IJAI 8:18 - Bibəl ta Sar̄

¹⁸ Mə̄kɔ́ ō, ngán gə̄ ń Kɔ́ɔ̄ɓē adə̄m̄ sedə́ ō ní, jə-rāā rɔ̄jí i yá̰á̰ kə́ yā kɔjəń yá̰á̰ tə́ dɔ nang kə́ Israel tə́. Kɔ́ɔ̄ɓē kə́ bo kə́ tɔ́gən i ngá̰ý ń ndi dɔ mbal̄ Siyo̰ tə́ ní, taā de gə̄ i kə ta kūl̄jí.

Bible sar

¹⁸ Mə̄kɔ́ ō, ngán gə̄ ń Kɔ́ɔ̄ɓē adə̄m̄ sedə́ ō ní, jə-rāā rɔ̄jí i yá̰á̰ kə́ yā kɔjəń yá̰á̰ tə́ dɔ nang kə́ *Israel tə́. Kɔ́ɔ̄ɓē kə́ bo kə́ tɔ́gən i ngá̰ý ń ndi dɔ mbal̄ *Siyo̰ tə́ ní, taā de gə̄ i kə ta kūl̄jí.

IJAI 8:18 Referans Kwoze

Najə̄ kə́ Majə yā Jeju ń Luk ndang ní 2:34

Simeo̰ tɔ́r̄ tan dɔdə́ tə́ ba əda Mari kó̰o̰ ngōn̄ na: Nə́ɓā gə̄rā ngōn̄ ń toō i yā rāań kadə̄ Israel gə̄ ngá̰ý tə́sōn̄ najə̄n tə́ ō, Israel gə̄ ngá̰ý a ḭḭn̄ dɔɔ́ kə kūl̄neé ō. Ni i yá̰a̰ kɔjə kə́ de gə̄ ngá̰ý a tɔ́sə̄n̄ gātə̄ ō. I tītə̄ ń noō n ni-rāań adə̄ dɔ gír̄ kə́ kem de kə́ ngá̰ý gə̄ tə́ teēń ndágá ní.

JAKARI 8:3

I tām̄ najə̄ ń toō tə́ n m̄-tél m̄-reē gogə́ dɔ mbal̄ Siyo̰ tə́ ní. A̰á̰ā̰, m̄-tél m̄-ndi kem ɓē kə́ Jerusalem tə́ gogə́ ɓáý to̰. A ɓārə́n̄ ɓē kə́ Jerusalem na i ɓē kə́ nge ra dɔ ndūn tə́ ō, a ɓārə́n̄ mbal̄ bo yā Kɔ́ɔ̄ɓē kə́ bo kə́ tɔ́gən i ngá̰ý na i mbal̄ bo kə́ táĺ ō.

PĀ GƏ̄ 71:7

De gə̄ ngá̰ý rāāmə̄n̄ i de kə́ ḭ̄ ī-ndɔ̄lə́n kɔ̄ɔ́ tə́, banī nge ngɔ̄mə̄ḿ kə́ rɔ̄kum i ḭ̄.

JAKARI 3:8

Yesua, ḭ̄ ń i ngol ngé tun̄ yá̰a̰ gə̄ ní, ōō. Ba sḭḭ̄ ngé tun̄ yá̰a̰ gə̄ ń i seneé ní, ōōī ō. Tɔdɔ̄ sḭḭ̄ ngé tun̄ yá̰a̰ gə̄ ń ī-raī laā ní, ɔjə i kadə̄ yá̰á̰ ń sɔɔ̄ kadə̄ reē ní, a reē. Nge kəla yāḿ ń a ɓāŕnən̄ na i Nge ń sɔɔ̄ kadə̄ əɓa ní, m-ā m̄-rāān kadə̄ a reē.

IJAI 53:10

Banī nge kəla yā Kɔ́ɔ̄ɓē ń rējə̄nən̄ kɔ̄ɔ́ ní, Kɔ́ɔ̄ɓē əda na najə̄ i yān. Adə̄ Kɔ́ɔ̄ɓē tél əndā nge ń adə̄ rɔ̄n kum gotə madə̄n gə̄ ní gotən kə́ kété tə́. Nge kəla yān a ənge ngán gə̄ ō, a ndi kə kumneé ɓáý dan i ngá̰ý ō. Yá̰á̰ ń Kɔ́ɔ̄ɓē núm̄ ní, Kɔ́ɔ̄ɓē rāā kadə̄ udə gírí i kə ta kūl̄neé.

