IJAI 66:2 - Bibəl ta Sar̄

² I mā n m̄-rāā yá̰a̰ gə̄ ń noō malang ní. Yá̰a̰ malang ń noō i yá̰a̰ yāḿ, i najə̄ ń Kɔ́ɔ̄ɓē əda ní n noó. Banī deē ń m-á̰a̰n kə kumḿ kə́ majaá ní, i de kə́ nge rɔ̄ to ndoō ń tɔ́gən ur̄ wak kɔ̄ɔ́ ní, i deē ń oō najə̄ yāḿ anī ɓōĺ gidə ngá̰ý ní.

Bible sar

² I mā n m̄-rāā yá̰a̰ gə̄ ń noō malang ní. Yá̰a̰ malang ń noō i yá̰a̰ yāḿ, i najə̄ ń Kɔ́ɔ̄ɓē əda ní n noó. Banī deē ń m-á̰a̰n kə kumḿ kə́ majaá ní, i de kə́ nge rɔ̄ to ndoō ń tɔ́gən ur̄ wak kɔ̄ɔ́ ní, i deē ń oō najə̄ yāḿ anī ɓōĺ gidə ngá̰ý ní.

IJAI 66:2 Referans Kwoze

IJAI 57:15

Yá̰á̰ ń Nə́ɓā kə́ táĺ əda ní n toó, ni ń i dɔ yá̰a̰ gə̄ tə́ malang ō, aw̄ kə kújə́ kə́ yā ndi tū tə́ kə́ to ngándáńg ō ní: Mā i Nə́ɓā kə́ táĺ, m̄-ndi dɔɔ́ nuū. Banī mā i naā tə́ kə de gə̄ ń de gə̄ a rējə̄n̄də́ ō, dan wurdə́ i dan wur nge ndoō ō ní. Ngé gə̄ ń dan wurdə́ i dan wur nge ndoō ní, m̄-ndigə tél kə ndi kə kumuú kadə̄də́ gogə́, ngé gə̄ ń de gə̄ rējə̄n̄də́ ní, m̄-ndigə tél kə ndi kə kumuú kadə̄də́ gogə́.

PĀ GƏ̄ 34:18

De kə́ sew gə̄ əgan̄ kɔŕ anī Kɔ́ɔ̄ɓē oō ō, ɔr̄də́ kɔ̄ɔ́ kem wur kɔl yādə́ gə̄ tə́ malang ō.

PĀ GƏ̄ 51:17

Kɔ́ɔ̄ɓē, ī-teē taḿ ādə̄ m̄-ɓōkíīneé tɔ̄ȳ.

PILIPƏ 2:12

I beé ní kó tár yāḿ gə̄, dan ń mā i rɔ̄sí tə́ ní, sḭḭ̄ ōōī taḿ ngándáńg. Ba ngɔlaā ń m̄-gətóo rɔ̄sí tə́ toō ní, majə kadə̄ ōōī taḿ kadə̄ tɔȳ kə́ kété. Ī-rāāī kəla kə́ tām̄ yā kajə ń ajən̄sí tə́ ní kə ɓōló ō, kə rɔ̄ ndeweé ō.

Gōsə̄ najə̄ gə̄ 28:14

Rɔ̄nel̄ i kə deē ń ɓōĺ najə̄ kadə̄ na n-rāā yá̰á̰ kə́ majaĺ ní, banī deē ń rāā kem ngan̄g ní, a əsō kum yá̰á̰ kə́ to kum kaȳ aĺ tə́.

PĀ GƏ̄ 138:6

Kɔ́ɔ̄ɓē ndi i dɔɔ́ sa̰y ɓá tā ba a̰a̰ deē ń tél kə rɔ̄neé kə̄ nang tə́ ngá̰ý ní ō, a̰a̰ nge kɔjə rɔ̄ sa̰y gerə̄n ō.

PĀ GƏ̄ 119:120

m̄-ra ta kumií tə́ anī m̄-ndebə kə̄ rɔ̄ḿ gə̄ tə́ malang, tɔdɔ̄ m̄-ɓōĺ ndílí ō, Ndūí gə̄ ń ī-ra dɔ tə́ yā rāā ní adə̄mə̄n̄ ɓōĺ ō.

