IJAI 9:15 - Bibəl ta Sar̄

¹⁵ Ngé kɔr no de gə̄ gólə̄n̄ gír de gə̄ ń toō, adə̄ ngé gə̄ ń nin̄ ɔrən̄ nodə́ ní unən̄ róbə́ kə́ majaĺ.

Bible sar

¹⁵ Ngé kɔr no de gə̄ gólə̄n̄ gír de gə̄ ń toō, adə̄ ngé gə̄ ń nin̄ ɔrən̄ nodə́ ní unən̄ róbə́ kə́ majaĺ.

IJAI 9:15 Referans Kwoze

MATIYE 24:24

Tām̄ Kərist kə́ rɔ̄kum aĺ gə̄ ō, ngé koō ta kə́ rɔ̄kum aĺ gə̄ ō a ḭḭn̄, ba a rāān̄ yá̰á̰ kə́ yáā kə́ bo ngá̰ý gə̄ ō, yá̰á̰ kə́ to kɔr kum gə̄ ō yā góləń de gə̄. Adə̄ nə́ngētə́ asə i naā tə́ anī a gólə̄n̄ ngé gə̄ ń Nə́ɓā gə̄rādə́ ní gə̄gē.

IJAI 29:10

Tām̄ Kɔ́ɔ̄ɓē rāā adə̄ kur̄ dɔsí oy kɔ̄ɔ́. Ngé koō ta yāsí gə̄ ń nin̄ i kumsí gə̄ ní, ni ɔgə̄də́ ka̰a̰ loo ō, ngé ka̰a̰ yá̰a̰ yāsí gə̄ ń nin̄ i dɔsí gə̄ ní, ni seĺ kūbə̄ kógə̄ḿ dɔm dɔdə́ tə́ kɔ̄ɔ́ ō.

EJEKIEL 13:19

Sḭḭ̄ ī-kídə̄mī ta kum gír deē yāḿ gə̄ tə́, tām̄ yā kəngeń kōō ɔ́rjə́ kə́ kem jī kóndóńg wań, aláa tām̄ yā kəngeń yá̰a̰ kəsa kə́ sḛ́ý beē. Sḭḭ̄ ī-gólī gír deē yāḿ gə̄ kə́ ngé taā kem sor̄ yāsí gə̄. I tītə̄ ń noō n sḭḭ̄ ī-tɔ̄līneé de gə̄ ń sɔɔ̄ kadə̄ nin̄ oyn̄ aĺ ní ō, ngé gə̄ ń sɔɔ̄ kadə̄ nin̄ ndin̄ kə kumdə́ aĺ ní ɓáa, sḭḭ̄ ī-rāāī adə̄ nin̄ ndin̄ kə kumdə́ ō ní.

1 SAMUEL 9:6

Anī nge kəla ní tél ədan na: Ɓē ń ra kété nojí tə́ noō deē yā Nə́ɓā kógə̄ḿ kə́ rīn ɓār̄ ngá̰ý ndi kemeé noō. Yá̰a̰ malang ń a əda ní i yá̰á̰ kə́ a rāā yá̰á̰ gáŕ. Ní, j-aw̄ rɔ̄n tə́ na majanī a ədají najə̄ kə́ dɔ mbā ń j-a j-aw̄ tə́ toō.

JEJU TEĒ KUM JA̰A̰ 19:20

Əhɔn̄ dā̰ ní ō, nge koō ta kə́ rɔ̄kum aĺ ní ō. Kété ní, nge koō ta kə́ rɔ̄kum aĺ ngeé ń toō rāā yá̰á̰ kə́ yáā gə̄ ta kum dā̰ ní tə́, góləń ngé gə̄ ń əndān̄ tə́ré yá̰a̰ yā dā̰ rɔ̄də́ tə́ ō, rɔȳn̄ ndíĺ yá̰á̰ kə́ tɔ́sə̄ kum gotə dā̰ ní ō ní. Dā̰ ní ō, nge koō ta kə́ rɔ̄kum aĺ ní ō ní, tə́nīn̄də́ kə kumdə́ kum bundūm̄ hor bursu kə́ a o̰o̰ tə́.

1 JA̰A̰ 4:1

Kó tár yāḿ gə̄, ī-taāī kem ndíl gə̄ malang alé, banī ī-nāāī ndíl gə̄ á̰a̰ī ké ḭḭn̄ i rɔ̄ Nə́ɓā tə́ wa. Tɔdɔ̄ ngé koō ta kə́ rɔ̄kum aĺ gə̄ teēn̄ ngá̰ý kə̄ loo gə̄ tə́ dɔ nang tə́.

