IJAI 9:12 - Bibəl ta Sar̄

¹² Kɔ́ɔ̄ɓē ənda gír deē yān gə̄, banī Israel gə̄ télən̄ kə̄ rɔ̄n tə́ alé, nin̄ tūrə̄n̄ rɔ̄də́ kə̄ rɔ̄ Kɔ́ɔ̄ɓē kə́ bo kə́ tɔ́gən i ngá̰ý tə́ alé.

Bible sar

¹² Kɔ́ɔ̄ɓē ənda gír deē yān gə̄, banī *Israel gə̄ télən̄ kə̄ rɔ̄n tə́ alé, nin̄ tūrə̄n̄ rɔ̄də́ kə̄ rɔ̄ Kɔ́ɔ̄ɓē kə́ bo kə́ tɔ́gən i ngá̰ý tə́ alé.

IJAI 9:12 Referans Kwoze

IJAI 5:25

I tām̄ najə̄ ń toō tə́ n wōn̄g rāā Kɔ́ɔ̄ɓē ngá̰ý kə gír deē yān gēé ní. Ni ɓir̄ jīn ba un kə̄ dɔɔ́ əndańdə́. Mbal̄ bo gə̄ ndewn̄, nīń de gə̄ to kə̄ kum róbə kɔsə gə̄ tə́ tītə̄ loo gə̄ kə́ kánə̄n̄ yá̰á̰ kə́ yḛr gə̄ tū tə́ beē. Yá̰a̰ malang ń noō rāā yá̰á̰ ɓá tā, banī wōn̄g yā Kɔ́ɔ̄ɓē tetə alé. Ni əhɔ jīn kə́ ɓir̄ dɔɔ́.

2 YÁ̰A̰ GƏ̄ 28:18

Pilistin gə̄ ran̄ yādə́ dām̄ kə́rēý tə́ táān̄ ɓē kə́ gō nang kə́ mbal̄ bo gə̄ gətóon̄ tū tə́ tə́ ō, ɓē gə̄ yā Juda kə́ dām̄ mbɔ́r ɓē kə́ geleé tə́ ō, taān̄ i ɓē kə́ Bet Semes ō, Ayalon ō, Gederot ō, Soko ō, ngán ɓē gə̄ ń ɓē kə́ Soko o̰o̰ ɓē dɔ tə́ ní ō, Timna ō, ngán ɓē gə̄ ń ɓē kə́ Timna o̰o̰ ɓē dɔ tə́ ní ō, Gimjo ō, ngán ɓē gə̄ ń ɓē kə́ Gimjo o̰o̰ ɓē dɔ tə́ ní ō.

PĀ GƏ̄ 79:7

tɔdɔ̄ nin̄ təgān̄ yá̰a̰ yā Jakob malang, nujən̄ loo yān sák sák kɔ̄ɔ́.

2 MBAN̄G 16:6

Dan ngeé ń noō tə́ ní Resin, mban̄g kə́ Aram, tə̄ɓā Juda gə̄ kɔ̄ɔ́ kem ɓē kə́ Elat tə́, ba téləń adə̄ Edom gə̄, adə̄ Edom gə̄ tél reē ndin̄ gogə́ kem ɓē kə́ Elat tə́. Nin̄ ndin̄ noó bátə́ ɓōólaā.

JEREMI 10:25

Ādə̄ wōn̄g yāí kə́ ngá̰ý əsō dɔ nápar de gə̄ ń gernī aĺ tə́ ní ō, dɔ gír de gə̄ ń ndɔ̄ȳn̄ī aĺ tə́ ní ō, tɔdɔ̄ de gə̄ nujən̄ Jakob. De gə̄ nujən̄ seneé ō, tɔ̄l̄nən̄ kə̄ nodə́ tə́ ō. De gə̄ nujən̄ kə loo yānneé sák sák kɔ̄ɔ́.

IJAI 10:4

Yá̰á̰ ń sḭḭ̄ ásiī rāā ní, i rugə nang tə́ dan dəngáy gə̄ tə́, aláa i kəsō nang tə́ dan nīń gə̄ tə́ ngóy. Nge ń noō gə̄gē rāā adə̄ wōn̄g yā Kɔ́ɔ̄ɓē tetə alé, jīn kə́ ɓir̄ i kə́ kəla kə̄ dɔɔ́ ɓáý.

IJAI 9:17

A̰á̰ā̰, kem ndul i yá̰á̰ kə́ o̰o̰ loo tītə̄ hor kə́ o̰o̰ kōn̄ kə́ tayā tayā gə̄ beé. Hor ní əhɔ túpə kámbə gə̄ kə́ kem ku kāgə̄ gə̄ tə́ ō, rāā adə̄ sa hor kə́ ra kə ngālāá ɓururu ḭḭ ta kaw̄ dɔ rā̰ tə́ ō.

