JA̰A̰ 1:10 - Bibəl ta Sar̄

¹⁰ Ni i dɔ nang tə́ kété ō, de kə́ dɔ nang tə́ gə̄ ndin̄ i kə kūl̄neé ō, banī de kə́ dɔ nang tə́ gə̄ ger̄nən̄ alé.

Bible sar

¹⁰ Ni i dɔ nang tə́ kété ō, de kə́ dɔ nang tə́ gə̄ ndin̄ i kə kūl̄neé ō, banī de kə́ dɔ nang tə́ gə̄ ger̄nən̄ alé.

JA̰A̰ 1:10 Referans Kwoze

JA̰A̰ 17:25

Bɔbə́ḿ, ḭ̄ ń i de kə́ gōtə́ ní, de kə́ dɔ nang tə́ gə̄ ger̄nī alé, banī mā m̄-gerī ō, ngé gə̄ ń toō gerə̄n̄ kadə̄ ə́lam̄ ō.

1 JA̰A̰ 3:1

Á̰a̰ī táŕ kə́ ngá̰ý ń Bɔbə̄jí Nə́ɓā táŕjí kadə̄ ɓārə́nńjí ngánən gə̄ ní. Tɔdɔ̄ jḭḭ̄ i ngánən gə̄ rɔ̄kum. Ré de kə́ dɔ nang tə́ gə̄ gerə̄n̄jí aĺ anī, i tām̄ ger̄ ń nin̄-gerə̄n̄ Nə́ɓā aĺ tə́ ní ō.

1 KORḚNTƏ 2:8

Deē kógə̄ḿ kə́ dan ngār gə̄ kə́ dɔ nang tə́ laā kə́ ger̄ kum kedə̄ ngeé ń toō gətóo. Ré nin̄-gerə̄n̄ i mbée anī, Kɔ́ɔ̄ɓē ń kɔsə gɔn i yān ní, a əndanən̄ kə máyá̰ tū kāgə̄ kə́ dēsə́ tə́ alé.

1 KORḚNTƏ 1:21

Tɔdɔ̄ loo ń kum kedə̄ yā Nə́ɓā ɔjə rɔ̄n kə̄ ndágá tū tə́ ní, de kə́ dɔ nang tə́ laā gə̄ a̰a̰n̄ Nə́ɓā tū tə́ gerə̄n̄ kə ta kūl̄ kum kedə̄ yādə́ alé. I tām̄ najə̄ ń noō tə́ n Nə́ɓā gḛyń kajə ngé taā kem gə̄ kə ta kūl̄ najə̄ kə́ to mbóó ń j-ɔjə ní.

MATIYE 11:27

Bɔbə́ḿ əla yá̰a̰ malang gír jīḿ tə́. Deē kógə̄ḿ kə́ gerə̄m̄ mā Ngōnən gətóo, ba i Bɔbə́ḿ nəkɔ́ tá ngóy ō, deē kógə̄ḿ kə́ ger̄ Bɔbə́ḿ gətóo, ba i mā Ngōnən nəkɔ́ tá ngóy ō, deē ń mə̄kɔ́ ngōn̄ m̄-ndigə teē kumən dɔn tə́ ní tá ngóy ō.

HEBƏRO 11:3

I kə ta kūl̄ taā kem n jə-gerīiń kadə̄ Nə́ɓā əndā dɔ rā̰ ō dɔ nang ō, yá̰a̰ malang kə́ tū tə́ ō i kə ta kūl̄ najə̄ kə́ tan tə́ ní. Adə̄ yá̰á̰ ń deē a̰ā̰ kə kumneé ní, rāān̄ i kə yá̰a̰ gə̄ kə́ deē a̰a̰də́ kə kumneé alé.

JA̰A̰ 1:18

Deē kógə̄ḿ kə́ a̰a̰ Nə́ɓā gətóó bátə́. Ba Ngōn̄ Nə́ɓā kə́ kal kógə̄ḿ beē ń ndi naā tə́ ngándáńg kə Bɔbə̄ Ngōnōó ní, ni a rāā kadə̄ a ger̄nən̄.

JA̰A̰ 1:5

Loo kə́ unjə̄ kow ní unjə̄ kum til tə́, ba til asə ger̄ loon alé.