MATIYE 7:15

Ī-ngɔ̄mī rɔ̄sí tām̄ yā ngé koō ta kə́ rɔ̄kum aĺ gə̄ tə́. A reēn̄ kə̄ rɔ̄sí tə́ a gidədə́ i gidə batə̄ gə̄, ba kemdə́ i kem soó gə̄ kə́ a nārə̄n̄ yá̰a̰ kul̄ gə̄.

MALASI 2:9

I beé ní, ta i dɔḿ tə́ kadə̄ m̄-sə̄lā ngán Israel gə̄ dɔsí tə́, kadə̄ kídə̄n̄sí ō, télən̄ sesí kə̄ nang tə́ ō. Tām̄ sḭḭ̄ ōōī taḿ aĺ ō, dan ń úniī ndū najə̄ yā rāań kəla anī, ɔ̄rī kam̄ de gə̄ naā tə́ ō.

OJEE 9:8

Deē ń a ndi kə kumneé já̰já̰ yā ngɔ̄m̄ Epəraim ní, i mā nge koō ta. Mā i naā tə́ kə Nə́ɓā yāḿ. Tá loo malang ń m-ā m-āw̄ kə̄ tū tə́ ní, de gə̄ əyān̄ gūmbə̄ noḿ tə́. Nin̄ ənīmə̄n̄ rɔ̄ɔ̄ bátə́ kem kújə yā Nə́ɓā yāḿ tə́.

EJEKIEL 13:22

De gə̄ ń kété nin̄ i ngé rāā yá̰á̰ kə́ gōtə́ gə̄ ní, sḭḭ̄ ɔ̄rī tɔ́gə́də́ kɔ̄ɔ́ kə ta kūl̄ najə̄ kə́ sor̄ yāsí gēé, banī mā m̄-gḛy rāādə́ yá̰á̰ kə́ majaĺ alé. Sḭḭ̄ ə́laī go̰ kem de kə́ majaĺ gə̄ tə́ adə̄ nin̄ nan̄neé kə̄ loo rāā háĺ kə́ majaĺ yādə́ tə́ kadə̄ oynə̄ń.

JEREMI 23:9

Jeremi ɔr̄ najə̄ dɔ ngé koō ta gə̄ tə́ əda na: Ngarā̰ kemḿ nujə ō, m̄-ndew yakə yakə ō. m̄-to tītə̄ nge kasə rāā ń kasə nduú rāān ngá̰ý noō beé, najə̄ yā Kɔ́ɔ̄ɓē tə́ ō, tām̄ najə̄ kə́ táĺ gə̄ tə́ ō.

JEREMI 5:31

Ngé koō ta gə̄ ɔrə̄n̄ najə̄ kə́ rɔ̄kum aĺ ō, ngé tun̄ yá̰a̰ gə̄ sāān̄ i kə̄ ta yādə́ nin̄ kɔ́ gə̄ tə́ ō, ba hál gə̄ ń noō malang asə kum gír deē yāḿ gə̄. Ní ḭ̄ deē ā ī-rāā i rí kə́ rang gō tə́ to̰?

IJAI 28:17

Yá̰á̰ kə́ súmūú i yá̰a̰ mbɔ̄jə́ yá̰a̰ yāḿ, yá̰á̰ kə́ gōtə́ i kəlā yāḿ kə́ gində̄ pəlɔm i ta tə́. Man̄ kə́ edə kə kɔ̄sɔ̄ɔ́ a un yá̰á̰ gól̄ loo ń ā ī-ndiī gírí ní yā kaw̄ń kɔ̄ɔ́, loo ń ā ī-ɓɔ̄ɔ̄ rɔ̄sí tū tə́ ní man̄ a taā kɔ̄ɔ́.

IJAI 5:13

I tām̄ najə̄ ń toō tə́ ń Kɔ́ɔ̄ɓē əda najə̄ ń toō ní: A ɔyn̄ gír deē yāḿ gə̄ yā kaw̄ sedə́ dɔ ɓē kə́ rang tə́, tɔdɔ̄ nin̄ ndigən̄ ger̄ yá̰á̰ kógə̄ḿ alé. De kə́ bo gə̄ a oyn̄ yo ɓō ō, kósə de gə̄ a oyn̄ yo kəndā man̄ ō.

