IJAI 9:17 - Bibəl ta Sar̄

¹⁷ A̰á̰ā̰, kem ndul i yá̰á̰ kə́ o̰o̰ loo tītə̄ hor kə́ o̰o̰ kōn̄ kə́ tayā tayā gə̄ beé. Hor ní əhɔ túpə kámbə gə̄ kə́ kem ku kāgə̄ gə̄ tə́ ō, rāā adə̄ sa hor kə́ ra kə ngālāá ɓururu ḭḭ ta kaw̄ dɔ rā̰ tə́ ō.

Bible sar

¹⁷ A̰á̰ā̰, kem ndul i yá̰á̰ kə́ o̰o̰ loo tītə̄ hor kə́ o̰o̰ kōn̄ kə́ tayā tayā gə̄ beé. Hor ní əhɔ túpə kámbə gə̄ kə́ kem ku kāgə̄ gə̄ tə́ ō, rāā adə̄ sa hor kə́ ra kə ngālāá ɓururu ḭḭ ta kaw̄ dɔ rā̰ tə́ ō.

IJAI 9:17 Referans Kwoze

JEREMI 18:21

Ɓá anī ādə̄ ɓō rāā ngáńdə́ gə̄ ō, ī-rāā ādə̄ oyn̄ yo kaskar ō, ādə̄ nə̄yá̰də́ gə̄ nalə̄n̄ ngáńdə́ gə̄ ō, ngaadə́ gə̄ ō, ādə̄ yo tɔ̄l̄ dəngam gə̄ ō, ādə̄ balsáa gə̄ oyn̄ yo kaskar ta rɔ̄ɔ̄ tə́ ō.

IJAI 10:6

M-ə́lá áskar yān gə̄ kə̄ dɔ nápar de gə̄ kə́ ngé ran̄ dɔ ndūdə́ tə́ aĺ gə̄ tə́, yā kadə̄ rɔ̄ɔ̄n̄də́. M-ɔ́r nodə́ m-āw̄ sedə́ kə̄ dɔ gír de gə̄ kə́ rāāmə̄n̄ adə̄ wōn̄g rāām̄ tə́. Ādə̄ Asiri ɔy yá̰a̰ kənge yā gír de gə̄ ní dɔ gúú tə́! Ādə̄ ni tə́ɓādə́ tītə̄ loo tə́ɓā bɔr kə́ kum róbə kɔsə gə̄ tə́ beē!

IJAI 5:25

I tām̄ najə̄ ń toō tə́ n wōn̄g rāā Kɔ́ɔ̄ɓē ngá̰ý kə gír deē yān gēé ní. Ni ɓir̄ jīn ba un kə̄ dɔɔ́ əndańdə́. Mbal̄ bo gə̄ ndewn̄, nīń de gə̄ to kə̄ kum róbə kɔsə gə̄ tə́ tītə̄ loo gə̄ kə́ kánə̄n̄ yá̰á̰ kə́ yḛr gə̄ tū tə́ beē. Yá̰a̰ malang ń noō rāā yá̰á̰ ɓá tā, banī wōn̄g yā Kɔ́ɔ̄ɓē tetə alé. Ni əhɔ jīn kə́ ɓir̄ dɔɔ́.

MATIYE 12:34

Sḭḭ̄ ń i gír ɓūtə̄ lī kakə́m gə̄ ní, loo kadə̄ ā ɔ̄rī najə̄ kə́ majə dan ń sḭḭ̄ i kə́ majaĺ gə̄ ní i ba̰ý? Tɔdɔ̄ i yá̰á̰ kə́ rosə kemií ngá̰ý n a teē taí tə́ kə́ najə̄ tə́ ní.

IJAI 27:11

Dan ń ta jī kāgə̄ gə̄ a tutən̄ anī, nin̄ tétə̄n̄ ō, dəyá̰ gə̄ reē əlan̄ hor dɔ tə́ kɔ̄ɔ́ ō. Gír de gə̄ ń toō gerə̄n̄ kum yá̰a̰ alé. I tām̄ najə̄ ń toō tə́ n kum nge kəndān o̰o̰n tām̄ yān tə́ aĺ ní, nge rāān mā̰ȳ rɔ̄n dɔn tə́ alé.

