IJAI 8:19 - Bibəl ta Sar̄

¹⁹ Ngé kə́rēý gə̄ ədan̄ na: Āw̄ ōōī najə̄ kə́ ta ngé ɓāŕ de kə́ koy gə̄ tə́, kɔdə̄ sāā gə̄ ń i ngé kəda yá̰á̰ kə́ a reē ɓáý gə̄ ní. Nin̄ i ngé tél kə ndūdə́ kə̄ nang tə́ ngá̰ý kɔrə̄ń najə̄ gə̄, deē asə ger̄ kum najə̄ kɔr̄də́ alé. I gōtə́ ngá̰ý kadə̄ gír de gə̄ aw̄ oōn̄ najə̄ kə́ ta nə́ɓā yādə́ gə̄ tə́, kadə̄ ɓārə́n̄ de kə́ koy kɔ̄ɔ́ gə̄ kadə̄ rāān̄ majə kə de gə̄ kə́ ndin̄ kə kumdə́. Ré deē ədasí tītə̄ ń noō anī,

Bible sar

¹⁹ Ngé kə́rēý gə̄ ədan̄ na: Āw̄ ōōī najə̄ kə́ ta ngé ɓāŕ de kə́ koy gə̄ tə́, kɔdə̄ sāā gə̄ ń i ngé kəda yá̰á̰ kə́ a reē ɓáý gə̄ ní. Nin̄ i ngé tél kə ndūdə́ kə̄ nang tə́ ngá̰ý kɔrə̄ń najə̄ gə̄, deē asə ger̄ kum najə̄ kɔr̄də́ alé. I gōtə́ ngá̰ý kadə̄ gír de gə̄ aw̄ oōn̄ najə̄ kə́ ta nə́ɓā yādə́ gə̄ tə́, kadə̄ ɓārə́n̄ de kə́ koy kɔ̄ɔ́ gə̄ kadə̄ rāān̄ majə kə de gə̄ kə́ ndin̄ kə kumdə́. Ré deē ədasí tītə̄ ń noō anī,

IJAI 8:19 Referans Kwoze

1 YÁ̰A̰ GƏ̄ 10:13

Saul oy i najə̄ hál kə́ sew aĺ kə́ ni-rāā kə Kɔ́ɔ̄ɓēé tə́. Tɔdɔ̄ ni rāā yá̰á̰ ń Kɔ́ɔ̄ɓē əda ní aĺ ō, aw̄ sāā tə́ rɔ̄ Kɔ́ɔ̄ɓē tə́ alé ba aw̄ sāā tə́ rɔ̄ kɔdə̄ sāā gə̄ tə́ ō. Adə̄ Kɔ́ɔ̄ɓē rāā adə̄ Saul oy, ba ni tél kə ko̰o̰ ɓēé adə̄ Dabid ngōn̄ Jese.

LEBI GƏ̄ 20:6

M-ā m̄-tūr̄ rɔ̄ḿ yā rɔ̄ɔ̄ deē ń a oō ta kɔdə̄ sāā gə̄ ní. M-ā m-ɔ̄rən kɔ̄ɔ́ dan gír deē yān gə̄ tə́.

2 YÁ̰A̰ GƏ̄ 33:6

Ni-aw̄ bátə́ tɔ̄l̄ ngánən kə́ dəngam gə̄ ba tun̄də́ wól loo kə́ Ben Hinom tə́. Ni-rāā mbōlí kə́ tayā tayā gə̄ ō, rāā kəga kə́ tayā tayā gə̄ ō, aw̄ ndḛḛ̄ sāá ɓē kɔdə̄ sāā gə̄ tə́ ō. Ni-rāā yá̰á̰ kə́ nel̄ Kɔ́ɔ̄ɓē aĺ gə̄ ngá̰ý adə̄ wōn̄g rāā Kɔ́ɔ̄ɓē seneé.

PĀ GƏ̄ 106:28

Nin̄ əlan̄ dɔdə́ gír ɓesə̄ Baal kə́ Peor tə́ ō, əsan̄ dā̰ kə́ tun̄ kadə̄ ngé koy gə̄ ō.

