IJAI 7:20 - Bibəl ta Sar̄

²⁰ Ndɔ̄ ngeé ń noō tə́ ní, Kɔ́ɔ̄ɓē a un nə́ngá kógə̄ḿ gidə bā Opəratə tə́, nə́ngá ní i mban̄g kə́ Asiri. A̰á̰ā̰, ni a dəsā dɔsí ō, a dəsā bḭḭ̄sí malang kə́ rɔ̄sí tə́ ō, mbāýsí gə̄gē ni a dəsā kɔ̄ɔ́.

Bible sar

²⁰ Ndɔ̄ ngeé ń noō tə́ ní, Kɔ́ɔ̄ɓē a un nə́ngá kógə̄ḿ gidə bā Opəratə tə́, nə́ngá ní i mban̄g kə́ Asiri. A̰á̰ā̰, ni a dəsā dɔsí ō, a dəsā bḭḭ̄sí malang kə́ rɔ̄sí tə́ ō, mbāýsí gə̄gē ni a dəsā kɔ̄ɔ́.

IJAI 7:20 Referans Kwoze

IJAI 8:7

I beé ɓá ní, man̄ bā Opəratə ń i man̄ kə́ ngá̰ý ō, i man̄ kə́ a nūgə́ kə ngangá ngá̰ý ō ní, m-ā m̄-reēń dɔdə́ tə́. Kumən na i mban̄g kə́ Asiri ń tɔ́gən i ngá̰ý ní. Bā Opəratə a ḭḭ ngá̰ý ō, a taā loo ō.

EJEKIEL 29:18

Ḭ̄ ngōn̄ deē, ōō! Nabukodonosor, mban̄g kə́ Babilon ra kə ngé rɔ̄ɔ̄ yān gēé adə̄ rāān̄ kəla ngan̄g ngá̰ý gə̄ yā rɔ̄ɔń Tir. Nənga dɔ áskar yān gə̄ ɔr̄ kɔ̄ɔ́ malang ō, əngen̄ do dɔ bɔ̄gə̄də́ gə̄ tə́ ō. Ɓá tā ba yá̰á̰ ń mban̄g nin̄ kə ngé rɔ̄ɔ̄ yān gēé loo rɔ̄ɔ̄ ɓē kə́ Tir tə́ ní, nin̄ əngen̄ yá̰á̰ kógə̄ḿ gírí jī ɓē kə́ Tir tə́ alé.

IJAI 10:15

Kə̄ngā ənda kadən kum gotə nge kunən tə́gań yá̰a̰ a? Gində̄ kəja kāgə̄ ɔjə rɔ̄n kum gotə nge kunən kəjań kāgə̄ a? To tītə̄ kə́ i ndéy n i nge rāā kadə̄ jī kə́ kunən unən dɔɔ́ beé, aláa i tītə̄ kə́ i sálang kāgə̄ n i nge kɔr no jī kə́ nge kəhɔn beé.

EJEKIEL 29:20

M-ādə̄n ɓē kə́ Ejiptə yā kəgānəń tām̄ kəla gə̄ ń ni-rāā tə́ ní. Tɔdɔ̄ ngé rɔ̄ɔ̄ yān gə̄ rāān̄ kəla tām̄ yāḿ tə́. Najə̄ ń mā Kɔ́ɔ̄ɓē Nə́ɓā m-ə́dá ní n noó.

IJAI 11:15

Bā bo kə́ Ejiptə ní, Kɔ́ɔ̄ɓē a rāā kadə̄ man̄ kə́ tū tə́ gətóo kɔ̄ɔ́. Ni a wél̄ jīn yā kəlań ɓōĺ kem bā Opəratə tə́. Ni a gān̄g bā ngeé ń toō kə koō kə́ tan tə́ kə́ tɔ́gən i ngá̰ý kadə̄ a téĺ ngán man̄ gə̄ gír loo sīrí. Deē a asə teē man̄ gə̄ ní kə sākə̄rāá njan tə́.

IJAI 1:5

I loosí kə́ rá n i yā kənda ní? Dɔsí i do malang. Kújə́ mósə́sí kə taá i kə́ mo̰y rāān.

JEREMI 2:18

Ngɔlaā ní i rí n nelī ngá̰ý kum róbə́ kə́ Ejiptə tə́, kadə̄ āw̄ ā̰ȳ man̄ bā kə́ Nil tə́ ní? I rí n nelī ngá̰ý kum róbə́ kə́ Asiri tə́, Kadə̄ āw̄ ā̰ȳ man̄ kə́ bāá ní?

IJAI 9:13

Loo ń noō tə́, kem ndɔ̄ kógə̄ḿ beē tə́ ní, Kɔ́ɔ̄ɓē gān̄g dɔ ō kə̄lá ō kɔ̄ɔ́ dɔ nang kə́ Israel tə́. Ni-gān̄g ta jī kāgə̄ túmbur kɔ̄ɔ́ ō, gān̄g mu tə̄ɓā kɔ̄ɔ́ ō.

IJAI 36:1

Kem ɓāl̄ ko̰o̰ ɓē kə́ nge ko̰ kutə gidə i sɔ́ yā Ejekias tə́ ní, Senakerib mban̄g kə́ Asiri reē ənī rɔ̄ɔ̄ ɓē kə́ ngan̄g ngan̄g gə̄ malang kə́ kem ɓē ko̰o̰ kə́ Juda tə́ ba táā.