IJAI 9:12

Kɔ́ɔ̄ɓē ənda gír deē yān gə̄, banī Israel gə̄ télən̄ kə̄ rɔ̄n tə́ alé, nin̄ tūrə̄n̄ rɔ̄də́ kə̄ rɔ̄ Kɔ́ɔ̄ɓē kə́ bo kə́ tɔ́gən i ngá̰ý tə́ alé.

IJAI 10:4

Yá̰á̰ ń sḭḭ̄ ásiī rāā ní, i rugə nang tə́ dan dəngáy gə̄ tə́, aláa i kəsō nang tə́ dan nīń gə̄ tə́ ngóy. Nge ń noō gə̄gē rāā adə̄ wōn̄g yā Kɔ́ɔ̄ɓē tetə alé, jīn kə́ ɓir̄ i kə́ kəla kə̄ dɔɔ́ ɓáý.

PĀ GƏ̄ 147:10

Yá̰a̰ kə́ ngá̰ý gə̄ ń sə́nda asə rāā ní taā kumən aĺ ō, usən dɔ yá̰á̰ ń nja deē asə rāā tə́ ní aĺ ō.

MATIYE 16:3

Ba ta gír loo tə́ anī, sḭḭ̄ ə́daī na man̄ na a edə ɓōólaā, tɔdɔ̄ loo na to gudum. Adə̄ ré sḭḭ̄ á̰a̰ī no rā̰ ɓáa ī-gerī yá̰á̰ ń a rāā yá̰á̰ ní. Ba ré i yá̰a̰ kə́ ɔjə dɔ yá̰a̰ gə̄ ń a rāān̄ yá̰a̰ ngɔlaā toó ɓáa sḭḭ̄ ī-gerī loon alé.

JAKARI 9:17

Rɔ̄də́ a nel̄də́ rɔ̄kum ō, nin̄ a majən̄ deē rɔ̄kum ō! Kōō gémē a adə̄ balsáa gə̄ tɔ́gə ō, kasə nduú kə́ kijə a adə̄ ngámandə gə̄ tɔ́gə ō.

MISE 7:2

Ngé ra dɔ ndūdə́ tə́ gə̄ kə Nə́ɓāá gətóon̄ kɔ̄ɔ́ kem ɓēé, deē kógə̄ḿ kə́ rɔ̄kum gətóo. Nin̄ malang a sāān̄ i ta róbə tɔ̄l̄ deē. Nin̄ kógə̄ḿ kógə̄ḿ ní, a əyān̄ gūmbə̄ i yā kəhɔń madə̄də́ gə̄.

EJEKIEL 20:33

Tītə̄ ń m̄-ndiń kə kumḿ rɔ̄kum noó, yá̰á̰ mā Kɔ́ɔ̄ɓē Nə́ɓā m-ə́dá ní n toó: M-ā m̄-rāā yá̰a̰ i kə tɔ́gə́ḿ malang ō, m-ā m̄-bə̄gā wōn̄g yāḿ kə́ ngá̰ý dɔsí tə́ ō, m-ā m-ó̰o̰ ɓē dɔsí tə́ i tītə̄ ń noō ō.

JEREMI 5:1

Ī-njə̄rāī kum róbə kɔsə kə́ Jerusalem tə́ gə̄, ə̄ndāī ma̰ȳ loo ō, ī-dəjeī gír najə̄ ō. Āw̄ ī-sāāī loo ndágə loo gə̄ tə́ ké ə́ngeī deē kógə̄ḿ tū tə́ wa. Ké deē kógə̄ḿ kə́ a rɔ̄ɔ̄ tām̄ kadə̄ náā nəkɔ́ ənge yá̰á̰ kə́ sɔɔ̄ dɔn, aláa kə́ nge ra dɔ ndūn tə́ i tū tə́ wa. Ré ə́ngeī anī m-ā m̄-mā̰ȳ rɔ̄ḿ dɔ Jerusalem tə́.

IJAI 65:19

M-ā m̄-rāā rɔ̄nel̄ najə̄ yā ɓē kə́ Jerusalem tə́. Rɔ̄nel̄ yāḿ kə́ tām̄ yā gír deē yāḿ gə̄ tə́ a ɔjə rɔ̄n kə̄ ndágá. Deē a oō kōō nōō to̰ aĺ ō, kōō ɓāŕ kə́ de gə̄ a ɓārə́n̄ yá̰a̰ kadə̄ dḭḭ̄n̄də́ to̰ aĺ ō.

