IJAI 9:13 - Bibəl ta Sar̄

¹³ Loo ń noō tə́, kem ndɔ̄ kógə̄ḿ beē tə́ ní, Kɔ́ɔ̄ɓē gān̄g dɔ ō kə̄lá ō kɔ̄ɔ́ dɔ nang kə́ Israel tə́. Ni-gān̄g ta jī kāgə̄ túmbur kɔ̄ɔ́ ō, gān̄g mu tə̄ɓā kɔ̄ɔ́ ō.

Bible sar

¹³ Loo ń noō tə́, kem ndɔ̄ kógə̄ḿ beē tə́ ní, Kɔ́ɔ̄ɓē gān̄g dɔ ō kə̄lá ō kɔ̄ɔ́ dɔ nang kə́ *Israel tə́. Ni-gān̄g ta jī kāgə̄ túmbur kɔ̄ɔ́ ō, gān̄g mu tə̄ɓā kɔ̄ɔ́ ō.

IJAI 9:13 Referans Kwoze

OJEE 7:10

Ngán Israel gə̄ ɔjən̄ rɔ̄də́, banī kɔjə rɔ̄ yādə́ ní ɔjə i rāā yá̰a̰ kə gōó alé yādə́ kə̄ ndágá. Israel tél reē rɔ̄ḿ mā Kɔ́ɔ̄ɓē Nə́ɓā yān tə́ alé. Yá̰a̰ malang ń rāān ní gə̄gē, ni sāā njaḿ alé.

JEREMI 5:3

Kɔ́ɔ̄ɓē, ā ī-ngóō i ra dɔ ndū tə́ yādə́ yā ka̰ā̰ kə kumií aĺ a? Ḭ̄ ə́ndádə́, banī tōr̄də́ aĺ bátə́. Ḭ̄ ī-tɔ̄l̄də́ ngá̰ý, banī nin̄ mbātə́n̄ ger̄ kum. Dɔdə́ ngan̄g tɔȳ mbal̄ ō, mbātə́n̄ tél reē rɔ̄í tə́ ō.

IJAI 31:1

Ngé kaw̄ dɔ nang kə́ Ejiptə tə́ sāā de kə́ ngé rāā sedə́ gə̄ tə́ ní, i yá̰á̰ kə́ to kum kaȳ aĺ kə́ ba̰ý beē n i tām̄ yādə́ tə́ ní! Nin̄ əndān̄ tɔ́gə́də́ i dɔ sə́nda gə̄ tə́, nin̄ əndān̄ kemdə́ i dɔ púsə rɔ̄ɔ̄ gə̄ tə́, tām̄ púsə rɔ̄ɔ̄ gə̄ i ngá̰ý ō, əndān̄ kemdə́ i dɔ ngé kal̄ sə́nda gə̄ tə́, tām̄ nin̄ ngangə̄n̄ ngá̰ý ō. Banī nin̄ a̰a̰n̄ loo kum kə̄ rɔ̄ Nə́ɓā kə́ táĺ yā Israel tə́ alé. Nin̄ sāān̄ Kɔ́ɔ̄ɓē alé.

IJAI 1:5

I loosí kə́ rá n i yā kənda ní? Dɔsí i do malang. Kújə́ mósə́sí kə taá i kə́ mo̰y rāān.

OJEE 7:16

Ré a tél a reēn̄ i kə̄ rɔ̄ deē kógə̄ḿ tə́ anī, i kə̄ rɔ̄ḿ mā tə́ alé. Nin̄ ton̄ i tītə̄ ga̰ gərā kə́ rugə beé. Ngār yādə́ gə̄ a oyn̄ ta rɔ̄ tə́, tɔdɔ̄ nin̄ ɔrə̄n̄ najə̄ kə́ majaĺ dɔḿ tə́. Ba de gə̄ a mbóōn̄ sedə́ dɔ nang kə́ Ejiptə tə́.