IJAI 3:5

De gə̄ a rāān̄ yá̰a̰ i kə dɔ́nɔ́ kə naá, nin̄ kógə̄ḿ kógə̄ḿ ní, a rāān̄ yá̰a̰ i kə dɔ́nɔ́ kə madə̄də́ gēé, ngásáā gə̄ a rāān̄ de kə́ tɔgə gə̄ yá̰á̰ kə́ majaĺ ō, de kə́ ngáā aĺ gə̄, a rāān̄ de kə́ ngáā gə̄ yá̰á̰ kə́ majaĺ ō.

1 MBAN̄G GƏ̄ 13:18

Banī nge koō ta kə́ tɔgə ní əda na: Mā i nge koō ta madí, adə̄ de kə́ dɔ rā̰ tə́ kógə̄ḿ ədam̄ na Kɔ́ɔ̄ɓē əda na kə m̄-tél kə m-āw̄ seí ɓēé looḿ kadə̄ ə́sá yá̰a̰ ō, ā̰ȳ man̄ ō. Nge koō ta kə́ tɔgə ní gólə̄n i mbée.

Makətūbə̄ yā Job 22:8

Deē ń a o̰o̰ ɓē i kə tɔ́gɔ́ ní ənge dɔ nang ō, deē ń de gə̄ ndigən̄ najə̄ yān ngá̰ý ní n ndi tū tə́ ō ní.

IJAI 19:15

De kə́ rāā yá̰á̰ kógə̄ḿ dɔ nang kə́ Ejiptə tə́ to̰ gətóo, dɔ aĺ ō, kə̄lá aĺ ō, ta jī kāgə̄ túmbur gə̄ aĺ ō, mu tə̄ɓā gə̄ aĺ ō.

IJAI 23:9

I Kɔ́ɔ̄ɓē kə́ bo kə́ tɔ́gən i ngá̰ý, i yā nujəń kɔjə rɔ̄ yā de gə̄ ń de gə̄ rɔȳn̄də́ ní, i yā téləń kə de kə́ bo kə́ dɔ nang tə́ laā gə̄ kə̄ nang tə́.

IJAI 28:7

Ngé tun̄ yá̰a̰ gə̄ ō, ngé koō ta gə̄ ō ní, nin̄ gə̄gē ɔrə̄n̄ najə̄ i kə̄ noó ngóy sɔɔ̄ń kasə nduú. Kasə rāādə́ adə̄ njə̄rān̄ a bḭ́ḭ̄n̄ i mbée. Nin̄ ɔrə̄n̄ najə̄ i kə̄ nuú ngóy sɔɔ̄ń kasə. Kasə nduú rāādə́ adə̄ kumdə́ a̰a̰ loo to̰ alé. Kasə rāādə́ adə̄ njə̄rān̄ a bḭ́ḭ̄n̄ i mbée. Dan ń nin̄ a̰a̰n̄ yá̰a̰ anī, ɔrə̄n̄ najə̄ i kə̄ nuú ngóy. Dan ń nin̄ a gāngə̄n̄ sarya anī, a̰a̰n̄ yá̰a̰ unjə̄ alé.

IJAI 28:15

Sḭḭ̄ ə́daī na: J-ənī ndūjí j-adə̄ naā kə yoó. J-əndā jījí gír makətūbə̄ tə́ j-adə̄ naā kə de kə́ ɓádá gēé. Dan ń yá̰á̰ kə́ a nujə loo a rāā yā rāā yá̰a̰ anī, a reē loojí alé. Tām̄ sor̄ i yá̰á̰ kə́ j-a jə-ndi gírí, yá̰á̰ kə́ gōtə́ aĺ i loo ɓɔ̄ɔ̄ rɔ̄ yājí.

IJAI 43:27

Kaaí kə́ ta kəga dɔ n rāā majaĺ kɔ̄ɔ́ ɓá toō, ō tá ngé gə̄ ń ə̄ndā najə̄ tadə́ tə́ ní, əsōn̄ wōn̄g taḿ tə́ ō

IJAI 59:3

Jīsí i mósə, yá̰a̰ rāāsí kə́ gōtə́ aĺ gə̄ rāān̄ adə̄ jīsí i kə́ yḛr. Tasí əda najə̄ kə́ sor̄ gə̄, ndāŕ tasí gə̄ əya̰n̄ najə̄ kə́ kɔr̄ kə kem nduluú gə̄ adə̄ teēn̄ tasí tə́.

