IJAI 9:3 - Bibəl ta Sar̄

³ A̰á̰ā̰, ḭ̄ ɔ̄r̄ gír deē yāí gə̄ kɔ̄ɔ́ tū ko̰o̰ ɓē kə́ ɔȳdə́ tə́. Kāgə̄ ń adə̄ kār̄ bɔ̄gə̄də́ gə̄ do ní, ndéý ń əndanə̄ńdə́ ní, ḭ̄ ī-tétə̄ kɔ̄ɔ́, tītə̄ ń ī-rāań ndɔ̄ ń ī-tetəń Madian gə̄ rɔ̄ɔ̄ tə́ ní.

Bible sar

³ A̰á̰ā̰, ḭ̄ ɔ̄r̄ gír deē yāí gə̄ kɔ̄ɔ́ tū ko̰o̰ ɓē kə́ ɔȳdə́ tə́. Kāgə̄ ń adə̄ kār̄ bɔ̄gə̄də́ gə̄ do ní, ndéý ń əndanə̄ńdə́ ní, ḭ̄ ī-tétə̄ kɔ̄ɔ́, tītə̄ ń ī-rāań ndɔ̄ ń ī-tetəń Madian gə̄ rɔ̄ɔ̄ tə́ ní.

IJAI 9:3 Referans Kwoze

PĀ GƏ̄ 119:162

m̄-rāā rɔ̄nel̄ yá̰a̰ gə̄ ń ɔ́sə kə de gēé ta rāā ní, tītə̄ de kə́ rāā rɔ̄nel̄ yá̰á̰ kə́ əhɔ ngá̰ý ta rɔ̄ɔ̄ tə́ beē.

1 PIYER 1:8

Jeju ngeé ń toō ní kumsí a̰a̰n alé, banī sḭḭ̄ ī-tárniī. Ngɔlaā ní kumsí a̰a̰n alé ɓá tā, banī sḭḭ̄ ī-taāī kemən. I tām̄ najə̄ ń toō tə́ n rɔ̄sí nel̄sí ngá̰ý ní, ba rɔ̄nel̄ ní i ngá̰ý al̄ naā, adə̄ i kə́ dum̄ kəda.

IJAI 26:15

Kɔ́ɔ̄ɓē, ī-rāā adə̄ kutə nápar deē yāí gə̄ i ngá̰ý, ḭ̄ ɔ́jə kɔsə gɔn yāí, ḭ̄ ī-rāā adə̄ nápar deē yāí gə̄ tɔgən̄, ḭ̄ ɔ́jə kɔsə gɔn yāí, ḭ̄ ī-tél kə dɔ nin̄ loo gə̄ yā ɓēé kə̄ gogə́ malang.

IJAI 66:10

Sḭḭ̄ ń ī-táriī ɓē kə́ Jerusalem ní, ī-rāāī rɔ̄nel̄ seneé, ādī rɔ̄nel̄ yāsí rə̄ɓā kə̄ ndágá najə̄ yān tə́. Sḭḭ̄ ń kété ə́hɔī najə̄ yá̰á̰ kə́ to kum kaȳ aĺ gə̄ kə́ teēn̄ dɔn tə́ tə́ ní, ādī rɔ̄nel̄ rāāsí kə́ kɔ̄r̄ tə́ seneé!

IJAI 65:18

Ādī rɔ̄nel̄ yāsí ɔjə rɔ̄n kə̄ ndágá, ī-rāāī rɔ̄nel̄ kanjə̄ kəya̰ ta najə̄ yā yá̰á̰ ń m-ā m̄-rāā yā rāā tə́ ní. M-ā m̄-rāā Jerusalem kadə̄ a tél i ɓē kə́ rɔ̄nel̄ i ngá̰ý kemeé ō, m-ā m̄-rāā kadə̄ de kə́ kemeé gə̄ a télən̄ i gír de gə̄ kə́ rɔ̄nel̄ yādə́ a ɔjə rɔ̄n kə̄ ndágá.

IJAI 35:10

Ngé gə̄ ń Kɔ́ɔ̄ɓē a gān̄g dɔdə́ ní a télən̄ yā reē. Nin̄ a ugə̄n̄ Siyo̰ kə kɔŕ rɔ̄nelēé tadə́ tə́. Rɔ̄nel̄ kə́ ta ngóyn gətóo a rāā ta kumdə́ kadə̄ ndə́lē. Walya kə́ to ɓōĺ ngá̰ý a dān̄ gōdə́, ka̰a̰ tápə̄ ō, nōō rɔ̄ ō a gətóon̄ kɔ̄ɔ́.

