IJAI 8:17 - Bibəl ta Sar̄

¹⁷ m̄-ndi m̄-ngóō Kɔ́ɔ̄ɓē. Kə́ ngɔr ń toō tə́ ɓáa ni-əndā kumən gír kojə yā Jakob tə́ to̰ alé, banī m-ə̄ndā kemḿ dɔn tə́.

Bible sar

¹⁷ m̄-ndi m̄-ngóō Kɔ́ɔ̄ɓē. Kə́ ngɔr ń toō tə́ ɓáa ni-əndā kumən gír kojə yā Jakob tə́ to̰ alé, banī m-ə̄ndā kemḿ dɔn tə́.

IJAI 8:17 Referans Kwoze

HABAKUK 2:3

Yá̰a̰ gə̄ ń m-ɔ́jiī adə̄ á̰a̰ā̰ ní a reēn̄ banī a reēn̄ i kum mbang ń ɔjən̄ tə́ ní ngóy. Sḛ́ý laā anī a rāān̄ yá̰a̰, i sor̄ alé. Ká ré to tītə̄ kə́ ɔr bā̰ā̰ gə̄gē anī, ə̄nī kemií mámák ī-ngóoń. A̰á̰ā̰, i rɔ̄kum, a reēn̄ gō gogə́ alé.

IJAI 25:9

Ba ndɔ̄ ngeé ń noō tə́ ní, a ədan̄ na: I ni n i Nə́ɓā yājí ní. Kété ní j-əndā kemjí i dɔn tə́ ō, ni ajəjí ō. A̰á̰ā̰, kété ní j-əndā kemjí i dɔ Kɔ́ɔ̄ɓē tə́. Ādə̄ jə-ndāmī ndām̄ rɔ̄nel̄, ādə̄ jə-rāāī rɔ̄nel̄: Ni ajəjí!

PĀ GƏ̄ 33:20

Jḭḭ̄ j-əndāī kemjí i dɔ Kɔ́ɔ̄ɓē tə́, i ni n i der yājí ō, nge dḭḭ̄jí ō ní.

IJAI 54:8

Wōn̄g rāām̄ seí ngá̰ý, adə̄ m̄-mbātə́ ka̰a̰ī kum mbang kə́ sḛý beē tə́. Banī m-ɔ́jiī kemḿ kə́ gḛyiī kə táŕ kə́ ta tɔ̄l̄ tan gətóo. I mā Kɔ́ɔ̄ɓē, mā ń i nge taā kəya̰ī dɔɔ́ ní n m-ə́daī najə̄ ń noō ní.

HEBƏRO 9:28

i tītə̄ ń noō n Kərist adə̄ rɔ̄n yá̰a̰ tun̄ tə́ nja kógə̄ḿ yā kunəń majaĺ yā de gə̄ ngá̰ý gə̄ kɔ̄ɔ́ ní. Ni a teē nja kə́ nge ko̰ jōó, i yā kun majaĺ kɔ̄ɔ́ to̰ alé, banī i yā kajə ngé gə̄ ń ndi ngóōnən̄ ní.

PĀ GƏ̄ 27:14

Ī-ngóō ta Kɔ́ɔ̄ɓē. Ə́hɔ rɔ̄í tɔgə ō, ə́hɔ kemií ngan̄g ō! Ī-ngóō ta Kɔ́ɔ̄ɓē.

IJAI 59:2

Banī i yá̰a̰ rāāsí kə́ gōtə́ aĺ gə̄ n dēsə́n̄ yá̰a̰ dɔ dáńsí tə́ kə Nə́ɓā yāsí ɔgə̄n̄neésí mān̄ ní. Ré ni tūr̄ gidən tasí tə́ yā ka̰a̰ńsí to̰ aĺ ō, yā koōń najə̄ yāsí to̰ aĺ ō anī, i tām̄ majaĺ yāsí gə̄ tə́.

IJAI 50:10

I náā kə́ dansí tə́ n ɓōĺ ndíĺ Kɔ́ɔ̄ɓē ní? Deē ń noō ní majə kadə̄ oō najə̄ yā nge kəla yān. I náā n njə̄rā dan ndɔ̄ɔ́ ba a̰a̰ loo kógə̄ḿ kə́ unjə̄ kow aĺ bátə́ ní? Majə kadə̄ deē ń noō ənī kemən mámák adə̄ Kɔ́ɔ̄ɓē ō, ra dɔ Nə́ɓā yān tə́ ō.

1 TESALONIK 1:10

ba ngóoń Ngōnən ń a ḭḭ dɔ rā̰ tə́ yā reē ní ō. Adə̄ i Ngōnən Jeju ń oy á ni-ndólən ní. Sarya yā Nə́ɓā ń a reē ní, Ngōnən ngeé ń toō un dɔjí tə́ kɔ̄ɔ́.

