JA̰A̰ 1:14 - Bibəl ta Sar̄

¹⁴ Najə̄ ní tél deē ō, ndi danjí tə́ ō. J-a̰a̰ kɔsə gɔn yān. I kɔsə gɔn yā Ngōn̄ kə́ kal kógə̄ḿ beē kə́ ḭḭ rɔ̄ Bɔbə̄n tə́. Ngōn̄ ní kemən majə ngá̰ý ō, najə̄ kə́ rɔ̄kum i ngá̰ý kemən tə́ ō.

Bible sar

¹⁴ Najə̄ ní tél deē ō, ndi danjí tə́ ō. J-a̰a̰ *kɔsə gɔn yān. I kɔsə gɔn yā Ngōn̄ kə́ kal kógə̄ḿ beē kə́ ḭḭ rɔ̄ Bɔbə̄n tə́. Ngōn̄ ní kemən majə ngá̰ý ō, najə̄ kə́ rɔ̄kum i ngá̰ý kemən tə́ ō.

JA̰A̰ 1:14 Referans Kwoze

1 JA̰A̰ 4:9

Á̰a̰ī loo kɔjə ń Nə́ɓā ɔjə tár yān dɔ dáńjí tə́ ní. Ni-əla Ngōnən kə́ kal kógə̄ḿ beē dɔ nang tə́ laā yā kadə̄ jə-ndiī kə kumjí i kə ta kūl̄neé.

1 TIMOTE 3:16

Rɔ̄kum, yá̰á̰ kə́ to loo mundə̄ tə́ ń taā kem adə̄jí ní, i yá̰á̰ kə́ bo ngá̰ý. Kərist tél deē, ɔjəń rɔ̄n kə̄ ndágá adə̄ de gə̄ a̰a̰nən̄, Ndíl kə́ Táĺ teē kum de gə̄ dɔ tə́ kadə̄ ni i de kə́ gōtə́ ō, de kə́ dɔ rā̰ tə́ gə̄ a̰a̰nən̄ ō, de gə̄ ənīn̄ mbēr̄ najə̄ yān dan gíŕ nápar de gə̄ tə́ ō, de gə̄ taān̄ kemən dɔ nang tə́ laā ō, ɔsənən̄ kə̄ dɔɔ́ ɔsən̄neé gɔnən ō.

JA̰A̰ 1:1

Ta kəla gíŕ yá̰a̰ gə̄ tə́ malang ní, Najə̄ to noó kɔ̄ɔ́. Najə̄ ndin̄ i naā tə́ kə Nə́ɓāá ō, Najə̄ i Nə́ɓā ō.

GALATƏ 4:4

Ba dan ń ndɔ̄ asə anī, Nə́ɓā əla Ngōnən adə̄ de kə́ dəyá̰ ojən. Ojənən̄ i dan ń ndū najə̄ i kɔ́ɔ̄ yá̰a̰ gə̄ tə́ ní,

IJAI 40:5

Loo ń noō tə́ kɔsə gɔn yā Kɔ́ɔ̄ɓē a teē kə̄ ndágá ō, de kə́ dɔ nang tə́ gə̄ malang a a̰a̰n̄ ō. Yá̰á̰ ń Kɔ́ɔ̄ɓē əda kadə̄ yā rāā ní n noó.

HEBƏRO 1:3

Ngōn̄ Nə́ɓā ní i kɔsə gɔn yā Bɔbə̄n kə́ ndə́lē i ndə́lē yā Nə́ɓā ō, i ngarān̄g kum Nə́ɓā Bɔbə̄n nəkɔ́ kə́ ɔjə rɔ̄n kə̄ ndágá ō. Ni-rāā adə̄ yá̰a̰ gə̄ malang ndin̄ ngan̄g kə ta kūl̄ tɔ́gə najə̄ yānneé. Dan ń ni-ɔr̄ majaĺ kə́ kem de gə̄ tə́ kɔ̄ɔ́ ní, ni-ndi dɔ jī ko̰ Nə́ɓā tə́ dɔ rā̰ tə́. Nə́ɓā i tɔ́gə́ kə́ dɔ tɔ́gə gə̄ tə́ malang.

