IJAI 64:9 - Bibəl ta Sar̄

⁹ Ɓē yāí kə́ táĺ gə̄ ní de gə̄ i kemeé to̰ alé, Jerusalem tél i dəla loo, Siyo̰ i kɔkərɔ kə́ ra dɔ naā tə́ bing kə́ əya̰n̄ kɔ̄ɔ́.

Bible sar

⁹ Ɓē yāí kə́ *táĺ gə̄ ní de gə̄ i kemeé to̰ alé, Jerusalem tél i dəla loo, *Siyo̰ i kɔkərɔ kə́ ra dɔ naā tə́ bing kə́ əya̰n̄ kɔ̄ɔ́.

IJAI 64:9 Referans Kwoze

PĀ GƏ̄ 79:13

Loo ń noō tə́ jḭḭ ń i gír deē yāí gə̄ á i yá̰a̰ kul̄ gə̄ kə́ i ḭ̄ n i nge kaw̄ sedə́ dɔ mu tə́ ní, j-a j-asə kɔsə gɔnií ngándáńg ō, ɓōkíī tɔ̄ȳ kə dɔ ɓāl̄ gə̄ ō.

JEJU TEĒ KUM JA̰A̰ 20:10

Diabəl ń rāādə́ adə̄ ndúmə̄n̄ ní, ənīnən̄ kum bundūm̄ hor bursu tə́ loo ń dā̰ ō, nge koō ta kə́ rɔ̄kum aĺ ō i tū tə́ ní tə́. Yá̰á̰ kə́ tōr̄ a rāādə́ kadaá ō, ndɔ̄ɔ́ ō, kə dɔ ɓāl̄ gə̄ ɓāl̄ gə̄.

2 PIYER 2:17

Ngé ndóō de gə̄ yá̰á̰ kə́ rɔ̄kum aĺ gə̄ ngeé ń toō ton̄ i tītə̄ ta kəɓa man̄ kə́ man̄ gətóo tū tə́ beē ō, ton̄ i tītə̄ kil̄ man̄ gə̄ kə́ nél man̄ ɔr̄də́ kɔ̄ɔ́ beé ō. Nə́ɓā ngɔ̄m̄ loo kə́ risə til nding tām̄ yādə́ tə́.

MALASI 1:4

De gə̄ ngeé gə̄ ń noō ń i Edom gə̄ ní, majanī a ədan̄ na: Rējēn̄jí, banī ɓē yājí gə̄ ń nujənə̄ń sák sák kɔ̄ɔ́ ní, j-a jə-tél yā rāā gogə́ rang. Yá̰á̰ ń mā Kɔ́ɔ̄ɓē kə́ bo kə́ tɔ́gə́ḿ i ngá̰ý m-ə́dá ní n toó: Nin̄ asən̄ tél rāā gogə́ tā, ba yá̰á̰ ń nin̄ a rāān̄ ní, m-ā m̄-nujəń kɔ̄ɔ́! A ɓārə́n̄də́ na i Ɓē yā de kə́ majaĺ gə̄ ō, i Gír de gə̄ kə́ Kɔ́ɔ̄ɓē rāā wōn̄g sedə́ kanjə̄ dəba ō.

HABAKUK 3:2

Kɔ́ɔ̄ɓē, kəla rāāí kə́ bo bo gə̄ ní, m-ōō gotə. Kɔ́ɔ̄ɓē, dan ń m-ōō ní, m̄-ndew. Ī-rāā yá̰á̰ kə́ tītə̄ ń noō gə̄ dan ndijí kə kumjí tə́ ō, ī-rāā adə̄ de gə̄ gerə̄n̄də́ dan ndijí kə kumjí tə́ ō. Ká ré wōn̄g rāāī gə̄gē anī, ādə̄ əga kemií dɔ tár yāí tə́.

NŌŌ RƆ̄ 5:20

I tām̄ rí tə́ á dɔí ndígə̄nal dɔjí tə́ kə̄ noí tə́ ō, ə́yá̰jí kɔ̄ɔ́ dəloí bátə́ mbang udə ō, i kə dɔ ndɔ̄ gə̄ ō ní?

JEREMI 10:24

Kɔ́ɔ̄ɓē, ə́ndam̄, banī ādə̄ i kə looneé tá. ī-lōō kəndam̄ kə wōngōó na sōgə́ ī-rāām̄ ādə̄ m̄-to yá̰a̰ alé.

JEREMI 3:12

Āw̄, ə̄nī mbēr̄ ń toō dām̄ mbɔ́r ɓē kə́ ko̰ó̰ tə́ ə́da na: Israel kə́ nge túy taā kem yān, ī-tél ī-reē tā. Najə̄ ń Kɔ́ɔ̄ɓē əda ní n noó. Ndíĺsí a a̰ȳ ta kumḿ tə́ to̰ alé. Rɔ̄kum, mā i de kə́ sew. M-ā m̄-rāā wōn̄g sesí kə́ njɔ́ḿ gə̄ tə́ alé. Najə̄ ń Kɔ́ɔ̄ɓē əda ní n noó.

IJAI 63:19

Əla gír i jóó ngá̰ý n to tītə̄ kə́ ḭ̄ i mban̄g yājí to̰ aĺ ō, rīí i dɔjí tə́ to̰ aĺ ō ní. Aa! Ré ī-rə̄yā̰ dɔ rā̰ ba ī-risə nang tə́ anī! Mbal̄ bo gə̄ a ndewn̄ noí tə́.

