IJAI 9:9 - Bibəl ta Sar̄

⁹ Ndogə̄ bəríkə gə̄ ń tə́sōn̄ nang tə́ ní, j-a jə-tél yā kəndādə́ gogə́ kə mbal̄ kə́ tɔ́sə̄ kadə gēé. Sáā kāgə̄ kə́ karī gə̄ ń rāānəń kújə a tə́sō kɔ̄ɔ́ ní, j-a jə-mbél̄ gíŕdə́ kə sáā kāgə̄ sédər gēé.

Bible sar

⁹ Ndogə̄ bəríkə gə̄ ń tə́sōn̄ nang tə́ ní, j-a jə-tél yā kəndādə́ gogə́ kə mbal̄ kə́ tɔ́sə̄ kadə gēé. Sáā kāgə̄ kə́ karī gə̄ ń rāānəń kújə a tə́sō kɔ̄ɔ́ ní, j-a jə-mbél̄ gíŕdə́ kə sáā kāgə̄ sédər gēé.

IJAI 9:9 Referans Kwoze

IJAI 46:12

Sḭḭ̄ ngé dɔ ngan̄g gə̄, sḭḭ̄ ń i sa̰y ngá̰ý, ī-ndetiī kadə yá̰á̰ kə́ gōtə́ ngɔr aĺ ní, ōōī najə̄ yāḿ!

1 PIYER 5:5

Ba sḭḭ̄ balsáa gə̄, majə kadə̄ ōōī ta kum kɔɔ̄ gə̄. Banī sḭḭ̄ malang ə́laī tél kə rɔ̄ɔ́ kə̄ nang tə́ kūbə̄ tə́ rɔ̄sí tə́ ī-ndiīneé kə naá. Tɔdɔ̄ makətūbə̄ yā Nə́ɓā əda na: Nə́ɓā a mbātə́ najə̄ gō ngé kɔsə rɔ̄də́ kə̄ dɔɔ́ gə̄ tə́, ba a rāā kem majə kə ngé gə̄ ń télən̄ kə rɔ̄də́ kə̄ nang tə́ ní.

MALASI 3:13

Kɔ́ɔ̄ɓē əda na: Sḭḭ̄ ī-tə́daī najə̄ kə́ ngan̄g ngan̄g gə̄ dɔḿ tə́, ba ī-dəjeī najə̄ ə́daī na ké najə̄ ń ɔ̄rī dɔ dáńsí tə́ dɔḿ tə́ ní ké na i rí wa.

EJEKIEL 33:33

I tām̄ najə̄ ń toō tə́ n ré yá̰a̰ gə̄ ń noō a rāān̄ yá̰a̰ anī, ta dɔ yá̰a̰ gə̄ ní i ngɔr, nin̄ a gerə̄n̄ kadə̄ nge koō ta kógə̄ḿ ndi dandə́ tə́ kété ní.

EJEKIEL 30:19

M-ā m-ún sarya gāngə̄ḿ yā rāań yá̰a̰ kə ɓē kə́ Ejiptə ō, de gə̄ malang a gerə̄n̄ kadə̄ Kɔ́ɔ̄ɓē i mā ō.

EJEKIEL 7:27

Mban̄g a əhɔ ndoō ō, ngōn̄ ngār a əndā kemən dɔ yá̰á̰ kógə̄ḿ tə́ to̰ aĺ ō, ɓōĺ a rāā de kə́ kem ɓēé gə̄ malang kadə̄ a ndewn̄ ō, yá̰á̰ ń m-ā m̄-rāā sedə́ ní, a sɔɔ̄ń i dɔ háĺdə́ ō, m-ā m̄-gān̄g sarya dɔdə́ tə́ tɔdɔ̄ asə kadə̄ əngen̄ sarya. Loo ń noō tə́ nin̄ a gerə̄n̄ kadə̄ Kɔ́ɔ̄ɓē i mā.

EJEKIEL 7:9

Kumḿ a o̰o̰m̄ tām̄ yāsí tə́ alé, adə̄ m-ā m-ə́yá̰sí alé. M-ā m̄-rāāsí kadə̄ ā ə̄gāī kə̄rā háĺsí ō, ā ásiī ɓɔ̄ɔ̄ dɔ yá̰a̰ rāāsí kə́ majaĺ ngá̰ý gə̄ aĺ ō. Loo ń noō tə́ ā ī-gerī kadə̄ i mā Kɔ́ɔ̄ɓē n m-ə́ndásí ní.

JEREMI 32:24

Kalde gə̄ ɔsən̄ nán̄g kə̄ dɔ naā tə́ kadə ndogə̄ mbal̄ tə́ gidə ɓē tə́ yā taāń ɓē. Ɓē a əsō kem jī Kalde gə̄ ń ənīnən̄ rɔ̄ɔ̄ ō, rāān̄ kumən ndoō tə́ kə kaskaraá ō, kə ɓōó ō, kə mo̰y ngāl̄bɔ̄gīí ō ní. Yá̰á̰ ń ə́da ní rāān rɔ̄kum ba ḭ̄ ī-ndi á̰a̰ loo kə̄ rɔ̄n tə́.