JA̰A̰ 6:51

Mā i mápá kə́ kə kumuú kə́ ḭḭ dɔ rā̰ tə́ reē dɔ nang tə́. Ré deē əsa mápá ń toō anī, a ndi kə kumneé ngándáńg. Ba mápá ń m-ā m-ādə̄ ní, i dā̰ rɔ̄ḿ. M-ādə̄ i yā kadə̄ de kə́ dɔ nang tə́ gə̄ ndin̄neé kə kumdə́.

KOLOSƏ 1:19

Tɔdɔ̄ nel̄ Nə́ɓā ndi kemən tə́ kə taá malang,

1 KORḚNTƏ 15:47

De kə́ ta kəga dɔ ń rāānən̄ kə nángāá ní i de kə́ dɔ nang tə́, ba Adam kə́ nge ko̰ jōó ḭḭ dɔ rā̰ tə́ n reē.

Makətūbə̄ ń Pol ndang adə̄ Rom gə̄ ní 8:3

Tɔdɔ̄ yá̰á̰ ń ndū najə̄ asə rāā aĺ sɔɔ̄ń dā̰ rɔ̄ kə́ ɔr̄ tɔ́gən kɔ̄ɔ́ ní, Nə́ɓā rāā: Ni-əla Ngōnən kə dā̰ rɔ̄ kə́ tītə̄ yā ngé rāā majaĺ gə̄ ō, adə̄ Ngōnən ní kadə̄ tunə̄n̄ tām̄ yā majaĺ tə́ ō. I tītə̄ ń noō n ni-gāngəń sarya dɔ majaĺ ń to kem deē tə́ ní.

IJAI 7:14

I beé ɓá ní, Kɔ́ɔ̄ɓē nəkɔ́ a adə̄sí yá̰a̰ kɔjə kógə̄ḿ: Ngōmandə a ndān̄ ngōn̄, ba a ojə ngōn̄ kə́ dəngam. A ɓārə́n na i Emanuel, kumən na i Nə́ɓā i sejí.

PĀ GƏ̄ 2:7

Yá̰á̰ ń Kɔ́ɔ̄ɓē ndang kadə̄ yā rāā ní m-ā m-ə̄nī mbērən, ni ədam̄ na: Ḭ̄ i ngōnə̄ḿ, ɓōólaā ní, mā i Bɔbí.

1 JA̰A̰ 4:14

Adə̄ jḭḭ ń j-a̰a̰n ní j-əda najə̄ kə́ loo de gə̄ kə́ kum tə́ tə́ na Bɔbə̄ Ngōn̄ əla Ngōnən kadə̄ ajə de gə̄ kə́ dɔ nang tə́.

KOLOSƏ 2:9

Tɔdɔ̄ Nə́ɓā ndi kem Kərist tə́ kə taá malang, ni-un rɔ̄ Kərist.

2 JA̰A̰ 1:7

Tɔdɔ̄ de gə̄ ngá̰ý kə́ ngé gól̄ de gə̄ tə̄ndān̄ naā tḭ̄ḭ̄n̄ kə̄ loo gə̄ tə́ malang dɔ nang tə́ laā. Nin̄-ədan̄ najə̄ yā Jeju Kərist ń reē i kə́ deē tə́ ní alé. De kə́ nge gól̄ loo ń i nge rɔ̄ɔ̄ Kərist ní, a ɔjə rɔ̄n kə̄ ndágá i tītə̄ ń noō.

IJAI 53:2

Nge kəla tɔgə ta kum Kɔ́ɔ̄ɓē tə́ tītə̄ ngōn̄ kāgə̄ kə́ dūú beē, tītə̄ ngəra yá̰á̰ kə́ teē loo kə́ mángá tə́ beē. Majə deē ō rī ɓār̄ ō ń kum de gə̄ i dɔ tə́ ngá̰ý ní, ni aw̄ń alé, yá̰á̰ kə́ ta kumən tə́ kə́ nel̄jí gətóo.