OJEE 5:15

Mā Kɔ́ɔ̄ɓē m-ɔ́tə m-āw̄, m-ā m̄-tél yā kaw̄ gogə́ ɓēé, bátə́ kadə̄ nin̄ gerə̄n̄ yá̰a̰ rāādə́ kə́ gōtə́ aĺ ba tūrə̄n̄ rɔ̄də́ kə̄ rɔ̄ḿ tə́. Dan ń nin̄ a ndin̄ dan wur kɔl tə́ anī, a sāāmə̄n̄.

EJEKIEL 24:13

Jerusalem, ḭ̄ i de kə́ yḛr tām̄ ī-rāā kaya. m̄-gḛy rāāī kadə̄ ūnjə̄ njáý njáý, banī ī-tél de kə́ ūnjə̄ njáý njáý alé. I beé ɓá ní, ré m-ə́ya̰ wōn̄g yāḿ kə́ ngá̰ý dɔɔ́ adə̄ rāā kəla bátə́ ta tɔ̄l̄ ta tə́ pá tá ā ūnjə̄ njáý njáý ɓáý. Ā ūnjə̄ kété no tə́ alé.

JEREMI 29:11

Mā m̄-ger̄ yá̰a̰ gə̄ ń m̄-nóm̄ yā rāā tām̄ yāsí tə́ ní, i ndi majə ba i yá̰á̰ kə́ to kum kaȳ aĺ alé. Ta ndo̰sí a aw̄ kum kə̄ kété majə ō, ā ə́ngeī yá̰á̰ kə́ yā kəndā kemsí dɔ tə́ ō. Najə̄ ń Kɔ́ɔ̄ɓē əda ní n noó.

IJAI 57:17

Israel rāā yá̰a̰ adə̄ najə̄ i dɔn tə́, kə ta kūl̄ gḛy yá̰a̰ malang sɔɔ̄ń ngurən. Nge ń noō rāā adə̄ wōn̄g rāām̄ ō, dan ń wōn̄g rāām̄ ní, m-ə́ndan ō. Kété ní m̄-ndigə ka̰a̰n to̰ alé. Tá ni dum̄ naā ngá̰ý, adə̄ ni na̰y kə̄ loo kun róbə yān nəkɔ́ tə́.

IJAI 26:11

Kɔ́ɔ̄ɓē, ḭ̄ ún jīí kə̄ ɓir̄ dɔɔ́ yā kəndań ndéy, ba nin̄ a̰a̰n̄ jīí ní alé. Banī nin̄ a a̰a̰n̄ rɔ̄ɔ̄ ń ī-rɔ̄ɔ̄ dɔ gír deē yāí gə̄ tə́ kə táŕ kə́ o̰o̰ hor ngá̰ý ní. Loo ń noō tə́ rɔ̄də́ a sɔl̄də́ ngá̰ý. Hor ń ī-rāā tām̄ yā madə̄ ba̰ā̰í gə̄ tə́ ní a o̰o̰də́.

Makətūbə̄ yā Job 36:13

Banī ngé taā kem aĺ gə̄ ń do̰ō̰n̄ kemdə́ ngan̄g tām̄ wōn̄g rāādə́ ní, dan ń ni tṵ́ṵ̄də́ kə súĺ ní, nin̄ rāānən̄ ɓɔ́ alé.

2 YÁ̰A̰ GƏ̄ 28:22

Dan ń yá̰a̰ tɔȳń dɔ Akaj ngá̰ý gə̄gē ní, ni to dan rāā yá̰á̰ kə́ gōtə́ aĺ tə́ kə Kɔ́ɔ̄ɓē

NDŪ NAJƏ̄ 4:29

Loo ń noō tə́ ní ā ī-sāāī Kɔ́ɔ̄ɓē Nə́ɓā yāsí. Ré ī-sāāniī kə ngarā̰ kemsí mámák ō, kə rɔ̄sí malang ō anī, ā ə́ngeniī.

