel gə̄, ōōī ndū najə̄ gə̄ ō, jī-bēl̄ loo rāā yá̰a̰ gə̄ ō ń m-ā m-ə́dásí ɓōólaā kadə̄ ōōī ní. Ī-ndóōī ō, ə̄ndāī kumsí gírí kadə̄ úniī gō ō.

KƏLA RĀĀ 7:38

Dan ń ngán Israel gə̄ kánə̄n̄ naā kem dəla loo tə́ ní, i ni n i nge ra mbənā kaají gə̄ tə́ kə de kə́ dɔ rā̰ tə́ ń a ɔr̄ najə̄ seneé dɔ mbal̄ Sinai tə́ ní. I ni n taā najə̄ kə́ a rāā deē kadə̄ ndi kə kumneé adə̄jí ní.

JA̰A̰ 5:45

Ī-lōōī gír̄ kəda na i mā n m-ā m̄-sə̄lā gíŕsí rɔ̄ Bɔbə́ḿ tə́ ní. Nge ń a sə̄lā gíŕsí ní i Moijə, ni ń ə̄ndāī kemsí dɔn tə́ ní.

TA KƏLA 3:15

M-ā m-ə̄nī madə̄ ba̰ā̰ naā dɔ dáńsí tə́ kə dəyá̰ ō, dɔ dáń gír kaa yāí tə́ kə gír kaa yānneé ō. Ni a rējə̄ dɔí, ba ḭ̄ ā ī-tə́gā gíŕ gándən.

2 KORḚNTƏ 1:20

tɔdɔ̄ ni i a̰á̰ā̰ ń ɔjə kadə̄ kənī míndə gə̄ malang yā Nə́ɓā ton̄ rɔ̄kum ní. Adə̄ i kə ta kūl̄ Jeju Kərist n jḭḭ̄ jə-ndigiīń najə̄ j-ədaī na i rɔ̄kum yā kɔsəń gɔn Nə́ɓā ní.

JA̰A̰ 9:29

Jə-ger̄ kadə̄ Nə́ɓā ɔr̄ najə̄ kə Moijə ba deē ń noō jə-ger̄ loo ń ni ḭḭ tū tə́ ní alé.

MISE 7:20

De gə̄ kə́ kem kojə yā Jakob tə́ ní, ā ɔ́jə́də́ kadə̄ ḭ̄ i de kə́ nge ra dɔ ndūí tə́ ō, de gə̄ kə́ kem kojə yā Abəraham tə́ ní, ā ɔ́jə́də́ kadə̄ ḭ̄ i de kə́ nge əhɔ madə̄ naā ō, tītə̄ ń ī-túbə ə̄niń ndūí ādə̄ kaají gə̄ kété ní.

PĀ GƏ̄ 98:3

Əga kemən dɔ kem majə yān kə́ rāā kə ngán Israel gēé tə́ ō, dɔ ra kə́ ni-ra dɔ ndūn tə́ sedə́ ō. De gə̄ ń ndin̄ ta kaw̄ kə̄ ta ngóy dɔ nang tə́ nú ní a̰a̰n̄ Nə́ɓā yājí loo tetə rɔ̄ɔ̄ tə́.

PĀ GƏ̄ 85:10

Ngé gə̄ ń ɓōlə́n̄ ndílən ní kajə yān i rɔ̄də́ tə́ ngɔr. Kɔsə gɔn yān a rāā ɓē danjí tə́.

NDŪ NAJƏ̄ 33:4

Ndū najə̄ yā Nə́ɓā ń Moijə adə̄jí ní i yá̰a̰ kənge kə́ gātə̄n i ngá̰ý tām̄ yā ngán kaa Jakob tə́.

NDŪ NAJƏ̄ 4:44

Dan ń ngán Israel gə̄ teēn̄ kɔ̄ɔ́ kem ɓē kə́ Ejiptə tə́ ní, Moijə adə̄də́ ndū najə̄ gə̄ yā Nə́ɓā. Ni-adə̄də́ ndū kə́ kun gə̄ ō, ndū najə̄ gə̄ ō, ɔjədə́ jī-bēl̄ loo rāā yá̰a̰ gə̄ ō.

JA̰A̰ 18:37

Loo ń noō tə́ Pilatə ədan na: Adə̄ ḭ̄ i mban̄g a? Jeju tél ədan na: Īkɔ́ ə́da kadə̄ mā i mban̄g. Ojəmə̄n̄ ō, m̄-reē dɔ nang tə́ ō, i yā kɔr̄ najə̄ yā najə̄ kə́ rɔ̄kum. Deē ń i yā najə̄ kə́ rɔ̄kum ní, a oō yá̰á̰ ń m-ə́dá ní.