JEJU TEĒ KUM JA̰A̰ 21:3

Gō tə́ anī, m-ōō ndū deē kógə̄ḿ teē tū kōr̄ kāgə̄ mbang tə́, əda na: Loo ń Nə́ɓā ndi tū tə́ kə de gēé ní n toó. Ni a ndi sedə́. Nin̄ i gír deē yān gə̄ ō, ni i Nə́ɓā ń ndi sedə́ ní ō.

HEBƏRO 5:5

Yā Kərist i tītə̄ ń noō ō. I nəkɔ́ n tél ngol ngé tun̄ yá̰a̰ gə̄ ɔsəń gɔn rɔ̄n ní alé. Ba nge ń ɔsə gɔnən ní, i Nə́ɓā ń ədan na: I ḭ̄ n i Ngōnə̄ḿ ní, əla gír ɓōólaā ní, mā i Bɔbí.

HEBƏRO 10:5

Adə̄ dan ń Kərist a rāā yā reē dɔ nang tə́ ní, ni-əda Nə́ɓā na: Ḭ̄ ī-gḛy yá̰á̰ kə́ tun̄ aĺ ō, yá̰á̰ kə́ ndējə̄ aĺ ō, banī ḭ̄ ī-rāā dā̰ rɔ̄ḿ ādə̄m̄.

JA̰A̰ 11:40

Jeju tél ədan na: Ré ī-taā kem anī, ā á̰a̰ kɔsə gɔn yā Nə́ɓā ní m-ə́daī aĺ a?

JA̰A̰ 3:16

Rɔ̄kum, Nə́ɓā tár de kə́ dɔ nang tə́ gə̄ ngá̰ý, adə̄ un Ngōnən kə́ kal kógə̄ḿ beē adə̄, yā kadə̄ náā nəkɔ́ ń taā kemən anī, kɔ́ɔ̄ udə kɔ̄ɔ́ alé, banī ndi kə kumneé ngándáńg.

JA̰A̰ 2:11

Nge ń toō i yá̰á̰ kə́ yáā kə́ ta kəga dɔ ń Jeju rāā ní. Ni-rāā i Kana, gō nang kə́ Galile tə́. Ni ɔjə kɔsə gɔn yān kə̄ ndágá, adə̄ ngé ndóō yá̰a̰ yān gə̄ taān̄ kemən.

JA̰A̰ 14:6

Jeju tél ədan na: Mā i róbə ō, najə̄ kə́ rɔ̄kum ō, ndi kə kumuú ō. Deē asə kaw̄ rɔ̄ Bɔbə́ḿ tə́ i kə ta kūlə̄ḿ māá ngóy.

HEBƏRO 1:5

I náā kə́ dan de kə́ dɔ rā̰ tə́ gə̄ tə́ n Nə́ɓā ədan na: I ḭ̄ n i Ngōnə̄ḿ ní, əla gír ɓōólaā ní, mā i Bɔbí. Tá ni-əda najə̄ ń toō dɔ deē kógə̄ḿ kə́ dɔ rā̰ tə́ alé: Ndɔ̄ń tə́ anī ni a rāām̄ i Bɔbə̄n tə́ ō, mā m-ā m̄-rāān i Ngōnə̄ḿ tə́ ō.

JA̰A̰ 14:9

Jeju ədan na: Pilipə, m̄-ndi sesí dan i ngá̰ý, ba ī-gerə̄m̄ aĺ a? Deē ń a̰a̰m̄ ní, a̰a̰ i Bɔbə́ḿ. I ba̰ý á ə́da na kə m-ɔ́jə́sí kə Bɔbə́ḿ ní?

