IJAI 7:14 - Bibəl ta Sar̄

¹⁴ I beé ɓá ní, Kɔ́ɔ̄ɓē nəkɔ́ a adə̄sí yá̰a̰ kɔjə kógə̄ḿ: Ngōmandə a ndān̄ ngōn̄, ba a ojə ngōn̄ kə́ dəngam. A ɓārə́n na i Emanuel, kumən na i Nə́ɓā i sejí.

Bible sar

¹⁴ I beé ɓá ní, Kɔ́ɔ̄ɓē nəkɔ́ a adə̄sí yá̰a̰ kɔjə kógə̄ḿ: Ngōmandə a ndān̄ ngōn̄, ba a ojə ngōn̄ kə́ dəngam. A ɓārə́n na i Emanuel, kumən na i Nə́ɓā i sejí.

IJAI 7:14 Referans Kwoze

MATIYE 1:23

Á̰a̰ī, ngōmandə a ndān̄ ngōn̄, ba a ojə ngōn̄ kə́ dəngam, a əndān̄ rīn na i Emanuel. Kum Emanuel na i Nə́ɓā i sejí.

IJAI 9:6

Ni a teē kem ko̰o̰ ɓē yān kə̄ gogə́ ō, a rāā kadə̄ lɔm kə́ dan gān̄g aĺ to ngándáńg ō. Ni a ndi dɔ kōr̄ kāgə̄ mbang yā Dabid tə́ ō, a ɔr no de gə̄ kə́ kem ɓē ko̰o̰ yān tə́ ō. Ni a əndā ɓē ko̰o̰ yān ní ō, a mbūsə̄ gírən kadə̄ ra gan̄g ō, i kə ta kūl̄ rāā kadə̄ de gə̄ ɓōlə́n̄ gidə yá̰á̰ kə́ súmūú ō, yá̰a̰ rāā kə́ gōtə́ ō, a əla gír i ngɔr ń toō tə́ ō, i kə́ njɔ́ḿ gə̄ tə́ ō. Yá̰á̰ ń Kɔ́ɔ̄ɓē kə́ bo kə́ tɔ́gən i ngá̰ý a rāā tām̄ tár yān kə́ təngā piling tə́ ní n noō.

Najə̄ kə́ Majə yā Jeju ń Luk ndang ní 1:31

Á̰a̰ā̰, ā ī-ndān̄ ngōn̄, ā ójə ngōn̄ kə́ dəngam ba ā ə̄ndā rīn na i Jeju.

JA̰A̰ 1:14

Najə̄ ní tél deē ō, ndi danjí tə́ ō. J-a̰a̰ kɔsə gɔn yān. I kɔsə gɔn yā Ngōn̄ kə́ kal kógə̄ḿ beē kə́ ḭḭ rɔ̄ Bɔbə̄n tə́. Ngōn̄ ní kemən majə ngá̰ý ō, najə̄ kə́ rɔ̄kum i ngá̰ý kemən tə́ ō.

Najə̄ kə́ Majə yā Jeju ń Luk ndang ní 1:35

De kə́ dɔ rā̰ tə́ ní tél ədan na: Ndíĺ kə́ Táĺ a reē dɔí tə́ ō, tɔ́gə yā Nə́ɓā kə́ dɔɔ́ a il̄ dɔí tə́ nding ō. I tām̄ najə̄ ń noō tə́ n ngōn̄ ń ā ójən ní i de kə́ táĺ ō, a ɓāŕnən̄ na i Ngōn̄ Nə́ɓā ō ní.

1 TIMOTE 3:16

Rɔ̄kum, yá̰á̰ kə́ to loo mundə̄ tə́ ń taā kem adə̄jí ní, i yá̰á̰ kə́ bo ngá̰ý. Kərist tél deē, ɔjəń rɔ̄n kə̄ ndágá adə̄ de gə̄ a̰a̰nən̄, Ndíl kə́ Táĺ teē kum de gə̄ dɔ tə́ kadə̄ ni i de kə́ gōtə́ ō, de kə́ dɔ rā̰ tə́ gə̄ a̰a̰nən̄ ō, de gə̄ ənīn̄ mbēr̄ najə̄ yān dan gíŕ nápar de gə̄ tə́ ō, de gə̄ taān̄ kemən dɔ nang tə́ laā ō, ɔsənən̄ kə̄ dɔɔ́ ɔsən̄neé gɔnən ō.

