IJAI 8:13 - Bibəl ta Sar̄

¹³ Á̰a̰ ī-gerī kadə̄ i Kɔ́ɔ̄ɓē kə́ bo kə́ tɔ́gən i ngá̰ý n i de kə́ táĺ ní. I ni n majə kadə̄ ī-ɓōlíī gidən ní. I ni n majə kadə̄ ī-ɓōlíin̄ ní.

Bible sar

¹³ Á̰a̰ ī-gerī kadə̄ i Kɔ́ɔ̄ɓē kə́ bo kə́ tɔ́gən i ngá̰ý n i de kə́ *táĺ ní. I ni n majə kadə̄ ī-ɓōlíī gidən ní. I ni n majə kadə̄ ī-ɓōlíin̄ ní.

IJAI 8:13 Referans Kwoze

Najə̄ kə́ Majə yā Jeju ń Luk ndang ní 12:5

Ādə̄ m-ɔ́jə́sí deē ń majə kadə̄ ī-ɓōĺniī ní: Ī-ɓōlíī deē ń tɔ̄lī oy anī i kə tɔ́gə kənīī kum hor Gehen tə́ ní. A̰á̰ā̰ m-ə́dásí, i ni n majə kadə̄ ī-ɓōĺniī ní!

JEJU TEĒ KUM JA̰A̰ 15:4

Kɔ́ɔ̄ɓē, i náā n a ɓōĺ rīí aĺ ní, i náā n a ɔsə gɔn rīí aĺ ní? Tɔdɔ̄ i ḭ̄ kɔ́ kal kógə̄ḿ beē ngóy n i kə́ táĺ ní. Nápar de gə̄ malang a reēn̄ yā kɔsə nodə́ nang tə́ noí tə́ yā rɔyīneé. Tɔdɔ̄ teēn̄ kumdə́ dɔ kəla rāāí kə́ gō tə́ gə̄ tə́.

MATIYE 10:28

Ī-lōōī ɓōĺ ngé gə̄ ń asən̄ tɔ̄l̄ dā̰ rɔ̄ deē ba asən̄ tɔ̄l̄ ndíl deē aĺ ní. Deē ń kadə̄ ī-ɓōĺniī ní i Nə́ɓā ń asə rāā kadə̄ dā̰ rɔ̄ deē ō, ndíl deē ō, udə kum hor Gehen tə́ ní.

PĀ GƏ̄ 76:7

Nə́ɓā yā Jakob, dan ń ī-ndán̄gdə́ ní, sə́nda gə̄ gə̄gē, ngé kaldə́ gə̄ gə̄gē, rɔ̄də́ oy yélélé.

MALASI 2:5

m̄-rāā ādə̄ ndi kə kumuú ō, ndi lɔm ō, kə ta kūl̄ madə̄ naā ngeé ń toō, i yā kadə̄ nin̄ ɓōlə́n̄ ndílə́ḿ. Adə̄ nin̄ ɓōlə́n̄ ndílə́ḿ ō, ndewn̄ noḿ tə́ ō.

IJAI 29:23

Tām̄ nin̄ ō ngáńdə́ gə̄ ō a a̰a̰n̄ yá̰á̰ m-ā m̄-rāā dɔ dáńdə́ tə́ ní. Loo ń noō tə́ nin̄ a ger̄mə̄n̄, mā Nə́ɓā kə́ táĺ yā Jakob. Nin̄ a ɓōlə́n̄ rāā yá̰á̰ kə́ kadə̄ nelə̄m̄ alé, mā ń i Nə́ɓā yā Israel ní.

TA KƏLA 31:53

Ādə̄ Nə́ɓā yā Abəraham ō, Nə́ɓā yā Nahor ō, gāngə̄n̄ sarya kə́ dɔ dáńjí tə́. Loo ń noō tə́ Jakob túbə kə rī Nə́ɓā ń bɔbə̄n Isaak a ɓōlə́n ní.

Makətūbə̄ ń Pol ndang adə̄ Rom gə̄ ní 4:20

Dan ń Nə́ɓā ənī míndən adə̄ Abəraham ní, kem Abəraham tɔ́sən dɔ míndə́ Nə́ɓā ń ənī adə̄n̄ tə́ ní alé. Taā kem yān adə̄n tɔ́gə, adə̄ ni-ɔsə gɔn Nə́ɓā.

