IJAI 66:4 - Bibəl ta Sar̄

⁴ I beé ní, mā m̄-gə̄rā i kəya̰də́ kem jī yá̰a̰ gə̄ ń yə̄ngā yādə́ gə̄ a reēnəń dɔdə́ tə́ ní ō. M-ā m̄-rāā kadə̄ yá̰á̰ ń a adə̄də́ ɓōĺ ní reē dɔdə́ tə́. Tām̄ mā m̄-ɓāŕ yá̰a̰ banī deē ndigəm̄ alé, m-ɔ̄r̄ najə̄, banī deē oō alé. Nin̄ rāān̄ yá̰á̰ kə́ majaĺ ta kumḿ tə́, gə̄rān̄ yá̰á̰ kə́ nelə̄m̄ alé.

Bible sar

⁴ I beé ní, mā m̄-gə̄rā i kəya̰də́ kem jī yá̰a̰ gə̄ ń yə̄ngā yādə́ gə̄ a reēnəń dɔdə́ tə́ ní ō. M-ā m̄-rāā kadə̄ yá̰á̰ ń a adə̄də́ ɓōĺ ní reē dɔdə́ tə́. Tām̄ mā m̄-ɓāŕ yá̰a̰ banī deē ndigəm̄ alé, m-ɔ̄r̄ najə̄, banī deē oō alé. Nin̄ rāān̄ yá̰á̰ kə́ majaĺ ta kumḿ tə́, gə̄rān̄ yá̰á̰ kə́ nelə̄m̄ alé.

IJAI 66:4 Referans Kwoze

IJAI 65:12

I beé ní, m-ā m-ə́lásí kem jī madə̄ ba̰ā̰sí gə̄ tə́. Ā ɔ́siī kejəsí nang tə́ malang kadə̄ a əjan̄ míndə́sí. Tām̄ m̄-ɓāŕ yá̰a̰, banī sḭḭ̄ ī-ndigiī alé. Mā m-ɔ̄r̄ najə̄, banī sḭḭ̄ ōōī alé. Sḭḭ̄ ī-rāāī yá̰á̰ kə́ majaĺ ta kumḿ tə́, i yá̰á̰ ń nelə̄m̄ aĺ ní, sḭḭ̄ ī-gə̄rāī ní.

JEREMI 7:13

Dan ń sḭḭ̄ ī-rāāī yá̰a̰ gə̄ ń toō malang ō, m-ɔ̄r̄ najə̄ sesí kə̄ nja naā tə́ ba ī-mbātíī koō ō, m̄-ɓārsí ba ī-mbātíī ndigə ō ní,

Gōsə̄ najə̄ gə̄ 10:24

I yá̰á̰ ń nge kem ndul ɓōĺ najə̄n tə́ ní n reē rāān ní. Nə́ɓā a adə̄ de kə́ súmūú gə̄ yá̰á̰ ń nin̄ gḛyn̄ ní.

Gōsə̄ najə̄ gə̄ 1:24

Banī m̄-ɓāŕsí anī ī-mbātíī ɓār̄ yāḿ ō, m-ə́la jīḿ kə̄ rɔ̄sí tə́ anī de kə́ usən dɔ tə́ gətóo ō,

2 MBAN̄G 21:6

Róō ngōnən kə́ dəngam horoó adə̄ ɓesə̄ ō, rāā kəga kə́ tayā tayā gə̄ ō, aw̄ ndḛḛ̄ sāá rɔ̄ kɔdə̄ sāā gə̄ tə́ ō. To dan rāā yá̰á̰ kə́ majaĺ ta kum Kɔ́ɔ̄ɓē tə́ kə̄ non tə́ adə̄ń Kɔ́ɔ̄ɓē wōn̄g.

2 MBAN̄G 21:2

Ni-rāā yá̰á̰ kə́ majaĺ ta kum Kɔ́ɔ̄ɓē tə́. Ndájə̄ yá̰á̰ kə́ majaĺ ngá̰ý gə̄ yā nápar de gə̄ ń Kɔ́ɔ̄ɓē tə̄ɓādə́ kɔ̄ɔ́ no ngán Israel gə̄ tə́ ní.