IJAI 8:8

A aw̄ yā kugə̄ ɓē ko̰o̰ kə́ Juda tə́. A teē kem kārə̄n tə́ kə̄ ndágá ō, a taā ɓē ko̰o̰ kə́ Juda ō, a əhɔn míndən tə́ ō. A taā loo ta kaw̄ sa̰y, a taā ɓē yāí ḭ̄ Emanuel malang.

TA KƏLA 3:15

M-ā m-ə̄nī madə̄ ba̰ā̰ naā dɔ dáńsí tə́ kə dəyá̰ ō, dɔ dáń gír kaa yāí tə́ kə gír kaa yānneé ō. Ni a rējə̄ dɔí, ba ḭ̄ ā ī-tə́gā gíŕ gándən.

IJAI 8:10

Ī-númī yá̰á̰ kə́ yā rāā gə̄ tā a nujənə̄ń kɔ̄ɔ́. Ī-tɔ́tī naā dɔ loo rāān yāsí gə̄ tə́ tā a to alé. Ɔ̄rī najə̄ kə́ sɔɔ̄ dɔ yá̰á̰ kə́ yā rāā ba najə̄ kɔr̄sí ní a udə gírí alé. Tɔdɔ̄ Nə́ɓā i naā tə́ sejí.

JEREMI 31:22

Ngōmandə kə́ nge túy taā kem yān, ā ɔ̄r̄ rɔ̄í kə̄ gogə́ yā ndi kə kérí tītə̄ de kə́ mbóo i bátə́ rə́ngáý tə́? Kɔ́ɔ̄ɓē əndā yá̰á̰ kə́ kijə dɔ nang tə́. De kə́ dəyá̰ nong dəngam.

Makətūbə̄ ń Pol ndang adə̄ Rom gə̄ ní 9:5

I nin̄ ɓáý to̰ n i ngán kaa ngé taā kem kə́ jóo gə̄ ní. Kə́ ta yā deē ndul gə̄ tə́ ɓáa Kərist i deē yādə́. Ni i dɔ yá̰a̰ gə̄ tə́ malang ō, i Nə́ɓā kə́ de gə̄ a tɔ̄ȳnən̄ ngándáńg ō. Adə̄ i tītə̄ ń noō.

1 SAMUEL 1:20

adə̄ Ana ndān̄ ngōn̄. Dan ń ndɔ̄ kojə yān asə anī ojə ngōn̄ kə́ dəngam, ba əndā rīn na i Samuel, tɔdɔ̄ ni-əda na n-gəden na i jī Kɔ́ɔ̄ɓē tə́.

1 SAMUEL 4:21

Ni-əndā rī ngōn̄ ní na i Ikabod. Kumən na Kɔsə gɔn gətóo kɔ̄ɔ́. Tɔdɔ̄ dəyá̰ ní əda na: Unən̄ kɔsə gɔn dɔ nang kə́ Israel tə́ aw̄n̄neé kɔ̄ɔ́. Ni-əda najə̄ ní sɔɔ̄ń i sandúkə yā Nə́ɓā ń i kə́ kun kɔ̄ɔ́ ní ō, sɔɔ̄ń i umən ō, ngaan ō.

TA KƏLA 30:8

Rasel əda na n-rɔ̄ɔ̄ rɔ̄ɔ̄ kə́ ngan̄g ngá̰ý kə ngōkó̰o̰n kə́ dəyá̰, adə̄ n-tetən rɔ̄ɔ̄. Ni-əndā rī ngōn̄ ní na i Nepətali.

TA KƏLA 30:6

Rasel əda na Nə́ɓā na gān̄g sarya yān kə gōó, na oō ndūn, adə̄ na adə̄n ngōn̄ kə́ dəngam. I tām̄ ń noō tə́ n əndā rīn na i Dan ní.

