IJAI 9:19 - Bibəl ta Sar̄

¹⁹ De gə̄ rə́yā̰n̄ dāmə̄n kə́ ko̰ó̰, banī ɓō rāādə́ ɓáý. Nin̄ do̰ō̰n̄ dāmə̄n kə́ geleé, banī ndānə̄n̄ alé. Náā nəkɔ́ ɓáa ənī madə̄ ɓēn i rɔ̄ɔ̄.

Bible sar

¹⁹ De gə̄ rə́yā̰n̄ dāmə̄n kə́ ko̰ó̰, banī ɓō rāādə́ ɓáý. Nin̄ do̰ō̰n̄ dāmə̄n kə́ geleé, banī ndānə̄n̄ alé. Náā nəkɔ́ ɓáa ənī madə̄ ɓēn i rɔ̄ɔ̄.

IJAI 9:19 Referans Kwoze

MISE 7:2

Ngé ra dɔ ndūdə́ tə́ gə̄ kə Nə́ɓāá gətóon̄ kɔ̄ɔ́ kem ɓēé, deē kógə̄ḿ kə́ rɔ̄kum gətóo. Nin̄ malang a sāān̄ i ta róbə tɔ̄l̄ deē. Nin̄ kógə̄ḿ kógə̄ḿ ní, a əyān̄ gūmbə̄ i yā kəhɔń madə̄də́ gə̄.

MISE 7:6

Tɔdɔ̄ ngōn̄ kə́ dəngam tájə̄ bɔbə̄n ō, ngōn̄ kə́ dəyá̰ ḭḭ kə kó̰o̰neé kə rɔ̄ɔ́ ō, um kə́ dəyá̰ ḭḭ kə mumən kə́ dəyá̰ kə rɔ̄ɔ́ ō. De gə̄ kógə̄ḿ kógə̄ḿ ní, madə̄ ba̰ā̰də́ gə̄ i de gə̄ kə́ kem kojə yādə́ tə́.

2 PIYER 2:4

Tɔdɔ̄ de kə́ dɔ rā̰ tə́ gə̄ ń rāān̄ majaĺ ní, Nə́ɓā əya̰də́ karī alé, banī ɓōkə́də́ loo kə́ yá̰á̰ kə́ tōr̄ a rāādə́ tū tə́ tə́. Tó̰ō̰n̄də́ kə súĺ ba ngōmə̄n̄də́ loo ngeé ń noō tə́ kum til tə́, yā ngóoń ndɔ̄ gān̄g sarya.

KƏLA RĀĀ 2:20

Mbang a ndul ō, nāā a kərē tītə̄ mósə ō, kété pá tá kadə̄ ndɔ̄ yā Kɔ́ɔ̄ɓē ugə̄ ɓáý. Ndɔ̄ ní i ndɔ̄ kə́ bo ō, i ndɔ̄ kə́ majə kɔsə gɔnən ō.

MATIYE 27:45

Loo ń mbang i dan ɓēé ní, loo gān̄g tíbə ripə, adə̄ loo kə́ risə til taā loo dɔ nang tə́ malang, bátə́ ugə̄ń mbang kə́ mətá kə́ loo sɔlí tə́.

AMOS 5:18

Ngé gə̄ ń tə́gān̄ tadə́ sétə́ loo ngóō ndɔ̄ yā Kɔ́ɔ̄ɓē tə́ ní, yá̰á̰ kə́ to kum kaȳ aĺ i tām̄ yādə́ tə́! Ndɔ̄ yā Kɔ́ɔ̄ɓē ngeé ń toō ní, i rí tām̄ yāsí tə́? I ndɔ̄ kə́ loo kə́ tū tə́ unjə̄ kow a? I beé alé: I ndɔ̄ kə́ loo kə́ tū tə́ ndul ndí ndḭ́!

