IJAI 7:4 - Bibəl ta Sar̄

⁴ Ā ə́dan na: Á̰a̰ gō rɔ̄í majə! Ī-ndi jəke, ī-lōō ɓōĺ. Ī-lōō kadə̄ wōn̄g kə́ ngá̰ý yā Resin ń i de kə́ Aram ní ō, yā ngōn̄ Remalia ō, ɔr̄ tɔ́gí. Mban̄g gə̄ ń noō i ta kīr̄ hor kə́ jōó gə̄ kə́ a sūn̄ sa ngóy.

Bible sar

⁴ Ā ə́dan na: Á̰a̰ gō rɔ̄í majə! Ī-ndi jəke, ī-lōō ɓōĺ. Ī-lōō kadə̄ wōn̄g kə́ ngá̰ý yā Resin ń i de kə́ Aram ní ō, yā ngōn̄ Remalia ō, ɔr̄ tɔ́gí. Mban̄g gə̄ ń noō i ta kīr̄ hor kə́ jōó gə̄ kə́ a sūn̄ sa ngóy.

IJAI 7:4 Referans Kwoze

IJAI 35:4

Ngé gə̄ ń tɔ́gə́də́ ur̄ wak kɔ̄ɔ́ ní, ə́daīdə́ na: Ādī tɔ́gə́sí to! Ī-lōōī ɓōĺ! Nə́ɓā yāsí n toó. Ni-reē i dal ba̰ā̰sí tə́ ō, i rāā madə̄ ba̰ā̰sí gə̄ yá̰á̰ kə́ majaĺ ń nin̄ rāān̄ sesí ní tə́ ō, nəkɔ́ reē i kajəsí tə́ ō.

NŌŌ RƆ̄ 3:26

Majə kadə̄ deē əndā kemən dɔ kajə yā Kɔ́ɔ̄ɓē tə́ kə tan kə́ mbóó.

IJAI 30:15

Najə̄ ń Kɔ́ɔ̄ɓē, ni ń i Nə́ɓā kə́ táĺ yā Israel Najə̄ ń əda ní n toó: Ā ájiī i loo ń ī-tūrī rɔ̄sí kə̄ rɔ̄ḿ tə́ ō, ī-raī jəke ngóy ō ní. Tɔ́gə́sí kə́ kal kógə̄ḿ beē i kadə̄ ī-raī jəke ō, kadə̄ ə̄ndāī kemsí dɔḿ tə́ ō, i kadə̄ ə̄nī kemsí ādə̄mī ō. Banī sḭḭ̄ ɔ́diī alé.

NDŪ NAJƏ̄ 20:3

a əda na: Israel gə̄ ōōī. Ɓōólaā ā ī-rɔ̄ɔ̄ī madə̄ ba̰ā̰sí gə̄. Ī-lōōī kadə̄ kemsí gān̄g man̄ ō, ī-lōōī ɓōĺ ō, ī-lōōī kadə̄ kə̄ngā sāā əgasí ō, ī-lōōī ndebə ta kumdə́ tə́ ō.

MATIYE 24:6

Ā ōōī najə̄ yā rɔ̄ɔ̄ gə̄ ō, ā ōōī kōō rɔ̄ɔ̄ gə̄ ō, ba ādī ɓōĺ rāāsí alé, tām̄ i gáŕ kadə̄ yá̰a̰ gə̄ ń noō a rāān̄ yá̰a̰, banī i ta ngóy ndɔ̄ gə̄ aĺ ɓáý.

JAKARI 3:2

De kə́ dɔ rā̰ tə́ yā Kɔ́ɔ̄ɓē ní, əda nge kəndā najə̄ dɔ de gə̄ tə́ na: Sətan, ādə̄ Kɔ́ɔ̄ɓē rāāī adə̄ ūtə̄ taí! A̰á̰ā̰, ādə̄ ni rāāī adə̄ ūtə̄ taí, ni ń gə̄rā Jerusalem ní! Yesua ní to i tītə̄ ta kīr̄ hor kə́ kɔr̄ horoó beē aĺ a?

2 YÁ̰A̰ GƏ̄ 20:17

Ā ī-rɔ̄ɔ̄īdə́ loo ń noō tə́ alé. Āw̄ ī-raī loo ní tə́ gotə kógə̄ḿ ba á̰a̰ī loo tetə ń Kɔ́ɔ̄ɓē a tetə rɔ̄ɔ̄ yā kadə̄sí ní. De kə́ Juda gə̄ ō, Jerusalem gə̄ ō, ī-lōōī ɓōĺ ō, ī-lōōī kadə̄ ndíĺsí a̰ȳ ō. Bírí ī-teē ī-tə́nāī tadə́ loo ń noō tə́ na Kɔ́ɔ̄ɓē i naā tə́ sesí.

AMOS 4:11

m̄-mbə́rē yá̰a̰ malang kə́ ɓēé loosí m̄-tə́nī kɔ̄ɔ́, tītə̄ kə́ kété kə́ Sodom tə́ ō kə́ Gomor tə́ ō. Adə̄ ī-toī i tītə̄ ta kīr̄ hor kə́ deē ɔr̄ kum hor tə́ kɔ̄ɔ́ beē. Ɓá tā banī sḭḭ̄ ī-tél ī-reēī kum kə̄ rɔ̄ḿ tə́ alé. Najə̄ ń Kɔ́ɔ̄ɓē əda ní n noó.