JEREMI 15:7

M-ún keē kógə̄ḿ kadə̄ m̄-tə̄ndā m̄-tḭ̄ḭń de kə́ kem ɓēé gə̄ kə̄ loo gə̄ tə́. m̄-tɔ̄l̄ ngán kem gír deē yāḿ gə̄ kɔ̄ɔ́. m̄-nujə kə gír deē yāḿ gēé sák sák kɔ̄ɔ́, banī tūrə̄n̄ háĺdə́ alé.

EJEKIEL 22:24

Ḭ̄ ngōn̄ deē, ə́dá ngán Israel gə̄ na ɓē yādə́ to i tītə̄ dɔ nang kə́ man̄ edə tū tə́ aĺ beē. Ndɔ̄ wōn̄g yāḿ tə́ ní man̄ edə dɔ tə́ alé.

DANIEL 9:13

Yá̰á̰ kə́ to kum kaȳ aĺ ní reē dɔjí tə́ malang i tītə̄ ń ndangən̄neé kem makətūbə̄ ndū najə̄ yā Moijə tə́ ní. Banī jḭḭ jə-tūr̄ gidəjí kɔ̄ɔ́ ta yá̰a̰ rāājí kə́ gōtə́ aĺ gə̄ tə́ jə-sɔlə̄ń kem Kɔ́ɔ̄ɓē Nə́ɓā yājí aĺ ō, jə-nēl̄ mbījí j-oōń najə̄ kə́ rɔ̄kum yān jə-sɔlə̄ń kemən aĺ ō.

AMOS 4:6

Mā m̄-rāā adə̄ ɓō əsō dɔsí tə́ kə̄ kem ɓē bo yāsí gə̄ tə́ malang. M-ɔ̄gə̄sí yá̰a̰ kəsa kə̄ kem ngán ɓē yāsí gə̄ tə́ malang, banī sḭḭ̄ ī-téliī ī-reēī kum kə̄ rɔ̄ḿ tə́ alé. Najə̄ ń Kɔ́ɔ̄ɓē əda ní n noó.

AMOS 4:10

m̄-rāā adə̄ mo̰y ngāl̄bɔ̄gīí kógə̄ḿ kə́ tītə̄ nge ń əsō dɔ dā̰ gə̄ kə́ Ejiptə tə́ ní, əsō dɔsí tə́. M-ə́ya̰ madə̄ ba̰ā̰ gə̄ adə̄ tɔ̄lə̄n̄ balsáa yāsí gə̄, dan ń de gə̄ a ɔyn̄neé sə́nda yāsí gə̄ ní. Sēē nīń kə́ otə majaĺ ngá̰ý aw̄ bátə́ ugə̄ kó̰ńsí tə́. Ɓá tā banī sḭḭ̄ ī-tél ī-reēī kum kə̄ rɔ̄ḿ tə́ alé. Najə̄ ń Kɔ́ɔ̄ɓē əda ní n noó.

SOPONI 1:6

Ngé tūr̄ gidədə́ taḿ tə́ gə̄ ō, ngé sāāḿ aĺ gə̄ ō, ngé koō najə̄ kə́ taḿ tə́ aĺ gə̄ ō ní, mā Kɔ́ɔ̄ɓē, mā m̄-rāādə́ kadə̄ nin̄ a gətóon̄ kɔ̄ɔ́.

IJAI 7:20

Ndɔ̄ ngeé ń noō tə́ ní, Kɔ́ɔ̄ɓē a un nə́ngá kógə̄ḿ gidə bā Opəratə tə́, nə́ngá ní i mban̄g kə́ Asiri. A̰á̰ā̰, ni a dəsā dɔsí ō, a dəsā bḭḭ̄sí malang kə́ rɔ̄sí tə́ ō, mbāýsí gə̄gē ni a dəsā kɔ̄ɔ́.

IJAI 19:15

De kə́ rāā yá̰á̰ kógə̄ḿ dɔ nang kə́ Ejiptə tə́ to̰ gətóo, dɔ aĺ ō, kə̄lá aĺ ō, ta jī kāgə̄ túmbur gə̄ aĺ ō, mu tə̄ɓā gə̄ aĺ ō.