MISE 7:7

Banī mā m̄-tūr̄ rɔ̄ḿ kə̄ rɔ̄ Kɔ́ɔ̄ɓē tə́, m̄-ngóō Nə́ɓā ń a ajəm̄ ní. Ni Nə́ɓā yāḿ, a oōm̄.

MISE 3:4

I tām̄ najə̄ ń noō tə́ n dan ń nin̄ a əgan̄ kɔŕ kə̄ dɔ Kɔ́ɔ̄ɓē tə́ anī, ni a daldə́ aĺ ní. Kum mbang ngeé ń noō tə́ ní, ni a ɓɔ̄ɔ̄ ta kumən kɔ̄ɔ́ adə̄ nin̄ a a̰ā̰n̄ alé, najə̄ yá̰á̰ kə́ majaĺ gə̄ ń nin̄ rāān̄ tə́ ní.

OJEE 12:6

I loo ń noō tə́ n Nə́ɓā nge rāā dɔ rā̰ ō dɔ nang ō, ni ń rīn na i Kɔ́ɔ̄ɓē ní, ədań najə̄ ń toō ní:

NDŪ NAJƏ̄ 32:20

Adə̄ ni-əda na: M-ā m̄-tūr̄ gidəḿ tadə́ tə́ kɔ̄ɔ́, ba m-ā m-á̰á̰ ké ta tɔ̄l̄ tadə́ a to i ba̰ý wa. Tɔdɔ̄ nin̄ i ngáń kə́ nujə kɔ̄ɔ́ gə̄. I ngán gə̄ kə́ deē a ənī kemən adə̄də́ alé.

2 TESALONIK 3:5

Ādə̄ Kɔ́ɔ̄ɓē rāā adə̄ kemsí ndigə tár ń Nə́ɓā táŕsí ní ō, tə́gā ta ń Kərist i nge kadə̄ ní ō.

IJAI 64:7

Tá Kɔ́ɔ̄ɓē, ḭ̄ i bɔbə̄jí. Jḭḭ i nánjə, ba ḭ̄ i kɔdə̄ jóo. Jḭḭ malang ní ī-rāājí kə jīí.

IJAI 1:15

Loo ń ī-sə́raī jīsí yā ndɔ̄yń anī, m-ún kumḿ ta tə́ kɔ̄ɔ́. Ká ré ndɔ̄ȳ yāsí gə̄ i ngá̰ý gə̄gē anī, mā m-ōō alé, tām̄ jīsí i mósə malang.

PĀ GƏ̄ 39:7

Rɔ̄kum, deē aw̄ ō tél ō banī ni i ndíĺ yá̰a̰ karī! A̰á̰ā̰ aw̄ kə̄ yóō aw̄ kə̄ laā, banī ni i koō ngóy! Ni kán̄ yá̰a̰ kə̄ dɔ naā tə́ banī ger̄ deē ń a ɔy ní alé.

IJAI 26:8

A̰á̰ā̰, Kɔ́ɔ̄ɓē, j-əndā tɔ́gə́jí i dɔí ḭ̄ tə́, dɔ róbə́ ń ī-mēr̄jí kun tə́ ní. Yá̰á̰ ń jə-gḛy ní i kógə̄ḿ beē, i ɓāríī kadə̄ ī-rāā sejí, i gír̄ dɔí tə́.

PĀ GƏ̄ 130:5

m̄-ngóō Kɔ́ɔ̄ɓē kə ngarā̰ kemḿ malang ō, m-ə̄ndā kemḿ dɔ najə̄ yān tə́ ō.

TA KƏLA 49:18

Kɔ́ɔ̄ɓē, m-ə̄ndā kemḿ dɔí tə́ kadə̄ ī-dḭḭ̄m̄.

Najə̄ kə́ Majə yā Jeju ń Luk ndang ní 2:38

Ni-reē ɔtə̄ kum mbang ngeé ń noō tə́ ō anī, udə kə̄ rɔ̄ tɔ̄ȳ Nə́ɓā tə́ ō, kə̄ rɔ̄ kɔr̄ najə̄ yā ngōn̄ ní tə́ kə de gə̄ malang ń a ngóōn̄ i kadə̄ Nə́ɓā gān̄g dɔ ɓē kə́ Jerusalem ní ō.

IJAI 64:4

Ngé gə̄ ń rāān̄ yá̰á̰ kə́ gōtə́ kə rɔ̄nelēé ní, ngé gə̄ ń əga kemdə́ dɔí tə́ kadə̄ unən̄ róbə yāí ní, ḭ̄ ī-tə́nī tadə́. Ḭ̄ ī-rāā wōn̄g najə̄ yá̰a̰ rāājí kə́ gōtə́ aĺ gə̄ tə́. Ba ré j-un róbə́ kə́ kété jóo gə̄ anī j-a j-ajə.

