JA̰A̰ 1:11 - Bibəl ta Sar̄

¹¹ Ni-reē ɓēé looneé, ba de kə́ ɓē yān tə́ gə̄ əhɔnən̄ kə̄ rɔ̄də́ tə́ alé.

Bible sar

¹¹ Ni-reē ɓēé looneé, ba de kə́ ɓē yān tə́ gə̄ əhɔnən̄ kə̄ rɔ̄də́ tə́ alé.

JA̰A̰ 1:11 Referans Kwoze

Najə̄ kə́ Majə yā Jeju ń Luk ndang ní 19:14

Ba madə̄n gə̄ kə́ gō nang yān tə́ imə̄nən̄ ngá̰ý, adə̄ ɔrə̄n̄ de gə̄ əlan̄də́ gōn tə́ kadə̄ aw̄ ədan̄ na: Jḭḭ jə-gḛy kadə̄ ni-o̰o̰ ɓē dɔjí tə́ alé.

JA̰A̰ 3:32

Nge ń ḭḭ dɔ rā̰ tə́ reē ní, əda i yá̰á̰ ń ni-a̰ā̰ ō, oō ō ní, ba deē kógə̄ḿ kə́ ndigə koō najə̄ kə́ kum tə́ yān gətóo.

MATIYE 15:24

Jeju tūr̄ ədadə́ na əlamə̄n̄ i rɔ̄ ngán Israel gə̄ ń i batə̄ kə́ ta tḭ̄ḭ̄ kɔ̄ɔ́ gə̄ ní tə́ ngóy.

Makətūbə̄ ń Pol ndang adə̄ Rom gə̄ ní 15:8

Tɔdɔ̄ m-ə́dásí na, dan ń Kərist rāā rɔ̄n nge kəla yā Nə́ɓā tə́ tām̄ yā Jipə gə̄ tə́ ní, rāā i yā tɔ̄ləń ta kənī ń Nə́ɓā ənī míndən adə̄ kaají gə̄ ní. Ni-rāā beé i yā kɔjəń kadə̄ Nə́ɓā i de kə́ nge ra dɔ ndūn tə́.

KƏLA RĀĀ 13:46

Loo ń noō tə́ Pol nin̄ kə Barnabas ədan̄də́ kanjə̄ ɓōĺ na: Majə kadə̄ i sḭḭ̄ n ədan̄sí najə̄ yā Nə́ɓā kété ní! Ba dan ń sḭḭ̄ kɔ́ gə̄ ī-mbātíī ō, á̰a̰ī kadə̄ ī-ndetiī kadə ndi kə kumuú kə́ ngándáńg aĺ ō ɓá ní, jḭḭ jə-tūr̄ rɔ̄jí kə̄ rɔ̄ de gə̄ kə́ nin̄ i Jipə aĺ gə̄ tə́.

Makətūbə̄ ń Pol ndang adə̄ Rom gə̄ ní 9:5

I nin̄ ɓáý to̰ n i ngán kaa ngé taā kem kə́ jóo gə̄ ní. Kə́ ta yā deē ndul gə̄ tə́ ɓáa Kərist i deē yādə́. Ni i dɔ yá̰a̰ gə̄ tə́ malang ō, i Nə́ɓā kə́ de gə̄ a tɔ̄ȳnən̄ ngándáńg ō. Adə̄ i tītə̄ ń noō.

GALATƏ 4:4

Ba dan ń ndɔ̄ asə anī, Nə́ɓā əla Ngōnən adə̄ de kə́ dəyá̰ ojən. Ojənən̄ i dan ń ndū najə̄ i kɔ́ɔ̄ yá̰a̰ gə̄ tə́ ní,

KƏLA RĀĀ 13:26

Ngákó̰ó̰ḿ gə̄, sḭḭ̄ ngán kaa Abəraham gə̄ ō, sḭḭ̄ gə̄ ń ī-reēī laā i rāā kəlaá kadə̄ Nə́ɓā ō ní, najə̄ kajə ń toō əlan̄neé adə̄n̄jí i jḭḭ̄.

Makətūbə̄ ń Pol ndang adə̄ Rom gə̄ ní 9:1

Najə̄ ń m-ā m-ə́da toó i najə̄ kə́ rɔ̄kum. Mā i deē yā Kərist ō, m̄-sor̄ aĺ ō. Tá Ndíĺ kə́ Táĺ ədam̄ kemḿ tə́ kadə̄ i rɔ̄kum ō.

JA̰A̰ 1:10

Ni i dɔ nang tə́ kété ō, de kə́ dɔ nang tə́ gə̄ ndin̄ i kə kūl̄neé ō, banī de kə́ dɔ nang tə́ gə̄ ger̄nən̄ alé.

JA̰A̰ 1:12

Ba ngé gə̄ ń əhɔnən̄ kə̄ rɔ̄də́ tə́, adə̄ i ngé gə̄ ń taān̄ kemən ní, ni-adə̄də́ tɔ́gə kadə̄ télən̄ ngáń Nə́ɓā.

JA̰A̰ 19:27

Kutə̄ gō anī, əda nge ndóō yá̰a̰ yān na: Á̰á̰ kó̰ó̰í n ra noó. Ba əla gír kum mbang ngeé ń noō tə́ ní, nge ndóō yá̰á̰ ní aw̄ seneé ɓēé looneé.

KƏLA RĀĀ 21:6

Dan ń jə-rāā naā lápə́ya j-a̰ȳń ta njají oy anī, jḭḭ j-al̄ kem too boó banī nin̄-télən̄ ta kaw̄ kə̄ gogə́ ɓēé.