TƏ́DA 27:14

Tām̄ dan ń ngán Israel gə̄ dəjen̄ man̄ sāānəń taḿ kem dəla loo kə́ Sin tə́ ní, sḭ́ḭ̄ ī-mbātíī rāā yá̰á̰ ń m̄-mēr̄sí rāā ní. Ɔ́jiīdə́ kadə̄ mā i de kə́ táĺ alé. Ni-əda i najə̄ yā man̄ Meriba kə́ Kades, kem dəla loo kə́ Sin tə́.

LEBI GƏ̄ 10:3

Moijə əda Aaro̰ na: I yá̰á̰ ń Kɔ́ɔ̄ɓē tāādə́ dɔ tə́ kété əda na: I kə ta kūl̄ ngé reē rɔ̄n tə́ ngɔr gə̄ n de gə̄ a ger̄nəń kadə̄ ni i kə́ táĺ ní ō, i nin̄ n a ɔsən̄ gɔnən ta kum ngán Israel gə̄ tə́ malang ní ō. Aaro̰ ndi kə tan kə́ mbóó.

Teē Ngán Israel gə̄ 20:20

Moijə tél ədadə́ na kə lōōn̄ ɓōĺ, tɔdɔ̄ Nə́ɓā reē na i nāādə́ tə́ yā kadə̄ ɓōlə́n̄ ndílən ɓáa kə rāān̄ majaĺ alé.

NDŪ NAJƏ̄ 14:23

Dɔ kōō ō, dɔ man̄ nduú ō, dɔ yibə̄ ō, kə́ nge ko̰ kutə ń ɔ̄rī ní ō, hágə man̄g ō, hágə batə̄ ō, hágə bə̄yā̰ ō ní, ā ə́saī i ta kum Kɔ́ɔ̄ɓē Nə́ɓā yāsí tə́, loo ń a gə̄rā yā kəndā rīn dɔ tə́ ní tə́. I beé n ā ī-ndóōīneé loo ɓōĺ Ndíĺ Kɔ́ɔ̄ɓē Nə́ɓā yāsí kə dɔ ndɔ̄ gə̄ ní.

IJAI 5:16

Kɔ́ɔ̄ɓē kə́ bo kə́ tɔ́gən i ngá̰ý a ɔjə kadə̄ ni i de kə́ bo i kə ta kūl̄ kəndā ngəra yá̰á̰ kə́ súmūú. Nə́ɓā kə́ táĺ a ɔjə háĺ kə́ táĺ yān i kə ta kūl̄ rāā tá kadə̄ de gə̄ ɓōlə́n̄ gidə yá̰a̰ rāā kə́ gōtə́.

EJEKIEL 38:16

Israel gə̄ ń i gír deē yāḿ gə̄ ní, ā ī-reē yā kənīdə́ rɔ̄ɔ̄ ō, ā ī-taā loo ɓē yādə́ tə́ tītə̄ kil̄ man̄ kə́ taā loo dɔ nang tə́ beé ō. Dan i ngá̰ý pá tá yá̰a̰ gə̄ ń noō a rāān̄ yá̰á̰ ɓáý. M-ā m-ə́laī kadə̄ āw̄ ə̄nī ɓē yāḿ rɔ̄ɔ̄. Loo ń noō tə́ nápar de gə̄ a gerə̄n̄ kadə̄ Nə́ɓā kə́ táĺ i mā. Ba i Gog n m-ā m-úniī yā kɔjəńdə́ nge ń noō ní.

LEBI GƏ̄ 22:32

Ā ə́laī rɔ̄sɔl̄ dɔ rīḿ kə́ táĺ tə́ alé, tām̄ m̄-sāā kadə̄ sḭḭ̄ ngán Israel gə̄ ī-gerī kadə̄ mā i de kə́ táĺ. Mā i Kɔ́ɔ̄ɓē nge kɔr̄ kam̄sí tayā.

1 SAMUEL 11:7

Ni-əhɔ man̄g kə́ bəra gə̄ jōó tɔ̄l̄, ba górīyō dā̰də́ dugəju dugəju télań gō nang kə́ Israel tə́ malang. Ba əndā kəla dɔ tə́ əda na: Deē ń a mbātə́ kaw̄ rɔ̄ɔ̄ tə́ gō Saul nin̄ kə Samuelé tə́ ní, yá̰á̰ ń a rāān̄ kə man̄g yān gēé ni n noó. Kɔ́ɔ̄ɓē əla ɓōĺ kə́ ngá̰ý kem ngán Israel gə̄ tə́, adə̄ nin̄ malang ɓə̄ngān̄ naā gidə kógə̄ḿ ɓuk aw̄n̄ gō Saul tə́.