PĀ GƏ̄ 81:12

Banī gír deē yāḿ gə̄ oōn̄ ndūḿ alé, Israel ndigə najə̄ yāḿ alé.

MATIYE 24:24

Tām̄ Kərist kə́ rɔ̄kum aĺ gə̄ ō, ngé koō ta kə́ rɔ̄kum aĺ gə̄ ō a ḭḭn̄, ba a rāān̄ yá̰á̰ kə́ yáā kə́ bo ngá̰ý gə̄ ō, yá̰á̰ kə́ to kɔr kum gə̄ ō yā góləń de gə̄. Adə̄ nə́ngētə́ asə i naā tə́ anī a gólə̄n̄ ngé gə̄ ń Nə́ɓā gə̄rādə́ ní gə̄gē.

IJAI 65:3

Gír de gə̄ ń too sāān̄ tām̄ kə̄ nja naā tə́ ō, i kə̄ dɔ ndágá wáńg ō. Nin̄-tunə̄n̄ yá̰á̰ kə́ kem ndɔr̄ gə̄ tə́. Nin̄ róōn̄ ndujə̄ yá̰á̰ kə́ kotə majə gə̄ dɔ bəríkə gə̄ tə́ adə̄n̄ nə́ɓā kə́ rɔ̄kum aĺ gə̄.

IJAI 50:2

Dan ń m̄-reē ní, m-ə́nge deē kógə̄ḿ alé. Ní i tām̄ rí tə́? Dan ń m̄-ɓāŕ yá̰á̰ ní, deē daləm̄ alé. Ní, i tām̄ rí tə́? Mā m-ásə kɔr̄sí ɓəloó aĺ a? Tɔ́gə́ḿ kə́ kadə̄ m-ájəńsí gətóo a? Tá kə ta kūl̄ najə̄ kə́ m̄-ndángəń loo ngóy, m̄-rāā adə̄ bā bo tutə kɔ̄ɔ́ ō, m̄-rāā adə̄ bā gə̄ télən̄ dəla loo ō. Adə̄ dan ń man̄ gətóó ní, kəndā man̄ tɔ̄l̄ kānjə̄ gə̄ ō, nin̄ ndumən̄ ō.

1 SAMUEL 8:19

Ngán Israel gə̄ mbātə́n̄ koō yā Samuel ba ədan̄ na: Nge ń noō usəjí alé. Jə-sāā i mban̄g kadə̄ ndi dɔjí tə́,

IJAI 59:7

Njasí gə̄ a a̰ȳn̄ ngɔ̄də̄ a aw̄n̄ i kə̄ rāā yá̰á̰ kə́ majaĺ tə́, de gə̄ kə́ najə̄ gətóo dɔdə́ tə́ ní, sḭḭ̄ ī-tewleī loo tɔ̄l̄də́ tə́. Sḭḭ̄ ī-gírī i rāā yá̰á̰ kə́ majaĺ ngóy. Loo malang ń sḭḭ̄ ī-teēī tū tə́ ní, i yá̰a̰ rāā kə́ kə dɔ́nɔ́ n a to tū tə́ ō, i yá̰á̰ kə́ nujən a to tū tə́ ō.

IJAI 65:7

a əgān̄ kə̄ran yā kaadə́ gə̄ ō. Kaadə́ gə̄ ní róōn̄ ndujə̄ yá̰á̰ kə́ kotə majə gə̄ kə̄ dɔ mbal̄ bo gə̄ tə́ ō, tájə̄mə̄n̄ dɔ ngán mbal̄ gə̄ tə́ ō. I beé ní, yá̰á̰ ń nin̄ rāān̄ kété jóó ní, m-ā m̄-rāā kadə̄ nin̄ a əgān̄ kə̄rān ngá̰ý. I mā Kɔ́ɔ̄ɓē n m-ə́da na najə̄ ń noō i najə̄ kə́ rɔ̄kum ní.