1 SAMUEL 30:16

Adə̄ deē ní ɔr no Dabid aw̄ seneé gō Amalek gə̄ tə́. Dan ń əngen̄də́ ní tḭ̄ḭ̄n̄ naā i kə̄ loo gə̄ tə́ n ndi a əsan̄neé yá̰a̰ ō a̰ȳn̄neé yá̰a̰ ō rāānneé rɔ̄nel̄ yá̰a̰ kənge kə́ ngá̰ý ń ɔyn̄ dɔ nang yā Pilistin gə̄ tə́ ō Juda gə̄ tə́ ō ní.

Najə̄ kə́ Majə yā Jeju ń Luk ndang ní 11:22

Ba ré de kə́ dəngam kə́ rang kə́ ngan̄g tɔȳn reē tetən rɔ̄ɔ̄ anī, a taā yá̰á̰ rɔ̄ɔ̄ yān gə̄ ń əndā tɔ́gən dɔ tə́ ní ō, a nə̄ɓō yá̰a̰ kənge yān gə̄ ń ɔy ní kɔ̄ɔ́ malang ō.

PĀ GƏ̄ 4:7

Ngá̰ý gə̄ ədan̄ na, i náā n a rāā sejí kadə̄ jə-ndiī majə ní? Kɔ́ɔ̄ɓē, á̰á̰jí kə kumií kə́ majaá!

PILIPƏ 4:4

Ī-rāāī rɔ̄nel̄ kə ndɔ̄ gə̄ najə̄ ɓoo kə́ ī-ɓooī naā kə Kɔ́ɔ̄ɓēé tə́. m̄-tél m-ə́dásí to̰: Ī-rāāī rɔ̄nel̄!

JAKARI 10:8

M-ā m̄-ɓāŕ de gə̄ kə́ dan gír deē yāḿ gə̄ tə́, yā kɔsə dɔdə́ naā tə́. A̰á̰ā̰, m-ā m-ɔ̄r̄də́ ɓəloó ō, kutədə́ a reē ngá̰ý tītə̄ kə́ kété ō.

JAKARI 8:23

M-ə́da na kum mbang ngeé ń noō tə́ ní, tə̄rā gə̄ kutə, kə́ nin̄ kógə̄ḿ kógə̄ḿ ní ta yādə́ gə̄ i tayā tayā, a əhɔn̄ ta kūbə̄ yā Jipə kógə̄ḿ ba a ədanən̄ na: Jə-sāā kaw̄ sesí, tām̄ j-oō kadə̄ Nə́ɓā i sesí.

JAKARI 2:11

De kə́ Jerusalem gə̄, āwī! Sḭḭ̄ ń ī-ndiī Babilon ní, āwī láẃ!

OJEE 4:7

Ngé tun̄ yá̰a̰ gə̄ malang kanjə̄ kɔr̄ deē kógə̄ḿ kə̄ gogə́ ní, mānə̄n̄ dɔ ndūḿ. I beé ɓá ní, m̄ ī-tūr̄ gíŕ yá̰a̰ kɔjə rɔ̄ yādə́ kadə̄ téĺ yá̰a̰ rɔ̄sɔl̄.

JEREMI 31:7

Najə̄ ń Kɔ́ɔ̄ɓē əda ní n toó: Ə́gaī kɔŕ rɔ̄nel̄ dɔ Jakob tə́, ɔ́jiī no ngār yā nápar de gə̄ kə walya kə́ ngá̰ý. Úniī ndūsí kə̄ dɔɔ́ ō, ī-rāāī rɔ̄nel̄ ō, ba ə́daī na: Kɔ́ɔ̄ɓē, ajə gír deē yān gə̄ adə̄ i gá̰ ngán Israel gə̄ ń na̰yn̄ ní.

IJAI 61:10

Rɔ̄nel̄ kə́ kemḿ tə́ al̄ naā najə̄ yā Kɔ́ɔ̄ɓē tə́. Dan wurəḿ rāā rɔ̄nel̄ najə̄ yā Nə́ɓā yāḿ tə́. A̰á̰ā̰, ni ajəm̄ ō, utə̄ gidə rɔ̄ḿ kə kajə yānneé tītə̄ kūbə̄ ngāl̄ kə́ yā kəla rɔ̄ tə́ kété pá tá yā kəla madə̄ dɔ tə́ beē ō. Ni ɓírə̄m̄ kə tetə rɔ̄ɔ̄ yānneé tītə̄ kūbə̄ beé. m̄-to tītə̄ balsáá kə́ taā dəyá̰ kijə, kə́ ənda dɔn kə kūbə̄ kə́ yā kəndań dɔ ndɔ̄ nāā tə́ beē, aláa m̄-to tītə̄ ngōmandə kə́ taā ngaa kijə, kə́ tə́lá yá̰á̰ súū rɔ̄ gə̄ rɔ̄n tə́ adə̄ adə̄ taā gidə rɔ̄n malang beé.

