IJAI 8:10 - Bibəl ta Sar̄

¹⁰ Ī-númī yá̰á̰ kə́ yā rāā gə̄ tā a nujənə̄ń kɔ̄ɔ́. Ī-tɔ́tī naā dɔ loo rāān yāsí gə̄ tə́ tā a to alé. Ɔ̄rī najə̄ kə́ sɔɔ̄ dɔ yá̰á̰ kə́ yā rāā ba najə̄ kɔr̄sí ní a udə gírí alé. Tɔdɔ̄ Nə́ɓā i naā tə́ sejí.

Bible sar

¹⁰ Ī-númī yá̰á̰ kə́ yā rāā gə̄ tā a nujənə̄ń kɔ̄ɔ́. Ī-tɔ́tī naā dɔ loo rāān yāsí gə̄ tə́ tā a to alé. Ɔ̄rī najə̄ kə́ sɔɔ̄ dɔ yá̰á̰ kə́ yā rāā ba najə̄ kɔr̄sí ní a udə gírí alé. Tɔdɔ̄ Nə́ɓā i naā tə́ sejí.

IJAI 8:10 Referans Kwoze

NŌŌ RƆ̄ 3:37

I náā n ɔr̄ najə̄ anī, yá̰a̰ rāā yá̰á̰ ní? Kɔ́ɔ̄ɓē i nge ń adə̄ ndūn ní aĺ a?

Makətūbə̄ ń Pol ndang adə̄ Rom gə̄ ní 8:31

J-a j-ədaī na i rí dɔ tə́ ɓáý? Ré Nə́ɓā i sejí anī, i náā n a mbātə́jí?

Makətūbə̄ yā Job 5:12

Yá̰a̰ gə̄ ń ngé kum kedə̄ ngá̰ý gə̄ rāān̄ loo mundə̄ tə́ ní, ni nujəń kɔ̄ɔ́. Yá̰a̰ gə̄ ń nin̄ sāān̄ rāā ní nujə jīdə́ tə́ kɔ̄ɔ́.

Gōsə̄ najə̄ gə̄ 21:30

Kum kedə̄ yā deē, aláa ger̄ najə̄ yā deē, aláa najə̄ kə́ gír̄ yā de kə́ tetə Kɔ́ɔ̄ɓē rɔ̄ɔ̄ gətóo.

PĀ GƏ̄ 46:11

Əya̰ī yá̰a̰ rɔ̄ gə̄ dɔɔ́! Á̰a̰ ī-ger̄mī kadə̄ mā i Nə́ɓā! m̄-ndi dɔ nápar de gə̄ tə́. M-ó̰o̰ ɓē dɔ dɔ nang tə́.

2 SAMUEL 15:31

Reē ədan̄ Dabid na Ahitopel i dan ngé koō naā gə̄ tə́, adə̄ ni na i gō Absalom tə́. Anī Dabid əda na: m̄-rāāī ɓɔ́ Kɔ́ɔ̄ɓē, ī-rāā ādə̄ kɔjə̄ yā Ahitopel tél kɔjə̄ kə́ to mbóo ro karī.

IJAI 41:10

Ī-lōō ɓōĺ, na mā i naā tə́ seí. Ī-lōō ka̰a̰ loo kə́ gidií tə́ kə sōlōó. A̰á̰ā̰, Nə́ɓā yāí i mā. m̄-rāā adə̄ tɔ́gí to. m̄-reē dḭḭ̄ tə́ ō, m̄-ngɔ̄mī kə jīḿ kə́ kə tɔ́gɔ́ ō kə́ tetə rɔ̄ɔ̄ ō.

PĀ GƏ̄ 46:7

Nápar de gə̄ tṵ́ṵ̄n̄ rɔ̄ɔ̄, ɓē ko̰o̰ gə̄ tə́sōn̄ kɔ̄ɔ́. Banī Nə́ɓā rāā ndūn adə̄ ɓār̄, anī dɔ nang ndebə.

2 YÁ̰A̰ GƏ̄ 13:12

Á̰a̰ī, Nə́ɓā i sejí, i ni n i ngār yājí ní. Ngé tun̄ yá̰a̰ yān gə̄ i sejí ō, j-aw̄ kə bərúnjə gə̄ kə́ yā kɔ̄ŕ dɔsí tə́ yā rɔ̄ɔńsí ō. Beé ní, ngán Israel gə̄, ī-lōōī rɔ̄ɔ̄ Kɔ́ɔ̄ɓē Nə́ɓā yā kaasí gə̄ tām̄ ā ī-tetəniī rɔ̄ɔ̄ alé.

NDŪ NAJƏ̄ 20:1

Ré āw̄ yā rɔ̄ɔ̄ madə̄ ba̰ā̰í gə̄, ba á̰á̰ sə́nda gə̄ ō, púsə rɔ̄ɔ̄ gə̄ ō, kósə de gə̄ kə́ kutədə́ i ngá̰ý tɔȳ yāí ō anī, ī-lōō ɓōĺ. Tɔdɔ̄ Kɔ́ɔ̄ɓē Nə́ɓā yāí ń teē seí kɔ̄ɔ́ kem ɓē kə́ Ejiptə tə́ ní i naā tə́ seí.

