IJAI 7:19 - Bibəl ta Sar̄

¹⁹ Nin̄ malang a reēn̄ yā ndi wól man̄ gə̄ kə́ mbal̄ gə̄ i tū tə́ tə́ ō, mbo̰ō̰ mbal̄ kə́ njár̄ gə̄ tə́ ō, kem túpə́ kámbə gə̄ tə́ malang ō, loo malang ń man̄ i tū tə́ ní tə́ ō.

Bible sar

¹⁹ Nin̄ malang a reēn̄ yā ndi wól man̄ gə̄ kə́ mbal̄ gə̄ i tū tə́ tə́ ō, mbo̰ō̰ mbal̄ kə́ njár̄ gə̄ tə́ ō, kem túpə́ kámbə gə̄ tə́ malang ō, loo malang ń man̄ i tū tə́ ní tə́ ō.

IJAI 7:19 Referans Kwoze

IJAI 2:19

Ī-ɓɔ̄ɔ̄ī rɔ̄sí gír mbal̄ gə̄ tə́ ō, ī-túdiī kə̄ kem bəlo gə̄ kə́ dɔ nang tə́ tə́ ō, yā ka̰ȳń Kɔ́ɔ̄ɓē kə́ nge rāā deē kadə̄ ndew ndew ɓōĺ, yā ka̰ȳń bo yān kə́ unjə̄ kow ō ndə́lē ngá̰ý ō, dan ń ni-ḭḭ dɔɔ́ ba yéȳ dɔ nang ní.

JEREMI 16:16

M-ā m-ə́lá kósə de kə́ ngé ndo̰ kānjə̄ gə̄ kadə̄ a ndo̰ō̰n̄də́ tītə̄ loo ndo̰ kānjə̄. Gō tə́ anī, m-ā m-ə́la kósə de kə́ ngé ndo̰ dā̰ gə̄ kadə̄ a ndo̰ō̰n̄də́ tītə̄ loo ndo̰ dā̰ dɔ mbal̄ kə́ bo gə̄ tə́ malang ō, dɔ ngán mbal̄ gə̄ tə́ malang ō, kem bəlo mbal̄ gə̄ tə́ ō. Najə̄ ń Kɔ́ɔ̄ɓē əda ní n noó.

MISE 7:17

Nin̄ a tō̰nə́n̄ bumbə́ru tītə̄ lī beé, tītə̄ dā̰ kə́ kagə nang tə́ gə̄ beé. Nin̄ a teēn̄ loo ɓɔ̄ɔ̄ rɔ̄ yādə́ kə́ ngan̄g ngá̰ý gə̄ tə́ kə rɔ̄ ndeweé, yā reē rɔ̄í ḭ̄ Kɔ́ɔ̄ɓē Nə́ɓā yājí tə́. Nin̄ a ɓōlə́n̄ tɔ́gí ngá̰ý.

IJAI 2:21

Nin̄ a aw̄n̄ yā ɓɔ̄ɔ̄ rɔ̄də́ gír mbal̄ gə̄ tə́ ō, yā túdə̄ kə̄ kem bəlo gə̄ kə́ dɔ nang tə́ tə́ ō, yā ka̰ȳń Kɔ́ɔ̄ɓē kə́ nge rāā deē kadə̄ ndew ndew ɓōĺ ō, yā ka̰ȳń bo yān kə́ unjə̄ kow ō ndə́lē ngá̰ý ō, dan ń ni a ḭḭ dɔɔ́ yā yéȳ dɔ nang ní.

2 YÁ̰A̰ GƏ̄ 33:11

Loo ń noō tə́ Kɔ́ɔ̄ɓē rāā adə̄ ngol gə̄ yā ngé rɔ̄ɔ̄ gə̄ yā mban̄g kə́ Asiri reē rɔ̄ɔ̄n̄də́. Nin̄ əhɔn̄ Manase kə kuyú, tṵ́ṵ̄nən̄ kə súĺ gində̄ nə̄ngá kasə kə́ kəga gidə naā tə́ jōó, ba aw̄n̄ seneé Babilon.

MATIYE 7:16

Ā ī-gerīdə́ i kəla rāādə́ tə́. Deē a əja kan̄ kāgə̄ nduú dɔ kōn̄ ngɔkərɔ tə́ aĺ ō, a əjan̄ kan̄ kótə̄ dɔ kōn̄ ngar̄ tə́ aĺ ō.

IJAI 5:6

M-ā m̄-rāān dɔ nang kə́ kem bembeé tə́. Deē a gán̄g ta jī kāgə̄ kə́ kemeé gə̄ aĺ ō, deē a ró̰ȳ mu kə́ kemeé aĺ ō. Túpə kōn̄ gə̄ a əɓan̄ kem ndɔr̄ kāgə̄ nduú yāḿ tə́ ō, m-ā m-ɔ̄gə̄ kil̄ man̄ gə̄ kəya̰ man̄ kadə̄ edə dɔ tə́ ō.

IJAI 7:24

Túpə kōn̄ gə̄ a taān̄ loo kem ɓēé malang ō, de gə̄ a reēn̄ ndo̰ó̰ kemeé kə kum gərāá ō, kə ga̰ gərā gēé ō.

IJAI 7:25

De gə̄ a ɓōlə́n̄ túpə kōn̄ gə̄, adə̄ deē a aw̄ dɔ ngán mbal̄ gə̄ ń kété a ndɔrə̄n̄ tū tə́ kə kɔsɔɔ́ ní tə́ to̰ alé. A tél i loo kə́ man̄g gə̄ aw̄n̄ ko̰ó̰ tū tə́ ō, a tél i loo ra batə̄ gə̄ ō.

IJAI 55:13

Kāgə̄ sipəres a əɓa kum gotə túpə kōn̄ ō, kāgə̄ kə́ otə majə a to kum gotə mu kə́ kōn̄də́ tōr̄ ngá̰ý gə̄ ō. Yá̰a̰ gə̄ ń noō malang a rāān̄ yá̰a̰ i yā kadə̄ Kɔ́ɔ̄ɓē əngeń kɔr ta. Nge ń noō i yá̰á̰ kə́ yā kɔjəń yá̰á̰ kə́ a to nga̰ńdáńg ō, deē a nujəń kɔ̄ɔ́ aĺ bátə́ ō.

JAKARI 10:8

M-ā m̄-ɓāŕ de gə̄ kə́ dan gír deē yāḿ gə̄ tə́, yā kɔsə dɔdə́ naā tə́. A̰á̰ā̰, m-ā m-ɔ̄r̄də́ ɓəloó ō, kutədə́ a reē ngá̰ý tītə̄ kə́ kété ō.