JEREMI 35:11

I dan ń Nabukodonosor, mban̄g kə́ Babilon taāń ɓē tə́ ní n j-əda naā na: I só tə́ kadə̄ j-a̰yī ɓūtə̄ ngé rɔ̄ɔ̄ yā Kalde gə̄ ō, Aram gə̄ ō, ba j-awī Jerusalem. Gír ndijí Jerusalem n noó.

JEREMI 4:8

Tām̄ najə̄ ń toō tə́ ní, ō̰ō̰ī sákə̄ kūbə̄ tə́ rɔ̄sí tə́. Ī-nōōī rɔ̄sí ō, ə́gaī kɔŕ ō, tɔdɔ̄ wōn̄g yā Kɔ́ɔ̄ɓē kə́ al̄ naā ngá̰ý əya̰ gōjí alé.

NDŪ NAJƏ̄ 31:17

Ndɔ̄ ń noō tə́ wōn̄g a rāām̄ sedə́ ngá̰ý, adə̄ m-ā m-ə́yá̰də́ kɔ̄ɔ́ ō, m-ā m̄-tūr̄ gidəḿ tadə́ tə́ kɔ̄ɔ́ kadə̄ nin̄ a a̰a̰n̄ ta kumḿ aĺ ō. Loo ń noō tə́ ngé ba̰ā̰də́ gə̄ a əsan̄də́ ō, yá̰á̰ kə́ to kum kaȳ aĺ ngá̰ý gə̄, kə wur kɔl kə́ ngá̰ý gə̄ a rāān̄də́ ō. Adə̄ ndɔ̄ ń noō tə́ nin̄ a ədan̄ na: Yá̰á̰ kə́ to kum kaȳ aĺ gə̄ ń toō rāān̄jí i tām̄ Nə́ɓā yājí ń gətóo dɔ dáńjí tə́ ní aĺ a?

IJAI 11:14

Nin̄ a aw̄n̄ naā tə́ mbak dɔ ngán mbal̄ gə̄ yā Pilistin gə̄ tə́, dām̄ kə́ no ɓē tə́. Nin̄ a ɔyn̄ yá̰a̰ kənge gə̄ yā gír ɓē gə̄ ń ndin̄ dəla loo tə́ ní dɔ gúú tə́, dām̄ kə́ gír ɓē tə́. Edom nin̄ kə Moab a əlan̄ dɔdə́ gíŕ tɔ́gə yādə́ tə́ ō, Amon gə̄ a oōn̄ tadə́ ō.

EJEKIEL 6:14

M-ā m-ɔ́jə́ tɔ́gə́ḿ kə̄ ndágá dɔdə́ tə́. M-ā m̄-nujə ɓē yādə́ kɔ̄ɔ́. M-ā m-ə́lá gír i kem dəla loo kə́ dām̄ mbɔ́r ɓē kə́ geleé tə́ bátə́ kem ɓē kə́ Ribəla tə́ dām̄ mbɔ́r ɓē kə́ ko̰ó̰ tə́. Loo ń noō tə́ nin̄ a gerə̄n̄ kadə̄ mā i Kɔ́ɔ̄ɓē.

EJEKIEL 16:27

Loo ń noō tə́ m-ɔ́jə́ tɔ́gə́ḿ dɔí tə́. M-ɔ̄gī yá̰a̰ kəsa ō, m-ə́laī kem jī madə̄ ba̰ā̰í gə̄ ń i ɓē gə̄ yā Pilistin gə̄ ní tə́ ō. Tɔdɔ̄ rɔ̄də́ sɔl̄də́ najə̄ hálí kə́ majaĺ ngá̰ý tə́.

IJAI 31:1

Ngé kaw̄ dɔ nang kə́ Ejiptə tə́ sāā de kə́ ngé rāā sedə́ gə̄ tə́ ní, i yá̰á̰ kə́ to kum kaȳ aĺ kə́ ba̰ý beē n i tām̄ yādə́ tə́ ní! Nin̄ əndān̄ tɔ́gə́də́ i dɔ sə́nda gə̄ tə́, nin̄ əndān̄ kemdə́ i dɔ púsə rɔ̄ɔ̄ gə̄ tə́, tām̄ púsə rɔ̄ɔ̄ gə̄ i ngá̰ý ō, əndān̄ kemdə́ i dɔ ngé kal̄ sə́nda gə̄ tə́, tām̄ nin̄ ngangə̄n̄ ngá̰ý ō. Banī nin̄ a̰a̰n̄ loo kum kə̄ rɔ̄ Nə́ɓā kə́ táĺ yā Israel tə́ alé. Nin̄ sāān̄ Kɔ́ɔ̄ɓē alé.

