IJAI 66:5 - Bibəl ta Sar̄

⁵ Sḭḭ̄ ń ī-taāī najə̄ yā Kɔ́ɔ̄ɓē ō, ī-ɓōlíī gidə najə̄ yān ngá̰ý ō ní, ōōī yá̰á̰ ń Kɔ́ɔ̄ɓē əda ní: Ngákó̰ó̰sí kə́rēý gə̄ ní nel̄də́ sesí aĺ ngá̰ý ō, nin̄ tə̄ɓān̄sí kɔ̄ɔ́ najə̄ yāḿ mā tə́ ō. Nin̄ mbóōn̄ sesí ədan̄ na: Ādə̄ Kɔ́ɔ̄ɓē ɔjə kɔsə gɔn yān kə̄ ndágá, loo ń noō tə́ j-a j-a̰a̰ rɔ̄nel̄ yāsí! Banī i nin̄ n rɔ̄də́ a sɔl̄də́ ngá̰ý ní.

Bible sar

⁵ Sḭḭ̄ ń ī-taāī najə̄ yā Kɔ́ɔ̄ɓē ō, ī-ɓōlíī gidə najə̄ yān ngá̰ý ō ní, ōōī yá̰á̰ ń Kɔ́ɔ̄ɓē əda ní: Ngákó̰ó̰sí kə́rēý gə̄ ní nel̄də́ sesí aĺ ngá̰ý ō, nin̄ tə̄ɓān̄sí kɔ̄ɔ́ najə̄ yāḿ mā tə́ ō. Nin̄ mbóōn̄ sesí ədan̄ na: Ādə̄ Kɔ́ɔ̄ɓē ɔjə kɔsə gɔn yān kə̄ ndágá, loo ń noō tə́ j-a j-a̰a̰ rɔ̄nel̄ yāsí! Banī i nin̄ n rɔ̄də́ a sɔl̄də́ ngá̰ý ní.

IJAI 66:5 Referans Kwoze

IJAI 66:2

I mā n m̄-rāā yá̰a̰ gə̄ ń noō malang ní. Yá̰a̰ malang ń noō i yá̰a̰ yāḿ, i najə̄ ń Kɔ́ɔ̄ɓē əda ní n noó. Banī deē ń m-á̰a̰n kə kumḿ kə́ majaá ní, i de kə́ nge rɔ̄ to ndoō ń tɔ́gən ur̄ wak kɔ̄ɔ́ ní, i deē ń oō najə̄ yāḿ anī ɓōĺ gidə ngá̰ý ní.

MATIYE 10:22

De gə̄ malang a imə̄n̄sí najə̄ yā rīḿ tə́, banī deē n a əhɔ sásáp mbóńg ta tɔ̄l̄ ta tə́ ní a ajə.

PĀ GƏ̄ 38:20

Madə̄ ba̰ā̰ḿ gə̄ ndin̄ kə kumdə́ majə ō, ngangə̄n̄ ngá̰ý ō. Ngé kimə̄ḿ kanjə̄ kumən gə̄ i ngá̰ý.

JA̰A̰ 9:34

Nin̄-tél ədanən̄ na: Ojiīn̄ i kum majaĺ tə́ anī ī-gḛy ndóōjí yá̰a̰ a? Gō tə́ anī nin̄-tə̄ɓānən̄ ndágá kɔ̄ɔ́.

JEREMI 36:16

Dan ń nin̄ oōn̄ najə̄ gə̄ ń noō malang anī, ɓōĺ rāādə́ ngá̰ý adə̄ a̰a̰n̄ ta kum naā ba ədan̄ Baruk na: J-a j-aw̄ yā kənī gotə najə̄ ń toō malang kadə̄ mban̄g oō.

IJAI 5:19

Tá nin̄ ədan̄ na: Ādə̄ Kɔ́ɔ̄ɓē rāā yá̰á̰ láẃ, jə-sāā ka̰a̰n loo rāā yá̰á̰ tə́! Ādə̄ yá̰á̰ ń Nə́ɓā kə́ táĺ yā Israel ɔjə rāā ní téĺ yá̰á̰ kə́ rɔ̄kum láẃ, jə-sāā ger̄ yá̰á̰ ní!

