IJAI 7:2 - Bibəl ta Sar̄

² Ədan̄ Akaj ń i de kə́ gír yā Dabid tə́ ní ō, de kə́ bo yān gə̄ malang ō na: De kə́ Aram gə̄ əndān̄ gérger yādə́ dɔ nang yā Epəraim tə́. Najə̄ ní yéȳ mban̄g ō, yéȳ gír deē yān gə̄ ō, tītə̄ ń nél a yéyəń kāgə̄ gə̄ ní beē.

Bible sar

² Ədan̄ Akaj ń i de kə́ gír yā Dabid tə́ ní ō, de kə́ bo yān gə̄ malang ō na: De kə́ Aram gə̄ əndān̄ gérger yādə́ dɔ nang yā *Epəraim tə́. Najə̄ ní yéȳ mban̄g ō, yéȳ gír deē yān gə̄ ō, tītə̄ ń nél a yéyəń kāgə̄ gə̄ ní beē.

IJAI 7:2 Referans Kwoze

IJAI 8:12

Ī-lōōī kɔr̄ najə̄ kə́ dɔ koō naā loo mundə̄ tə́, kə dɔ kɔr̄ ń de gə̄ ń noō a ɔr̄nəń najə̄ kə́ dɔ koō naā loo mundə̄ tə́ ní. Ī-lōōī ɓōĺ yá̰á̰ ń rāādə́ nin̄ adə̄ ɓōĺ rāādə́ ní. Ī-lōōī ɓōĺdə́.

IJAI 7:13

Anī Ijai əda na: I beé ní, sḭḭ̄ ń i de gə̄ kə́ gír kojə yā mban̄g Dabid tə́ ní, ōōī! Sḭḭ̄ ī-rāāī de gə̄ adə̄ kɔr rāādə́ ō, tá to tītə̄ kə́ nge ń noō asəsí aĺ ɓáý beē. Sḭḭ̄ ī-rāāī Nə́ɓā yāḿ adə̄ kɔr rāān ō!

IJAI 9:9

Ndogə̄ bəríkə gə̄ ń tə́sōn̄ nang tə́ ní, j-a jə-tél yā kəndādə́ gogə́ kə mbal̄ kə́ tɔ́sə̄ kadə gēé. Sáā kāgə̄ kə́ karī gə̄ ń rāānəń kújə a tə́sō kɔ̄ɔ́ ní, j-a jə-mbél̄ gíŕdə́ kə sáā kāgə̄ sédər gēé.

Gōsə̄ najə̄ gə̄ 28:1

Deē ń rāā yá̰á̰ kə́ majaĺ ní, ká ré deē ngɔ̄dən aĺ gə̄gē anī ni a a̰ȳ i mbée. Banī de kə́ súmūú taā kem rɔ̄n mámák tītə̄ balsáa ɓɔl beé.

MATIYE 2:3

Dan ń mban̄g Herod oō najə̄ ní anī, ni gə̄gē de kə́ Jerusalem gə̄ malang gə̄gē ní kemdə́ nujə.

OJEE 12:1

Kɔ́ɔ̄ɓē əda na: Gír deē yā Epəraim gə̄ sorə̄n̄ gīr̄nəń gidəḿ. A̰á̰ā̰, Israel gə̄ ɓír̄mə̄n̄ kə gól̄ looó. Deē yā Juda gə̄ i seḿ ɓáý, banī nin̄ na̰yn̄ kə̄ loo kəhɔ gō nə́ɓā kə́ rang gə̄ tə́.

JEREMI 21:12

Kɔ́ɔ̄ɓē ɔr̄ najə̄ i tītə̄ ń toō beé, sḭḭ̄ de kə́ gír kojə yā Dabid tə́ gə̄ ī-rāāī yá̰á̰ kə́ kə gōó dəloí kə ndɔ̄ gə̄. Ī-taāī deē ń rāān̄ kumən ndoō tə́ ní jī nge kəsa tətō de gə̄ tə́, na sōgə́ wōn̄g yāḿ kə́ ngá̰ý əɓa bup tītə̄ hor beé ō, o̰o̰ loo kanjə̄ kadə̄ deē asə tɔ̄l̄ ō, sɔɔ̄ń kəla rāāsí gə̄ kə́ kə kem nduluú.

IJAI 37:35

M-ā m̄-ngɔ̄m̄ ɓē ń toō ō, m-ā m-ájən ō. M-ā -m̄-rāā yá̰á̰ ń noō i tɔdɔ̄ mā i Nə́ɓā ō, m̄-rā dɔ ndūḿ tə́ kə nge kəla yāḿ Dabid ō.

IJAI 37:27

De kə́ kemeé gə̄ asən̄ rāā yá̰á̰ kógə̄ḿ alé, ɓōĺ rāādə́ ō, rɔ̄də́ sɔl̄də́ ngá̰ý ō. Nin̄ ton̄ tītə̄ mu kə́ bembeé beē, ton̄ tītə̄ ngán mu gə̄ kə́ ton̄ mbōl̄ beé, ton̄ tītə̄ mbī kámbə́ kə́ dūú gə̄ kə́ əɓan̄ dɔ kújú dɔɔ́, banī néĺ kə́ dūn̄ ɓē tə́ rāādə́ adə̄ tutən̄ kɔ̄ɔ́ beē.

IJAI 22:22

M-ā m-ādə̄n lakélé ta kújə yā Dabid. Ré ni teē ta anī, de kə́ yā kutə̄ a gətóo. Ré ni utə̄ ta anī, de kə́ yā teē a gətóo.

IJAI 11:13

Loo ń noō tə́ Epəraim a ənda Juda to̰ alé. A nujən̄ ngé rɔ̄ɔ̄ Juda gə̄ kɔ̄ɔ́ ō, madə̄ ba̰ā̰ Epəraim i Juda to̰ aĺ ō.