2 SAMUEL 17:23

Dan ń Ahitopel a̰a̰ kadə̄ de gə̄ tetən̄ rɔ̄də́ gō kɔjə̄ yān tə́ aĺ anī, əndā síŕdí gidə kərō yān tə́ ba ḭḭ dɔ tə́ aw̄ ɓēé. Ni ɔjə de kə́ ta kújə yān tə́ gə̄ yá̰a̰ gə̄ kə́ kadə̄ rāān̄ rāān̄, ba gō tə́ anī ənī kəlā oy kɔ̄ɔ́. Dubə̄nən̄ i kem bəlo ɓádə́ ń dubə̄n bɔbə̄n tū tə́ kété ní tə́.

JOJUE 1:5

De kə́ asə ra ta kumií tə́ yā dumī a gətóó bátə́ kadə̄ óyń. Tɔdɔ̄ mā i naā tə́ seí tītə̄ ń mā i naā tə́ kə Moijə kété ní. M-ā m-ə́ya̰ī kɔ̄ɔ́ aĺ ō, m-ā m̄-lo dḭḭ̄ aĺ ō.

PĀ GƏ̄ 46:1

Pā kə́ kem makətūbə̄ yā ngār yā gōsə̄ pā gə̄ tə́ ō, i pā yā ngán Kore gə̄ ō. A dānə̄n̄ gō i kə ndū kə́ dūú ngá̰ý.

Makətūbə̄ ń Pol ndang adə̄ Rom gə̄ ní 8:13

Tɔdɔ̄ ré ī-rāāī yá̰a̰ i kə gō kem ndigə yā dā̰ rɔ̄ɔ́ anī, ā óyiī. Banī ré ī-mbātíī rāā yá̰a̰ ń dā̰ rɔ̄sí ndigə ní kə ta kūl̄ Ndílí anī, ā ī-ndiī kə kumsí.

1 JA̰A̰ 4:4

Sḭḭ̄ ngánə́ḿ kə́ dūú gə̄, sḭḭ̄ ń i yā Nə́ɓā ní, ī-tetiī ngé koō ta kə́ rɔ̄kum aĺ gə̄ ń noō rɔ̄ɔ̄ kɔ̄ɔ́. Tɔdɔ̄ nge ń ndi kemsí tə́ ní bo tɔȳ nge ń ndi dɔ nang tə́ ní.

MATIYE 28:20

Ī-ndóōīdə́ yá̰a̰ malang ń m-ə́dásí kadə̄ ī-rāāī ní. Ba mā i sesí kə dɔ ndɔ̄ gə̄ bátə́ ta ngóy ndɔ̄ gə̄ tə́.

IJAI 7:14

I beé ɓá ní, Kɔ́ɔ̄ɓē nəkɔ́ a adə̄sí yá̰a̰ kɔjə kógə̄ḿ: Ngōmandə a ndān̄ ngōn̄, ba a ojə ngōn̄ kə́ dəngam. A ɓārə́n na i Emanuel, kumən na i Nə́ɓā i sejí.

MATIYE 1:23

Á̰a̰ī, ngōmandə a ndān̄ ngōn̄, ba a ojə ngōn̄ kə́ dəngam, a əndān̄ rīn na i Emanuel. Kum Emanuel na i Nə́ɓā i sejí.

IJAI 9:6

Ni a teē kem ko̰o̰ ɓē yān kə̄ gogə́ ō, a rāā kadə̄ lɔm kə́ dan gān̄g aĺ to ngándáńg ō. Ni a ndi dɔ kōr̄ kāgə̄ mbang yā Dabid tə́ ō, a ɔr no de gə̄ kə́ kem ɓē ko̰o̰ yān tə́ ō. Ni a əndā ɓē ko̰o̰ yān ní ō, a mbūsə̄ gírən kadə̄ ra gan̄g ō, i kə ta kūl̄ rāā kadə̄ de gə̄ ɓōlə́n̄ gidə yá̰á̰ kə́ súmūú ō, yá̰a̰ rāā kə́ gōtə́ ō, a əla gír i ngɔr ń toō tə́ ō, i kə́ njɔ́ḿ gə̄ tə́ ō. Yá̰á̰ ń Kɔ́ɔ̄ɓē kə́ bo kə́ tɔ́gən i ngá̰ý a rāā tām̄ tár yān kə́ təngā piling tə́ ní n noō.

IJAI 8:8

A aw̄ yā kugə̄ ɓē ko̰o̰ kə́ Juda tə́. A teē kem kārə̄n tə́ kə̄ ndágá ō, a taā ɓē ko̰o̰ kə́ Juda ō, a əhɔn míndən tə́ ō. A taā loo ta kaw̄ sa̰y, a taā ɓē yāí ḭ̄ Emanuel malang.

2 SAMUEL 17:4

Najə̄ ní majə ta kum Absalom tə́ ō, ta kum kum kɔɔ̄ gə̄ yā ngán Israel gə̄ tə́ ō.

