IJAI 7:6 - Bibəl ta Sar̄

⁶ Ādə̄ j-aw̄ jə-rɔ̄ɔ̄ī ɓē ko̰o̰ kə́ Juda! J-əlaī ɓōĺ kemən tə́! Jə-rāāī seneé gúu ta ɓoo rɔ̄n tū yājí tə́! J-əndāī ngōn̄ Tabeel mban̄g.

Bible sar

⁶ Ādə̄ j-aw̄ jə-rɔ̄ɔ̄ī ɓē ko̰o̰ kə́ *Juda! J-əlaī ɓōĺ kemən tə́! Jə-rāāī seneé gúu ta ɓoo rɔ̄n tū yājí tə́! J-əndāī ngōn̄ Tabeel mban̄g.

IJAI 7:6 Referans Kwoze

IJAI 7:1

Dan ngeé ń noō tə́ ní, i Akaj kə́ ngōn̄ Yotam kə́ ngōn̄ Ojias n ndi mban̄g dɔ nang kə́ Juda tə́ ní. Anī Resin, mban̄g kə́ Aram ō, Peka kə́ ngōn̄ Remalia ń i mban̄g kə́ Israel ō ní, reē ənīn̄ ɓē kə́ Jerusalem rɔ̄ɔ̄, banī nin̄ tetənən̄ rɔ̄ɔ̄ alé.

IJAI 7:5

I rɔ̄kum kadə̄ Aram gə̄ ō, Peka ō, áskar gə̄ yā Epəraim ō, gḛyn̄ rāāī yá̰á̰ kə́ majaĺ. Nin̄ ədan̄ na:

IJAI 7:7

Ba yá̰á̰ ń Kɔ́ɔ̄ɓē Nə́ɓā əda ní n toó: Nge ń noō a əhɔ naā alé, yá̰á̰ ń noō a rāā yá̰a̰ alé.

1 MBAN̄G GƏ̄ 12:16

Dan ń ngán Israel gə̄ a̰a̰n̄ kadə̄ mban̄g oō yādə́ nin̄ aĺ anī, tél ədan̄ na: Usəjí i rí kə Dabid? Yá̰a̰ ndəbā yājí i dɔ naā tə́ yā ngōn̄ Jese ń noō alé! Israel gə̄, ī-tél āwī gɔgə́ kem kújə tandā yāsí gə̄ tə́! Ngɔlaā ní Dabid, īkɔ́ á̰a̰ gō kem kújə yāí! Loo ń noō tə́ ngán Israel gə̄ tḭ̄ḭ̄n̄ naā kə̄ ɓē yādə́ gə̄ tə́.

2 MBAN̄G 11:2

Banī Yoseba ń i ngōn̄ kem mban̄g Joram kə́ dəyá̰ ō, i ngōkó̰o̰ Akajias ō ní, un Joas ngōn̄ Akajias dāyāá dan ngán mban̄g gə̄ ń a rāān̄ yā tɔ̄l̄də́ ní tə́, aw̄ ɓɔ̄ɔ̄n naā tə́ kə kó̰o̰ kətōné kem kújə́ kán̄ tə̄rá gə̄ tə́. Atali ger̄ gō alé, adə̄ ngōn̄ ní teē ta yo tə́.

2 YÁ̰A̰ GƏ̄ 13:8

Ba ń toō ɓáa ɔ̄rī i najə̄ mbātə́ ko̰o̰ ɓē yā Kɔ́ɔ̄ɓē ń i kem jī ngán Dabid tə́ ní! Sḭḭ̄ i kósə de kə́ ngá̰ý gə̄ ō, ngán man̄g lɔ́r gə̄ ń Jeroboam rāādə́ nə́ɓā gə̄ tə́ adə̄sí ní nin̄ i sesí ō.

2 YÁ̰A̰ GƏ̄ 21:7

Banī Kɔ́ɔ̄ɓē ndigə nujə de kə́ gír kojə yā Dabid tə́ gə̄ kɔ̄ɔ́ alé, sɔɔ̄ń madə̄ naā ń ni əhɔ kə Dabidí ní ō, kəda ń ni əda na n-a n-adə̄ Dabid nin̄ kə ngánən gēé hor lámbá kə́ a to ngándáńg ō ní.

2 YÁ̰A̰ GƏ̄ 28:5

Kɔ́ɔ̄ɓē Nə́ɓā yān əlan kem jī mban̄g kə́ Aram tə́ adə̄ tetən rɔ̄ɔ̄ ō, əhɔ deē yān gə̄ ngá̰ý ɓəlo tə́ ba aw̄ sedə́ Damas ō. Əlan kem jī Peka kə́ ngōn̄ Remalia ń i mban̄g kə́ Israel tə́ ní ō, adə̄ tetən rɔ̄ɔ̄ tetə kə́ to ɓōĺ ngá̰ý.

PĀ GƏ̄ 21:11

Ā ī-rāā kadə̄ ngán kaadə́ gə̄ gətóon̄ kɔ̄ɔ́ dɔ nang tə́. Ā ī-tɔ̄ɔ̄ kōōdə́ kɔ̄ɔ́ dan de gə̄ tə́.

PĀ GƏ̄ 83:3

Á̰a̰ā̰, madə̄ ba̰ā̰í gə̄ a ndángə̄n̄ rɔ̄də́, madə̄ kɔ̄līí gə̄ tél unən̄ dɔdə́ dɔɔ́ gogə́.

Gōsə̄ najə̄ gə̄ 19:21

Yá̰a̰ gə̄ ń deē núm̄ kemən tə́ yā rāā ní i ngá̰ý, banī i yá̰á̰ ń kem Kɔ́ɔ̄ɓē gḛy rāā ní ngóy n a udə gírí ní.

IJAI 8:6

Juda gə̄ kídə̄n̄ man̄ bəlo kə́ ndēr̄ kə ngālāá kə́ Siloe ń a nūgə́ jəke ní ō, tɔ́gə́də́ ur̄ wak kɔ̄ɔ́ no Resin tə́ ō, no ngán Remalia tə́ ō.