Najə̄ kə́ Majə yā Jeju ń Luk ndang ní 9:32

Piyer nin̄ kə madə̄n gēé ɓīīn̄ kə́ oyn̄ mámák kɔ̄ɔ́. Banī nin̄-ndólə̄n̄ anī a̰a̰n̄ kɔsə gɔn yā Jeju ō, de kə́ jōó gə̄ ń ran̄ rɔ̄n tə́ ní ō.

JA̰A̰ 17:22

M-ādə̄də́ kɔsə gɔn ń ādə̄m̄ ní, yā kadə̄ nin̄ i kógə̄ḿ beē tītə̄ ń ḭ̄ ō mā ō jḭḭ i kógə̄ḿ beē ní.

JA̰A̰ 3:18

Deē ń taā kemən anī, gāngə̄n̄ sarya dɔn tə́ alé, ba deē ń taā kemən aĺ anī, gāngə̄n̄ sarya dɔn tə́ kɔ̄ɔ́, tɔdɔ̄ ni-taā kem Ngōn̄ Nə́ɓā kə́ kal kógə̄ḿ beē alé.

Najə̄ kə́ Majə yā Jeju ń Luk ndang ní 2:11

Ojən̄ nge kajəsí ɓōólaā kem ɓē yā Dabid tə́. Ni i Kərist, Kɔ́ɔ̄ɓē.

PĀ GƏ̄ 45:2

Najə̄ kə́ majə ngá̰ý i kemḿ tə́, m-ə́hɔ taḿ dɔ tə́ sétə́. m̄-tə́da pā yā rɔȳń mban̄g kógə̄ḿ. Ādə̄ ta ndo̰ḿ i yá̰a̰ ndang makətūbə̄ kə́ jī de kə́ ger̄ ndang makətūbə̄ ngá̰ý tə́.

HEBƏRO 2:11

Jeju nge kɔ̄r̄ kam̄ de gə̄ tām̄ yā Nə́ɓā tə́ ō, ngé gə̄ ń ni-ɔr̄ kam̄də́ tām̄ yā Nə́ɓā tə́ ō ní, ni gē nin̄ gē ní, bɔbə̄də́ i kógə̄ḿ beē. I tām̄ najə̄ ń toō tə́ n rɔ̄n sɔlə̄n loo ɓāŕdə́ ngákó̰o̰n gə̄ tə́ aĺ ní.

2 KORḚNTƏ 12:9

Banī ni-tél ədam̄ na kem majə ń na n-rāā seḿ ní na asə tām̄ yāḿ tə́. Tām̄ tɔ́gən ɔjə rɔ̄n kə̄ ndágá ngá̰ý i dan ń tɔ́gə́ḿ mā na gətóo kɔ̄ɔ́ tə́ ní. Adə̄ yá̰á̰ ń kemḿ gḛy ngá̰ý ní i kɔjə rɔ̄ḿ tām̄ yā tɔ́gə gətóo yāḿ tə́, yā kadə̄ tɔ́gə Kərist ɔjəń rɔ̄n kə̄ ndágá kə ta kūlə̄ḿ.

MATIYE 1:16

Jakob ojə Jəjep kə́ ngaa Mari, ba Mari ojə Jeju ń a ɓāŕnən̄ na i Kərist ní.

KOLOSƏ 2:3

Yá̰a̰ kal̄ loo yā kum kedə̄ ō, yā yá̰a̰ ger̄ ō, malang i kə́ ɓɔ̄ɔ̄ rɔ̄n kemən tə́.

EPEJƏ 3:8

Mā i kə́ dūú ngá̰ý dan de gə̄ malang yā Nə́ɓā tə́, ɓá tā ba kɔjə de kə́ nin̄ i Jipə aĺ gə̄ najə̄ kə́ dɔ yá̰á̰ kə́ majə gə̄ yā Kərist tə́ kə́ dum̄ deē ger̄ gír tə́ ní, i mā n Nə́ɓā adə̄m̄ rāań kem majə seḿ ní.