TA KƏLA 21:22

Dan ń noō tə́ ní, Abimelek nin̄ kə Pikol ngol áskar yān gə̄ reēn̄ rɔ̄ Abəraham tə́, ədanən̄ na: Nə́ɓā i seí dɔ yá̰a̰ malang ń ī-rāā tə́ ní.

IJAI 28:18

A gāngə̄n̄ madə̄ naā yāsí ń ə́hɔī kə yoó ní kɔ̄ɔ́, ndūsí ń ə̄nī ādī naā kə de kə́ ɓádá gēé ní a to gotoó alé. Dan ń yá̰á̰ kə́ tɔ̄r̄ a rāā yā rāā yá̰a̰ anī, a rējə̄n̄sí kɔ̄ɔ́.

IJAI 43:5

Ī-lōō ɓōĺ, mā i naā tə́ seí. M-ā m̄-rāā ngání kə́ dūn̄ tə́ gə̄ kadə̄ tél reēn̄ gogə́, m-ā m-ɔ́ýdə́ no ɓē tə́ yā kɔsə dɔdə́ naā tə́.

JEREMI 42:11

Mban̄g kə́ Babilon ń ī-ɓōlíin̄ ngá̰ý ní, ī-ɓōlniī to̰ alé. Ī-ɓōĺniī to̰ alé, tɔdɔ̄ mā i sesí yā gān̄g dɔsí ō, yā kɔr̄sí jīn tə́ kɔ̄ɔ́ ō. Najə̄ ń Kɔ́ɔ̄ɓē əda ní n noó.

JEREMI 46:28

Ḭ̄ nge kəla yāḿ Jakob, ī-lōō ɓōĺ, mā i naā tə́ seí. Nápar de gə̄ malang ń m̄-tə̄ndā m̄-tḭ̄ḭ̄sí dɔ dandə́ tə́ ní, m-ā m̄-rāādə́ kadə̄ gətóon̄ kɔ̄ɔ́. Ba ḭ̄ tá, m-ā m̄-rāā kadə̄ ā ī-gətóo kɔ̄ɔ́ kə taá malang alé. M-ā m-ə́ndaī najə̄ yá̰a̰ rāāí gə̄ tə́ kanjə̄ kəndā njaḿ dɔ nge kə́rēý tə́.

TƏ́DA 14:9

Ba ī-lōōī kənī wúȳ jī Kɔ́ɔ̄ɓē tə́ ō, ī-lōōī ɓōĺ de gə̄ kə́ dɔ nang ní tə́ ō, tɔdɔ̄ j-a jə-tetiīdə́ rɔ̄ɔ̄ i gidə kógə̄ḿ beē. Tām̄ ɓesə̄ yādə́ gə̄ kə́ ngé ngɔ̄m̄də́ gə̄ əya̰n̄də́ kɔ̄ɔ́, banī Kɔ́ɔ̄ɓē i naā tə́ sejí, adə̄ ī-lōōī ɓōĺdə́.

2 MBAN̄G 6:12

Ngol ngé rɔ̄ɔ̄ yān gə̄ kógə̄ḿ kə́ dan madə̄ gə̄ tə́ tél əda na: Kɔ́ɔ̄ɓē gə̄, deē kógə̄ḿ kə́ nge rāā kəla yā mban̄g kə́ Israel gətóo danjí tə́ laā, ba i Elije nge koō ta ń ndi Israel tə́ ní tá. Ni asə kəda mban̄g najə̄ ń ḭ̄ ɔ̄r̄ kem kújə toí tə́ ní.

PĀ GƏ̄ 21:12

Ré nómə̄n̄ rāā yá̰á̰ kə́ majaĺ seí ō, oōn̄ naā dɔí tə́ loo mundə̄ tə́ ō anī, a asən̄ rāā yá̰á̰ kógə̄ḿ seí alé.

PĀ GƏ̄ 46:8

Kɔ́ɔ̄ɓē kə́ bo kə́ tɔ́gən i ngá̰ý ní i naā tə́ sejí. Nə́ɓā yā Jakob i loo kə́ ngan̄g yājí kə́ kem ɓēé.

IJAI 14:27

Dan ń Kɔ́ɔ̄ɓē kə́ bo kə́ tɔ́gən i ngá̰ý gḛy rāā yá̰á̰ kógə̄ḿ ní, i náā n asə kəhɔn dɔ tə́ ní? Dan ń ni un jīn kə́ ɓir̄ əla kə̄ dɔɔ́ ní, i náā n asə tūr̄ jīn ní kum kə̄ loo kə́ rang tə́ ní?

Makətūbə̄ yā Aje 1:13

Gō tə́ anī, Aje ń i nge kəla yā Kɔ́ɔ̄ɓē ní, ədadə́ najə̄ ń toō ń Kɔ́ɔ̄ɓē əndā tan tə́ ní: Mā Kɔ́ɔ̄ɓē m-ə́dásí kə̄ ndágá wáńg na mā i naā tə́ sesí.