JOEL 2:2

I ndɔ̄ kə́ ndul ndí ndí ō, risə til nding ō. I ndɔ̄ yā kil̄ man̄ gə̄ ō, yā kil̄ man̄ kə́ ndul kíndíńg kíndíńg ō. Gír de kə́ ngá̰ý gə̄ ō, ngangə̄n̄ ngá̰ý gə̄ ō, tə̄ndān̄ naā tḭ̄ḭ̄n̄ kə̄ dɔ mbal̄ gə̄ tə́, tītə̄ ta gír loo kə́ atə wororo beé. I gír de gə̄ kə́ deē a̰a̰də́ nja kógə̄ḿ aĺ ɓáý ō, kə́ deē a a̰a̰də́ gogə́ to̰ aĺ i kə́ bátə́ gə̄ tə́ ō, bátə́ ɓāl̄ yā gír kojə gə̄ kə́ ndɔ̄ń tə́ tə́.

EJEKIEL 9:5

Gō tə́ anī m-ōō najə̄ ń Kɔ́ɔ̄ɓē əda gotə ɓūtə̄ de gə̄ ń na̰yn̄ ní, ni ədadə́ na: Ī-njə̄rāī gō deē ń noō tə́ kem ɓēé ba ī-tɔ̄lī de kə́ kemeé gə̄. Ī-lōōī kəya̰də́ ō, ādī kumsí o̰o̰sí tām̄ yādə́ tə́ aĺ ō.

JEREMI 13:16

Ɔ́siī gɔn Kɔ́ɔ̄ɓē Nə́ɓā yāsí kété tá kadə̄ ni-əla kə tilií dɔsí tə́ ō, kété tá kadə̄ ī-bḭ́ḭ̄ dɔ mbal̄ gə̄ kə́ til taā dɔdə́ tə́ ō. Ī-ngóōī i loo kə́ unjə̄ kow, ba ni-tūrə̄n adə̄ téĺ ndíl yo ō, kil̄ man̄ kə́ ndul ndí ndí ō.

IJAI 60:2

Á̰a̰ā̰, loo kə́ ndɔ̄ɔ́ taā loo dɔ nang tə́ malang, kə́ tuú tu kógə̄ḿ utə̄ dɔ gír de gə̄. Banī Kɔ́ɔ̄ɓē ḭḭ dɔɔ́ dɔí tə́ ō, kɔsə gɔn yān unjə̄ kow dɔí tə́ ō.

IJAI 24:6

I tām̄ najə̄ ń toō n ndɔ̄ĺ yā Nə́ɓā əsa dɔ nang kɔ̄ɔ́ ō, de kə́ tū tə́ gə̄ əngen̄ ndéy ō ní. Nin̄ oyn̄ ō, gotədə́ na̰y i sḛ́ý beē ō.

IJAI 13:18

Ga̰ gərā yādə́ mbə́rē balsáa gə̄ tə́nīdə́, kumdə́ o̰o̰də́ kə ngáń kásə̄ gēé alé, nel̄də́ rāā ngán gə̄ yá̰á̰ kə́ tōr̄.

IJAI 13:13

I tām̄ najə̄ ń noō tə́ n dɔ rā̰ a ndew ō, a yéȳn̄ dɔ nang dɔ ngəran gə̄ tə́ ō ní. Yá̰á̰ ń noō a rāā yá̰a̰ sɔɔ̄ń wōn̄g yā Kɔ́ɔ̄ɓē kə́ bo kə́ tɔ́gən i ngá̰ý, ndɔ̄ ń wōn̄g yān a o̰o̰ń loo tītə̄ hor beé ní.

IJAI 13:9

Ndɔ̄ yā Kɔ́ɔ̄ɓē n a reē toó. Ka̰a̰ kum tō ndoō yā deē gətóo ndɔ̄ ń noō tə́. I ndɔ̄ wōn̄g kə́ ngá̰ý. A tūr̄ dɔ nang kadə̄ tél dəla loo kə́ wōn̄g i tū tə́ ō, de gə̄ ń najə̄ i dɔdə́ tə́ ní, ni a nujədə́ kɔ̄ɔ́ ō.

IJAI 8:22

ba gō tə́ anī a a̰a̰n̄ loo nang tə́. Yá̰á̰ ń nin̄ a əngen̄ ní i wur kɔl ō, i loo kə́ risə til ō, i sōl̄ kə́ to ɓōĺ ngá̰ý ō, i loo kə́ ndul ndí ndḭ́ ō ō, ngóy.

IJAI 5:30

Ɓá tā ba ndɔ̄ kógə̄ḿ anī, man̄ a ndán̄g gír de gə̄ ń toō, tītə̄ kōō bā bo kə́ ɓār̄ dan ń nél man̄ a əlań kə tɔ́gɔ́ tə́ ní beē. A a̰a̰n̄ ɓē, banī loo kə́ ndɔ̄ɔ́ ō, wur kɔl ō, a ɓír̄ gidə kɔ̄ɔ́. Kil̄ man̄ gə̄ kə́ ndulən̄ ndí ndí a utə̄n̄ dɔ loo kə́ unjə̄ kow kə́ kadaá kɔ̄ɔ́.

IJAI 1:31

De kə́ tɔ́gən to a tél yā kəto tītə̄ mu beé ō, yá̰a̰ rāān gə̄ a ton̄ tītə̄ hor kə́ kə́rā beé ō. Hor a o̰o̰də́ jōó mbak ō, de kə́ yā tɔ̄l̄ hor ní a gətóo ō.

IJAI 3:5

De gə̄ a rāān̄ yá̰a̰ i kə dɔ́nɔ́ kə naá, nin̄ kógə̄ḿ kógə̄ḿ ní, a rāān̄ yá̰a̰ i kə dɔ́nɔ́ kə madə̄də́ gēé, ngásáā gə̄ a rāān̄ de kə́ tɔgə gə̄ yá̰á̰ kə́ majaĺ ō, de kə́ ngáā aĺ gə̄, a rāān̄ de kə́ ngáā gə̄ yá̰á̰ kə́ majaĺ ō.

IJAI 4:4

Kɔ́ɔ̄ɓē a rāā kadə̄ néĺ yá̰á̰ kə́ gōtə́ ō, néĺ kə́ a tə́go deē kadə̄ unjə̄ ō əla. Dan ń ni a tə́gó yá̰á̰ kə́ yḛr gə̄ kə́ rɔ̄ dəyá̰ kə́ Jerusalem tə́ gə̄ tītə̄ ń noō anī, dan ń ni a tə́gó mósə́ ń ɓē kə́ Siyo̰ ɓōkə́ nang tə́ ɓēé looneé ní,

IJAI 5:24

I tām̄ najə̄ ń toō tə́ n nin̄ a ton̄ tītə̄ mu kə́ hor o̰o̰ ní, aláa a ton̄ i tītə̄ mu kə́ tutə kə́ udə lim kɔ̄ɔ́ kum ta ndo̰ hor gə̄ tə́ ní. nin̄ a ndumən̄ i ngəradə́ tə́. Hútə̄də́ a ḭḭ nél tītə̄ bumbə́ru beé. Tɔdɔ̄ nin̄ kídə̄n̄ yá̰á̰ ndóō gə̄ yā Kɔ́ɔ̄ɓē kə́ bo kə́ tɔ́gən i ngá̰ý, nin̄ mbātə́n̄ najə̄ kɔr̄ Nə́ɓā kə́ táĺ yā Israel.

IJAI 10:6

M-ə́lá áskar yān gə̄ kə̄ dɔ nápar de gə̄ kə́ ngé ran̄ dɔ ndūdə́ tə́ aĺ gə̄ tə́, yā kadə̄ rɔ̄ɔ̄n̄də́. M-ɔ́r nodə́ m-āw̄ sedə́ kə̄ dɔ gír de gə̄ kə́ rāāmə̄n̄ adə̄ wōn̄g rāām̄ tə́. Ādə̄ Asiri ɔy yá̰a̰ kənge yā gír de gə̄ ní dɔ gúú tə́! Ādə̄ ni tə́ɓādə́ tītə̄ loo tə́ɓā bɔr kə́ kum róbə kɔsə gə̄ tə́ beē!

IJAI 26:11

Kɔ́ɔ̄ɓē, ḭ̄ ún jīí kə̄ ɓir̄ dɔɔ́ yā kəndań ndéy, ba nin̄ a̰a̰n̄ jīí ní alé. Banī nin̄ a a̰a̰n̄ rɔ̄ɔ̄ ń ī-rɔ̄ɔ̄ dɔ gír deē yāí gə̄ tə́ kə táŕ kə́ o̰o̰ hor ngá̰ý ní. Loo ń noō tə́ rɔ̄də́ a sɔl̄də́ ngá̰ý. Hor ń ī-rāā tām̄ yā madə̄ ba̰ā̰í gə̄ tə́ ní a o̰o̰də́.