Makətūbə̄ ń Pol ndang adə̄ Rom gə̄ ní 9:5

I nin̄ ɓáý to̰ n i ngán kaa ngé taā kem kə́ jóo gə̄ ní. Kə́ ta yā deē ndul gə̄ tə́ ɓáa Kərist i deē yādə́. Ni i dɔ yá̰a̰ gə̄ tə́ malang ō, i Nə́ɓā kə́ de gə̄ a tɔ̄ȳnən̄ ngándáńg ō. Adə̄ i tītə̄ ń noō.

Najə̄ kə́ Majə yā Jeju ń Luk ndang ní 2:7

Ni ojə ngōn̄ kə́ dəngam, i ngōn̄ hágən. Ni ɓírə̄n kə kūbūú, ba ənīn kem kōr̄ kāgə̄ kəsa yá̰a̰ yā dā̰ gə̄ tə́, tɔdɔ̄ loo kə́ kadə̄ ton̄neé kújə ɓīī mbā gə̄ tə́ gətóo.

KƏLA RĀĀ 13:33

ni-rāā yá̰á̰ ní ngɔlaā adə̄jí jḭḭ̄ ngán kaadə́ gə̄. Tɔdɔ̄ Jeju ń oy ní, ni-ndólən dan de kə́ koy gə̄ tə́, tītə̄ ń ndangən̄ kem makətūbə̄ Pā gə̄ tə́ dɔ ninə̄n i jōó ní. Ndangən̄ na: I ḭ̄ n i Ngōnə̄ḿ ní, əla gír ɓōólaā ní mā i Bɔbí.

PĀ GƏ̄ 85:9

Yá̰á̰ ń Kɔ́ɔ̄ɓē Nə́ɓā əda ní m-ōō kə mbīḿ. Ni-ɔr̄ i najə̄ kem sɔl̄ lɔm kə́ tām̄ yā gír deē yān gə̄ tə́ ō, deē yān gə̄ kə́ ran̄ dɔ ndūdə́ tə́ ō, ba kadə̄ tél rāān̄ mbóo to̰ alé!

EJEKIEL 37:27

M-ā m̄-ndi dansí tə́. Adə̄ mā i Nə́ɓā yāsí ō, sḭḭ̄ i gír deē yāḿ gə̄ ō.

JA̰A̰ 8:32

Ā ī-gerī najə̄ kə́ rɔ̄kum ō, najə̄ kə́ rɔ̄kum a rāāsí kadə̄ sḭḭ̄ i de kə́ kɔ́ɔ̄ rɔ̄də́ gə̄ ō.

JA̰A̰ 17:24

Bɔbə́ḿ, m̄-gḛy kadə̄ loo ń mā i tū tə́ ní, ngé gə̄ ń ḭ̄ ādə̄m̄ sedə́ ní nin̄ i tū tə́ seḿ ō, yā kadə̄ a̰ā̰n̄ kɔsə gɔn yāḿ ń ādə̄m̄ ní. Tɔdɔ̄ ḭ̄ ī-tárəm̄ kété pá tá kadə̄ ī-rāā dɔ rā̰ ō dɔ nang ō ɓáý.

JA̰A̰ 18:37

Loo ń noō tə́ Pilatə ədan na: Adə̄ ḭ̄ i mban̄g a? Jeju tél ədan na: Īkɔ́ ə́da kadə̄ mā i mban̄g. Ojəmə̄n̄ ō, m̄-reē dɔ nang tə́ ō, i yā kɔr̄ najə̄ yā najə̄ kə́ rɔ̄kum. Deē ń i yā najə̄ kə́ rɔ̄kum ní, a oō yá̰á̰ ń m-ə́dá ní.

JEJU TEĒ KUM JA̰A̰ 19:13

Kūbə̄ ń əlan̄ rɔ̄n tə́ dɔ madə̄ gə̄ tə́ ní, i kə́ kəla kum mósə́ tə́ ō, rīn na i Najə̄ yā Nə́ɓā ō.