IJAI 7:18 - Bibəl ta Sar̄

¹⁸ Ndɔ̄ kógə̄ḿ tə́ anī, Kɔ́ɔ̄ɓē a kɔ̄ŕ yá̰a̰ ta kógə̄ḿ, yā ɓārə́nń kón̄g gə̄ kə́ gō loo ń bā Nil a əsō kum bā bo tə́ tū tə́ ní tə́ ō, tejə gə̄ kə́ dɔ nang kə́ Asiri tə́ ō, kadə̄ reēn̄.

Bible sar

¹⁸ Ndɔ̄ kógə̄ḿ tə́ anī, Kɔ́ɔ̄ɓē a kɔ̄ŕ yá̰a̰ ta kógə̄ḿ, yā ɓārə́nń kón̄g gə̄ kə́ gō loo ń bā Nil a əsō kum bā bo tə́ tū tə́ ní tə́ ō, tejə gə̄ kə́ dɔ nang kə́ Asiri tə́ ō, kadə̄ reēn̄.

IJAI 7:18 Referans Kwoze

IJAI 5:26

Kɔ́ɔ̄ɓē udə dərapóo rɔ̄ɔ̄ kógə̄ḿ dɔɔ́, yā kɔrə̄ń najə̄ kə nápar de gə̄ ń ndin̄ sa̰y ní. Nin̄ ń ndin̄ i ta ngóy dɔ nang tə́ ní, ni-ɓāŕdə́ kə ngélé. Anī gír de gə̄ ní nin̄ n toó, nin̄ reēn̄ láẃ ngá̰ý, njadə́ hɔɔ́lɔ̄.

IJAI 31:1

Ngé kaw̄ dɔ nang kə́ Ejiptə tə́ sāā de kə́ ngé rāā sedə́ gə̄ tə́ ní, i yá̰á̰ kə́ to kum kaȳ aĺ kə́ ba̰ý beē n i tām̄ yādə́ tə́ ní! Nin̄ əndān̄ tɔ́gə́də́ i dɔ sə́nda gə̄ tə́, nin̄ əndān̄ kemdə́ i dɔ púsə rɔ̄ɔ̄ gə̄ tə́, tām̄ púsə rɔ̄ɔ̄ gə̄ i ngá̰ý ō, əndān̄ kemdə́ i dɔ ngé kal̄ sə́nda gə̄ tə́, tām̄ nin̄ ngangə̄n̄ ngá̰ý ō. Banī nin̄ a̰a̰n̄ loo kum kə̄ rɔ̄ Nə́ɓā kə́ táĺ yā Israel tə́ alé. Nin̄ sāān̄ Kɔ́ɔ̄ɓē alé.

JOJUE 24:12

M-ə́la kə gəmbā gēé adə̄ tə̄ɓān̄ mban̄g kə́ jōó gə̄ yā Amor gə̄ kɔ̄ɔ́ nosí tə́. Tū yá̰a̰ gə̄ ń noō tə́ malang ní, kaskar yāsí gə̄, kə ga̰ gərā yāsí gə̄ rāān̄ yá̰á̰ kógə̄ḿ alé.

NDŪ NAJƏ̄ 7:20

A əla gəmbā gə̄ dɔdə́ tə́ kadə̄ túrə̄n̄də́ gə̄gē ɓáý. Ngé gə̄ ń teēn̄ ta yo tə́ jīsí tə́ á a̰ȳ ɓɔ̄ɔ̄n̄ rɔ̄də́ ní gə̄gē a gətóon̄ kɔ̄ɔ́ malang.

NDŪ NAJƏ̄ 1:44

Anī Amor gə̄ ń ndin̄ dɔ mbal̄ ngeé ń noō tə́ ní, teē tə́nīn̄ tasí ba rɔ̄ɔ̄n̄sí dɔ mbal̄ Seir tə́. Nin̄ tetən̄sí rɔ̄ɔ̄ ba ngɔ̄də̄n̄sí tītə̄ tejə gə̄ bátə́ ugə̄n̄ sesí Horma.

IJAI 13:5

Kɔ́ɔ̄ɓē ō, ngé gə̄ ń a bə̄gān̄ wōn̄g yān ō ní, ḭḭn̄ i sa̰y ngá̰ý n a reēn̄ ní, ḭḭn̄ i ta ngóy dɔ rā̰ kə́ dām̄ kə́rēý tə́. Nin̄ a nujən̄ ɓē malang kɔ̄ɔ́.

IJAI 7:17

Banī Kɔ́ɔ̄ɓē a əla kə ndɔ̄ kə́ majaĺ gə̄ yā kadī ō, yā kadə̄ gír deē yāí gə̄ ō, yā kadə̄ gír kojə yāí ō. Əla gír ndɔ̄ ń ɓē ko̰o̰ kə́ Israel tə́ ɔrə̄ń rɔ̄n kɔ̄ɔ́ rɔ̄ ɓē ko̰o̰ kə́ Juda tə́ ní, ndɔ̄ gə̄ kə́ ton̄ tītə̄ ndɔ̄ gə̄ ń noō gətóon̄ ɓáý. Yá̰á̰ ń noō a rāā yá̰a̰ i kə ta kūl̄ mban̄g kə́ Asiri.

PĀ GƏ̄ 118:12

Nin̄ gīrə̄n̄ gidəḿ tītə̄ tejə gə̄ beé, banī nin̄ oyn̄ láẃ ngá̰ý tītə̄ hor mu beé. Mā m̄ tā̰də́ rɔ̄ɔ̄ m-ə̄ndādə́ sa̰y kə ta kūl̄ Kɔ́ɔ̄ɓēé.

Teē Ngán Israel gə̄ 8:24

Parao̰ əda na majə, n-a n-əya̰də́ kadə̄ aw̄ tunə̄n̄ yá̰a̰ adə̄n̄ Kɔ́ɔ̄ɓē Nə́ɓā yādə́ kem dəla loo tə́, ba kə lōōn̄ kaw̄ sa̰y. Kə ndɔ̄ȳn̄ tām̄ yān tə́ ō.

Teē Ngán Israel gə̄ 8:21

Parao̰ ɓāŕ Moijə nin̄ kə Aaro̰ ba ədadə́ na kə aw̄ kə tunə̄n̄ yá̰a̰ kə adə̄n̄ Nə́ɓā yādə́, ba kə tunə̄n̄ i kem ɓē ń noō tə́.

NDŪ NAJƏ̄ 28:49

Ni a ɔy nápar de gə̄ kógə̄ḿ kə́ ḭ̄ ī-ger̄ kum najə̄ kɔr̄də́ aĺ gə̄, ta ngóy dɔ nang tə́ sa̰y yā reē ɓōkə́də́ dɔí tə́ tītə̄ kə̄rō kə́ a jə̄ngā kə̄ dɔ dā̰ tə́ yā kəhɔn beé.

JAKARI 10:8

M-ā m̄-ɓāŕ de gə̄ kə́ dan gír deē yāḿ gə̄ tə́, yā kɔsə dɔdə́ naā tə́. A̰á̰ā̰, m-ā m-ɔ̄r̄də́ ɓəloó ō, kutədə́ a reē ngá̰ý tītə̄ kə́ kété ō.

PĀ GƏ̄ 105:31

Nə́ɓā əda najə̄, anī kón̄g mba gə̄ ō yḭ́l̄ gə̄ ō reēn̄ dɔ nang yādə́ tə́ malang.