IJAI 33:14

Kem ɓē kə́ Siyo̰ tə́ ní, de gə̄ ń najə̄ əhɔdə́ ní, ndíĺdə́ a̰ȳ ō, ɓōĺ rāā de kə́ majaĺ gə̄ adə̄ nin̄ ndewn̄ ō. Nin̄ dəjen̄ najə̄ ədan̄ na: I náā kə́ danjí tə́ n asə ra kadə hor kə́ a o̰o̰ ń toō tə́ ní? I náā kə́ danjí tə́ n asə ra kadə ta ndo̰ hor kə́ a oy aĺ ń toō tə́ ní?

IJAI 42:25

I tām̄ najə̄ ń toō tə́ n Kɔ́ɔ̄ɓē bə̄gā wōn̄g yān kə́ ngá̰ý dɔdə́ tə́ ō, rāā adə̄ yá̰á̰ kə́ to ka̰ā̰ aĺ ngá̰ý gə̄ ń rɔ̄ɔ̄ a reēń ní, teē dɔdə́ tə́ ō ní. Wōn̄g yān ní əla hor kə̄ loo gə̄ tə́, banī Israel gə̄ gerə̄n̄ kum alé. Hor o̰o̰ Israel gə̄, banī nin̄ rāān̄ i yá̰a̰ ngōn̄ ndām̄ tə́.

JOEL 2:3

Hor o̰o̰ loo kété nodə́ tə́ ō, ɓáa, ta ndo̰ hor kə́ o̰o̰ bəlim bəlim i gōgə̄ gōdə́ tə́ ō. Ɓē to kété nodə́ tə́ i tītə̄ ndɔr̄ kə́ Eden beē. Ba ré mānə̄n̄ i dəla loo kə́ nujə sák sák kɔ̄ɔ́ beē. Yá̰á̰ kógə̄ḿ kə́ teē ta jīdə́ tə́ gətóo.

ABƏDIAS 1:18

Kojə yā Jakob ō, yā Jəjep ō, a ton̄ tītə̄ hor beé. Nin̄ a nujən̄ de gə̄ kə́ kem kojə yā Esau tə́ malang kɔ̄ɔ́ tītə̄ mu beé. De kə́ yā ndi kə kumneé a gətóo. I mā Kɔ́ɔ̄ɓē n m-ə́da najə̄ ń noó ní.

JAKARI 11:6

Mā Kɔ́ɔ̄ɓē m-ə́dá wáńg na: Kumḿ a o̰o̰m̄ kə de kə́ dɔ nang tə́ gēé to̰ alé. M-ā m-ə́la deē ndul gə̄ kógə̄ḿ kógə̄ḿ kem jī madə̄ ɓēdə́ gə̄ tə́ ō, kem jī mban̄g yādə́ tə́ ō. Mban̄g gə̄ a nujən̄ dɔ nang kɔ̄ɔ́ malang ō, m-ā m̄-taā deē kógə̄ḿ jīdə́ tə́ yā kəya̰n dɔɔ́ aĺ ō.

LEBI GƏ̄ 26:26

Loo ń m-ā m-ɔ̄gə̄sí yá̰a̰ kəsa ní, dəyá̰ gə̄ kutə̄ a ɓoon̄ naā dɔ sīl̄ kə́ kógə̄ḿ beē tə́ yā ndīrəń yá̰a̰ adə̄ a ndān̄sí alé a ɔjən̄ i mbée n a adə̄n̄sí ní.

JAKARI 11:9

Tā anī, m-ə́dádə́ na: M-ā m-á̰a̰ gōsí to̰ alé. Ngé gə̄ ń kadə̄ oyn̄ ní, ādə̄ oyn̄! Ngé gə̄ ń kadə̄ gətóon̄ ní, ādə̄ gətóon̄! Ba ngé gə̄ ń gō tə́ anī nin̄ a ndin̄ kə kumdə́ ɓáý ní, ādə̄ əsan̄ naā!