KƏLA RĀĀ 14:17

Ɓá tā ba ni-əya̰də́ kanjə̄ kədadə́ najə̄ kə́ kum tə́ kə́ dɔ rāā majə yān tə́ alé. Tām̄ ni-adə̄sí man̄ kə́ dɔ rā̰ tə́ ō, ɓāl̄ gə̄ kə́ kōō gə̄ teēn̄ tū tə́ ngá̰ý ō, adə̄sí yá̰a̰ kəsa kə́ ə́saī adə̄ ndān̄ kemsí ō, rāā adə̄ kemsí nel̄sí ngá̰ý ō.

JA̰A̰ 5:17

Banī Jeju tél ədadə́ na: Bátə́ ngɔlaā ní Bɔbə́ḿ ndi i kə kəlaá jīn tə́, adə̄ mā m̄-ndi i kə kəlaá jīḿ tə́ ō.

TA KƏLA 16:13

Agar gír̄ najə̄ əda na: Ni ń a̰a̰m̄ ní, m-á̰a̰n rɔ̄kum a? Gō tə́ anī əndā rī dɔ Kɔ́ɔ̄ɓē ń ɔr̄ najə̄ seneé tə́ ní na i El Roi, kumən na i Nə́ɓā kə́ nge ka̰a̰m̄.

TA KƏLA 18:33

Dan ń Kɔ́ɔ̄ɓē ɔr̄ najə̄ kə Abəraham oy anī, ɔtə aw̄. Ba Abəraham tá tél aw̄ gogə́ ɓēé.

TA KƏLA 17:1

Abəram rāā ɓāl̄ kutə ndōhó gidə i ndōhó anī, Kɔ́ɔ̄ɓē ndɔ̄bə̄n ədan na: Mā i Nə́ɓā kə́ bo kə́ tɔ́gə́ḿ i ngá̰ý. Ī-njə̄rā ta kumḿ tə́ ō, ādə̄ najə̄ gətóo dɔí tə́ ō.

IJAI 53:3

De gə̄ malang kídə̄nən̄ ō, gōn̄gnən̄ kɔ̄ɔ́ ō. I de kə́ a̰a̰ tápə̄ ō, yá̰á̰ kə́ tōr̄ ndérə̄n ō. Ni to i tītə̄ deē kógə̄ḿ kə́ de kə́ ndigə ka̰a̰n gətóo beé. Jə-kídīin̄ ō, jə-rāāin̄ yá̰á̰ tə́ aĺ ō.

JA̰A̰ 1:3

Yá̰a̰ malang i kə́ rāā kə ta kūl̄ Najə̄ ní, adə̄ yá̰á̰ kógə̄ḿ kə́ teē kanjə̄n ni gətóo.

JA̰A̰ 1:11

Ni-reē ɓēé looneé, ba de kə́ ɓē yān tə́ gə̄ əhɔnən̄ kə̄ rɔ̄də́ tə́ alé.

1 KORḚNTƏ 8:6

Banī tām̄ yājí tə́ ɓáa Nə́ɓā i kógə̄ḿ beē. Ni i Bɔbə̄jí ń yá̰a̰ malang teē i rɔ̄n tə́ ō, j-a j-awī i kə̄ rɔ̄n tə́ ō ní. Kɔ́ɔ̄ɓē i kógə̄ḿ beē ngóy, i Jeju Kərist ń yá̰a̰ gə̄ malang teēn̄ i kə kūl̄neé ō, jə-ndiī i kə kūl̄neé ō ní.

KOLOSƏ 1:16

Nə́ɓā rāā yá̰a̰ malang kə́ dɔ rā̰ tə́ gə̄gē, dɔ nang tə́ gə̄gē, i kə ta kūl̄ Ngōnən. Ni-rāā yá̰á̰ kə́ deē asə ka̰a̰ kə kumneé ō, kə́ deē asə ka̰a̰ kə kumneé aĺ ō. I kɔ́ɔ̄ ɓē gə̄ ō, ngé ko̰o̰ ɓē gə̄ ō, kōr̄ kāgə̄ mbang yādə́ gə̄ ō. Nə́ɓā rāā yá̰a̰ malang i kə ta kūl̄neé ō, i tām̄ yān tə́ ō.