IJAI 61:7

Kɔ́ɔ̄ɓē əda na: Kété ní rɔ̄sí sɔl̄sí sṵy. Yá̰á̰ ń sḭḭ̄ ə́ngeī ní, i ndū kə́ majaĺ ngá̰ý gə̄ ń de gə̄ tájə̄n̄sí ní. I tām̄ najə̄ ń toō tə́ n sḭḭ̄ ā ə́ngeī yá̰a̰ nja jōó dɔ nang yādə́ tə́ ō, ā ī-ndiī dan rɔ̄nel̄ kə́ ta ngóyn gətóó tə́ ō ní.

IJAI 55:12

Ā ī-teēī kɔ̄ɔ́ kem ɓē kə́ Babilon tə́ i kə rɔ̄nelēé ō, a télən̄ yā kaw̄ sesí gogə́ ɓēé loosí i kə kem kə́ sɔl̄ lɔmɔɔ́ ō. Dan ń ā ī-mānī anī, mbal̄ bo gə̄ ō, ngán mbal̄ gə̄ ō, a urən̄ kɔĺ rɔ̄nel̄. Kāgə̄ kə́ bembeé gə̄ malang a əndan̄ jīdə́ gíŕsí tə́.

IJAI 54:1

Jerusalem, ḭ̄ ń kété ə́nge ngōn̄ aĺ ní, ī-rāā rɔ̄nel̄! Ḭ̄ ń kété ī-ger̄ rɔ̄tōr̄ yā kojə ngōn̄ aĺ ní, úr kɔĺ rɔ̄nel̄ ō, ādə̄ rɔ̄í nelī ō. Kɔ́ɔ̄ɓē ədaī na: Ḭ̄ dəyá̰ ń əya̰īn̄ kɔ̄ɔ́ ní, ngɔlaā ngání gə̄ i ngá̰ý tɔȳ yā dəyá̰ ń ngaan i noó ní.

IJAI 35:2

Ūtə̄ gidə rɔ̄í kə hútə́ yá̰á̰ kə́ bembeé gēé. Ī-rāā rɔ̄nel̄, ī-rāā rɔ̄nel̄ ō ə́ga kɔŕ rɔ̄nel̄ ō! Kɔ́ɔ̄ɓē a rāāī kadə̄ ā ī-majə to ɓōĺ ngá̰ý tītə̄ mbal̄ bo gə̄ kə́ Liban beé, ni a rāāī kadə̄ ā ī-majə tītə̄ mbal̄ Karmel beé ō, kadə̄ ā ī-majə tītə̄ ndágə mbō gə̄ kə́ Saro̰ beé ō. Loo ń noō tə́ de gə̄ malang a a̰a̰n̄ kɔsə gɔn yā Kɔ́ɔ̄ɓē, a a̰a̰n̄ majə Nə́ɓā yājí.

IJAI 25:9

Ba ndɔ̄ ngeé ń noō tə́ ní, a ədan̄ na: I ni n i Nə́ɓā yājí ní. Kété ní j-əndā kemjí i dɔn tə́ ō, ni ajəjí ō. A̰á̰ā̰, kété ní j-əndā kemjí i dɔ Kɔ́ɔ̄ɓē tə́. Ādə̄ jə-ndāmī ndām̄ rɔ̄nel̄, ādə̄ jə-rāāī rɔ̄nel̄: Ni ajəjí!

IJAI 12:1

Gír de gə̄ kə́ ɔrə̄n̄də́ ɓəloó, ndɔ̄ ngeé ń noō tə́ ní ā ə́da na: Kɔ́ɔ̄ɓē, m̄-rāāī kə́ra. Kété ní wōn̄g rāāī seḿ, banī wōn̄g yāí ní tetə kɔ̄ɔ́ ō, ḭ̄ ī-rāā ādə̄ kemḿ tetə kə̄ nang tə́ ō.

PĀ GƏ̄ 107:38

Kɔ́ɔ̄ɓē rāā majə sedə́, adə̄ ojən̄ naā ngá̰ý ō, rāā adə̄ yá̰a̰ kul̄ yādə́ gə̄ tél na̰yn̄ i sḛ́ý beē njék njék aĺ ō.

