IJAI 66:11 - Bibəl ta Sar̄

¹¹ Loo ń noō tə́ ni a adə̄sí tɔ́gə gogə́. Ā ī-ndānī tītə̄ ngáń kásə̄ gə̄ kə́ ilən̄ mba kó̰ó̰də́ kə́ a̰ȳ ngá̰ý kə rɔ̄nelēé beē.

Bible sar

¹¹ Loo ń noō tə́ ni a adə̄sí tɔ́gə gogə́. Ā ī-ndānī tītə̄ ngáń kásə̄ gə̄ kə́ ilən̄ mba kó̰ó̰də́ kə́ a̰ȳ ngá̰ý kə rɔ̄nelēé beē.

IJAI 66:11 Referans Kwoze

IJAI 60:16

Ā ūl̄ rɔ̄í kə mba yā nápar de kə́ rang gə̄, ā ə́sá yá̰a̰ kənge gə̄ yā mban̄g yādə́ gə̄. Loo ń noō tə́ ā á̰á̰ yá̰á̰ ń toō yā ger̄: Nge kajií i mā Kɔ́ɔ̄ɓē. Nge gān̄g dɔí i Nə́ɓā kə́ tɔ́gən i ngá̰ý yā Jakob.

IJAI 60:5

Dan ń á̰á̰ yá̰á̰ ń noō anī, rɔ̄nel̄ a rāā kadə̄ ta kumií a ndə́lē ō, dan wurií a ndām̄ ndām̄ rɔ̄nel̄ ō. Tām̄ yá̰a̰ kənge gə̄ kə́ kum bā bo tə́ a reēn̄ yā kugə̄ ɓēé looí, yá̰a̰ kənge kə́ to loo ɓɔ̄ɔ̄ tə́ gə̄ yā nápar de gə̄ a reēn̄ bátə́ yā kugə̄ looí, ḭ̄ Jerusalem.

PĀ GƏ̄ 36:8

Nə́ɓā, kem majə yāí i yá̰á̰ kə́ majə ngá̰ý! De gə̄ sāān̄ loo ɓɔ̄ɔ̄ rɔ̄ yādə́ i gír bɔ̄gīí tə́.

1 PIYER 2:2

Majə kadə̄ ī-toī tītə̄ ngáń kásə̄ gə̄ beé, ādī ɓō mba kə́ unjə̄ njáý njáý ń i Najə̄ yā Nə́ɓā ní rāāsí. Yā kadə̄ ré ā̰yī anī ī-tɔgiī tām̄ yā kajə tə́.

IJAI 49:23

Mban̄g gə̄ a ətōn̄ ngání gə̄, ngáń kə́ dəyá̰ yā mban̄g gə̄ a adə̄n̄də́ yá̰a̰ kəsa. Nin̄ a ɔsən̄ kejədə́ nang tə́ noí tə́, a ɔsən̄ nodə́ nang tə́. Nin̄ a tō̰nə́n̄ bumbə́rú kə́ njaí tə́. Loo ń noō tə́ ā ī-ger̄ kadə̄ mā i Kɔ́ɔ̄ɓē ō, ngé gə̄ ń əndān̄ kemdə́ dɔḿ tə́ ní, rɔ̄də́ a sɔl̄də́ aĺ ō.

IJAI 60:1

Jerusalem, ḭ́ḭ dɔɔ́! Ādə̄ hor gə̄ rāān̄ adə̄ loo unjə̄ kow dɔí tə́, tɔdɔ̄ loo kə́ unjə̄ kow ḭḭ nang tə́ kum kə̄ dɔɔ́ tām̄ yāí tə́: Kɔsə gɔn yā Kɔ́ɔ̄ɓē unjə̄ dɔí tə́ tītə̄ mbang kə́ əɓa beé.

IJAI 60:2

Á̰a̰ā̰, loo kə́ ndɔ̄ɔ́ taā loo dɔ nang tə́ malang, kə́ tuú tu kógə̄ḿ utə̄ dɔ gír de gə̄. Banī Kɔ́ɔ̄ɓē ḭḭ dɔɔ́ dɔí tə́ ō, kɔsə gɔn yān unjə̄ kow dɔí tə́ ō.

IJAI 62:2

Loo ń noō tə́ nápar de gə̄ malang a a̰a̰n̄ kadə̄ Kɔ́ɔ̄ɓē ajiī ō, mban̄g gə̄ malang a a̰a̰n̄ kɔsə kə́ ɔsən̄ gɔnií ō. Loo ń noō tə́ ā ə́nge rī kə́ kijə ń Kɔ́ɔ̄ɓē a gə̄rā ní.