JEREMI 15:7

M-ún keē kógə̄ḿ kadə̄ m̄-tə̄ndā m̄-tḭ̄ḭń de kə́ kem ɓēé gə̄ kə̄ loo gə̄ tə́. m̄-tɔ̄l̄ ngán kem gír deē yāḿ gə̄ kɔ̄ɔ́. m̄-nujə kə gír deē yāḿ gēé sák sák kɔ̄ɔ́, banī tūrə̄n̄ háĺdə́ alé.

OJEE 7:10

Ngán Israel gə̄ ɔjən̄ rɔ̄də́, banī kɔjə rɔ̄ yādə́ ní ɔjə i rāā yá̰a̰ kə gōó alé yādə́ kə̄ ndágá. Israel tél reē rɔ̄ḿ mā Kɔ́ɔ̄ɓē Nə́ɓā yān tə́ alé. Yá̰a̰ malang ń rāān ní gə̄gē, ni sāā njaḿ alé.

AMOS 4:6

Mā m̄-rāā adə̄ ɓō əsō dɔsí tə́ kə̄ kem ɓē bo yāsí gə̄ tə́ malang. M-ɔ̄gə̄sí yá̰a̰ kəsa kə̄ kem ngán ɓē yāsí gə̄ tə́ malang, banī sḭḭ̄ ī-téliī ī-reēī kum kə̄ rɔ̄ḿ tə́ alé. Najə̄ ń Kɔ́ɔ̄ɓē əda ní n noó.

AMOS 4:8

De kə́ kem ɓēé gə̄ ḭḭn̄ ɓē kə́rēý tə́ aw̄n̄ ɓē kə́ rang tə́ sāā man̄ ka̰yā̰á̰, banī nin̄ əngen̄ asə tadə́ alé. Ɓá tā banī sḭḭ̄ ī-téliī ī-reēī kum kə̄ rɔ̄ḿ tə́ alé. Najə̄ ń Kɔ́ɔ̄ɓē əda ní n noó.

AMOS 4:9

Mā m̄-rāā ādə̄ kōō yāsí gə̄ tutən̄ ta bēl̄ tə́ aláa ndumən̄ kem ndɔrɔ́. Mā m̄-nujə ndɔr̄ tá̰a̰ yāsí gə̄ ō, ndɔr̄ kāgə̄ nduú yāsí gə̄ ō, gaẃ gə̄ əsan̄ kāgə̄ kótə̄ yāsí gə̄ ō, kāgə̄ olibə yāsí gə̄ ō. Ɓá tā banī sḭḭ̄ ī-téliī ī-reēī kum kə̄ rɔ̄ḿ tə́ alé. Najə̄ ń Kɔ́ɔ̄ɓē əda ní n noó.

AMOS 4:10

m̄-rāā adə̄ mo̰y ngāl̄bɔ̄gīí kógə̄ḿ kə́ tītə̄ nge ń əsō dɔ dā̰ gə̄ kə́ Ejiptə tə́ ní, əsō dɔsí tə́. M-ə́ya̰ madə̄ ba̰ā̰ gə̄ adə̄ tɔ̄lə̄n̄ balsáa yāsí gə̄, dan ń de gə̄ a ɔyn̄neé sə́nda yāsí gə̄ ní. Sēē nīń kə́ otə majaĺ ngá̰ý aw̄ bátə́ ugə̄ kó̰ńsí tə́. Ɓá tā banī sḭḭ̄ ī-tél ī-reēī kum kə̄ rɔ̄ḿ tə́ alé. Najə̄ ń Kɔ́ɔ̄ɓē əda ní n noó.

AMOS 4:11

m̄-mbə́rē yá̰a̰ malang kə́ ɓēé loosí m̄-tə́nī kɔ̄ɔ́, tītə̄ kə́ kété kə́ Sodom tə́ ō kə́ Gomor tə́ ō. Adə̄ ī-toī i tītə̄ ta kīr̄ hor kə́ deē ɔr̄ kum hor tə́ kɔ̄ɔ́ beē. Ɓá tā banī sḭḭ̄ ī-tél ī-reēī kum kə̄ rɔ̄ḿ tə́ alé. Najə̄ ń Kɔ́ɔ̄ɓē əda ní n noó.

SOPONI 1:6

Ngé tūr̄ gidədə́ taḿ tə́ gə̄ ō, ngé sāāḿ aĺ gə̄ ō, ngé koō najə̄ kə́ taḿ tə́ aĺ gə̄ ō ní, mā Kɔ́ɔ̄ɓē, mā m̄-rāādə́ kadə̄ nin̄ a gətóon̄ kɔ̄ɔ́.

SOPONI 3:2

Ɓē ní oō ɓār̄ yā Kɔ́ɔ̄ɓē alé. Ni ndigə tāā ń Kɔ́ɔ̄ɓē tāān ní aĺ ō, ənī kemən adə̄ Kɔ́ɔ̄ɓē aĺ ō, ndɔ́tə̄ ngɔr kə̄ rɔ̄ Nə́ɓā yān tə́ aĺ ō.