IJAI 30:7

A̰á̰ā̰, rāā kə deé yā ɓē kə́ Ejiptə i nél karī, teē yá̰á̰ kógə̄ḿ aĺ bátə́. I tām̄ najə̄ ń toō tə́ n m-ə́da najə̄ kə́ dɔ ɓē ngeé ń toō tə́ na: Ni-a̰a̰ gajə gajə ngá̰ý, banī rāā yá̰á̰ kógə̄ḿ aĺ ní.

IJAI 10:24

I tām̄ najə̄ ń toō tə́ n Kɔ́ɔ̄ɓē Nə́ɓā kə́ bo kə́ tɔ́gən i ngá̰ý əda najə̄ ń toō ní: Gír deē yāḿ gə̄, sḭḭ̄ ń ī-ndiī Siyo̰ ní, ī-lōōī ɓōĺ Asiri. Ni əndasí kə məraw, un sálang kāgə̄ yān kə̄ dɔsí tə́, tītə̄ ń de kə́ Ejiptə tə́ gə̄ rāānəń kété jóó ní.

IJAI 8:4

Tām̄ kété pá tá kadə̄ ngōnīí ger̄ kəda na: Babá aláa mamá ní, a aw̄n̄ kə yá̰a̰ kənge gə̄ kə́ gātə̄də́ i ngá̰ý gə̄ kə́ Damas ō, yá̰a̰ kənge gə̄ kə́ kɔy Samari ō, yā kadə̄ mban̄g kə́ Asiri.

IJAI 7:8

Tām̄ Damas i ɓē bo kə́ Aram ō, Resin ni i ngār kə́ Damas ngóy ō. Samari i ɓē bo kə́ Epəraim ō, Peka ni i ngār kə́ Samari ngóy ō. Kem ɓāl̄ kutə mehḛ́ gidə i mí anī, gír deē yā Epəraim gə̄ a gətóon̄ kɔ̄ɔ́. Ré ə̄nī kemsí mámák ādī Kɔ́ɔ̄ɓē aĺ anī, ā ásiī ra gotoó alé.

1 SAMUEL 17:32

Dabid əda Saul na: Ādə̄ ndíl deē kógə̄ḿ a̰ȳ najə̄ yā Pilistin ń toō tə́ alé. Mā nge kəla yāí m-ā m-āw̄ yā rɔ̄ɔ̄n.

MATIYE 10:28

Ī-lōōī ɓōĺ ngé gə̄ ń asən̄ tɔ̄l̄ dā̰ rɔ̄ deē ba asən̄ tɔ̄l̄ ndíl deē aĺ ní. Deē ń kadə̄ ī-ɓōĺniī ní i Nə́ɓā ń asə rāā kadə̄ dā̰ rɔ̄ deē ō, ndíl deē ō, udə kum hor Gehen tə́ ní.

IJAI 41:14

Sḭḭ̄ gír deē yā Jakob gə̄, ī-lōōī ɓōĺ. Ngōn̄ kele kə́ dūú, ḭ̄, gotə de gə̄ yā Israel kə́ tɔ́gə́də́ gətóo gə̄. Najə̄ ń Kɔ́ɔ̄ɓē əda ní n toó: m̄-reē i yā dḭḭ̄. Nge taā kəya̰ī dɔɔ́ i mā, Nə́ɓā kə́ táĺ yā Israel.

IJAI 7:1

Dan ngeé ń noō tə́ ní, i Akaj kə́ ngōn̄ Yotam kə́ ngōn̄ Ojias n ndi mban̄g dɔ nang kə́ Juda tə́ ní. Anī Resin, mban̄g kə́ Aram ō, Peka kə́ ngōn̄ Remalia ń i mban̄g kə́ Israel ō ní, reē ənīn̄ ɓē kə́ Jerusalem rɔ̄ɔ̄, banī nin̄ tetənən̄ rɔ̄ɔ̄ alé.

IJAI 37:6

Anī Ijai ədadə́ na: Najə̄ ń Kɔ́ɔ̄ɓē əda toó āw̄ ə́daī kɔ́ɔ̄sí: Ḭ̄ ōō ndū gə̄ ń ngol áskar gə̄ yā mban̄g kə́ Asiri gə̄ tájə̄mə̄n̄ ní. Ī-lōō ɓōĺ yá̰a̰ gə̄ ń nin̄ ədan̄ ní.

2 MBAN̄G 15:27

Kem ɓāl̄ ko̰o̰ ɓē kə́ nge ko̰ kutə mí gidə i jōó yā Ajaria mban̄g kə́ Juda ní, Peka kə́ ngōn̄ Remalia ndi mban̄g dɔ Israel gə̄ tə́ kem ɓē kə́ Samari tə́. Ni-o̰o̰ ɓē ɓāl̄ kutə jōó.

IJAI 8:6

Juda gə̄ kídə̄n̄ man̄ bəlo kə́ ndēr̄ kə ngālāá kə́ Siloe ń a nūgə́ jəke ní ō, tɔ́gə́də́ ur̄ wak kɔ̄ɔ́ no Resin tə́ ō, no ngán Remalia tə́ ō.

HABAKUK 2:3

Yá̰a̰ gə̄ ń m-ɔ́jiī adə̄ á̰a̰ā̰ ní a reēn̄ banī a reēn̄ i kum mbang ń ɔjən̄ tə́ ní ngóy. Sḛ́ý laā anī a rāān̄ yá̰a̰, i sor̄ alé. Ká ré to tītə̄ kə́ ɔr bā̰ā̰ gə̄gē anī, ə̄nī kemií mámák ī-ngóoń. A̰á̰ā̰, i rɔ̄kum, a reēn̄ gō gogə́ alé.