LEBI GƏ̄ 19:31

Ōōī ta kɔdə̄ sāā gə̄ aĺ ō, ī-sāāī tēē aĺ ō, na sōgə́ ndíldə́ rāā adə̄ ī-téliī de kə́ yḛr gə̄. Mā i Kɔ́ɔ̄ɓē Nə́ɓā yāsí.

IJAI 29:4

Ā ə̄sō gírí nang tə́ ngá̰ý, adə̄ ndūí a ɓār̄ tītə̄ kə́ teē i gíŕ nángāá beē. Ndūí ní a teē dan bumbə́rú tə́ i sḛ́ý beē adə̄ loo koōn ngan̄g ngá̰ý. To tītə̄ kə́ teē i gíŕ nángāá tītə̄ ndū ndíl de kə́ tɔ́gən gətóo kə́ a ɔr̄ najə̄ kum bumbə́rú tə́ beē.

IJAI 19:3

Tɔ́gə de kə́ Ejiptə gə̄ a ur̄ wak ō, yá̰a̰ gə̄ ń nin̄ númə̄n̄ rāā ní m-ā m̄-rāā kadə̄ a a̰a̰ gō naā aĺ ō. Nin̄ a aw̄n̄ sāā tə́ rɔ̄ nə́ɓā gə̄ kə́ rɔ̄kum aĺ gə̄ tə́ ō, rɔ̄ ngé bógə̄rō de gə̄ tə́ ō, rɔ̄ ndíl de kə́ koy kɔ̄ɔ́ gə̄ tə́ ō, rɔ̄ kɔdə̄ sāā gə̄ tə́ ō.

1 SAMUEL 28:8

Saul ɔr̄ kūbə̄ kə́ rɔ̄n tə́ kɔ̄ɔ́ ba tə́lá kə́ rang gə̄ rɔ̄n tə́ adə̄ deē gerə̄n alé, ba adə̄ de gə̄ jōó dānə̄nən̄. Nin̄ aw̄ ugə̄n̄ rɔ̄ dəyá̰ ní tə́ ndɔ̄ɔ́. Saul əda dəyá̰ ní na: m̄-sāā kadə̄ ī-dəje de kə́ koy kógə̄ḿ najə̄ ādə̄m̄. Deē ń m-ā m-ə́daī rīn ní ī-ɓārə́n ādə̄ teē reē.

NDŪ NAJƏ̄ 18:11

aláa nge kəga, aláa kɔdə̄ sāā, aláa de kə́ rang kə́ nge koō ta ndíl de gə̄ kə́ koy gətóo mbo̰ō̰í tə́.

JEREMI 10:10

Banī Kɔ́ɔ̄ɓē Nə́ɓā i Nə́ɓā rɔ̄kum, i Nə́ɓā kə́ ndi kə kumneé ō, i mban̄g kə́ ndi ngándáńg ō. Dan ń wōn̄g rāān anī, dɔ nang ndebə. Nápar de gə̄ asən̄ yá̰á̰ sḛ́ý ta wōn̄g yān kə́ ngá̰ý tə́ alé.

2 MBAN̄G 21:6

Róō ngōnən kə́ dəngam horoó adə̄ ɓesə̄ ō, rāā kəga kə́ tayā tayā gə̄ ō, aw̄ ndḛḛ̄ sāá rɔ̄ kɔdə̄ sāā gə̄ tə́ ō. To dan rāā yá̰á̰ kə́ majaĺ ta kum Kɔ́ɔ̄ɓē tə́ kə̄ non tə́ adə̄ń Kɔ́ɔ̄ɓē wōn̄g.

2 MBAN̄G 1:3

Anī de kə́ dɔ rā̰ tə́ yā Kɔ́ɔ̄ɓē əda Eli kə́ Tisbe na kə ḭḭ dɔɔ́ kə aw̄ kə tə́nī ta ngé kəla gə̄ yā mban̄g kə́ Samari, ba kə dəjedə́ na ké Nə́ɓā gətóo i mbée Israel tə́ áké aw̄n̄ sāá rɔ̄ Baal Jebul nə́ɓā kə́ Ekəron tə́ ní wa.