PĀ KƏ́ MAJƏ 1:6

Ré m̄-ndul sḛ́ý ō mbang rāām̄ adə̄ m̄-kərē kasə ō anī, ī-lōōī kəndā kumsí gírí. Ngákó̰ó̰ḿ kə́ dəngam gə̄ rāān̄ wōn̄g seḿ: Nin̄-əndāmə̄n̄ ta ngɔ̄m̄ kāgə̄ nduú gə̄ tə́. M-ə̄ndā kumḿ gír kāgə̄ nduú yāḿ mā tə́ alé.

1 JA̰A̰ 3:13

Ngákó̰ó̰ḿ gə̄, ré de kə́ dɔ nang tə́ gə̄ imə̄n̄sí anī, ādī ɔr kumsí alé.

Najə̄ kə́ Majə yā Jeju ń Luk ndang ní 13:17

Dan ń ni-əda najə̄ ń toō anī, madə̄ kɔ̄lən gə̄ malang ní rɔ̄də́ sɔl̄də́, ba kósə de gə̄ malang tá rɔ̄də́ nel̄də́ ngá̰ý tām̄ yá̰á̰ kə́ majə ngá̰ý gə̄ malang ń ni-rāā tə́ ní.

Gōsə̄ najə̄ gə̄ 13:13

Deē ń kídə̄ kɔjə̄ ní a tḭ̄ḭ̄ ta rɔ̄n, deē ń ɓōĺ gō míndə ní a əndān̄ njan.

HEBƏRO 9:28

i tītə̄ ń noō n Kərist adə̄ rɔ̄n yá̰a̰ tun̄ tə́ nja kógə̄ḿ yā kunəń majaĺ yā de gə̄ ngá̰ý gə̄ kɔ̄ɔ́ ní. Ni a teē nja kə́ nge ko̰ jōó, i yā kun majaĺ kɔ̄ɔ́ to̰ alé, banī i yā kajə ngé gə̄ ń ndi ngóōnən̄ ní.

TITƏ 2:13

Majə kadə̄ jə-ngóōī rɔ̄nel̄ ń j-əndāī kemjí dɔ tə́ ní i tītə̄ ń noō. Ndɔ̄ ngeé ń noō tə́ ní, kɔsə gɔn yā Nə́ɓā yājí kə́ bo ō, kə́ nge kajəjí ō ń i Jeju Kərist ní, a ɔjə rɔ̄n kə̄ ndágá.

JA̰A̰ 16:2

A tə̄ɓān̄sí kɔ̄ɔ́ kem kújə́ kán̄ naā gə̄ tə́. Tá ɓáý to̰ ní, ndɔ̄ a reē nuú yā kadə̄ náā nəkɔ́ ń a tɔ̄l̄sí ní a gír̄ na n rāā na i kəlā n-adə̄ Nə́ɓā.

IJAI 60:15

Kété ní əya̰īn̄ kɔ̄ɔ́, de gə̄ kídīn̄ ō, deē mān̄ looí aĺ ō. Ngɔlaā ní m-ā m̄-rāāī kadə̄ ā ī-majə ngá̰ý, kadə̄ ā ī-téĺ yá̰a̰ kənda kadə kə́ ngándáńg ō, yá̰a̰ rɔ̄nel̄ kə́ kə dɔ ɓāl̄ gə̄ ɓāl̄ gə̄ ō.

2 TESALONIK 1:12

I tītə̄ ń noō n rī Kɔ́ɔ̄ɓē Jeju a əngeń kɔsə gɔn kə ta kūl̄sí sḭḭ̄ḭ́ ō, sḭḭ̄ ā ə́ngeīń kɔsə gɔn kə ta kul̄ən ní ō ní. Yá̰á̰ ń kem majə yā Nə́ɓā yājí ō, yā Kɔ́ɔ̄ɓē Jeju Kərist ō, a rāā ní n noó.