IJAI 66:5

Sḭḭ̄ ń ī-taāī najə̄ yā Kɔ́ɔ̄ɓē ō, ī-ɓōlíī gidə najə̄ yān ngá̰ý ō ní, ōōī yá̰á̰ ń Kɔ́ɔ̄ɓē əda ní: Ngákó̰ó̰sí kə́rēý gə̄ ní nel̄də́ sesí aĺ ngá̰ý ō, nin̄ tə̄ɓān̄sí kɔ̄ɔ́ najə̄ yāḿ mā tə́ ō. Nin̄ mbóōn̄ sesí ədan̄ na: Ādə̄ Kɔ́ɔ̄ɓē ɔjə kɔsə gɔn yān kə̄ ndágá, loo ń noō tə́ j-a j-a̰a̰ rɔ̄nel̄ yāsí! Banī i nin̄ n rɔ̄də́ a sɔl̄də́ ngá̰ý ní.

IJAI 61:1

Ndíĺ Kɔ́ɔ̄ɓē Nə́ɓā i dɔḿ tə́. A̰á̰ā̰, ni-ɔr̄ əndām̄ kə rī kəda ngé ndóō gə̄ najə̄ kə́ majə. Ngé gə̄ ń kemdə́ nujə kɔ̄ɔ́ ní, ni əlam̄ ngáādə́ tə́. Ngé gə̄ ń ɔyn̄də́ aw̄n̄ sedə́ dɔ ɓē kə́ rang tə́ dɔ gúú tə́ ní, ni əlam̄ kadə̄ m-ə́dádə́ na: Sḭḭ̄ i kɔ́ɔ̄ rɔ̄sí ō, kadə̄ m-ə́dá ngé gə̄ ń ton̄ dəngáyá ní na: Ā ī-téliī yā ka̰a̰ loo kə́ kadaá gogə́ ō.

ESDRAS 10:3

Ādə̄ j-ənī ndūjí j-adə̄ Nə́ɓā yājí kadə̄ jə-tə̄ɓā dəyá̰ kə́ tə̄rā gə̄ kɔ̄ɔ́ malang kə ngáńdə́ gēé. I beé n j-a j-unəń gō kɔjə̄ yāsí ń ngé ɓōĺ gō míndə Nə́ɓā yājí ō ḭ̄ ō ādījí ní. Ādə̄ i kə́ rāā tītə̄ ń ndū najə̄ ədań ní.

HABAKUK 3:16

M-ōō kōō yá̰á̰ ń noō malang, adə̄ kemḿ nujə sák sák kɔ̄ɔ́. Ɓōĺ rāām̄ adə̄ taḿ ndew ō, rɔ̄ḿ sɔl̄ yélélé ō. Njaḿ əhɔ dɔ nang aĺ ō. m̄-ndi kə taḿ kə́ mbóó m̄-ngóoń ndɔ̄ wur kɔl, yā kadə̄ m-āw̄ m̄-rɔ̄ɔń gír de gə̄ ń ənīn̄jí rɔ̄ɔ̄ ní tə́.

PĀ GƏ̄ 119:161

Ngār gə̄ rāān̄ kumḿ ndoō tə́ kanjə̄ kumən ɓá tā, ba mā m̄-ɓōĺ i najə̄ yāí ngóy.

ESDRAS 9:4

Banī de gə̄ malang ń a oōn̄ najə̄ yā Nə́ɓā yā Israel anī a ndewn̄ i mbéé ní kánə̄n̄ naā kə̄ dɔḿ tə́ najə̄ yā yá̰á̰ kə́ majaĺ ń ngé tél ɓəloó gə̄ rāān̄ ní tə́. Tɔ́gə́ḿ ur̄ wak adə̄ m̄-ndi nang tə́ bátə́ ugə̄ń kum mbang ndējə̄ yá̰á̰ kə́ loo tíbí tə́.

IJAI 40:26

Úniī kumsí kə̄ dɔɔ́ ba á̰a̰ī: I náā n rāā tə́yō̰ gə̄ ní? I náā n rāā adə̄ njə̄rān̄ kə gō naá majə tītə̄ áskar gə̄ beé ní? I nge ɓāŕdə́ malang kə rīdə́ gēé. Ngan̄g yān ō, tɔ́gə ko̰o̰ ɓē yān ō, i ngá̰ý, adə̄ tə́yō̰ kógə̄ḿ kə́ ɓāŕnən̄ banī ni i kə́ gətóó ní gətóo.

KOLOSƏ 1:17

Ni-ndi kété no yá̰a̰ gə̄ tə́ malang ō, yá̰a̰ malang to i kə ta kūl̄neé ō.

KƏLA RĀĀ 9:6

Ba ḭ́ḭ dɔɔ́ údə kem ɓēé, anī a ɔjənī yá̰á̰ ń kadə̄ ī-rāā ní.

MATIYE 12:6

Ba m-ə́dásí na: Yá̰á̰ kə́ tɔȳ loo kə́ táĺ i loo ń toō tə́ laā.

KƏLA RĀĀ 7:50

I jīḿ mā n rāā yá̰a̰ gə̄ ń noō malang ní aĺ a?

Gōsə̄ najə̄ gə̄ 29:23

Kɔjə rɔ̄ yā deē a əla rɔ̄sɔl̄ dɔn tə́, banī deē ń kɔjə rɔ̄ gətóo kemən tə́ ní a rɔȳnən̄.

OJEE 11:10

De gə̄ ń ɔyn̄də́ aw̄n̄ sedə́ dɔ ɓē kə́ rang tə́ dɔ gúú tə́ ní, njə̄rān̄ kumdə́ kə̄ kété, nin̄ unən̄ gō Kɔ́ɔ̄ɓē, kə́ nge nōō tītə̄ ɓɔl beé. Dan ń ngánən kə́ no ɓē tə́ gə̄ oōn̄ nōōn anī, reēn̄ kə rɔ̄ ndebeé.

MISE 6:8

Kɔ́ɔ̄ɓē rāā adə̄ ī-ger̄ yá̰á̰ kə́ majə. Yá̰á̰ ń ni-dəje deē ndul gə̄ malang kadə̄ rāān̄ ní n toó: I rāā yá̰á̰ kə́ gōtə́ ō, i kadə̄ nel̄ deē rāā kem majə ō, i kadə̄ deē ndi kə Nə́ɓā yānneé kanjə̄ kɔjə rɔ̄n ō.

1 MBAN̄G GƏ̄ 21:29

Á̰á̰ téĺ ń Akab tél kə rɔ̄neé kə̄ nang tə́ ta kumḿ tə́ ní a? Dan ń ni-tél kə rɔ̄neé kə̄ nang tə́ beē ɓá ní, m-ā m-ādə̄ yá̰á̰ kə́ to kum kaȳ aĺ a rāā de gə̄ kə́ gír kojə yān tə́ ɓāl̄ yān tə́ alé, banī m-ā m-ādə̄ a rāādə́ i ɓāl̄ yā ngōnən tə́.

2 MBAN̄G 22:10

Gō tə́ anī Sapan əda na Hilkia ngol ngé tun̄ yá̰a̰ gə̄ na adə̄n makətūbə̄ ń toō. Sapan tə́da makətūbə̄ ní adə̄ mban̄g.

2 MBAN̄G 22:11

Dan ń mban̄g oō najə̄ kə́ kem makətūbə̄ ndū najə̄ tə́ oy anī, rə́yā̰ kūbə̄ gə̄ kə́ rɔ̄n tə́.

PĀ GƏ̄ 51:19

Yá̰a̰ tun̄ ń Nə́ɓā ndigə ní i de kə́ dɔn tetə ká káláńg. Nə́ɓā! Deē ń kə̄ngān tétə̄ rárák kɔ̄ɔ́ ō, kemən tɔ̄ɔ̄ táḿ táḿ kɔ̄ɔ́ ō ní, ī-mbātə́n alé.

IJAI 41:20

Loo ń noō tə́ de gə̄ malang a a̰a̰n̄ yá̰á̰ ń toō: I Kɔ́ɔ̄ɓē n rāā yá̰a̰ gə̄ ń noō adə̄ udə gírí ní, i Nə́ɓā kə́ táĺ yā Israel rāādə́ ní. De gə̄ malang a gerə̄n̄. Nin̄ malang a əndān̄ kumdə́ gírí ō, a gerə̄n̄ kum ō.