IJAI 59:4

Loo sekə́ ń ā ī-sekíī deē loo sarya tə́ ní i gōtə́ alé. Sḭḭ̄ ī-rɔ̄ɔ̄ī dɔ deē tə́ i kə gō najə̄ kə́ rɔ̄kum alé. Sḭḭ̄ ə̄ndāī tɔ́gə́sí i dɔ yá̰á̰ kə́ kemən ra wōȳ tə́. Sḭḭ̄ ə́daī yá̰á̰ kə́ rɔ̄kum aĺ gə̄. Sḭḭ̄ ə̄tōī yá̰á̰ kə́ majaĺ kemsí tə́ ō, ójiī i yá̰á̰ kə́ to kum kaȳ aĺ ō.

JEREMI 23:32

M-ā m-ə́ndá ngé koō ta gə̄ ń a nīn̄ nī kə́ rɔ̄kum aĺ gə̄ ō, a ənīn̄ gotə a sorə̄neé ō, a tə́dan̄ najə̄ kə́ kanjə̄ kumən gə̄ ō, adə̄ gír deē yāḿ gə̄ ndɔmə̄n̄neé ta róbə ní. Tɔdɔ̄ mā m-ə́ládə́ aĺ ō, m̄-mēr̄də́ rāā yá̰a̰ kógə̄ḿ aĺ ō. M-á̰á̰ yá̰á̰ sḛ́ý kə́ nin̄ asən̄ rāā tām̄ yā gír de gə̄ ń toō tə́ aĺ ō. Najə̄ ń Kɔ́ɔ̄ɓē əda ní n noó.

AMOS 2:4

Najə̄ ń Kɔ́ɔ̄ɓē əda ní n toó: Yá̰á̰ kə́ majaĺ ngá̰ý gə̄ kə́ kadə̄ m̄-gɔŕyɔ̄ Juda gə̄ dɔ tə́ i ngá̰ý. Ni kə́ majaĺ ngá̰ý tɔȳ madə̄ gə̄ i nge ń toō: Yá̰a̰ gə̄ ń m̄-ndóōdə́ ní, nin̄ mbātə́n̄ kɔ̄ɔ́. Yá̰a̰ gə̄ ń m̄-ndang kadə̄ yā rāā ní, rāān̄ aĺ ō, gólə̄n̄ rɔ̄də́ tītə̄ yā kaadə́ gə̄ ń unən̄ gō nə́ɓā kə́ rɔ̄kum aĺ gə̄ ní ō. Nə́ɓā gə̄ ní ran̄ dɔ tə́ noō gólə̄n̄də́ ō. I tām̄ najə̄ ń noō tə́ n yá̰á̰ ń m̄-gḛy rāā ní, m-ā m̄-tūr̄ ndūḿ loon tə́ aĺ ní.

MISE 3:5

Najə̄ ń Kɔ́ɔ̄ɓē əda dɔ ngé koō ta gə̄ kə́ ngé ngól̄ gír deē yāḿ gə̄ tə́ ní n toó: Ré deē ul̄də́ majanī, nin̄-ənīn̄ mbēr̄ lɔm. Ba ngé kəla yá̰a̰ tadə́ tə́ aĺ gə̄ ɓáa nin̄ rɔ̄ɔ̄n̄də́.

IJAI 3:12

Kɔ́ɔ̄ɓē əda na: Gír deē yāḿ gə̄, ngé rējə̄sí gə̄ i ngáń kə́ dūú gə̄ ō, i dəyá̰ gə̄ n i ngé ko̰o̰ ɓē dɔsí tə́ gə̄ ō ní. Gír deē yāḿ gə̄, ngé kɔr nosí gə̄ gólə̄n̄sí, nin̄ tɔ̄ɔ̄ aw̄n̄ sesí i kum kə̄ loo kə́ majaĺ tə́.

NŌŌ RƆ̄ 2:14

Ngé koō ta yāí gə̄ a̰a̰n̄ yá̰á̰ kə́ kanjə̄ kumən gə̄ ō, kə́ rɔ̄kum aĺ gə̄ ō tām̄ yāí tə́. Nin̄ ɔjən̄ yá̰á̰ kə́ gōtə́ aĺ yāí kə̄ ndágá wáńg alé, yā kadə̄ yá̰á̰ ń a reē kə̄ dɔí tə́ ní kə rāāī gáŕ. Yá̰a̰ gə̄ ń nin̄ a̰ā̰n̄ ba ədanī ní i yá̰á̰ kə́ kanjə̄ kumən gə̄ ō, i gól̄ loo ō.