IJAI 65:13

I tām̄ najə̄ ń toō tə́ n yá̰á̰ ń mā Kɔ́ɔ̄ɓē Nə́ɓā m-ə́dá ní n toó ní: Ngé gə̄ ń rāān̄ kəla adə̄mə̄n̄ ní, a əsan̄ yá̰a̰, banī sḭḭ̄ ɓō a rāāsí. Ngé gə̄ ń rāān̄ kəla adə̄mə̄n̄ ní, a a̰ȳn̄ yá̰a̰, banī sḭḭ̄ kəndā a rāāsí. Ngé gə̄ ń rāān̄ kəla adə̄mə̄n̄ ní, a ndin̄ dan rɔ̄nel̄ tə́, banī sḭḭ̄ rɔ̄sí a sɔl̄sí ngá̰ý.

OJEE 11:10

De gə̄ ń ɔyn̄də́ aw̄n̄ sedə́ dɔ ɓē kə́ rang tə́ dɔ gúú tə́ ní, njə̄rān̄ kumdə́ kə̄ kété, nin̄ unən̄ gō Kɔ́ɔ̄ɓē, kə́ nge nōō tītə̄ ɓɔl beé. Dan ń ngánən kə́ no ɓē tə́ gə̄ oōn̄ nōōn anī, reēn̄ kə rɔ̄ ndebeé.

1 MBAN̄G GƏ̄ 21:29

Á̰á̰ téĺ ń Akab tél kə rɔ̄neé kə̄ nang tə́ ta kumḿ tə́ ní a? Dan ń ni-tél kə rɔ̄neé kə̄ nang tə́ beē ɓá ní, m-ā m-ādə̄ yá̰á̰ kə́ to kum kaȳ aĺ a rāā de gə̄ kə́ gír kojə yān tə́ ɓāl̄ yān tə́ alé, banī m-ā m-ādə̄ a rāādə́ i ɓāl̄ yā ngōnən tə́.

2 MBAN̄G 22:10

Gō tə́ anī Sapan əda na Hilkia ngol ngé tun̄ yá̰a̰ gə̄ na adə̄n makətūbə̄ ń toō. Sapan tə́da makətūbə̄ ní adə̄ mban̄g.

2 YÁ̰A̰ GƏ̄ 34:27

Najə̄ kə́ dɔ Jerusalem tə́ ō, dɔ de kə́ kemeé gə̄ tə́ ō ń m-ɔ̄r̄ kemeé ní ḭ̄ ī-nēl̄ mbīí majə ōoń, tɔdɔ̄ najə̄ ní tōr̄ kemií adə̄ ī-tél kə rɔ̄í kə̄ nang tə́ ta kumḿ tə́ ō, ī-*rə́yā̰ kūbə̄ gə̄ kə́ rɔ̄í tə́ ō, ī-nōō kə man̄ kumií ō. Ní mā Kɔ́ɔ̄ɓē m-ə́daī na m-ōō ndūí.

ESDRAS 9:4

Banī de gə̄ malang ń a oōn̄ najə̄ yā Nə́ɓā yā Israel anī a ndewn̄ i mbéé ní kánə̄n̄ naā kə̄ dɔḿ tə́ najə̄ yā yá̰á̰ kə́ majaĺ ń ngé tél ɓəloó gə̄ rāān̄ ní tə́. Tɔ́gə́ḿ ur̄ wak adə̄ m̄-ndi nang tə́ bátə́ ugə̄ń kum mbang ndējə̄ yá̰á̰ kə́ loo tíbí tə́.

PĀ GƏ̄ 119:120

m̄-ra ta kumií tə́ anī m̄-ndebə kə̄ rɔ̄ḿ gə̄ tə́ malang, tɔdɔ̄ m̄-ɓōĺ ndílí ō, Ndūí gə̄ ń ī-ra dɔ tə́ yā rāā ní adə̄mə̄n̄ ɓōĺ ō.

IJAI 26:11

Kɔ́ɔ̄ɓē, ḭ̄ ún jīí kə̄ ɓir̄ dɔɔ́ yā kəndań ndéy, ba nin̄ a̰a̰n̄ jīí ní alé. Banī nin̄ a a̰a̰n̄ rɔ̄ɔ̄ ń ī-rɔ̄ɔ̄ dɔ gír deē yāí gə̄ tə́ kə táŕ kə́ o̰o̰ hor ngá̰ý ní. Loo ń noō tə́ rɔ̄də́ a sɔl̄də́ ngá̰ý. Hor ń ī-rāā tām̄ yā madə̄ ba̰ā̰í gə̄ tə́ ní a o̰o̰də́.