IJAI 33:2

Kɔ́ɔ̄ɓē, ādə̄ kumií o̰ō̰ī tām̄ yājí tə́! J-ənī kemjí mámák j-adī. Ādə̄ dəloí kə ndɔ̄ gə̄ ḭ̄ i tɔ́gə́jí ō, ḭ̄ i nge kajəjí kum mbang yā wur kɔl tə́ ō.

PĀ GƏ̄ 40:1

Pā kə́ kem makətūbə̄ yā ngār yā gōsə̄ pā gə̄ tə́. Pā yā Dabid.

PĀ GƏ̄ 37:34

Ré ī-tə́gā taí ba ī-ngóō Kɔ́ɔ̄ɓē ō, un gō róbə́ yān ō anī, ni a ɔsiī kə̄ dɔɔ́ kadə̄ ḭ̄ i kɔ́ɔ̄ dɔ nang ń ni-ənī míndən yā kadī ní ō, ā á̰á̰ ngé kem ndul gə̄ ń ɔrə̄n̄də́ kɔ̄ɔ́ ní ō.

Najə̄ kə́ Majə yā Jeju ń Luk ndang ní 24:27

Loo ń noō tə́ anī, ni-əla gír dɔ najə̄ yā Moijə tə́ bátə́ gāngəń dɔ najə̄ yā ngé koō ta gə̄ malang tə́, a ɔrə̄ńdə́ kum yá̰a̰ malang kə́ ɔjə dɔn ń ndangən̄ kem makətūbə̄ tə́ ní.

HEBƏRO 2:13

Əda ɓáý to̰ na: M-ā m-ə̄ndā kemḿ dɔn tə́. Tá əda ɓáý to̰ na: Mā n toó kə ngán gə̄ ń Nə́ɓā adə̄m̄ ní.

Makətūbə̄ yā Job 13:24

Ún kumií kɔ̄ɔ́ ta yāḿ tə́ ō, ī-rāām̄ madə̄ ba̰ā̰í tə́ ō, i tām̄ rí tə́?

IJAI 30:18

Tá Kɔ́ɔ̄ɓē a ngóō i kum mbang kə́ yā kɔjəńsí kem majə yān kə́ tām̄ yāsí tə́. Ni a ḭḭ dɔɔ́ yā kɔjəsí táŕ kə́ kemən tə́. A̰á̰ā̰, Kɔ́ɔ̄ɓē i Nə́ɓā kə́ nge rāā yá̰á̰ kə́ gōtə́. Ngé gə̄ ń əndān̄ kemdə́ dɔn tə́ ō, ndi a ngóōnən̄ ō ní, rɔ̄də́ nel̄də́.

IJAI 45:15

Nə́ɓā yā Israel, ḭ̄ ń i nge kajə deē ní, ḭ̄ i Nə́ɓā kə́ to loo ɓɔ̄ɔ̄ tə́ rɔ̄kum.

JEREMI 33:5

De gə̄ ḭḭ ənīn̄ Kalde gə̄ rɔ̄ɔ̄ i yā kadə̄ nīń de gə̄ ń m-ā m̄-tɔ̄ldə́ kə wōngōó ō, kə wōn̄g kə́ ngá̰ý ō ní taań kem kújə gə̄ ń noō. Tɔdɔ̄ m̄-tūr̄ gidəḿ kɔ̄ɔ́ ta ɓē ń toō tə́ najə̄ kem ndul yān tə́.

Makətūbə̄ yā Job 14:14

banī deē ń oy ní a tél yā ndi kə kumneé ɓáý a? Ré i beé anī, dan ń m-ā m̄-rāāń kəla ngámbá ní, m-ā m̄-ngóō bátə́ kadə̄ nge mān̄ gírə́ḿ reē unəń ta kəla kə̄ kété.

Makətūbə̄ yā Job 35:14

Tá ḭ̄ ī-ɓōĺ alé, ba ə́da na ḭ̄ na á̰a̰n alé, najə̄ yāí na i kə́ kənī kə̄ non tə́, ba ḭ̄ na ī-ndi na i gíŕ ngóō tan tə́.

IJAI 57:17

Israel rāā yá̰a̰ adə̄ najə̄ i dɔn tə́, kə ta kūl̄ gḛy yá̰a̰ malang sɔɔ̄ń ngurən. Nge ń noō rāā adə̄ wōn̄g rāām̄ ō, dan ń wōn̄g rāām̄ ní, m-ə́ndan ō. Kété ní m̄-ndigə ka̰a̰n to̰ alé. Tá ni dum̄ naā ngá̰ý, adə̄ ni na̰y kə̄ loo kun róbə yān nəkɔ́ tə́.

IJAI 64:6

Deē ɓāríī to̰ alé, deē ndól̄ dɔ ɓīī tə́ yā tə́ya̰ gōí tə́ to̰ alé. Tām̄ ī-ndigə ka̰a̰jí to̰ aĺ ō, ə́yá̰jí kem jī yá̰a̰ rāājí kə́ gōtə́ aĺ gə̄ tə́ ō.