2 MBAN̄G 23:24

Josias rāā adə̄ ngé koō ta de kə́ koy gə̄ ō, kɔdə̄ sāā gə̄ ō, ɓesə̄ Terapim gə̄ ō, gotə ɓesə̄ kə́ rang gə̄ ō, gətóon̄ kɔ̄ɔ́ malang dɔ nang kə́ Juda tə́ ō, kem ɓē kə́ Jerusalem tə́ ō. Ni-rāā yá̰á̰ ń ndangən̄ kem makətūbə̄ ndū najə̄ ń Hilkia ngol ngé tun̄ yá̰a̰ gə̄ ənge kem kújə yā Kɔ́ɔ̄ɓē tə́ ní.

1 SAMUEL 28:16

Samuel əda na: Ká ré Kɔ́ɔ̄ɓē əya̰ī kɔ̄ɔ́ ō ni-tél madə̄ ba̰ā̰í ō anī ī-dəjem̄ mā najə̄ i tām̄ rí tə́?

2 PIYER 2:1

Ngé koō ta kə́ rɔ̄kum aĺ gə̄ ton̄ dan gír de gə̄ yā Nə́ɓā tə́ kété, adə̄ ngé ndóō de gə̄ yá̰á̰ kə́ rɔ̄kum aĺ gə̄ a ton̄ dɔ dáńsí tə́ ō. Nin̄ a udən̄ dansí tə́ yā ndóō de gə̄ yá̰á̰ kə́ rɔ̄kum aĺ gə̄ ō, yá̰á̰ kə́ majaĺ ngá̰ý gə̄ ō, loo mundə̄ tə́ jəke. Ngoldə́ ń gān̄g dɔdə́ ní gə̄gē nin̄-aw̄n̄ bátə́ mbātə́nən̄ kɔ̄ɔ́. Nin̄-ndɔ́rə̄n̄ kudə kɔ̄ɔ́ reēn̄neé dɔ rɔ̄də́ nin̄ kɔ́ gə̄ tə́, ba kudə kɔ̄ɔ́ yādə́ ní a ɔr bā̰ā̰ alé.

1 SAMUEL 28:11

Dəyá̰ ní əda na: Kə m̄-ɓāŕ i náā n kə m-ādī? Saul əda na: Ī-ɓāŕ Samuel ādə̄m̄.

1 TESALONIK 1:9

Tɔdɔ̄ de gə̄ malang a ənīn̄ i gotə loo kəhɔ ń ə́hɔījí kə̄ rɔ̄sí tə́ dan ń j-aw̄ń loosí ní ō, loo kəya̰ ń ə́ya̰ī ɓesə̄ gə̄ kɔ̄ɔ́, ba ī-tūrī rɔ̄sí kə̄ rɔ̄ Nə́ɓā kə́ rɔ̄kum kə́ ndi kə kumneé tə́ yā rāań kəla yān,

KƏLA RĀĀ 16:16

Ndɔ̄ kógə̄ḿ tə́ j-a j-aw̄ kə̄ loo ndɔ̄ȳ tə́ anī, nge kəla kə́ dəyá̰ kógə̄ḿ tə́nī tají: Ndíĺ kə́ majaĺ kógə̄ḿ i kemən tə́. Ndi ɓáa ɔsə seneé ta kɔjə yá̰á̰ kə́ a rāā yā rāā yá̰a̰ gə̄. Adə̄ kɔ́ɔ̄n gə̄ əngen̄ yá̰á̰ ngá̰ý gírən tə́ loo kɔjə yá̰á̰ kə́ a rāā yā rāā yá̰a̰ gə̄ tə́.

TA KƏLA 41:24

na dɔ kōō kə́ sii gə̄ ní na túrə̄n̄ dɔ kōō kə́ ngón̄g kə́ sīrí gə̄ ní kɔ̄ɔ́. Əda na n-ənī mbōlí gə̄ gotə nī ní tā, ba deē kógə̄ḿ kə́ asə kɔjən kum na gətóo.

IJAI 26:14

Ngol gə̄ ngeé ń toō oyn̄ kɔ̄ɔ́, nin̄ a télən̄ yā reē to̰ alé. Nin̄ i ndíl de gə̄ kɔ̄ɔ́, a télən̄ yā kḭḭ dɔɔ́ gogə́ to̰ alé. Ḭ̄ ī-rāā yá̰a̰ yā nujəńdə́, yá̰a̰ gə̄ ń ton̄ kadə̄ əgań kem deē gə̄ dɔdə́ tə́ ní, ḭ̄ ī-rāā adə̄ yá̰a̰ gə̄ ní gətóon̄ kɔ̄ɔ́ malang.