PĀ GƏ̄ 22:30

De gə̄ malang ń ndin̄ dɔ nang tə́ kə rɔ̄nelēé ní n ɔsən̄ nodə́ nang tə́ toō. De gə̄ malang ń njadə́ i kə̄ ta bāá yo tə́ á əlan̄ dɔdə́ nang tə́ ta kumən tə́ ní, ni əya̰də́ adə̄ ndin̄ kə kumdə́ alé.

PĀ GƏ̄ 9:11

Kɔ́ɔ̄ɓē, ādə̄ ngé gə̄ ń gerə̄n̄ rīí ní əndān̄ kemdə́ dɔí tə́, tɔdɔ̄ ḭ̄ ə́yá̰ ngé gə̄ ń a sāānī ní kɔ̄ɔ́ alé.

HEBƏRO 12:22

Banī sḭḭ̄ ī-ndɔ́tī i kə̄ kadə mbal̄ kə́ Siyo̰ tə́ ō, i kə̄ kadə̄ ɓē yā Nə́ɓā kə́ ndi kə kumneé tə́ ō. Adə̄ i kə̄ kadə Jerusalem kə́ dɔ rā̰ tə́ ń de kə́ dɔ rā̰ tə́ gə̄ kə́ dūbú ngá̰ý i kemeé ní tə́.

IJAI 24:23

Rɔ̄ nāā a sɔlə̄n ō, rɔ̄ mbang a sɔlə̄n ngá̰ý ō. Tɔdɔ̄ i Kɔ́ɔ̄ɓē kə́ bo kə́ tɔ́gən i ngá̰ý ní n a ndi mban̄g Jerusalem, dɔ mbal̄ bo kə́ Siyo̰ tə́ ní. Kɔsə gɔn yān a ndə́lē ta kum kum kɔɔ̄ gə̄ kə́ kem ɓēé tə́.

IJAI 12:6

Ḭ̄ ń ī-ndi Siyo̰ ní, ɔ́jə rɔ̄nel̄ yāí kə̄ ndágá, úr kɔĺ rɔ̄nel̄! A̰á̰ā̰, Nə́ɓā kə́ táĺ yā Israel ń ndi dansí tə́ ní, i de kə́ bo!

IJAI 7:16

Ngɔlaā ní ḭ̄ ī-ɓōĺ mban̄g gə̄ kə́ Aram ō, kə́ Israel ō. Ɓá tā, ba pá tá kadə̄ ngōn̄ ní asə mbātə́ yá̰á̰ kə́ majaĺ ba gə̄rā yá̰á̰ kə́ majə ní, de gə̄ kə́ kem ɓē ko̰o̰ gə̄ kə́ gír i jōó gə̄ ń toō tə́ a əya̰n̄ ɓē yādə́ kɔ̄ɔ́.

IJAI 14:32

De gə̄ ń Pilistin gə̄ əlan̄də́ ní, i yā tūr̄ kədadə́ na i rí? I najə̄ ń toō: I Kɔ́ɔ̄ɓē nəkɔ́ n əndā ɓē kə́ Siyo̰ ní. Yá̰á̰ kógə̄ḿ a ɔdə rɔ̄ ngé ndoō gə̄ kə́ dan gír deē yān gə̄ tə́ alé i loo ń noō tə́.

1 YÁ̰A̰ GƏ̄ 23:25

Tɔdɔ̄ Dabid əda na Kɔ́ɔ̄ɓē Nə́ɓā yā Israel na rāā adə̄ gír deē yān gə̄ na ndin̄ majə ō, na nəkɔ́ Kɔ́ɔ̄ɓē na ndi kem ɓē kə́ Jerusalem tə́ na i kə́ njɔ́ḿ gə̄ tə́ ō.

HEBƏRO 10:33

Kə́rēý gə̄ ɓáa tájə̄n̄sí ō, rāān̄sí yá̰á̰ kə́ tōr̄ ta kum de gə̄ tə́ malang ō. Kə́rēý gə̄ anī sḭḭ̄ ī-rāāī kə ngé gə̄ ń a rāān̄də́ yá̰á̰ kə́ beé gə̄ ní ō.

IJAI 7:3

Loo ń noō tə́ Kɔ́ɔ̄ɓē əda Ijai na: Ún ngōnīí Seyar Yasub ādə̄ ni i seí, ba āw̄ ə́nge Akaj. Ni-ra i ta tɔ̄l̄ ta bəlo kə́ ndēr̄ kadə̄ man̄ kə́ kem loo ngɔ̄m̄ man̄ kə́ dām̄ loo kə́ kḭḭ kə̄ dɔɔ́ tə́ aw̄ kemeé tə́ tə́, dɔ róbə́ ń de gə̄ a aw̄nəń kə̄ loo yā ngé rāā kəla kūbə̄ gə̄ tə́ ní.