JEREMI 7:30

De kə́ Juda tə́ gə̄ rāān̄ yá̰á̰ kə́ majaĺ kə́ nelə̄m̄ aĺ ngá̰ý tə́ndān̄ yá̰á̰ kə́ yḛr yādə́ gə̄ kem kújə́ ń rīḿ ɓār̄ dɔ tə́ ní tə́, adə̄ téĺ yá̰á̰ kə́ yḛr. Najə̄ ń Kɔ́ɔ̄ɓē əda ní ń noó.

JEREMI 35:17

I tām̄ən ń toō tə́ n Kɔ́ɔ̄ɓē kə́ tɔ́gən i ngá̰ý, Nə́ɓā yā Israel ɔr̄ najə̄ i tītə̄ ń toō beé ní: M-ā m̄-rāā kadə̄ yá̰á̰ kə́ to kum kaȳ aĺ gə̄ malang ń m-ɔ̄r̄ najə̄də́ sɔɔ̄ dɔ Juda ō sɔ̄ɔ̄ dɔ de gə̄ malang ń ndin̄ Jerusalem tə́ ō ní rāā yá̰a̰, tɔdɔ̄ m-ɔ̄r̄ najə̄ sedə́ ba oōn̄ aĺ ō, m̄-ɓāŕdə́ ba ndigən̄ ɓār̄ taḿ tə́ aĺ ō.

EJEKIEL 11:8

Sḭḭ̄ ī-ɓōlíī rɔ̄ɔ̄! I beé ní, m-ā m-ə́lań yā kadə̄sí. I mā Kɔ́ɔ̄ɓē Nə́ɓā n m-ə́da najə̄ ní.

EJEKIEL 14:4

I beé ní, ə́dádə́ yá̰á̰ ń mā Kɔ́ɔ̄ɓē Nə́ɓā m-ə́dádə́ ní: Tītə̄ ń toō ré deē kógə̄ḿ kə́ Israel tə́ əhɔ gō ɓesə̄ yān gə̄ ō, gḛy yá̰á̰ ń a rāān adə̄ a tə́sō kum majaĺ tə́ ní ngá̰ý ō, ba reē koō najə̄ kə́ ta nge koō ta kógə̄ḿ tə́ anī, i mā Kɔ́ɔ̄ɓē n m-ā tūrə̄n najə̄ tə́ ní. Ba m-ā m̄-rā i dɔ ɓesə̄ yān kə́ ngá̰ý gə̄ ń ni a rɔȳdə́ tə́ ní yā tūrəń najə̄ kədan.

EJEKIEL 20:25

Ndū najə̄ kə́ majaĺ gə̄ ō, jī bēl̄ loo rāā yá̰a̰ gə̄ kə́ a rāān̄ deē kadə̄ ndi kə kumneé aĺ gə̄ ō ní, m-ādə̄də́ gə̄gē.

IJAI 59:15

A̰á̰ā̰, kɔr̄ najə̄ kə́ rɔ̄kum gətóo kɔ̄ɔ́ ō, deē ń ndigə ɓōĺ gidə yá̰a̰ rāā kə́ gōtə́ anī, a nārə̄n̄ yá̰a̰ yān malang kɔ̄ɔ́ ō. Kɔ́ɔ̄ɓē a̰a̰ yá̰a̰ gə̄ ń noō malang. Ni-a̰a̰ kadə̄ gətóo yā yá̰á̰ kə́ súmūú i yá̰á̰ kə́ majaĺ.

IJAI 65:2

m̄-sə́ra jīḿ kanjə̄ kəya̰ ta kum kə̄ rɔ̄ gír de gə̄ kə́ nin̄ i ngé ra dɔ ndūdə́ tə́ aĺ gə̄ tə́, kum kə̄ rɔ̄ de kə́ ngé njə̄rā dɔ róbə́ kə́ majaĺ tə́ gə̄ tə́ ō, a rāān̄ i yá̰á̰ kə́ nel̄də́ ngóy ō tə́.