IJAI 9:14 - Bibəl ta Sar̄

¹⁴ Kum kɔɔ̄ gə̄ ō, de kə́ bo gə̄ ō ní, nin̄ i dɔ gə̄. Ngé koō ta gə̄ kə ngé ndóō de gə̄ yá̰á̰ kə́ rɔ̄kum aĺ gə̄ ní, nin̄ i kə̄lá gə̄.

Bible sar

¹⁴ Kum kɔɔ̄ gə̄ ō, de kə́ bo gə̄ ō ní, nin̄ i dɔ gə̄. *Ngé koō ta gə̄ kə ngé ndóō de gə̄ yá̰á̰ kə́ rɔ̄kum aĺ gə̄ ní, nin̄ i kə̄lá gə̄.

IJAI 9:14 Referans Kwoze

JEJU TEĒ KUM JA̰A̰ 18:8

I tām̄ najə̄ ń noō tə́ n yá̰á̰ kə́ tōr̄ gə̄ ń əndān̄ dɔ danaá tām̄ yān tə́ ní, a reēn̄ dɔn tə́ i ndɔ̄ kógə̄ḿ beē ní. Yá̰á̰ kə́ tōr̄ gə̄ ní i yo ō, kəhɔ ndoō ō, ɓō ō, tá hor a o̰o̰n ō. Tɔdɔ̄ Kɔ́ɔ̄ɓē Nə́ɓā ń gān̄g sarya dɔn tə́ ní, tɔ́gən i ngá̰ý.

IJAI 19:15

De kə́ rāā yá̰á̰ kógə̄ḿ dɔ nang kə́ Ejiptə tə́ to̰ gətóo, dɔ aĺ ō, kə̄lá aĺ ō, ta jī kāgə̄ túmbur gə̄ aĺ ō, mu tə̄ɓā gə̄ aĺ ō.

JEJU TEĒ KUM JA̰A̰ 18:17

yá̰a̰ kənge yān kə́ asə naā beé ń noō, i kə́ nujəń kɔ̄ɔ́ kum mbang kógə̄ḿ beē ngóy. Ngé kəhɔ dɔ ga̰ to bo gə̄ malang ō, ngé njə̄rā mbā dɔ bā bo gə̄ tə́ malang ō, ngé rāā kəla kə́ kem to bo gə̄ tə́ ō, ngé ndo̰ kānjə̄ gə̄ ō, ran̄ dan sa̰y.

JEJU TEĒ KUM JA̰A̰ 18:10

Nin̄-ndan̄ dan sa̰y tām̄ ɓōlə́n̄ yá̰á̰ kə́ tōr̄ ń rāān ní, ba ədan̄ na: Rɔ̄ tō ndoō, rɔ̄ tō ndoō! Tām̄ Babilon ń i ɓē kə́ bo kə́ tɔ́gən i ngá̰ý ní, gāngə̄n̄ sarya kə́ dɔn tə́ i kum mbang kógə̄ḿ beē ngóy.

AMOS 7:17

I beé ní, najə̄ ń Kɔ́ɔ̄ɓē əda ní n toó: Nə̄yá̰í a téĺ ájə́ba kem ɓēé ō, a tɔ̄lə̄n̄ ngání kə́ dəngam gə̄ ō kə́ dəyá̰ gə̄ ō, a mbɔ̄jə́n̄ ngāl̄ dɔ nang yāí yā nə̄ɓō de kə́ rang gə̄ ō. Ba ḭ̄ ā óy kem ɓē kógə̄ḿ kə́ yḛr tə́ ō, a ɔyn̄ Israel gə̄ yā kaw̄ sedə́ dɔ ɓē kə́ rang tə́ dɔ gúú tə́, kadə̄ nin̄ i sa̰y rɔ̄ ɓē yādə́ tə́ ō.

AMOS 6:11

Tɔdɔ̄ i yā Kɔ́ɔ̄ɓē kadə̄ adə̄ ndūn, anī nujən̄ kújə́ kə́ bo gə̄ kɔ̄ɔ́ ō, ngé kə́ dūú gə̄ tétə̄n̄ rárák kɔ̄ɔ́ ō!

AMOS 3:12

Najə̄ ń Kɔ́ɔ̄ɓē əda ní n toó: Dan ń ɓɔl əhɔ batə̄ kógə̄ḿ anī, njan kə́ jōó gə̄ ō, núsə mbīn ō ní, nge ngɔ̄m̄ yá̰a̰ kul̄ gə̄ taā tan tə́. Israel gə̄ ń ndin̄ Samari á nin̄ ton̄ nang tə́ kə ngāl̄də́ dɔ yá̰a̰ ndi kə́ sɔl̄ lɔ́ḿ lɔ́ḿ gə̄ tə́, aláa dɔ yá̰a̰ taā gír dɔ gə̄ kə́ kem tə̄rá tə́ ní, yá̰á̰ kə́ kógə̄ḿ beē ń toō a rāādə́ ō: I tītə̄ ń noō ō n a ajən̄ i núsə́də́ kə́ dūú gə̄ ngóý ní.

OJEE 13:3

I tām̄ najə̄ noō tə́ n nin̄ a ton̄ tītə̄ kil̄ man̄ kə́ dəloí ní. A ton̄ tītə̄ man̄ kə́ tə́sō kok kok kə́ iī láẃ kɔ̄ɔ́ beē. A ton̄ tītə̄ mu kə́ nél un loo kənda kōō gémē tə́ aw̄ń sa̰y kɔ̄ɔ́ beē. A ton̄ tītə̄ sa hor kə́ teē ta bəlo kógə̄ḿ tə́ beē.

OJEE 10:15

Israel gə̄, yá̰á̰ ń m-ā m̄-rāā sesí ní n noó, tɔdɔ̄ kemsí ndul ngá̰ý. Dan ń mbang əɓa anī, gír yā mban̄g kə́ Israel tə́ a gān̄g kɔ̄ɔ́. Dan ń loo a rāā yā tīī ní anī, gír yā mban̄g kə́ Israel a gān̄g kɔ̄ɔ́.

OJEE 8:8

Urən̄ Israel kɔ̄ɔ́. Ngɔlaā ní, ni-ndi dan nápar de gə̄ tə́ i tītə̄ yá̰á̰ kógə̄ḿ kə́ gātə̄n gətóo beé.

OJEE 4:5

Ā ī-bḭ́ḭ̄ dɔ róbə́ tə́ dan kadə ndaá ō, ndɔ̄ɔ́ anī, ngé koō ta gə̄ a bḭ́ḭ̄n̄ dɔ róbə́ tə́ tītə̄ yāsí ō. M-ā m̄-rāā kadə̄ kó̰ó̰sí Israel a ndi kə tan kə́ mbóó ō.

OJEE 1:9

Anī Kɔ́ɔ̄ɓē əda Ojee na kə əndā rī ngōn̄ ní na i Loo Ami ń kumən na i gír deē yāḿ gə̄ aĺ ní. Tɔdɔ̄ sḭḭ̄ Israel gə̄, sḭḭ̄ i gír deē yāḿ gə̄ to̰ alé ō, mā i yá̰á̰ kógə̄ḿ tām̄ yāsí to̰ aĺ ō.

OJEE 1:6

Gomer ndān̄ ngōn̄ ɓáý to̰ ba ojə ngōn̄ kógə̄ḿ kə́ dəyá̰. Anī Kɔ́ɔ̄ɓē əda Ojee na kə əndā rī ngōn̄ ní na i Loo Ruhama ń kumən na i tárəm̄ alé ní. Tɔdɔ̄ m-ā m̄-ɔ́jə́ tár kə̄ ndágá tām̄ yā de gə̄ kə́ Israel tə́ to̰ alé, m-ā m̄-táŕdə́ to̰ aĺ i kə́ bátə́ gə̄ tə́.

OJEE 1:4

Anī Kɔ́ɔ̄ɓē əda Ojee na kə əndā rīn na i Isreel, tɔdɔ̄ sḛ́ý laā anī, m-ā m̄ rɔ̄ɔ̄ kə kojə yā mban̄g Yehu najə̄ yā mósə́ ń ɓōkə́n̄ nang tə́ wól loo kə́ Jisreel tə́ ní. M-ā m̄-nujə ko̰o̰ ɓē yā mban̄g kə́ dɔ nang kə́ Israel tə́ kɔ̄ɔ́.

IJAI 30:13

I beé ní, yá̰á̰ kə́ gōtə́ aĺ ń toō a to i tītə̄ loo kə́ njar tū ndogə̄ mbal̄ kə́ bo tə́ beé tām̄ yāsí tə́. Loo agə̄ gul tū ndogə̄ mbal̄ tə́ ō, kə̄ ta jī tə́ noō ndogə̄ mbal̄ teē əsō ō.

IJAI 10:17

Kɔ́ɔ̄ɓē ń i loo kə́ unjə̄ kow yā Israel ní, a tél hor kógə̄ḿ. Ta ndo̰ hor gə̄ yā Nə́ɓā kə́ táĺ a əla hor tū túpə kōn̄ gə̄ tə́ ō, hor ní a o̰o̰də́ i kem ndɔ̄ kógə̄ḿ beē ō.

JEREMI 6:21

I tām̄ ń toō tə́ n najə̄ ń Kɔ́ɔ̄ɓē əda ní n toó ní. m̄-tə́ndā gīgə̄ gə̄ no gír de gə̄ ń toō tə́, kadə̄ tə́gādə́ kadə̄ bḭ́ḭ̄n̄ ba tə́sōn̄. Bɔbə̄ ngōn̄ ō, ngōn̄ ō a bḭ́ḭ̄n̄ naā tə́ mbak. Madə̄ ɓē naā gə̄ ō, madə̄ naā gə̄ ō, a oyn̄.

JEREMI 8:12

Majə kadə̄ rɔ̄də́ sɔl̄də́ tɔdɔ̄ rāān̄ yá̰á̰ kə́ majaĺ ngá̰ý gə̄, ba mbātə́n̄ ger̄ yá̰á̰ kə́ to rɔ̄ sɔl̄ gə̄ ń rāān̄ ní. Gerə̄n̄ gō yá̰á̰ kə́ to rɔ̄sɔl̄ gə̄ ń rāān̄ ní kem ángaldə́ tə́ alé. I tām̄ ń toō tə́ a bḭ́ḭ̄n̄ dan ń m-ā m-ə́ndádə́ ní ō, a tə́sōn̄ tītə̄ yā gotə de gə̄ ō ní. Najə̄ ń Kɔ́ɔ̄ɓē əda ní n noó.

NŌŌ RƆ̄ 4:16

Kɔ́ɔ̄ɓē teē kə̄ rɔ̄də́ tə́ anī, tə̄ndān̄ naā tḭ̄ḭ̄n̄ loo gə̄ tə́. Ni gḛy ka̰a̰də́ to̰ alé. Tɔdɔ̄ de gə̄ ɓōlə́n̄ ndíĺ ngé tun̄ yá̰a̰ gə̄ aĺ ō, rɔyn̄ kum kɔɔ̄ gə̄ aĺ ō.