EJEKIEL 14:8

M-ā m̄-rāā yá̰á̰ kógə̄ḿ kə́ majaĺ kə deē ngeé ń noō. Yá̰á̰ ń m-ā m̄-rāā seneé ní a tél i kāgə̄ najə̄. M-ā m-ɔ̄rən kə̄ gogə́ kɔ̄ɔ́ dan gír deē yāḿ gə̄ tə́. Loo ń noō tə́ ā ī-gerī kadə̄ Kɔ́ɔ̄ɓē i mā.

IJAI 8:3

Gō tə́ anī m-āw̄ m̄-ɓīī kə nge koō ta kə́ dəyá̰ ń i nə̄yá̰ḿ ní. Ni ndān̄ ngōn̄, ba ojə ngōn̄ kə́ dəngam. Anī Kɔ́ɔ̄ɓē ədam̄ na: Ə̄ndā rīn na i kaw̄ láẃ nār̄ yá̰a̰, kɔy yá̰a̰ kənge dɔ gúú tə́.

TA KƏLA 33:5

Esau un kumən kə̄ dɔɔ́, a̰a̰ dəyá̰ gə̄ ō, ngán gə̄ ō, anī dəjen na ké de gə̄ ń seneé toō ké i náā gə̄ wa. Anī Jakob tél ədan na: I ngán gə̄ kə́ Nə́ɓā adə̄ nge kəla yāí.

NDŪ NAJƏ̄ 28:46

Yá̰a̰ gə̄ ń noō a rāānī kadə̄ télən̄ yá̰a̰ gə̄ kə́ yā kɔjiīneé yá̰a̰ ō, yá̰á̰ kə́ kɔr kum tām̄ yāí tə́ ō. A to i tītə̄ ń noō kə́ njɔ́ḿ gə̄ tə́ tām̄ yā ngání gə̄ tə́ ō, ngán kaaí gə̄ tə́ ō.

IJAI 20:3

Kɔ́ɔ̄ɓē ɔr̄ najə̄ kə ta kūl̄ Ijai əda na: Nge kəla yāḿ Ijai njə̄rā kanjə̄ kūbə̄ ō, da njan karī ō, asə ɓāl̄ mətá kɔ̄ɔ́. Nge ń noō i yá̰á̰ kə́ yā kɔjəń yá̰a̰ ō, i tāā ō, kə́ tām̄ yā ɓē kə́ Ejiptə tə́ ō, Etiopi tə́ ō.

JEREMI 44:29

Kɔ́ɔ̄ɓē ɔr̄ najə̄ i tītə̄ ń toō beé: Yá̰á̰ ń a ɔjəsí kadə̄ m-ā m̄-rāā yá̰a̰ sesí loo ń toō tə́ ō, kadə̄ najə̄ ń m-ə́da dɔsí tə́ ní a rāā yá̰a̰, adə̄ yá̰á̰ kə́ to kum kaȳ aĺ a rāāsí ō ní n toó.

EJEKIEL 4:3

Gō tə́ anī ún gində̄ kə́ laa kógə̄ḿ ə̄ndā tītə̄ ndogə̄ gində̄ beé, dɔ dáńsí tə́ kə ɓē ní. Ə̄ndā kumií dɔ ɓē tə́ á̰a̰n sew: Ni i kə́ ənīnən̄ rɔ̄ɔ̄. I ḭ̄ n ə̄nīn rɔ̄ɔ̄ ní. Yá̰á̰ ń ī-rāā noó i yá̰á̰ kə́ yā tāań ngán Israel gə̄.

EJEKIEL 12:6

Ā úń yá̰a̰ mbā yāí yā kəndā dɔ bɔ̄gīí tə́ i ta kumdə́ tə́ ō, ā āwń i ndɔ̄ɔ́ ō. Ā ūtə̄ ta kumií kɔ̄ɔ́ ō, ā ásə ka̰a̰ loo ń ā āw̄ kə̄ tū tə́ ní aĺ ō. I tītə̄ ń noō n m-ā m̄-rāāiń de kə́ nge tāā ngán Israel gə̄ tə́ ní.

PĀ GƏ̄ 9:12

Kɔ́ɔ̄ɓē ń kōr̄ kāgə̄ mbang yān ndi Siyo̰ ní, j-ənī pā j-ɔsiīneé gɔnən. Yá̰á̰ kə́ to ɓōĺ gə̄ ń ni-rāā ní ə̄nīī mbērən dan gír de gə̄ tə́!

Najə̄ kə́ Majə yā Jeju ń Luk ndang ní 2:18

De gə̄ malang ń oōn̄ najə̄ ń ngé kul̄ yá̰a̰ gə̄ ədan̄də́ ní ɔr kumdə́.