NEHEMI 9:23

Ādə̄də́ ngán gə̄ ō, ngán kaadə́ gə̄ ō, kutədə́ i ngá̰ý tītə̄ tə́yō̰ gə̄ kə́ dɔ rā̰ tə́ ō. Ɔ́r nodə́ āw̄ sedə́ dɔ nang ń ə́da kaadə́ gə̄ kadə̄ aw̄ taān̄ ní tə́ ō.

NGÉ SARYA 5:3

Sḭḭ̄ mban̄g gə̄ kə ngār gə̄ ī-nelī mbīsí majə. m̄-ndigə kə́nā pā tām̄ yā Kɔ́ɔ̄ɓē tə́. m̄-ndigə kɔsə gɔn Kɔ́ɔ̄ɓē Nə́ɓā yā Israel.

KƏLA RĀĀ 8:8

Adə̄ rɔ̄ de gə̄ nel̄də́ ngá̰ý kem ɓē ní tə́.

Makətūbə̄ yā Job 12:23

Ni-ɔsə nápar de gə̄ kə̄ dɔɔ́, ba gō tə́ anī nujə sedə́ sák sák kɔ̄ɔ́. Ni əya̰ nápar de gə̄ kadə̄ teēn̄ kem loo yādə́ kə̄ gogə́, ba gō tə́ anī ɔydə́ dɔ gúú tə́ aw̄ sedə́ loo kə́ rang tə́.

IJAI 65:14

Ngé gə̄ ń rāān̄ kəla adə̄mə̄n̄ ní, a əgan̄ kɔŕ rɔ̄nel̄, tɔdɔ̄ ngarā̰ kemdə́ i kə́ rosə kə rɔ̄nelēé, banī sḭḭ̄, ā ə́gaī kɔŕ wur kɔl, tɔdɔ̄ wursí tōr̄sí ngá̰ý. A̰á̰ā̰, ā ī-nōōī, tɔdɔ̄ kemsí tɔ̄ɔ̄ táḿ táḿ kɔ̄ɔ́.

LEBI GƏ̄ 26:13

Mā i Kɔ́ɔ̄ɓē Nə́ɓā yāsí kə́ nge teē sesí kɔ̄ɔ́ kem ɓē kə́ Ejiptə tə́, kə́ nge kɔr̄sí ɓəloó kɔ̄ɔ́. m̄-tétə̄ njúkə yāsí kɔ̄ɔ́ ō, m-ādə̄ ɔ̄rī dɔsí ī-njə̄rāiń ō.

NGÉ SARYA 7:22

Dan ń de kə́ ɓú mətá gə̄ a kɔ̄rə́n̄ tōw̄ ní, Kɔ́ɔ̄ɓē rāā adə̄ de gə̄ malang kə́ kem gérgereé tél tūrə̄n̄ ta kaskar kə̄ dɔ naā tə́ tɔ̄l̄nəń naā, ba gotə de gə̄ ń na̰yn̄ ní a̰ȳn̄ naā bátə́ ugə̄n̄ ɓē kə́ Bet Sita tə́ kum kə̄ Sereda ō, bátə́ ugə̄n̄ ɓē kə́ Abel Mehola tə́ kadə ɓē kə́ Tabat tə́ ō.

NGÉ SARYA 8:12

Mban̄g kə́ jōó gə̄ kə́ Madian ń i Jeba nin̄ kə Salmuna ní a̰ȳn̄ naā, banī Jedeo̰ ngɔ̄də̄ əhɔdə́ ō, əla ɓōĺ kə́ ngá̰ý kem ngé rɔ̄ɔ̄ yādə́ gə̄ tə́ malang ō.

IJAI 10:26

Tām̄ Kɔ́ɔ̄ɓē kə́ bo kə́ tɔ́gən i ngá̰ý a un məraw yān kə̄ dɔ Asiri tə́, tītə̄ ń ni rāań kə Madian gēé mbal̄ kə́ Oreb tə́ ní. Ni a un sálang kāgə̄ yān yā kəla kə̄ dɔ bā bo tə́ tītə̄ ń rāań kə ɓē kə́ Ejiptə ní.

IJAI 14:5

Kɔ́ɔ̄ɓē nujə ko̰o̰ ɓē yā ngé kem ndul gə̄ kɔ̄ɔ́. ni tétə̄ kāgə̄ ko̰o̰ ɓē