IJAI 30:2

Sḭḭ̄ ə̄sōī róbó ta kaw̄ kə̄ Ejiptə, banī ī-dəjeī gír̄ yāḿ mā kə́ dɔ tə́ alé. Ī-sāāī kadə̄ mban̄g kə́ Ejiptə ngɔ̄m̄sí ō, ī-sāāī ɓɔ̄ɔ̄ rɔ̄sí ndíl ɓē yān tə́ ō!

IJAI 45:11

Yá̰á̰ ń Kɔ́ɔ̄ɓē, Nə́ɓā kə́ táĺ yā Israel, nge rāā gír deē yān gə̄, əda ní n toó: Sḭḭ̄ ī-dəjemī najə̄ kə́ dɔ ngánə́ḿ gə̄ tə́. Sḭḭ̄ ī-ndigiī kədam̄ yá̰á̰ kə́ kadə̄ m̄-rāā gə̄ najə̄ yā yá̰á̰ ń mā m̄-rāā tə́ ní. Ní, nge ń noō i najə̄ yāḿ mā!

IJAI 47:12

I beé ní, ngé kəga gə̄ malang ō, ngé mbōlí gə̄ ō ní, ī-na̰y kə̄ loo kaw̄ koō yādə́ tə́. Ə́lá gír kɔr̄ gōdə́ tə́ i jóó ngá̰ý, i dan ń ḭ̄ i balsáá ɓáý ní. Majanī a majə seí, majanī ā ī-ger̄ loo rāā madí gə̄ kadə̄ ɓōlə́n̄.

IJAI 47:13

Kɔjə̄ gə̄ ń adīn̄ ngá̰ý ní, kɔr rāāī ta tə́ kɔ̄ɔ́! Ngé kəndā ma̰ȳ dɔ rā̰ ō, ngé tə́da najə̄ kə́ ndang kum tə́yō̰ gə̄ tə́ ō, ba nin̄ ədan̄ yá̰á̰ ń a rāā yā rāāī ní kə dɔ nāā gə̄ ní, ādə̄ reē ajiīn̄!

JEREMI 27:9

Ba sḭḭ̄ tā anī, ī-lōōī koō najə̄ kɔr̄ ngé koō ta yāsí gə̄ ō, kɔdə̄ sāā yāsí gə̄ ō, ngé nī yāsí gə̄ ō, ngé bógə̄rō de gə̄ yāsí gə̄ ō, mbōlí yāsí gə̄ ō ń ədan̄sí na: Ā ə́lan̄ dɔsí gíŕ tɔ́gə yā mban̄g kə́ Babilon tə́ alé ní.

MISE 5:12

Nə́ɓā yāsí kə́ rɔ̄kum aĺ gə̄ ō, mbal̄ yāsí kə́ túdə̄ kə nja dɔɔ́ gə̄ ō ní, m-ā m̄-rāādə́ kadə̄ a gətóon̄ kɔ̄ɔ́. Yá̰a̰ gə̄ ń sḭḭ̄ kɔ́ gə̄ ī-rāāīdə́ kə jīsí ní, ā ī-rɔyīdə́ to̰ alé.

NDŪ NAJƏ̄ 18:10

Ādə̄ de kə́ nge kənī ngōnən kə́ dəngam, aké kə́ dəyá̰ kum hor tə́ gətóo mbo̰ō̰í tə́ ō, de kə́ nge koō ta ɓádə gə̄, aláa kɔdə̄ wor, aláa kɔdə̄ gara, aláa nge bógə̄rō de gə̄,

1 SAMUEL 28:7

Tā anī Saul əda ngé kəla yān gə̄ na: Ī-sāāī kɔdə̄ sāā kógə̄ḿ kə́ dəyá̰ ādə̄ m-āw̄ ndḛḛ̄ sāá rɔ̄n tə́. Anī ngé kəla yān gə̄ ədanən̄ na kɔdə̄ sāā kógə̄ḿ kə́ dəyá̰ na ndi kem ɓē kə́ En Dor tə́ noō.