IJAI 60:10

Kɔ́ɔ̄ɓē əda Jerusalem na: Tə̄rā gə̄ a télən̄ yā kəndā ndogə̄ mbal̄ yāí gogə́, mban̄g yādə́ gə̄ a rāān̄ kəla yāí. Kété wōn̄g rāām̄ adə̄ m-ə́ndaī, banī m-ɔ́jiī tár yāḿ sɔɔ̄ń kem majə yāḿ.

IJAI 57:17

Israel rāā yá̰a̰ adə̄ najə̄ i dɔn tə́, kə ta kūl̄ gḛy yá̰a̰ malang sɔɔ̄ń ngurən. Nge ń noō rāā adə̄ wōn̄g rāām̄ ō, dan ń wōn̄g rāām̄ ní, m-ə́ndan ō. Kété ní m̄-ndigə ka̰a̰n to̰ alé. Tá ni dum̄ naā ngá̰ý, adə̄ ni na̰y kə̄ loo kun róbə yān nəkɔ́ tə́.

IJAI 43:25

Tá i mā, a̰á̰ā̰, i mā n i nge mā̰ȳ rɔ̄ḿ dɔ yá̰a̰ rāāí gə̄ kə́ gōtə́ aĺ tə́ ní, i tɔdɔ̄ i mə̄kɔ́ n m̄-ndigə ō, a əga kemḿ dɔ tə́ to̰ aĺ ō.

PĀ GƏ̄ 119:94

Mā i yāí, ájəm̄, tɔdɔ̄ m̄-sāā yá̰a̰ gə̄ ń ī-ra kə de gēé ta rāā ní.

PĀ GƏ̄ 38:1

Pā yā Dabid kə́ yā terə̄ń kem Nə́ɓā dɔn tə́.

PĀ GƏ̄ 6:1

Pā kə́ kem makətūbə̄ yā ngār yā gōsə̄ pā gə̄ tə́. A dānə̄n̄ gō i kə kənde kə́ kəlān i sɔ́sɔ́. I pā yā Dabid.

IJAI 63:8

Ni-ɔr̄ najə̄ yā de gə̄ yā Israel, əda na: Nin̄ i gír deē yāḿ gə̄, i ngánə́ḿ gə̄, nin̄ a gól̄mə̄n̄ aĺ ō, kété ni i nge kajədə́.

JEREMI 44:21

Yá̰a̰ ndējə̄ gə̄ ń sḭḭ̄ ō, kaasí gə̄ ō, mban̄g yāsí gə̄ ō, de kə́ bo yāsí gə̄ ō, gír de gə̄ kə́ kem ɓēé ō, ī-róōī kem ɓē gə̄ kə́ Juda tə́ ō, dɔ kə̄lá róbə gə̄ kə́ Jerusalem tə́ ō ní, Kɔ́ɔ̄ɓē ger̄ gō aĺ a? Əga kemən dɔ tə́ aĺ a?

NŌŌ RƆ̄ 5:22

Ā ī-mbātə́jí kɔ̄ɔ́ i kə́ njɔ́ḿ gə̄ tə́ a? Wōn̄g rāāī sejí adə̄ al̄ naā!

EJEKIEL 29:16

Yá̰á̰ kə́ kadə̄ ngán Israel gə̄ əndānəń kemdə́ dɔdə́ tə́ to̰ a gətóo. Nin̄ a rāān̄ majaĺ ń i tūr̄ rɔ̄də́ kə̄ rɔ̄ de gə̄ kə́ Ejiptə tə́ ní to̰ alé. Loo ń noō tə́ de gə̄ malang a gerə̄n̄ kadə̄ Kɔ́ɔ̄ɓē i mā.

LEBI GƏ̄ 26:31

M-ā m̄-rāā kadə̄ ɓē bo yāsí gə̄ télən̄ ndəba ɓē ō, m-ā m̄-nujə loo kə́ táĺ yāsí gə̄ kɔ̄ɔ́ ō, m-ā m̄-sír̄ sēē ndujə̄ yá̰á̰ kə́ kotə majə yāsí gə̄ ń a sɔlə̄n̄ kemḿ ní to̰ aĺ ō.

2 MBAN̄G 25:9

Ni-əla hor dɔ kújə yā Kɔ́ɔ̄ɓē tə́ ō, kújə yā mban̄g tə́ ō, kújə gə̄ kə́ kem ɓēé tə́ ō, ba mandang ní ni tə́la hor i dɔ kújə yā de kə́ bo gə̄ tə́ malang.

IJAI 63:18

Jḭḭ ń i gír deē yāí kə́ táĺ gə̄ ní, j-ənge dɔ nang yá̰a̰ ndəbā tə́ dan i ngá̰ý alé. Madə̄ ba̰ā̰jí gə̄ rāān̄ loo yāí kə́ táĺ adə̄ téĺ kə́ yḛr kɔ̄ɔ́.

NŌŌ RƆ̄ 2:7

Kɔ́ɔ̄ɓē mbātə́ loo tun̄ yá̰a̰ yān ō, kídə̄ loo kə́ táĺ yān ō. Ni-əla ndogə̄ mbal̄ gə̄ kə́ gidə kújə́ kə́ majə ngá̰ý gə̄ kə́ Siyo̰ tə́ kem jī madə̄ ba̰ā̰n tə́. Ndū de gə̄ ɓār̄ ngá̰ý kem kújə yā Kɔ́ɔ̄ɓē tə́, tītə̄ kə́ ndɔ̄ rāā nāā tə́ beē.

NŌŌ RƆ̄ 5:18

I tɔdɔ̄ mbal̄ Siyo̰ tél loo kə́ nujə kɔ̄ɔ́ ō, loo kə́ tal̄ gə̄ a njə̄rān̄ tū tə́ ō.