IJAI 62:5

Tītə̄ ń balsáa taāń ngōmandə ní, nge tél rāāī gogə́ rang a tél ngaaí i tītə̄ ń noō ō. Tītə̄ ń dəyá̰ kijə i yá̰a̰ rɔ̄nel̄ yā ngaan ní, ā ī-téĺ yá̰a̰ rɔ̄nel̄ yā Nə́ɓā yāí.

IJAI 13:18

Ga̰ gərā yādə́ mbə́rē balsáa gə̄ tə́nīdə́, kumdə́ o̰o̰də́ kə ngáń kásə̄ gēé alé, nel̄də́ rāā ngán gə̄ yá̰á̰ kə́ tōr̄.

IJAI 10:2

I tītə̄ ń noō n ɔgə̄nəń kadə̄ gāngə̄n̄ sarya yā ngé ndoō gə̄ kə gōó ní, de gə̄ kə́ dan deē yāḿ gə̄ tə́ ń nge rɔ̄ɔ̄ dɔdə́ tə́ gətóó ní, nin̄ ɔgə̄n̄də́ yá̰á̰ kə́ sɔɔ̄də́. Nin̄ ɓogən̄ dəyá̰ kə́ ngaa koy gə̄ ō, ɔyn̄ yá̰a̰ yā ngán hal gə̄ dɔ gúú tə́ ō.

IJAI 1:4

I yá̰á̰ kə́ to kum kaȳ aĺ kə́ ba̰ý beē! Sḭḭ̄ nápar de gə̄ kə́ najə̄ i dɔdə́ tə́ gə̄, gír de gə̄ kə́ najə̄ tɔ̄l̄ deē i ngá̰ý dɔdə́ tə́ gə̄! Sḭḭ̄ i gír de kə́ ngé ngān̄g róbə gə̄, ngáń kə́ nujə kɔ̄ɔ́ gə̄! Sḭḭ̄ ə́ya̰ī Kɔ́ɔ̄ɓē kɔ̄ɔ́, usəsí dɔ Nə́ɓā kə́ táĺ yā Israel tə́ alé. Sḭḭ̄ ī-tūrī gidəsí tan tə́ kɔ̄ɔ́.

Makətūbə̄ yā Job 15:34

A̰á̰ā̰, gír kojə yā nge kem ndul a ojə ngōn̄ aĺ ō, hor kógə̄ḿ a o̰o̰ kújə tandā gə̄ yā de kə́ nge kəndā yá̰a̰ jī de gə̄ tə́ nujəń najə̄ ō.

PĀ GƏ̄ 109:12

Ādə̄ deē rāā kem majə seneé aĺ ō, ādə̄ deē a̰a̰ kum tō ndoō yā ngánən gə̄ ń aw̄n̄ hal gotən tə́ ní aĺ ō!

IJAI 3:8

Ɓē kə́ Jerusalem əsō, ɓē ko̰o̰ kə́ Juda teē əsō kərim. Nin̄ əsōn̄ wōn̄g ta tɔ́gə yā Kɔ́ɔ̄ɓē tə́. Rɔ̄ɔ̄n̄ Kɔ́ɔ̄ɓē kə najə̄ kɔr̄də́ ō, kə yá̰a̰ rāādə́ ō.

IJAI 14:20

Banī a dubīn̄ naā tə́ sedə́ alé, tām̄ ḭ̄ ī-nujə ɓē yāí kɔ̄ɔ́, ḭ̄ ī-rāā adə̄ gír deē yāí gə̄ gətóon̄ kɔ̄ɔ́. Dɔ de gə̄ a ndígə̄nal gír de kə́ ngé tɔ̄l̄ de gə̄ i kə́ bátə́ gə̄ tə́.

IJAI 24:5

A̰á̰ā̰, deē ndul gə̄ rāān̄ dɔ nang adə̄ tél kə́ yḛr, nin̄ mbātə́n̄ rāā yá̰á̰ ń Kɔ́ɔ̄ɓē ədadə́ kadə̄ rāān̄ ní, nin̄ kídə̄n̄ jī bēl̄ loo rāā yá̰a̰ yān gə̄, madə̄ naā ń ɓoodə́ naā tə́ kə Nə́ɓāá kə́ njɔ́ḿ gə̄ tə́ ní, nin̄ gāngə̄n̄ madə̄ naā ní kɔ̄ɔ́.