IJAI 7:17

Banī Kɔ́ɔ̄ɓē a əla kə ndɔ̄ kə́ majaĺ gə̄ yā kadī ō, yā kadə̄ gír deē yāí gə̄ ō, yā kadə̄ gír kojə yāí ō. Əla gír ndɔ̄ ń ɓē ko̰o̰ kə́ Israel tə́ ɔrə̄ń rɔ̄n kɔ̄ɔ́ rɔ̄ ɓē ko̰o̰ kə́ Juda tə́ ní, ndɔ̄ gə̄ kə́ ton̄ tītə̄ ndɔ̄ gə̄ ń noō gətóon̄ ɓáý. Yá̰á̰ ń noō a rāā yá̰a̰ i kə ta kūl̄ mban̄g kə́ Asiri.

IJAI 6:13

Ré gángə̄n̄ de kə́ kem ɓēé gə̄ gír loo kutə anī, gírən kə́ kógə̄ḿ ń a na̰y ní, hor a o̰o̰ tītə̄ loo róō kāgə̄ kə́ tə́gā kɔ̄ɔ́ beē. I gír gisə kāgə̄ ní ngóy n a na̰y ní. Banī gír gisən ní i yá̰á̰ kə́ Nə́ɓā ɔjəń kadə̄ n a n-rāā yá̰á̰ kə́ kijə.

PĀ GƏ̄ 11:1

Pā kə́ kem makətūbə̄ yā ngār yā gōsə̄ pā gə̄ tə́. I pā yā Dabid. m̄-rāā Kɔ́ɔ̄ɓē i loo ɓɔ̄ɔ̄ rɔ̄ yāḿ tə́. Loo kadə̄ ə́damī na kə m-ā̰ȳ tītə̄ yel̄ beé, kə m-āw̄ dɔ mbalá ní i ba̰ý?

2 YÁ̰A̰ GƏ̄ 28:12

Tā anī Ajaria ngōn̄ Yohanan ō, Berekia ngōn̄ Mesilemot ō, Yehijəkia ngōn̄ Salum ō, Amasa ngōn̄ Hadəlay ō ń i ngār gə̄ dan ngār gə̄ yā ngán Epəraim gə̄ tə́ ní, ḭḭ mbātə́n̄ najə̄ gō ngé gə̄ ń télən̄ ta rɔ̄ɔ̄ tə́ ní,

2 YÁ̰A̰ GƏ̄ 25:10

Loo ń noō tə́ Amasia əya̰ ɓūtə̄ ngé rɔ̄ɔ̄ gə̄ ń ḭḭn̄ Epəraim reēn̄ ní adə̄ tél gogə́ kə̄ ɓē yādə́ gə̄ tə́. Banī wōn̄g rāādə́ ngá̰ý kə ɓē ko̰o̰ kə́ Juda. Nin̄ tél aw̄n̄ gogə́ ɓēé i kə wōngōó.

1 MBAN̄G GƏ̄ 13:2

Ni un ndūn kə̄ dɔɔ́ ədań najə̄ yā Kɔ́ɔ̄ɓē dɔ loo tun̄ yá̰á̰ tə́, əda na: Loo tun̄ yá̰a̰! Loo tun̄ yá̰a̰! Ōō najə̄ ń Kɔ́ɔ̄ɓē əda ní! A ojən̄ ngōn̄ kə́ dəngam dan de gə̄ kə́ gír kojə yā Dabid tə́. A əndān̄ rī ngōn̄ ní na i Josias. Ni a tɔ̄l̄ ngé tun̄ yá̰a̰ gə̄ kə́ loo ndɔ̄ȳ gə̄ tə́ ń a róōn̄ yá̰á̰ kə́ kotə majə gə̄ dɔí tə́ ní, yā róōdə́ horoó dɔí tə́. A róōn̄ kə̄ngā de gə̄ horoó dɔí tə́ ō.

1 MBAN̄G GƏ̄ 12:16

Dan ń ngán Israel gə̄ a̰a̰n̄ kadə̄ mban̄g oō yādə́ nin̄ aĺ anī, tél ədan̄ na: Usəjí i rí kə Dabid? Yá̰a̰ ndəbā yājí i dɔ naā tə́ yā ngōn̄ Jese ń noō alé! Israel gə̄, ī-tél āwī gɔgə́ kem kújə tandā yāsí gə̄ tə́! Ngɔlaā ní Dabid, īkɔ́ á̰a̰ gō kem kújə yāí! Loo ń noō tə́ ngán Israel gə̄ tḭ̄ḭ̄n̄ naā kə̄ ɓē yādə́ gə̄ tə́.

1 MBAN̄G GƏ̄ 11:32

Ba gír ɓē kə́ kógə̄ḿ ń a nāy tām̄ yā Salomo̰ tə́ ní na i tām̄ yā Dabid kə́ nge kəla yān ni Kɔ́ɔ̄ɓē tə́ ō, tām̄ yā ɓē kə́ Jerusalem ń ni Kɔ́ɔ̄ɓē n-gə̄rā dan gír ɓē gə̄ malang kə́ Israel tə́ ní ō.

2 SAMUEL 7:16

De kógə̄ḿ dan de gə̄ kə́ gír kojə yāí tə́ a o̰o̰ ɓē gotií tə́ ngándáńg, tɔdɔ̄ yá̰a̰ a yéȳ ko̰o̰ ɓē kə́ gír kojə yāí tə́ alé.

IJAI 7:5

I rɔ̄kum kadə̄ Aram gə̄ ō, Peka ō, áskar gə̄ yā Epəraim ō, gḛyn̄ rāāī yá̰á̰ kə́ majaĺ. Nin̄ ədan̄ na: