IJAI 66:16 - Bibəl ta Sar̄

¹⁶ A̰á̰ā̰, Kɔ́ɔ̄ɓē reē i gān̄g saryaá dɔ deē ndul gə̄ tə́ malang kə horoó ō, kə kaskaraá ō. Yo a to ngá̰ý.

Bible sar

¹⁶ A̰á̰ā̰, Kɔ́ɔ̄ɓē reē i gān̄g saryaá dɔ deē ndul gə̄ tə́ malang kə horoó ō, kə kaskaraá ō. Yo a to ngá̰ý.

IJAI 66:16 Referans Kwoze

IJAI 30:30

Kɔ́ɔ̄ɓē a rāā kadə̄ de gə̄ a oōn̄ ndūn kə́ to ɓōĺ ngá̰ý ō, ni a rāā kadə̄ de gə̄ a a̰a̰n̄ tɔ́gə jīn ō. Ni a ɔjə wōn̄g yān kə́ ngá̰ý kə̄ ndágá dan ndo̰ hor kə́ a o̰o̰ tə́ ō, a dān̄ gō kə nél man̄ kə́ əla kə ngangá ngá̰ý ō, kə man̄ kə́ edə kə kɔ̄sɔ̄ɔ́ ō.

IJAI 27:1

Ndɔ̄ ngeé ń noō tə́ ní, Kɔ́ɔ̄ɓē a un kaskar yān kə́ bo ō, to ɓōĺ ō, ngan̄g ō, yā rāań yá̰á̰ kə́ tōr̄ kə Lebiatan ń i lī kə́ nge ka̰ȳ ní, Lebiatan ń i lī kə́ kumən edə̄ ngá̰ý ní. Ba dā̰ kə́ majaĺ ngá̰ý kə́ kum bā bo tə́ ngeé ń toō ní a tɔ̄lən.

IJAI 3:13

Kɔ́ɔ̄ɓē əndā dɔ rɔ̄n danaá kɔ̄ɔ́ yā rāā sarya, ni-ḭḭ ra kə njan kə́ dɔɔ́ yā gān̄g sarya dɔ gír deē yān gə̄ tə́.

IJAI 10:4

Yá̰á̰ ń sḭḭ̄ ásiī rāā ní, i rugə nang tə́ dan dəngáy gə̄ tə́, aláa i kəsō nang tə́ dan nīń gə̄ tə́ ngóy. Nge ń noō gə̄gē rāā adə̄ wōn̄g yā Kɔ́ɔ̄ɓē tetə alé, jīn kə́ ɓir̄ i kə́ kəla kə̄ dɔɔ́ ɓáý.

IJAI 31:8

A tə́gān̄ Asiri gə̄ kə kaskaraá adə̄ ni a əsōn̄, ba kaskar ní tá i yā de gə̄ alé. Kaskar ń a nujən ní i yā deē ndul alé. Asiri gə̄ a a̰ȳn̄ naā no kaskar ní tə́ ō, balsáa yādə́ kə́ ngé rɔ̄ɔ̄ gə̄ a rāān̄ kəla ngámba dɔ gúú tə́ ō.

IJAI 65:12

I beé ní, m-ā m-ə́lásí kem jī madə̄ ba̰ā̰sí gə̄ tə́. Ā ɔ́siī kejəsí nang tə́ malang kadə̄ a əjan̄ míndə́sí. Tām̄ m̄-ɓāŕ yá̰a̰, banī sḭḭ̄ ī-ndigiī alé. Mā m-ɔ̄r̄ najə̄, banī sḭḭ̄ ōōī alé. Sḭḭ̄ ī-rāāī yá̰á̰ kə́ majaĺ ta kumḿ tə́, i yá̰á̰ ń nelə̄m̄ aĺ ní, sḭḭ̄ ī-gə̄rāī ní.

JEREMI 25:31

Kōn ɓār̄ bátə́ ugə̄ ta ngóy dɔ nang tə́, tɔdɔ̄ Kɔ́ɔ̄ɓē nējə̄n̄ naā najə̄ tə́ kə nápar de gēé, ni-rāā sarya kə de gēé kógə̄ḿ kógə̄ḿ. Əya̰ de gə̄ ń najə̄ i dɔdə́ tə́ ní adə̄ oyn̄ yo kaskar. Najə̄ ń Kɔ́ɔ̄ɓē əda ní n noó.

JEREMI 25:33

Əla gír dām̄ dɔ nang kógə̄ḿ tə́ bátə́ gān̄g kə́ noō tə́ ní, de gə̄ a əndān̄ yo ngé gə̄ ń Kɔ́ɔ̄ɓē a tɔldə́ ní, ndɔ̄ ń noō tə́ alé. De gə̄ a ɔyn̄də́ yā dubə̄də́ alé, adə̄ a télən̄ dɔ bū loo kə́ dɔ nang tə́.

JEREMI 45:5

Ḭ̄ ī-sāā rāā yá̰á̰ kə́ bo ngá̰ý gə̄ ní, ī-lōō gír̄ dɔ tə́ to̰. M-ā m̄-rāā kadə̄ yá̰á̰ kə́ to kum kaȳ aĺ əsō dɔ de gə̄ tə́ malang, banī m-ā m-ādə̄ ā ī-teē ta yo tə́, loo malang ń ā āw̄ tū tə́ ní tə́. Najə̄ ń Kɔ́ɔ̄ɓē əda ní n noó.

JEREMI 46:15

I rí kə́ beē, Apis a̰ȳ kɔ̄ɔ́, bəra man̄g yāí ra gotoó alé. Kɔ́ɔ̄ɓē mbəren kə̄ gogə́,

EJEKIEL 5:15

M-ā m-ún sarya gāngə̄ḿ yā rāań yá̰a̰ seneé kə wōn̄g kə́ ngá̰ý ō, m-ā m̄-kɔ̄l̄ seneé kɔ̄l̄ kə́ to ɓōĺ ngá̰ý ō. Nápar de gə̄ ń ndin̄ gīrə̄n̄ gidə ɓē kə́ Jerusalem ní a əgōn̄ ɓē ní ō, a tájə̄nən̄ ō. Banī ɓē kə́ Jerusalem a tél i tāā kə́ tām̄ yādə́ nin̄ tə́ ō, a tél i yá̰á̰ kə́ a rāādə́ kə ɓōló ngá̰ý ō. I mā Kɔ́ɔ̄ɓē n m-ɔ̄r̄ najə̄ noō ní.

EJEKIEL 38:17

Najə̄ ń mā Kɔ́ɔ̄ɓē Nə́ɓā m-ə́dá ní n toó: Kété ní m-ɔ̄r̄ najə̄ yāí i kə ta kūl̄ ngé kəla yāḿ gə̄ ń i ngé koō ta gə̄ kə́ Israel tə́ ní. Asə ɓāl̄ ngá̰ý kɔ̄ɔ́ ta n nin̄ a ədanə̄ń na m-ā m-ə́laī kənī gír deē yāḿ gə̄ rɔ̄ɔ̄ tə́ ní.

JOEL 3:2

Kem ndɔ̄ gə̄ ngeé ń noō tə́ ní, m-ā m̄-rāā kadə̄ Ndílə́ḿ risə dɔ ngé kəla kə́ dəngam gə̄ tə́ ō, dɔ ngé kəla kə́ dəyá̰ gə̄ tə́ ō.

AMOS 7:4

Yá̰á̰ ń Kɔ́ɔ̄ɓē Nə́ɓā rāā adə̄ m-á̰a̰ā̰ ɓáý to̰ ní n toó: Ni sāā gān̄g sarya kógə̄ḿ kə horoó. Loo təngā rāā adə̄ man̄ kə́ gíŕ nángāá iī kɔ̄ɔ́ ō, loo təngā ní əla hor dɔ ɓē kə́ Israel tə́ ō.

NAHUM 3:3

Ngé kal̄ sə́nda gə̄ ɔrə̄n̄ rɔ̄də́ dɔɔ́. Yá̰a̰ rɔ̄ɔ̄ gə̄ ndə́lēn̄ pipir tītə̄ ta ndo̰o̰ hor gə̄ beé. Nənga gə̄ ndə́lēn̄ pipir tītə̄ hor kə́ kə́rā beé. Loo malang i nīń. Nīń de gə̄ to kə̄ dɔ naā tə́. De kə́ asə tə́da kutədə́ gətóo. Nīń de gə̄ tə́gā nja áskar gə̄!

NAHUM 3:15

Banī ā óyiī yo hor kə́ o̰o̰sí, aláa yo tɔ̄l̄ kə́ tɔ̄lə̄n̄sí ta rɔ̄ɔ̄ tə́. Madə̄ ba̰ā̰sí gə̄ a əsan̄sí tītə̄ yim̄ gə̄ kə́ əsan̄ yá̰a̰ malang kɔ̄ɔ́ beé. Ḭ̄ ɓē kə́ Ninibə, de kə́ kemií tə́ gə̄ ton̄ i tītə̄ yim̄ gə̄ beé, kutədə́ i ngá̰ý.

JAKARI 14:5

Wól loo kə́ dan mbal̄ gə̄ tə́ ngeé ń toō, ā ī-teēī i tū tə́ n ā ā̰yīnń naā ní. Tɔdɔ̄ wól loo ní a to bátə́ ta kaw̄ kə̄ Asal. Ā ā̰yī naā i tītə̄ ń kaasí gə̄ a̰ȳnəń naā ɓāl̄ yā Ojias mban̄g kə́ Juda tə́, ndɔ̄ ń dɔ nang ndewń tə́ ní. Loo ń noō tə́ Kɔ́ɔ̄ɓē Nə́ɓā yāḿ a reē, naā tə́ kə de kə́ dɔ rā̰ tə́ gə̄ malang ń a rāān̄ kəla yān ní.

IJAI 34:2

Wōn̄g rāā Kɔ́ɔ̄ɓē kə nápar de gə̄ malang, wōn̄g rāān kə ɓūtə̄ yādə́ malang. Ni gḛy nujə sedə́ kɔ̄ɔ́ malang. Ni-aw̄ sedə́ loo tɔ̄l̄də́ tə́.

EJEKIEL 28:18

Dan ń ā ī-rāań gātə̄ yāí gə̄ tə́ ní, ḭ̄ ā ī-rāā i yá̰á̰ kə́ gōtə́ aĺ tá dejə ō, ḭ̄ i de kə́ rɔ̄kum aĺ ō. I tītə̄ ń noō n ī-kídəń loo kə́ táĺ yāí gə̄ ní. I tām̄ najə̄ ń toō tə́ n m̄-rāā hor kógə̄ḿ kə́ a nujiī kɔ̄ɔ́ kem ɓē yāí tə́ ní. M-ā m̄-rāāī kadə̄ ā ī-tél bū hor ta kum de gə̄ malang ra a a̰a̰īn̄ tə́ ní.