IJAI 31:2

Tá ni i de kə́ ɔl ō: Asə reē kə yá̰á̰ kə́ to kum kaȳ aĺ ō, ni-lōō gíŕ yá̰á̰ kə́ tōr̄ ń sāā rāā tə́ ní aĺ ō. Ɓūtə̄ yā de kə́ majaĺ gə̄ ní, ni-ḭḭ sedə́ kə rɔ̄ɔ́ ō, ni-mbātə́ rāā kə deé yā ngé rāā yá̰á̰ kə́ majaĺ ō.

IJAI 31:3

De kə́ Ejiptə tə́ gə̄ i deē ndul gə̄, nin̄ i nə́ɓā gə̄ alé. Sə́nda yādə́ gə̄ i dā̰ gə̄, nin̄ i yá̰á̰ kógə̄ḿ alé. Dan ń Kɔ́ɔ̄ɓē sə́ra jīn anī, nge rāā kə deé əsō ō, nge dəje kadə̄ rāān̄ seneé teē əsō kərim ō, nin̄ jōó mbak oyn̄.

IJAI 40:30

Balsáa gə̄ télən̄ de kə́ tɔ́gə́də́ gətóo gə̄ ō, kɔr rāādə́ ō. Ngé kə́ nin̄ tɔyn̄ madə̄də́ gə̄ gə̄gē tə́sōn̄.

AMOS 4:10

m̄-rāā adə̄ mo̰y ngāl̄bɔ̄gīí kógə̄ḿ kə́ tītə̄ nge ń əsō dɔ dā̰ gə̄ kə́ Ejiptə tə́ ní, əsō dɔsí tə́. M-ə́ya̰ madə̄ ba̰ā̰ gə̄ adə̄ tɔ̄lə̄n̄ balsáa yāsí gə̄, dan ń de gə̄ a ɔyn̄neé sə́nda yāsí gə̄ ní. Sēē nīń kə́ otə majaĺ ngá̰ý aw̄ bátə́ ugə̄ kó̰ńsí tə́. Ɓá tā banī sḭḭ̄ ī-tél ī-reēī kum kə̄ rɔ̄ḿ tə́ alé. Najə̄ ń Kɔ́ɔ̄ɓē əda ní n noó.

AMOS 8:13

Ndɔ̄ ń noō tə́ ní, kəndā man̄ a taā tɔ́gə́ ngáń kə́ dəyá̰ kə́ mandə ngá̰ý gə̄ ō, balsáa gə̄ ō.

IJAI 5:24

I tām̄ najə̄ ń toō tə́ n nin̄ a ton̄ tītə̄ mu kə́ hor o̰o̰ ní, aláa a ton̄ i tītə̄ mu kə́ tutə kə́ udə lim kɔ̄ɔ́ kum ta ndo̰ hor gə̄ tə́ ní. nin̄ a ndumən̄ i ngəradə́ tə́. Hútə̄də́ a ḭḭ nél tītə̄ bumbə́ru beé. Tɔdɔ̄ nin̄ kídə̄n̄ yá̰á̰ ndóō gə̄ yā Kɔ́ɔ̄ɓē kə́ bo kə́ tɔ́gən i ngá̰ý, nin̄ mbātə́n̄ najə̄ kɔr̄ Nə́ɓā kə́ táĺ yā Israel.

IJAI 33:11

Yá̰a̰ gə̄ ń sḭḭ̄ ī-sāā-i rāā ní, i mu kə́ tutə gə̄ ngóy. Dan ń yá̰a̰ gə̄ ní reē udən̄ gíŕ kə́ rɔ̄ tə́ anī, yá̰a̰ gə̄ ní i mu karī. Koōsí sḭḭ̄ kɔ́ gə̄ a nujəsí tītə̄ hor beé.

IJAI 33:12

Gotə gír de kə́ rang gə̄ ní hor a o̰o̰də́ ō, nin̄ a télən̄ bū ō. A ɓōkə́n̄də́ horoó tītə̄ ta jī kōn̄ kə́ tə́gā kɔ̄ɔ́ beē.