TA KƏLA 4:25

Adam ɓīī kə nə̄yá̰neé ɓáý, adə̄ nə̄yá̰n ojə ngōn̄ kə́ dəngam, ba əndā rīn na i Set tɔdɔ̄ ni-əda na: Nə́ɓā ndigə kadə̄m̄ ngōn̄ kə́ rang gotə Abel ń Kain tɔ̄lə̄n tə́ ní.

TA KƏLA 16:11

Ḭ̄ i kə ngōnōó kemií tə́. A ójə ngōn̄ kə́ dəngam, ba ā ə̄ndā rīn na i Ismael, tɔdɔ̄ Kɔ́ɔ̄ɓē oō nōō wur kɔl yāí.

Najə̄ kə́ Majə yā Jeju ń Luk ndang ní 2:12

Yá̰á̰ ń a ɔjəsí dɔn ní n toó: Ā ə́ngeī ngōn̄ kə́ kásə́ kə́ ɓír̄nən̄ kə kūbūú, ba ənīnən̄ kem kōr̄ kāgə̄ kəsa yá̰a̰ yā dā̰ gə̄ tə́.

IJAI 38:7

Ijai tūr̄ ədan na: Kɔ́ɔ̄ɓē a ɔjiī kadə̄ na n ra dɔ ndūn tə́. Yá̰á̰ kə́ yā kɔjiīń kadə̄ na n ra dɔ ndūn tə́ ń a adī ní n toó:

JEREMI 23:6

Ɓāl̄ yān tə́ ní, ngán Juda gə̄ a ajən̄ ō, ngán Israel gə̄ a ndin̄ kanjə̄ sōl̄ yá̰á̰ kógə̄ḿ ō. Ōōī rī ń a ɓār̄nən̄neé ní: Kɔ́ɔ̄ɓē i gōtə́ yājí.

JEREMI 44:29

Kɔ́ɔ̄ɓē ɔr̄ najə̄ i tītə̄ ń toō beé: Yá̰á̰ ń a ɔjəsí kadə̄ m-ā m̄-rāā yá̰a̰ sesí loo ń toō tə́ ō, kadə̄ najə̄ ń m-ə́da dɔsí tə́ ní a rāā yá̰a̰, adə̄ yá̰á̰ kə́ to kum kaȳ aĺ a rāāsí ō ní n toó.

NGÉ SARYA 6:36

Gō tə́ anī Jedeo̰ əda Nə́ɓā na ré ndigə kunən yā kajəń ngán Israel gə̄ tītə̄ ń ədań ní anī,

1 MBAN̄G GƏ̄ 13:3

Deē yā Nə́ɓā ní əda najə̄ ń toō ɓáý to̰, əda na yá̰á̰ ń kadə̄ deē gerə̄ń kadə̄ i Kɔ́ɔ̄ɓē n ɔr̄ najə̄ ní n toó: Loo tun̄ yá̰a̰ a njar naā tə́ ō, yibə̄ dā̰ kə́ dɔ tə́ a tə́sō nang tə́ ō.

PĀ GƏ̄ 46:8

Kɔ́ɔ̄ɓē kə́ bo kə́ tɔ́gən i ngá̰ý ní i naā tə́ sejí. Nə́ɓā yā Jakob i loo kə́ ngan̄g yājí kə́ kem ɓēé.

MISE 5:2

Kɔ́ɔ̄ɓē a əya̰ gír deē yān gə̄ kɔ̄ɔ́ dan kə́rēý tə́. Gō tə́ anī, ndɔ̄ a reē noó kadə̄ dəyá̰ ń sɔɔ̄ kadə̄ ojə ngōn̄ ní, ojə ngōn̄ kə́ dəngam. Ngé gə̄ ń a ndin̄ kə kumdə́ ɓáý gō kɔydə́ kaw̄ sedə́ dɔ ɓē kə́ rang tə́ dɔ gúú tə́ ní, a reēn̄ yā kənge gotə́ Israel gə̄ kadə̄ a ɓoon̄ naā.

Najə̄ kə́ Majə yā Jeju ń Luk ndang ní 20:44

Ní, dan ń Dabid a ɓārə́n na i Kɔ́ɔ̄ɓē ní, loo kadə̄ ni i ngōn̄ kaan ɓáý to̰ ní i ba̰ý?