JA̰A̰ 1:13 - Bibəl ta Sar̄

¹³ Ojən̄də́ i kə gō ndigə yā mósə aĺ ō, yā dā̰ rɔ̄ aĺ ō, yā deé aĺ ō, banī i kə gō ndigə yā Nə́ɓā.

Bible sar

¹³ Ojən̄də́ i kə gō ndigə yā mósə aĺ ō, yā dā̰ rɔ̄ aĺ ō, yā deé aĺ ō, banī i kə gō ndigə yā Nə́ɓā.

JA̰A̰ 1:13 Referans Kwoze

1 JA̰A̰ 3:9

Náā nəkɔ́ ń Nə́ɓā ojən ní, a rāā majaĺ alé. Tɔdɔ̄ kum kōō yā Nə́ɓā i kemən tə́, adə̄ ni-asə rāā majaĺ alé tām̄ i Nə́ɓā n ojən ní.

JAKƏ 1:18

Ni-ojəjí kə gō kem ndigə yānneé, kə ta kūl̄ najə̄ kə́ rɔ̄kum, ba əndājí loo kə́ kété tə́ dɔ yá̰a̰ rāān gə̄ tə́ malang.

1 PIYER 1:23

Tɔdɔ̄ tél ojən̄sí gogə́ rang i kə kum kōō kə́ a ndum alé, banī i kə kum kōō kə́ dum̄ ndum, adə̄ i kə ta kūl̄ najə̄ yā Nə́ɓā ń i najə̄ kə́ ndi kə kumneé ō, a to kum gotən ō ní.

1 PIYER 1:3

Jə-tɔ̄yī Bɔbə̄ Kɔ́ɔ̄ɓē yājí Jeju Kərist, tām̄ ni-rāā kem majə sejí ngá̰ý! Ni-rāā adə̄ tél ojən̄jí gogə́ rang kə ta kūl̄ Jeju Kərist ń oy á ni ndólə̄n dan de kə́ koy gə̄ tə́ ní. I beé n jḭḭ̄ j-awīneé kə kəndā kem dɔ tə́ kə́ ndi kə kumneé ō,

1 JA̰A̰ 5:4

Tɔdɔ̄ de gə̄ malang ń Nə́ɓā ojədə́ ní, tetən̄ de kə́ dɔ nang tə́ laā gə̄ rɔ̄ɔ̄ kɔ̄ɔ́. Ba yá̰á̰ ń jə-tetiīneé de kə́ dɔ nang tə́ laā gə̄ rɔ̄ɔ̄ ní, i taā kə́ jə-taāī kem.

1 JA̰A̰ 4:7

Kó tár yāḿ gə̄, ādə̄ jə-táriī naā, tɔdɔ̄ tár ḭḭ i rɔ̄ Nə́ɓā tə́. Adə̄ deē ń tár i kemən tə́ ní, i Nə́ɓā n ojən ō, i de kə́ ger̄ Nə́ɓā ō.

TITƏ 3:5

ni-ajəjí i tām̄ yá̰á̰ kə́ gōtə́ kə́ jḭḭ̄ kɔ́ gə̄ jə-rāāī tə́ alé, banī i tām̄ kumən kə o̰o̰n tām̄ yājí tə́ tə́. Ni-ajəjí ō, rāā adə̄ j-udiī tū ndi kə kumuú kə́ kijə tə́ ō, i kə ta kūl̄ tə́go rɔ̄ yā kojə kijə ō, i kə ta kūl̄ Ndíĺ kə́ Táĺ ō.

PILIPƏ 2:13

Tɔdɔ̄ Nə́ɓā rāā kəla kemsí tə́ ngándáńg, yā rāań kadə̄ sḭḭ̄ ásiī ndigə yá̰á̰ ń ni-núm̄ ní ō, rāā yá̰á̰ ń ni-núm̄ ní kə gōó ō.

1 KORḚNTƏ 3:6

Mā m-ə̄ndā kāgə̄ ō, Apolos i nge rāā man̄ dɔ tə́ ō, banī i Nə́ɓā n i nge rāā tá kadə̄ kāgə̄ tɔgə ní.

1 JA̰A̰ 5:1

Náā nəkɔ́ ń taā kem kadə̄ Jeju i Kərist ní, i Nə́ɓā n ojən. Ba náā nəkɔ́ ń táŕ Bɔbə̄ Ngōn̄ ní, tár Ngōnən ō.

1 JA̰A̰ 5:18

Jə-gerī kadə̄ deē ń Nə́ɓā ojən ní, a rāā majaĺ alé, tɔdɔ̄ Nə́ɓā a ngɔ̄mə̄n. I yá̰á̰ ń noō n Sətan ń i de kə́ majaĺ ní ɔdəń rɔ̄n aĺ ní.

JA̰A̰ 3:3

Anī Jeju tél ədan na: Ādə̄ m-ə́daī najə̄ kə́ bo ngá̰ý, ré tél ojən̄ deē gogə́ rang aĺ anī, kɔ́ɔ̄ a asə ka̰a̰ Ɓē ko̰o̰ yā Nə́ɓā alé.

MATIYE 3:9

Ba ī-lōōī kudə ndi ba kəda kə̄ kemsí tə́ na sḭḭ̄ na i de kə́ gír kaa yā Abəraham tə́ gə̄. Ādə̄ m-ə́dásí, ré Nə́ɓā ndigə anī a tūr̄ kūbə̄rū mbal̄ gə̄ ń toō kadə̄ télən̄ ngán kaa Abəraham gə̄ karī.

PĀ GƏ̄ 110:3

De kə́ dəngam kə́ ger̄ rɔ̄ɔ̄ ngá̰ý gə̄ aw̄n̄ gōí tə́ ndɔ̄ ń ɔ́səń nja ngé rɔ̄ɔ̄ yāí gə̄ kə̄ naā tə́ ní. Dɔ mbal̄ kə́ táĺ gə̄ tə́, balsáa yāí gə̄ a reēn̄ kə̄ rɔ̄í tə́, tītə̄ tal kə́ ta gír loo tə́ beē.

TA KƏLA 25:22

Ngán gə̄ tɔ́sə̄n̄ naā kem kó̰ó̰də́ tə́, anī kó̰ó̰də́ əda na ré i beé anī ké n-ndān̄ ngōn̄ i yā rāań rí wa. Ni-aw̄ dəje Kɔ́ɔ̄ɓē,

1 PIYER 2:2

Majə kadə̄ ī-toī tītə̄ ngáń kásə̄ gə̄ beé, ādī ɓō mba kə́ unjə̄ njáý njáý ń i Najə̄ yā Nə́ɓā ní rāāsí. Yā kadə̄ ré ā̰yī anī ī-tɔgiī tām̄ yā kajə tə́.

TA KƏLA 27:33

Isaak ndebə kə̄ rɔ̄n gə̄ tə́ malang ba əda na: I náā n aw̄ ndo̰ó̰ tɔ̄l̄ dā̰ reēń adə̄m̄ ní? M-ə́sá yá̰a̰ malang kété noí tə́ laā kɔ̄ɔ́. m̄-tɔ́r̄ taḿ dɔ deē ń reēń adə̄m̄ tə́ ní, adə̄ kɔ́ɔ̄ ənge tɔ́r̄ ta.

TA KƏLA 25:28

Isaak tár Esau tām̄ kəsa ń a əsa dā̰ tɔ̄lə̄n tə́ ní, ba Rebeka tár i Jakob tá.

TA KƏLA 27:4

Ī-ndīr̄ yá̰á̰ kə́ nel̄ taḿ ī-reēń ādə̄ m-ə́sa, ādə̄ m̄-tɔ́rəń taḿ dɔí tə́ pá tá m-óý ɓáý.