IJAI 48:4

Sḭḭ̄ i gír de gə̄ kə́ dɔdə́ ngan̄g, adə̄ m̄-ger̄. Sḭḭ̄ ī-ndigiī koō yá̰á̰ kógə̄ḿ aĺ ō, dɔsí ngan̄g ō.

IJAI 26:11

Kɔ́ɔ̄ɓē, ḭ̄ ún jīí kə̄ ɓir̄ dɔɔ́ yā kəndań ndéy, ba nin̄ a̰a̰n̄ jīí ní alé. Banī nin̄ a a̰a̰n̄ rɔ̄ɔ̄ ń ī-rɔ̄ɔ̄ dɔ gír deē yāí gə̄ tə́ kə táŕ kə́ o̰o̰ hor ngá̰ý ní. Loo ń noō tə́ rɔ̄də́ a sɔl̄də́ ngá̰ý. Hor ń ī-rāā tām̄ yā madə̄ ba̰ā̰í gə̄ tə́ ní a o̰o̰də́.

Gōsə̄ najə̄ gə̄ 16:18

Kɔjə rɔ̄ i róbə́ ń deē a nujəń sák sák ní ō, gán̄g rɔ̄ i róbə ń deē a əsōń ní ō.

1 MBAN̄G GƏ̄ 22:25

Majə, ndɔ̄ ń ā ā̰ȳ yā kaw̄ ɓɔ̄ɔ̄ rɔ̄í gə́lé kújə́ tə́ ní, ndɔ̄ ń noō tə́ ā ī-ger̄.

IJAI 7:2

Ədan̄ Akaj ń i de kə́ gír yā Dabid tə́ ní ō, de kə́ bo yān gə̄ malang ō na: De kə́ Aram gə̄ əndān̄ gérger yādə́ dɔ nang yā Epəraim tə́. Najə̄ ní yéȳ mban̄g ō, yéȳ gír deē yān gə̄ ō, tītə̄ ń nél a yéyəń kāgə̄ gə̄ ní beē.

IJAI 9:8

De gə̄ malang gerə̄n̄, Epəraim gə̄ malang ō, de kə́ Samari gə̄ malang ō, gerə̄n̄. Kété ní, kɔjə rɔ̄ rosə kem de gə̄ ngeé ń toō adə̄ nin̄ ədan̄ na:

IJAI 28:1

I yá̰á̰ kə́ to kum kaȳ aĺ kə́ ba̰ý beē tām̄ yā ɓē kə́ Samari tə́! Ɓē ń toō ń to tītə̄ jākā mbang beé ní, ngé kasə rāā gə̄ kə́ dɔ nang yā Epəraim tə́ əndan̄ gúúdə́ tāmən tə́ Ɓē ní ndi i dɔ ngōn̄ mbal̄ ń deē ra dɔ tə́ anī a̰a̰ wól loo kə́ teē kōō ngá̰ý ní. Súūn̄ ɓē ní adə̄ majə ngá̰ý. Banī ɓē ní to i tītə̄ hútə̄ yá̰á̰ kə́ tutə kə́ to dɔ de gə̄ kə́ kasə nduú rāādə́ kɔ̄ɔ́ tə́ beē.

IJAI 28:3

Ɓē kə́ to tītə̄ jākā mbang beé, adə̄ i yá̰a̰ kənda gúu yā ngé kasə rāā gə̄ kə́ Epəraim ní, a rējə̄nən̄ kɔ̄ɔ́.

OJEE 8:14

Israel rāā kújə́ kə́ majə ngá̰ý gə̄ tām̄ yān tə́, banī dɔn ndígə̄naləḿ mā nge rāān kɔ̄kə́. Juda ra yān noó rāā ɓē kə́ ngan̄g gə̄ ngá̰ý. Banī m-ā m-ə́la hor dɔ ɓē yān gə̄ tə́, kadə̄ a o̰o̰ kújə yān kə́ majə gə̄ kɔ̄ɔ́.

MALASI 1:4

De gə̄ ngeé gə̄ ń noō ń i Edom gə̄ ní, majanī a ədan̄ na: Rējēn̄jí, banī ɓē yājí gə̄ ń nujənə̄ń sák sák kɔ̄ɔ́ ní, j-a jə-tél yā rāā gogə́ rang. Yá̰á̰ ń mā Kɔ́ɔ̄ɓē kə́ bo kə́ tɔ́gə́ḿ i ngá̰ý m-ə́dá ní n toó: Nin̄ asən̄ tél rāā gogə́ tā, ba yá̰á̰ ń nin̄ a rāān̄ ní, m-ā m̄-nujəń kɔ̄ɔ́! A ɓārə́n̄də́ na i Ɓē yā de kə́ majaĺ gə̄ ō, i Gír de gə̄ kə́ Kɔ́ɔ̄ɓē rāā wōn̄g sedə́ kanjə̄ dəba ō.